Morgunblaðið - 05.05.2002, Blaðsíða 6
6 B SUNNUDAGUR 5. MAÍ 2002 MORGUNBLAÐIÐ
ÖLL samfélög í heiminum leggja sífellt meiri ræktvið ytri hamingju og ytri þætti. Fólk leitar aðhamingjunni með því að kaupa sér veraldlegahluti eða öðlast völd. Íbúi í afskekktri sveit Ind-lands er ekki frjálsari en íbúi í New York. Sá í
Indlandi er e.t.v. sífellt með hugann við að eignast fleiri kýr á
meðan New York-búinn er upptekinn af því að græða fleiri
milljónir,“ segir dr. Prashant Kakoday, læknir og hugleiðslu-
kennari við Brahma Kumaris World Spiritual University.
Dr. Kakoday var nýlega staddur hérlendis við kennslu auk
þess sem hann hélt fyrirlestra bæði fyrir almenning og sér-
hæfðan hóp lækna og hjúkrunarfólks. Hann segir að stöðug
óhamingja og leit fólks að hamingjunni skapi ýmis félagsleg og
persónuleg vandamál.
„Skortur á innri hamingju er orsök ýmissa félagslegra og
einstaklingsbundinna vandamála. Fíkn, græðgi, stress og lík-
amleg vanheilsa eru dæmi um slík vandamál. Svarið við öllum
þessum vandamálum er að koma fólki í tengsl við sína innri
hamingju. Ef fólk er hamingjusamt þarf það ekki að leita í hluti
sem eiga að láta þeim líða betur eins og til dæmis áfengi, fíkni-
efni og lyf,“ segir Kakoday.
Verðum að hjálpa okkur sjálf
Leiðin til að finna sína innri hamingju er að breyta um stefnu
í lífinu, beina athyglinni inn á við og skilja grundvallarspurn-
ingar eins og: Hver er ég? Hvað vil ég? Vanlíðan í daglegu lífi
getur einnig verið orsök ýmissa andlegra og líkamlegra veik-
inda að sögn Kakoday. Hann segir það tengjast því að við not-
um skynfæri okkar á rangan hátt. „Þegar við snertum beittan
hníf með fingrinum meiðum við okkur. Það eru skilaboð um að
við eigum ekki að snerta hann.
Þegar okkur líður illa, eru það skilaboð um andlega vanlíðan
sem við eigum ekki að bæla niður. Við getum bætt þann sárs-
auka í snatri með því að taka lyf sem draga úr sársaukanum.
En lyf veita enga varanlega lausn á vandanum, vandamálið mun
ekki hverfa með lyfjainntöku, lyfin stöðva aðeins skilaboðin um
sársaukann. Með því að bæla sársaukann niður með þessum
hætti verður vandamálið aðeins stærra.
Í nútímasamfélagi höfum við lyf við nánast öllu, en við höfum
líka ógrynnin öll af sjúkdómum, sumum nýjum og áður óþekkt-
um. Við verðum að leggja eitthvað á okkur til að skilja þessa
nýju sjúkdóma og leysa þá, ekki með skyndilausnum heldur
með því að komast að orsökum vandans,“ segir Kakoday. Hann
segir að hugleiðsla sé leið til að takast á við þennan vanda. Eng-
inn komi okkur til hjálpar nema við sjálf með viljanum til að
leysa vandamálin.
Innri barátta veikleika og styrkleika
Kakoday segir að allir einstaklingar hái sífellda innri baráttu
á milli tveggja afla – veikleika og styrkleika. Flestir hafi ein-
hverja veikleika sem þeir vilji sigrast á eins og ýmiss konar fíkn
– nikótínfíkn, áfengisfíkn, sykurfíkn, spilafíkn og svo mætti
lengi áfram telja. „Ég og aðrir kennarar við Brahma Kumaris
andlega háskólann, hjálpum fólki að sigrast á veikleikum sínum
með hugleiðslu og öðlast þannig innri frið og styrk. Með innri
frið að vopni getur maður tekist á við hvaða erfiðleika sem er. Í
hugleiðslunámskeiðum byrjum við á að hjálpa einstaklingum að
finna sjálft sig og skilja sjálft sig. Við hjálpum því að öðlast ör-
yggi og hamingju. Það er til saga sem lýsir þessu ágætlega, af
drottningu sem leitaði og leitaði að fínu hálsfestinni sinni, og
fann hana loks utan um hálsinn á sér,“ segir Kakoday.
