Morgunblaðið - 12.03.2002, Page 1

59. TBL. 90. ÁRG. ÞRIÐJUDAGUR 12. MARS 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 12. MARS 2002
GEORGE W. Bush, forseti Banda-
ríkjanna, skoraði í gær á ríki heims
að hvika hvergi í baráttunni gegn
hryðjuverkamönnum. Sagði hann,
að „annar áfangi“ hennar fælist í því
að úthýsa hryðjuverkamönnum um
heim allan og tryggja, að þeim verði
hvergi vært. Hálft ár var í gær liðið
frá hryðjuverkunum í Bandaríkjun-
um 11. september og var þess
minnst með ýmsum hætti um allt
landið og ekki síst í New York.
Bush sagði, að 11. september
hefði ekki aðeins verið dagur sorgar,
heldur líka dagurinn þegar þjóðir
heims risu upp gegn hryðjuverka-
mönnunum. „Þeir munu minnast
þessa dags sem síns eigin dóms-
dags,“ sagði Bush við athöfn við
Hvíta húsið í Washington. Viðstadd-
ir voru þingmenn, embættismenn,
sendiherrar erlendra ríkja og ást-
vinir 300 manna, sem týndu lífi í
árásum hryðjuverkamannanna. Við
hún blöktu fánar meira en 100 þjóð-
ríkja.
Bush sagði, að Bandaríkjamenn
myndu ekki láta það líðast að
hryðjuverkamenn kæmust yfir gjör-
eyðingarvopn. Bandalagið gegn
hryðjuverkum yrði að taka hættuna
á því alvarlega og því ættu fulltrúar
Bandaríkjanna í viðræðum við
bandamenn sína um viðbrögð við
henni.
Í New York var hryðjuverkanna
minnst með þagnarstund, fyrst
klukkan 8.46 að staðartíma er fyrri
flugvélinni var flogið á World Trade
Center fyrir hálfu ári og svo aftur
nokkru síðar er síðari vélin lenti á
byggingunni. Einnig var afhjúpað
minnismerki um atburðina og er
þungamiðjan í því tuttugu tonna
kúla, óður til friðarins eftir þýska
listamanninn Fritz König. Var
myndverkið sett upp 1971 en
skemmdist mikið er turnarnir
hrundu. Að auki var vígt minnis-
merkið „Ljósahylling“, tveir miklir
leysigeislar, sem beint er til himins í
líkingu turnanna.
AP
Bush forseti er hann bjóst til að ávarpa meira en 1.000 manns við Hvíta húsið í gær er hálft ár var liðið frá hryðjuverkunum í New York og Washington.
Hálft ár liðið frá hryðjuverkunum í Bandaríkjunum 11. september
Hryðjuverkamenn verði
griðlausir um allan heim
Washington, New York. AP, AFP.
„Þeir munu
minnast þessa
dags sem síns
eigin dómsdags“
KJÓSENDUR í Zimbabwe gengu
enn að kjörborðinu í gær, þriðja dag-
inn í röð, en þó aðeins í höfuðborginni
og nálægum bæ. Að öðru leyti huns-
aði ríkisstjórn Roberts Mugabes for-
seta þann úrskurð hæstaréttar lands-
ins, að þriðja kjördeginum skyldi
bætt við.
Öll kosningaframkvæmdin hefur
einkennst af allsherjarringulreið og
ljóst, að ríkisstjórnin hefur gert allt til
að koma í veg fyrir mikla kjörsókn,
einkum þar sem stjórnarandstaðan er
sterk. Í Harare voru kjörstaðir, miklu
færri en deginum áður, ekki opnaðir
fyrr en á hádegi í gær og höfðu þá
margir gefist upp á biðinni og farið.
