Morgunblaðið - 22.02.2002, Blaðsíða 7

DAGLEGT LÍF
MORGUNBLAÐIÐ FÖSTUDAGUR 22. FEBRÚAR 2002 B 7
ÞAU Bjarki og Arsineh hitt-ust í Melbourne í Ástralíuþar sem þau stunduðunám í ljósmyndun við
Photography Studies College.
Bjarki Reyr hafði um tíma leitað
að góðum skóla út um allan heim.
Hann hafði stundað ljósmyndun í
nokkur ár og er ekki einn um það í
fjölskyldunni því bróðir hans er
ljósmyndari og faðir hans tók einn-
ig mikið af myndum. Það þótti því
ekki óeðlilegt að hann vildi leggja
stund á ljósmyndun. Hins vegar
segist Bjarki hafa haft áhuga á að
gera eitthvað óvenjulegt og æv-
intýralegt.
Vissi ekkert um Ástralíu
„Ég leitaði einkum að skólum í
Evrópu og Bandaríkjunum, en
sendi einnig umsóknir til nokkurra
skóla í Ástralíu. Ég fékk áhuga-
verðar upplýsingar þaðan og ákvað
að skella mér þangað þrátt fyrir að
ég vissi ekkert um Ástralíu.“
Arsineh Houspian er aftur á
móti frá Ástralíu og hafði búið í
Melbourne í tuttugu ár. Fjölskylda
hennar er ekki mjög listræn eins
og hún orðar það og því þótti það
svolítið skrítið að hún skyldi velja
sér þessa grein. „Nú nýt ég mikils
stuðnings frá henni þótt þeim hafi í
fyrstu ekki fundist ljósmyndun
vera alvöru vinna,“ segir hún. „Ég
hafði mjög mikinn áhuga á ljós-
myndun. Fyrst í stað tók ég mynd-
ir svo ég gleymdi ekki ákveðnum
atburðum og upplifunum. Þetta er
eflaust ástæðan fyrir því að ég hef
mjög mikinn áhuga á heimildaljós-
myndun.“
Þegar Arsineh útskrifaðist úr
skólanum árið 2000 hlaut hún verð-
laun fyrir bestu möppu frétta- og
heimildaljósmynda. Bjarki sér-
hæfði sig einnig í frétta og heim-
ildaljósmyndun í sínu námi og
hlaut einnig verðlaun, þegar hann
útskrifaðist á sama tíma, fyrir góð-
an námsárangur.
Sýning þeirra í Straumi er fyrsta
sýningin sem þau halda hér á landi.
Í Ástralíu hefur Bjarki haldið
einkasýningar og þau hafa tvisvar
sýnt saman auk þess að taka þátt í
samsýningum með fleirum. Meðal
annars sýndu þau saman fyrir upp-
haf síðustu annarinnar í skólanum.
Þau höfðu safnað myndum í möpp-
ur og ákváðu að sýna afraksturinn
á ljósmyndasýningu. Þau fóru því
af stað til að fjármagna sýninguna
og fengu mjög góðar undirtektir
því mikill áhugi er á að hjálpa nem-
endum að koma sér á framfæri.
Meðal stuðningsaðila voru fyrir-
tæki eins og Ilford og Polaroid.
Langt á milli
áhugaverðra staða
Á þessari sýningu sýndu þau
myndir frá Ástralíu. Bjarki hafði
tekið myndir á frægum ferða-
mannastöðum í Ástralíu og lagt
áherslu á að mynda fólkið og
hvernig upplifun þess var.
Þau Bjarki og Arsineh segja
ferðamennskuna orðna mun þró-
aðri í Ástralíu en hér og mun
skipulagðari. Því sé ferðamönnum
nánast undantekningarlaust beint
á ákveðna staði sem byggðir hafa
verið sérstaklega upp til að taka á
móti þeim.
„Það er svo gerólíkt að taka
myndir hér og í Ástralíu,“ segir
Arsineh. „Í Ástralíu þarftu að
ferðast lengi, jafnvel dögum sam-
an, áður en landslagið breytist.
Hér þarftu kannski að aka í hálf-
tíma og ert þá kominn í algjörlega
nýtt umhverfi.“
„Kannski felst aðalmunurinn þó í
fólkinu sjálfu,“ bætir Bjarki við.
„Ef þú ferðast úti á landsbyggðinni
í Ástralíu má finna þar mjög litrík-
ar persónur. Þetta er oft feimið
fólk en er samt það sjálft. Það er
mjög gaman að taka myndir af
fólkinu og auðveldara en að ferðast
um langan veg til að mynda sér-
stakt landslag.“
Arsineh finnst áberandi hvað
veðrið hefur mikil áhrif á fólkið hér
á landi og jafnvel stjórnar því.
„Mér finnst Íslendingar svolítið
harðir, en sterkir andlega. Fólkið
er frekar lokað en maður kynnist
því á endanum,“ segir hún.