Kakoday segist verða var við stöðuga aukningu á leitandi ein-
staklingum sem þarfnist leiðbeininga til að finna réttu leiðina
að hamingjunni. Oft og tíðum leiti fólk ekki lausna fyrr en það
hafi lent í krísu eða erfiðleikum. „Því miður áttar fólk sig oft
ekki á þörfinni fyrir að horfa inn á við fyrr en það hefur lent í
erfiðleikum og þá leitar það sér hjálpar. Þetta er því miður
slæm leið til að læra, en sumir leita sér þó hjálpar áður en í
óefni er komið,“ segir Kakoday.
Tómleikinn og leit að innri hamingju
Ungt fólk er sérstaklega áberandi í hópi þeirra sem leita
innri hamingju. „Í flestum Evrópulöndum er mikil velmegun.
Fólk milli tvítugs og þrítugs hefur öðlast allt sem það langar í.
Það er með há laun og hefur getað keypt sér það sem aðrar
kynslóðir þurftu að vinna fyrir alla ævi. En það er eitt sem
vantar, það finnur fyrir tómleika innra með sér. Það hefur próf-
að allt og á allt. Aukinn fjöldi fólks í þessari stöðu leitar inn á
við, að innri hamingju,“ segir Kakoday og bætir við:
„Ég var um daginn beðinn um að halda fyrirlestur í norska
fjarskiptafyrirtækinu Telenor en það færist í vöxt að stjórn-
endur stórfyrirtækja óski eftir upplýsingum um hugleiðslu. Það
er mikið ánægjuefni að fólk sé að vakna til vitundar um þörfina
á að stunda hugleiðslu og öðlast innri frið,“ segir Kakoday að
lokum. Hann segist afar ánægður með dvöl sína á Íslandi og
þrátt fyrir að hann hafi reynt að setja sig sérstaklega inn í ís-
lenskar aðstæður, hafi hann komist að því að vandamál fólks á
Íslandi séu þau sömu og vandamál fólks um allan heim.
Leitin að innri hamingju
Morgunblaðið/Golli
Skortur á innri hamingju getur verið orsök ýmissa félagslegra og einstaklingsbundinna vandamála, segir dr. Prashant Kakoday, læknir og hugleiðslukennari sem staddur var hérlendis fyrir skömmu.
rsj@mbl.is
Í amstri daglegs lífs er auðvelt að tapa
þræðinum og missa tilgang lífsins úr sjón-
máli. Læknirinn og hugleiðslukennarinn
dr. Prashant Kakoday sagði Rögnu Söru
Jónsdóttur frá því að það væri sameig-
inlegt fólki úr öllum samfélögum heims-
ins að missa tengsl við sjálft sig og leita
langt yfir skammt til að öðlast hamingju.
HINN andlegi alheimsháskóli Brahma Kumaris (Brahma
Kumaris World Spiritual University) var stofnaður árið
1936 og eru aðalstöðvar hans á Abu-fjalli í Rajasthan á
Indlandi.
Í dag eru reknar yfir 4.500 hugleiðslumiðstöðvar í 87
löndum og er Ísland þeirra á meðal. Útibúið á Íslandi er á
Bakkabraut 7a í Kópavogi og var það opnað fyrir tveimur
árum, af þeim Sigrúnu Olsen og Þóri Barðdal.
Á fjórða hundrað manns hafa sótt námskeið stofnunar-
innar hérlendis og segja þau Sigrún og Þórir að fullbókað
hafi verið á öll námskeið frá upphafi. Samt sem áður hafi
námskeiðin aldrei verið auglýst opinberlega, þau spyrjist
út á meðal fólks.
Námskeiðin eru endurgjaldslaus en rekstur stofnunar-
innar er fjármagnaður með frjálsum framlögum leiðbein-
enda og þátttakenda námskeiða.
Morgunblaðið/Ásdís
Þórir Barðdal og Sigrún Olsen reka útibú Brahma
Kumaris-alheimsháskólans hér á landi. Útibúið var opnað
fyrir tveimur árum og hafa á fjórða hundrað manns sótt
námskeið skólans.
Alltaf fullt
á námskeiðin