Morgunblaðið - 04.04.2002, Blaðsíða 31

UMRÆÐAN
MORGUNBLAÐIÐ FIMMTUDAGUR 4. APRÍL 2002 31
Útsölumarkaður
GK REYKJAVÍK
Útsölumarkaður GK REYKJAVÍK
er í fullum gangi í Síðumúla 6
Mikið úrval af dömu- og herrafatnaði
á góðu verði
Opið mánudaga til föstudaga kl. 12:00 - 18:00
og laugardaga kl. 12:00 - 16:00
SVEINN Bene-
diktsson tölvunarfræð-
ingur ritaði grein í
Morgunblaðið 8. febr.
2002 undir fyrirsögn-
inni „Veglýsing – klúð-
ur í uppsiglingu“. Þar
fjallar hann um þings-
ályktun sem lögð var
fram á þingi í desem-
ber árið 2000 af und-
irrituðum ásamt Ísólfi
Gylfa Pálmasyni og
Guðmundi Hallvarðs-
syni. Þingsályktun
okkar þremenning-
anna er beint til sam-
gönguráðherra og
fjallar um bætt umferðaröryggi á
Suðurlandsvegi yfir Hellisheiði. Þar
er beðið um að skoða sérstaklega að-
gerðir sem gætu leitt til fækkunar
slysa á Hellisheiðinni m.a. með því:
a) að breikka klifurreinar þannig að
þær væru tvöfaldar alla leiðina, b) að
raflýsa leiðina, c) að auka þjónustu.
Einhverra hluta vegna finnur
Sveinn þessari tillögu flest til foráttu
og ásakar okkur flutningsmenn
hennar um slæleg vinnubrögð. Því
miður fer Sveinn offari í þessari
grein sinni og blandar saman atrið-
um sem eru öryggi vegfarenda óvið-
komandi eins og áhrif lýsingar á
ferðamenn. Leiðarljós okkar flutn-
ingsmannanna er bætt öryggi í um-
ferðinni.
Þegar ljósin voru kveikt
Þegar þingsályktunin var lögð
fram lá fyrir úttekt Vegagerðarinn-
ar á tíðni óhappa á Reykjanesbraut-
inni fyrir árin 1992–1998 þar á meðal
samanburður milli ára á fjölda
óhappa alls og fjölda óhappa á
hverja milljón ekna km. Í greinar-
gerð með þingsályktuninni var not-
ast við þessa úttekt enda ekki önnur
nýrri tiltæk þar sem
áhrif lýsingar á öryggi
vegfarenda eru mæld.
Árin 1992–1996 eru ár-
in fyrir lýsingu (ljósin
voru kveikt 1. des.
1996) en árin 1997 og
1998 eftir lýsingu í
greinargerðinni. Tölu-
lega leit dæmið þannig
út, að fjöldi óhappa ár-
in fyrir lýsingu voru
40,2 að meðaltali en
26,0 eftir lýsingu eða
35% fækkun. Tíðni
allra óhappa á hverja
milljón ekna km var
0,68 fyrir lýsingu en
0,38 eftir lýsingu eða enn meiri
fækkun vegna vaxandi umferðar.
Það sjá því allir að óhöppum hefur
fækkað mjög verulega eftir lýsingu
miðað við þessi ár hvort sem miðað
er við fjölda slysa eða milljón ekna
km. Ef litið er á óhöpp með
meiðslum á fólki þá eru þau ekki
0,27 árið 1998 eins og Sveinn full-
yrðir í grein sinni heldur 0,13 á
hverja milljón ekna km, bráða-
birgðatala fyrir árið 1999 var heldur
lægri en þetta. Þessi misskilningur
skýrir eflaust margar af stóryrtum
fullyrðingum í grein Sveins. Út-
afakstur minnkar einnig verulega
eftir lýsinguna eða úr 12,6 fyrir lýs-
ingu í 5,5 eftir lýsingu eða um 56%
sem ætti að gleðja Svein því ég sé að
hann hefur áhyggjur af miklum út-
afakstri á Hellisheiði.