Áhugavert að bera löndin
saman með myndum
Bjarki hefur mikinn áhuga á að
bera saman þessi tvö ólíku lönd,
bæði landið sjálft og fólkið, og sýna
samanburðinn með myndum. Hann
vonast til að geta snúið sér að slíku
verkefni í framtíðinni.
En það er Ísland sem er við-
fangsefni á sýningunni þeirra í
Straumi. Þau ferðuðust um landið
og komu bæði við á hefðbundum
ferðamannastöðum og öðrum stöð-
um. Arsineh segir að myndirnar á
sýningunni séu þó alls ekki hefð-
bundnar landslagsmyndir. Bjarki
segir myndirnar raunsæjar og ef
til vill líti þau viðfangsefnið öðrum
augum en Íslendingar þar sem
þetta sé í fyrsta sinn sem hún kem-
ur hingað og hann hafi ekki búið
hér í þrjú ár og sjái land og þjóð
með svolítið öðrum augum en áður
en hann fór. Þau segja myndir sín-
ar oft mjög ólíkar þó þau myndi
sömu viðfangsefnin.
„Ég held að Raufarhöfn hafi haft
mest áhrif á mig,“ segir Bjarki og
finnst hún gott dæmi um stað sem
alls ekki er dæmigerður ferða-
mannastaður. „Eftir að hafa farið í
nokkrar styttri ferðir ákváðum við
að fara í eina langa sem tók 44
daga. Við fórum um allt land og
stoppuðum víða. Fyrst á Austfirði,
þaðan á Melrakkasléttu og Rauf-
arhöfn. Síðan í Skagafjörðinn og
eftir það á Hornstrandir og svo á
hálendið.
„Þótt ótrúlegt megi virðast hef
ég samt ekki enn komist til að sjá
Geysi,“ bætir Arsineh við.
Þrátt fyrir að Bjarki hafi ferðast
þó nokkuð um landið áður segist
hann alltaf upplifa eitthvað nýtt.
Arsineh segist aftur á móti hafa
búist við allt öðru. Hún hafi þó séð
margar myndir frá Íslandi.
„Í fyrstu varð ég fyrir léttu áfalli
vegna veðursins. Mér fannst svo
hræðilega kalt og það rigndi enda-
laust. Loksins þegar sólin kom
fram var eins og landið sjálft lifn-
aði við. Í fyrstu tók ég ekki mynda-
vélina einu sinni upp. Smám saman
vandist maður því sem maður sá og
smám saman uppgötvaði ég hvað
ég vildi sjá“.
Á sýningunni eru eingöngu
svart/hvítar myndir. Bjarki segist
nota svart/hvítar og litmyndir jöfn-
um höndum. Það ráðist svolítið af
viðfangsefninu. Honum finnst oft
meira spennandi að taka svart/
hvítar myndir þegar hann myndar
mannlíf. Arsineh segist hafa meiri
tilhneigingu til að taka svart/hvítar
myndir. Hún segist ekki vita hvers
vegna. Þó taki hún einnig töluvert
af litmyndum.
Þau Bjarki og Arsineh hafa búið
á Íslandi frá því síðastliðið sumar
en hafa áhuga á að fara næsta
haust til framhaldsnáms í Ástralíu
og ljúka gráðu í ljósmyndun. Ekki
segjast þau hafa ákveðið að setjast
að í Ástralíu heldur ætla þau að sjá
til. Þau langar að ferðast um heim-
inn til að taka myndir. „Ætli við
förum ekki þangað sem myndavél-
in leiðir okkur,“ sagði Arsineh.
Sýningin í Straumi stendur til 3.
mars og er opin frá kl. 11.00 til
19.00 Síðasta daginn kl. 15.00 spil-
ar tónlistarmaðurinn Busby á ástr-
alska hljóðfærið Didgeridoo fyrir
sýningargesti.
Ólíkt að mynda
hér og þar
Ljósmyndararnir
Bjarki Reyr Ás-
mundsson og Ars-
ineh Houspian sögðu
Ásdísi Haralds-
dóttur frá námi sínu
í Ástralíu og ólíkri
reynslu sinni af ferð
um Ísland. Afrakstur
ferðarinnar má sjá á
sýningu í Straumi við
Hafnarfjörð.
Ljósmynd/Arsineh Houspian Ljósmynd/Arsineh Houspian
Raufarhöfn
Ljósmynd/Bjarki Reyr Ásmundsson
Morgunblaðið/Sverrir
Ljósmyndararnir Bjarki Reyr Ásmundsson og Arsineh Houspian.
Aldeyjarfoss
Straumnessfjall, Hornstrandir
Ljósmynd/Bjarki Reyr Ásmundsson
Laufskálarétt
Allt í svart/hvítu
E-400
FRÁ
100% náttúrulegt
E vítamín fyrir alla.
MeðG P gæðaöryggi.
FRÍHÖFNIN
H
á
g
æ
ð
a
fra
m
le
ið
sla