Morgunblaðið - 21.03.2002, Blaðsíða 13
HÖFUÐBORGARSVÆÐIÐ
MORGUNBLAÐIÐ FIMMTUDAGUR 21. MARS 2002 13
HJÚKRUNARHEIMILIÐ Eir
fær ekki úthlutun úr Fram-
kvæmdasjóði aldraðra árið 2002 til
byggingar hjúkrunarheimilis á
Seltjarnarnesi. Var bréf heilbrigð-
is- og tryggingamálaráðuneytisins
þess efnis lagt fram á síðasta fundi
bæjarstjórnar.
Að sögn Sigurgeirs Sigurðsson-
ar bæjarstjóra hefur þetta lítil
áhrif á áform um byggingu hjúkr-
unarheimilis við hlið Nesstofu.
„Þetta kemur ekki á óvart enda
höfðum við ekki gert ráð fyrir að
leggja nema tvær milljónir í þetta
í ár í hönnunarkostnað. Þegar við
kynntum þessi plön okkar reikn-
uðum við alltaf með því að það
gætu liðið tvö, þrjú ár þangað við
kæmumst á framkvæmdaáætlun
eins og reynslan hefur verið ann-
ars staðar.“
Hann segir ráðuneytið hafa bent
bæjaryfirvöldum og fram-
kvæmdaraðilum á að sækja um á
næsta ári. „Í sameiningu munum
við endurnýja þessa umsókn og að
sjálfsögðu reyna að flýta fyrir eins
og hægt er að þetta verði að veru-
leika. Við bindum miklar vonir við
að þetta komi á næstu áætlun. Ég
hygg að fé í byggingasjóði aldr-
aðra sé takmarkað og þeir séu að
láta forgangsverkefni sitja fyrir
sem er að stækka þau heimili sem
fyrir eru.“
Eins og Morgunblaðið greindi
frá í gær er í skýrslu heilbrigðis-
og tryggingamálaráðuneytisins um
uppbyggingu öldrunarþjónustu
2002–2007 gert ráð fyrir að á
næstu fimm árum verði komið á
fót 30 hjúkrunarrýmum á Seltjarn-
arnesi.
Hins vegar hafa áætlanir um
hjúkrunarheimilið við Nesstofu
gert ráð fyrir að það verði 60 rúm.
„Eir er framkvæmdaaðilinn hjá
okkur og verður byggingaraðili
þegar þar að kemur. Af þessum 60
rúmum ætlar Seltjarnarnesbær að
eiga 30.
Ég er að vísu ekki búinn að sjá
skýrsluna en geri ráð fyrir að Eir
færi þá í samvinnu við einhvern af
verkalýðssjúkrahússjóðunum eða
Reykjavíkurborg um hin 30 rúm-
in,“ segir Sigurgeir.
Í bókun Neslistans í bæjarstjórn
segir að bréf heilbrigðis- og trygg-
ingamálaráðuneytisins gefi tilefni
til alvarlegra athugasemda við
vinnubrögð meirihluta bæjar-
stjórnar í málinu. Segir að rokið
hafi verið í undirbúningsvinnu og
um leið gefið í skyn að fram-
kvæmdir gætu hafist fljótt.
„Sú staðreynd lá alltaf fyrir að
Seltjarnarnesbær væri ekki fram-
arlega í forgangsröð bæjarfélaga
þegar kemur að byggingu hjúkr-
unarheimilis fyrir aldraða.
Fulltrúar Neslistans harma
flumbrugang sjálfstæðismanna í
þessu máli og harma sömuleiðis þá
leynd sem þeir hafa beitt við
vinnslu málsins.“ Leggja fulltrúar
Neslistans áherslu á að áfram-
haldandi vinna að málinu verði í
fullu samráði við fulltrúa í nefnd-
um og stjórn bæjarins og við bæj-
arbúa.
Sigurgeir hafnar því að um
flumbrugang hafi verið að ræða af
hálfu meirihlutans. „Ég held að
það hafi aldrei verið betur und-
irbúið mál hér.
Meira að segja fylgdi umsókn-
inni rekstraráætlun allt niður í
starfsmannahald þannig að hún
var mjög vel úr garði gerð.“
Fé ekki veitt til
hjúkrunarheimilis
Seltjarnarnes
BÚIST er við að samþykki
fyrir svæðisskipulagi höfuð-
borgarsvæðisins liggi fyrir í
viðkomandi sveitarfélögum
um mánaðamótin. Lokatil-
laga ásamt athugasemdum og
svörum við þeim er nú til um-
fjöllunar hjá bæjaryfirvöldum
á svæðinu. Tæplega 1.400
manns skrifuðu undir athuga-
semd þar sem lagst er gegn
því að flugvöllurinn fari úr
Vatnsmýrinni.
Í Morgunblaðinu 16. febr-
úar síðastliðinn kom fram í
máli Sigurðar Einarssonar,
formanns samvinnunefndar
um svæðisskipulag höfuð-
borgarsvæðisins, að alls hafi
borist 35 athugasemdir við
skipulagið og þar af væru
fjórtán sem lytu að framtíð-
aráformum varðandi Reykja-
víkurflugvöll.
Aðspurður segir Sigurður
að töluverður fjöldi einstak-
linga hafi legið að baki þess-
um fjórtán athugasemdum
enda hafi í einu tilfelli verið
um undirskriftalista að ræða
þar sem lagst var gegn því að
flugvöllurinn færi. Sam-
kvæmt upplýsingum frá rit-
ara borgarverkfræðings er
um að ræða 1.369 nöfn ein-
staklinga sem skrifuðu undir
sama texta og bárust undir-
skriftirnar á 117 blaðsíðum.