Þessar niðurstöður gefa augljós-
lega til kynna að samfélagslegur
kostnaður hefur orðið minni þessi
tvö ár eftir lýsingu en hann var fimm
árin fyrir lýsingu að meðaltali á
Reykjanesbrautinni en ekki meiri.
Lýsing er þjónusta
Ekki veit ég hvað rekur Svein til
að tala illa um raflýsingu vega. Okk-
ur sem ökum Reykjanesbrautina
flesta daga ársins og þekkjum mun-
inn á því að aka myrkvaðan veg mið-
að við raflýstan þá er það eins og
dagur og nótt. Að hafa Reykjanes-
brautina upplýsta er þjónusta við
vegfarendur og hefur fært okkur
Suðurnesjamenn nær höfuðborginni
og höfuðborgina nær okkur. Þess
vegna vil ég lýsa Hellisheiðina. Ef
einhverjir keyra óvarlega eða á ólög-
legum hraða og valda þannig tjóni er
það málefni lögreglunnar. Það má
eflaust finna lýsingu vega ýmislegt
til foráttu samanber þá fullyrðingu
Sveins að henni fylgi sjónmengun.
Ég á samt ekki von á því að margir
samþykktu að slökkva ljósin á Vest-
urlandsveginum upp í Mosfellsbæ
og Reykjanesbrautinni, eða hvað?
Ég veit ekki um neinn nema Svein
sem telur það „náttúruspjöll“ að sjá
til vegar. Veglýsing er ekki klúður.
Er veglýsing klúður?
Kristján Pálsson
Umferð
Það eru ekki nátt-
úruspjöll, segir Kristján
Pálsson, að sjá til vegar.
Höfundur er þingmaður.
FAGUR morgunn
vonar, svo bjartur,
svo yndislegur, ekki
með orðum lýsandi.
Sól á strönd eilífðar.
Páskadagsmorgunn.
Lífið hefur sigrað.
Þvílíkur léttir. Djúpur
innri fögnuður og
gleði sem hver og
einn verður að upplifa
á sinn hátt. Innri
gleði sem ekki verður
tjáð með orðum. Þrátt
fyrir allar þrengingar
og ytri aðstæður.
Það vorar. Allt er
að springa út. Náttúr-
an og mannfólkið. Allt
minnir á lífið. Sigur lífsins. Og
þann sköpunar- og upprisukraft
sem því fylgir. Vonin kviknar og
blómstrar. Lífið og tilveran öll fær
markvissan og varandi tilgang.
Lífið hefur sigrað.
Guð hefur uppvakið
son sinn og bróður
þinn, Jesú, frá dauð-
um. Hann hefur gert
dauðann að engu. Af-
máð hann í eitt skipti
fyrir öll.
Sigur lífsins, kær-
leika sinn, tileinkar
hann þér. Jesús er
upprisinn! Lífið lifir!
Það hlýtur því að vera
sönn ástæða til að
gleðjast og fagna.
Gefur þú annars
ekki örugglega kost á
þér í sigurliðið, lið
lífsins, sem hann hef-
ur valið þig til að vera í?
Það er bæn mín að við mættum
upplifa fegurð páskanna, kærleika
Guðs, sigur lífsins, á nýjan hátt á
þeim dögum sem í hönd fara.
Og í kjölfarið að við upplifum líf-
ið, hið sanna líf, sigur þess, tilgang
og fegurð, dag hvern. Já, hverja
stund.
Lífið lifir!
Lífið sigrar
Sigurbjörn
Þorkelsson
Höfundur er rithöfundur, fram-
kvæmdastjóri Laugarneskirkju og
forseti Gídeonfélagsins á Íslandi.
Trúmál
Lífið, segir
Sigurbjörn
Þorkelsson, hefur
sigrað.