Ríkisútvarpið í Zimbabwe sagði í
gær, að innan við helmingur kjósenda
í landinu hefði náð að kjósa um
helgina, en samkvæmt skoðanakönn-
unum ætluðu tæplega 87% þeirra að
fara á kjörstað. Ríkisstjórnin birti
hins vegar yfirlýsingu áður en kjör-
stöðum var lokað á sunnudag þar sem
sagði, að kjörsókn hefði verið mikil í
héruðum þar sem Mugabe er sterkur
en minni annars staðar. Leiðtogar
stjórnarandstöðunnar fóru fram á
það við hæstarétt landsins í gær, að
kosningarnar yrðu enn framlengdar
um einn dag, en því var hafnað.
Skipulagt ofbeldi
Talsmenn Morgans Tsvangirais,
leiðtoga Hreyfingarinnar fyrir lýð-
ræðislegum breytingum, helsta and-
stæðings Mugabes, sögðu í gær, að
þrír frammámenn í flokknum hefðu
verið handteknir en auk þess hefðu
stuðningsmenn Mugabes haldið uppi
skipulögðu ofbeldi um allt landið.
Hefðu þeir rænt nokkrum mönnum
og lamið og pyntað fulltrúa stjórnar-
andstöðunnar á kjörstöðum. Hefði
formönnum kjörstjórna víða verið
hótað handtöku hefðu þeir kjörstað-
ina opna.
Ringulreið og kosningasvindl
Harare. AP, AFP.
EIN af afleiðingum Enron-
gjaldþrotsins og hneykslisins í
kjölfarið er sú, að margir hæfir
menn í atvinnulífinu hafa ekki
lengur áhuga á að setjast í
stjórn fyrirtækja.
Eftir að Enron-málið kom
upp hafa bandarískir fjölmiðlar
grafið upp allt, sem þeir hafa
getað fundið um stjórnarmenn í
fyrirtækinu, og ekki jókst hróð-
ur þeirra er þeir lýstu því yfir,
að þeir hefðu haft heldur litla
hugmynd um það, sem fram fór
í fyrirtækinu.
Hingað til hefur það þótt eft-
irsóknarvert að sitja í stjórnum
stórra fyrirtækja og þiggja
margar milljónir kr. fyrir að
sitja kannski sex fundi á ári. Nú
er hins vegar mikil umræða um
hlutverk þessara stjórna, sem
oft eru í litlum tengslum við
reksturinn, og jafnvel talað um
að gera þær ábyrgar ef illa fer.
Á því er ekki mikill áhugi og því
er spáð, að mikið verði um það,
að menn segi sig úr stjórnum á
þessu ári. Þess sjást raunar
merki nú þegar, að fyrirtækin
séu farin að horfa í aðrar áttir
en áður í leit að mönnum í
stjórn og þá til þeirra, sem hafa
þekkingu á viðkomandi rekstri.
Veigra
sér við
stjórn-
arsetu
New York. AP.
ÍSRAELSKI herinn felldi ellefu Pal-
estínumenn í gær og tók allt að 1.000
til fanga. Flestir voru skotnir er Ísr-
aelar réðust með tugum skriðdreka
inn í Jabaliya-flóttamannabúðirnar á
Gaza.
Ariel Sharon, forsætisráðherra
Ísraels, tilkynnti að Yasser Arafat,
forseti heimastjórnar Palestínu-
manna, væri frjáls að fara hvert sem
hann vildi á heimastjórnarsvæðun-
um en ekki til annarra landa án leyfis
Ísraela.
Lík tólfta Palestínumannsins, sem
fallið hefur fyrir byssukúlum ísr-
aelskra hermanna undanfarna tvo
sólarhringa, fannst í fyrrinótt syðst á
Gaza-svæðinu. Maðurinn særðist er
ísraelskir hermenn skutu á hann á
sunnudaginn og lést af sárum sínum
eftir að Ísraelar komu í veg fyrir að
palestínskir sjúkraflutningamenn
kæmust til hans, að sögn palest-
ínskra öryggisfulltrúa.
Tólf felldir
og 1.000
handteknir
Jerúsalem. AFP, AP.

Ísraelar leysa/24