Ein athugasemdin
undirskriftarlaus
„Við túlkum þetta þannig
að aðeins sé um eina athuga-
semd að ræða sem undir-
skrifuð er af yfir þúsund
manns því þetta er sami text-
inn,“ segir Sigurður og bætir
við að dæmi sé um hið öfuga
því ein athugasemdin sem
barst hafi ekki verið undir-
skrifuð. „Hins vegar tókum
við hana sem gilda athuga-
semd og segjum reyndar frá
því í texta að við höfum
fjallað um þessa athugasemd
þrátt fyrir að hún sé ekki
undirrituð. Við vitum hvar
hún á heima því hún er skrif-
uð undir bréfhaus Betri
byggðar.“
En er ekki villandi að tala
um fjórtán athugasemdir sem
varða flugvöllinn þegar fjöldi
einstaklinga stendur að baki
þeim?
„Það er kannski hægt að
segja það en það er ekki verið
að fela eitt né neitt í þessu því
þarna er einfaldlega ein at-
hugasemd sem svona margir
standa á bak við,“ segir Sig-
urður. „Ég harma það ef eitt-
hvað hefur mistúlkast – auð-
vitað hefðum við átt að segja
að þarna væru á bak við
margar undirskriftir en við
erum ekki í neinum feluleik.“
Að sögn Sigurðar er staða
svæðisskipulagsins sú að
sveitarfélögin hafa fengið
svör nefndarinnar við athuga-
semdum ásamt lokatillögu til
umfjöllunar. Um mánaðamót
rennur svo út sex vikna frest-
ur sem þau hafa til að gera
athugasemdir. Hafi þau sam-
þykkt skipulagið eða látið hjá
líða að gera athugasemdir
fyrir þann tíma er litið svo á
að þau séu samþykk skipu-
laginu. Í framhaldinu verður
það svo sent til Skipulags-
stofnunar og umhverfisráð-
herra til staðfestingar.
Tæplega 1.400
lögðust gegn
flutningi
flugvallarins
Vatnsmýri
Búist við samþykki sveitarfélaganna um mánaðamót
vegna svæðisskipulags höfuðborgarsvæðisins
FYRSTU íbúðir Búmanna í
Reykjavík voru afhentar í
gær en þær eru við Presta-
stíg í Grafarholti. Íbúðirnar
eru 16 talsins en samtals
verða byggðar 80 íbúðir á
lóðinni.
Búmenn eru húsnæðis-
samvinnufélag sem einbeitir
sér að byggingum fyrir eldra
fólk. Segir í fréttatilkynn-
ingu að áhersla sé lögð á að
íbúðir félagsins henti þessum
aldurshópi með tilliti til
stærðar íbúðar og lóðar. Eru
íbúðir félagsins í raðhúsum,
parhúsum og fjölbýli. Með
nýju íbúðunum í Grafarholti
hafa Búmenn tekið 106 íbúð-
ir í notkun í sjö sveitar-
félögum en þau eru Akur-
eyri, Bessastaðahreppur,
Garður, Höfn, Kópavogur,
Sandgerði og nú einnig í
Reykjavík.
Það var Guðrún Jóns-
dóttir, arkitekt og formaður
stjórnar Búmanna, sem af-
henti íbúðirnar. Verða næstu
16 íbúðir í Grafarholtinu af-
hentar í maí næstkomandi.
Morgunblaðið/Jim Smart
Páll Pétursson félagsmálaráðherra var meðal þeirra sem voru viðstaddir afhendinguna.
Búmenn
afhenda
íbúðir við
Prestastíg
Grafarholt
ið tæknina í sínar hendur og
ekur um á stóreflis ryksugu
sem gleypir í sig sóðaskapinn.
Ruslaætan atarna er ekki par
matvönd heldur kjamsar
gráðug á pappír, sælgætis-
umbúðum og öðru drasli.
ÞEGAR snjóa leysir og sólin
tekur að verma borgarbúa er
vorið á næsta leiti og tími til
kominn að hreinsa til eftir vet-
urinn. Þessi maður hefur tek-
Morgunblaðið/Kristinn
Vetrarruslið ryksugað
Sæbraut
ÁSDÍS Halla Bragadóttir,
bæjarstjóri Garðabæjar, og
Lárus L. Blöndal, formaður
Ungmennafélagsins Stjörn-
unnar, undirrituðu sl. föstudag
samning um framkvæmd
barna- og unglingastarfs
Stjörnunnar.
Samningurinn er til þriggja
ára og tryggir félaginu mán-
aðarlegar greiðslur til rekstrar
barna- og unglingastarfs, alls
tæplega 16 millljónir á samn-
ingstímabilinu. Í fréttatilkynn-
ingu frá Garðabæ segir að
markmiðið með samningnum
sé að rekið verði fjölbreytt
barna- og unglingastarf þar
sem mið eru tekin af stefnu
ÍSÍ í þeim efnum. Með samn-
ingnum skuldbindur félagið
sig m.a. til að leggja sérstaka
áherslu á að fjölga iðkendum,
efla félagslegan þátt íþrótta-
starfsins og auka menntun
leiðbeinenda. Jafnframt á fé-
lagið að veita bæjarbúum upp-
lýsingar um starfsemi félags-
ins reglulega og hafa
samvinnu við íþrótta- og tóm-
stundaráð Garðabæjar um
stefnumörkun í íþróttastarfi.
Lárus L. Blöndal, formaður Stjörnunnar, og Ásdís Halla
Bragadóttir bæjarstjóri skrifa undir samninginn á föstu-
dag. Standandi fyrir aftan þau eru Sigurður Guðmundsson
og Laufey Jóhannsdóttir.
Samningur við Stjörn-
una undirritaður
Garðabær