Morgunblaðið - 15.03.2002, Side 68
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 15. MARS 2002 VERÐ Í LAUSASÖLU 190 KR. MEÐ VSK.
FORSVARSMENN Norsk Hydro
hafa gefið íslenzkum stjórnvöldum
til kynna, að þeir geti ekki staðið við
þann tímaramma, sem búið var að
semja um vegna fyrirhugaðra fram-
kvæmda við álver á Reyðarfirði, og
jafnframt að þeir séu ekki tilbúnir til
að ganga frá nýrri tímaáætlun.
Þetta þýðir að óbreyttu að fram-
kvæmdir við álver á Reyðarfirði
frestast en ekki liggur ljóst fyrir um
hve langan frest gæti verið að ræða.
Gert er ráð fyrir að frekari upplýs-
ingar um það liggi fyrir innan
skamms.
Stefnt var að því að hefja und-
irbúningsframkvæmdir vegna Kára-
hnjúkavirkjunar í sumar en gera
verður ráð fyrir að verði ekki af
byggingu álversins að sinni hafi það
áhrif á virkjunarframkvæmdir.
Í samtali við Morgunblaðið í gær
sagði Valgerður Sverrisdóttir iðnað-
ar- og viðskiptaráðherra að undir-
búningur að byggingu álvers á
Reyðarfirði og Kárahnjúkavirkjun
gengi samkvæmt áætlun. Hins veg-
ar sagði ráðherrann, að nýlega hefðu
borizt fréttir um að Norsk Hydro
„ætti í erfiðleikum“ með fjárfestingu
í álfyrirtækinu VAW í Þýzkalandi.
Heildarfjárfesting Norsk Hydro í
þýzka fyrirtækinu nemur um 273
milljörðum íslenzkra króna.
Samkvæmt heimildum Morgun-
blaðsins er meginástæðan fyrir því,
að Norsk Hydro vill að minnsta
kosti fresta framkvæmdum hér, sú
að fjárfestingin í Þýzkalandi er svo
mikil að fyrirtækið ræður ekki við
aðrar stórframkvæmdir jafnhliða.
Thomas Knutzen, upplýsinga-
fulltrúi Norsk Hydro, vildi ekki í
samtali við Morgunblaðið í gær tjá
sig um það hvort svo væri en tók
fram að ekki væri um að ræða beint
samband á milli þessara tveggja
fjárfestinga.
Unnið
samkvæmt áætlun
Valgerður Sverrisdóttir sagði í
samtali við Morgunblaðið í gær að
forráðamenn Norsk Hydro hefðu
fullvissað sig á fundi sl. haust um að
fjárfestingin í Þýzkalandi hefði ekki
áhrif á áhuga þeirra á þátttöku í
byggingu álvers í Reyðarfirði. Og
ráðherrann bætti við: „Ég treysti
því að þau orð standi. Það er verið að
vinna að verkefninu samkvæmt
áætlun en okkur er samt kunnugt
um einhverja erfiðleika við fjárfest-
ingu, sem Norsk Hydro hefur staðið
í í Þýzkalandi. En ekkert hefur verið
ákveðið um að breyta þeirri áætlun,
sem við vinnum eftir. Það er aðal-
atriðið í mínum huga.“
Iðnaðarráðherra sagði að fundir
færu nú fram í Kaupmannahöfn milli
fulltrúa Landsvirkjunar og Norsk
Hydro. „Ég lít alls ekki svo á, að
Norsk Hydro ætli sér að bakka út úr
verkefninu. Við vonum að málið sé í
bærilegum farvegi en það er ekki
ólíklegt að eitthvað geti verið til um-
fjöllunar innan fyrirtækisins miðað
við þessa erfiðleika í Þýzkalandi.“
Norsk Hydro vill frest-
un á byggingu álvers
Fjárfestingin/10
ÁRLEGT fiðluball 6. bekkjar
Menntaskólans í Reykjavík fór
fram í Iðnó í gærkvöldi. Stúlkur í
síðkjólum og piltar í kjólfötum
svifu dansandi um salinn við klass-
ískan undirleik strengjasveitar
skólans. Upphaf fiðluballsins er
rakið aftur til 19. aldar þegar dans-
æfingar voru haldnar á Sal skólans
en hefðin datt niður um tíma. Und-
anfarinn áratug hafa böllin verið
árviss viðburður hjá útskriftarnem-
endum MR og mælst vel fyrir. Að
ballinu loknu í gær lá leið prúðbú-
inna MR-inga á Kaffi Reykjavík þar
sem gleðinni var haldið áfram.
Morgunblaðið/KristinnDansinn stiginn
á fiðluballi í Iðnó
Íslandssími
tapaði millj-
arði króna
í fyrra
UM 990 milljóna króna tap varð á
rekstri Íslandssíma á síðasta ári. Ár-
ið 2000 tapaði félagið tæpum 493
milljónum króna. Í tilkynningu frá
félaginu segir að tapið sé í takt við
endurskoðaðar áætlanir félagsins.
Rekstrartekjur jukust um 106% frá
árinu 2000, námu alls um 1.457 millj-
ónum króna. Rekstrargjöld jukust
um 85%, voru alls um 1.865 milljónir
króna. Verulegs rekstrarbata gætti í
rekstri félagsins á seinni hluta síð-
asta árs, sem skýrist af auknum
tekjum og margþættum aðgerðum
sem gripið var til í rekstrinum. Gert
er ráð fyrir áframhaldandi vexti og
rekstrarbata í starfsemi félagsins á
árinu 2002, rekstrartekjur aukist um
40–60% frá árinu á undan.
Tap Íslandssíma/20
Tóbak selt
fyrir meira
en 6 millj-
arða í fyrra
TÓBAK var samtals selt með virð-
isaukaskatti fyrir 6.151.023 þúsund
krónur árið 2001 og hækkaði sölu-
verðið úr 5.826.738 þús. kr. árið 2000,
en salan nam 5.851.362 þús. kr. árið
1999.
Sala vindlinga hefur verið um 92%
af heildarsölu tóbaks og var söluverð
þeirra samtals 5.665.319 þús. kr. í
fyrra.
Framleiðendur kosta merkingu
Þetta kom fram í svari fjármála-
ráðherra við fyrirspurn Rannveigar
Guðmundsdóttur þingmanns og enn-
fremur að innkaupasamningar
ÁTVR kveði á um að framleiðendur
merki tóbak með varnaðarmerking-
um og að þær séu á þeirra kostnað.
Sé tóbak sérpantað fái ÁTVR það af-
hent ómerkt og merki sjálf en taki
fyrir það 30 kr. á hverja einingu. Um
lítið magn sé að ræða og nemi tekjur
af gjaldinu um 5.000 kr. á mánuði.
HALLDÓR Ásgrímsson utanríkis-
ráðherra sagði í erindi á fundi í Berl-
ín í gær að koma mætti málum þann-
ig fyrir að Íslendingar gætu sætt sig
við sameiginlega sjávarútvegsstefnu
Evrópusambandsins.
Framkvæma mætti stefnuna
þannig að hún gerði ráð fyrir aðskil-
inni stjórn yfir íslensku fiskveiði-
stjórnarsvæði og að úthlutun kvóta
yrði byggð á fyrri úthlutun og í
höndum íslenskra aðila. Halldór
taldi ennfremur ljóst að beiting svo-
kallaðrar nálægðarreglu ESB um ís-
lenska fiskveiðistjórn yrði mjög til
bóta. Reglan gengur út á það að taka
skuli ákvarðanir sem næst þeim stað
þar sem þær munu hafa áhrif.
„Það vekur kannski undrun ykkar
að heyra að mikill meirihluti þess
fiskjar sem við Íslandsstrendur er
að finna, og sem við byggjum af-
komu okkar á, er ekki sameiginleg
auðlind. Við höfum að vísu ekki
prentað „Made in Iceland“ á fiskinn
en ég get fullvissað ykkur um, og
þetta er viðurkennt af fiskifræðing-
um víðs vegar um heiminn, þ.á m.
fiskifræðingum Evrópusambands-
ins, að flestir fiskstofnar við Ísland
halda kyrru fyrir á íslensku haf-
svæði. Þeir eru því ekki í sameign
frekar en finnsk tré eða bresk olía,“
sagði Halldór.
Í samtali við Morgunblaðið eftir
fundinn sagðist Halldór ekki vilja
dæma um hvort hann hefði lagt fram
raunhæfa lausn varðandi efasemdir
Íslendinga um sjávarútvegsstefnu
ESB. Þau viðbrögð sem hann hefði
fengið á fundinum bentu hins vegar
til þess að menn skildu nú betur en
áður áhyggjuefni Íslendinga og ann-
arra þjóða við Norður-Atlantshafið.
„Þetta eru sannarlega áhugaverð-
ar hugmyndir sem utanríkisráð-
herra Íslands setti fram í ræðu sinni
í Berlín og það er vissulega vert að
skoða þær nánar,“ segir Gerhard
Sabathil, sendiherra fastanefndar
framkvæmdastjórnar ESB gagnvart
Íslandi og Noregi, við Morgunblað-
ið. Hann segir ummæli Halldórs um
aðlögun en ekki undanþágu frá
stefnu ESB vera eftirtektarverð.
Hugmynd Halldórs Ásgrímssonar um sjávarútvegsstefnu ESB
Aðskilin stjórn á ís-
lensku fiskveiðisvæði
Fiskstofnar/34–35