Morgunblaðið - 17.04.2003, Blaðsíða 12

  

D C:CE D ,, FGE , CHAI :D ,IJI ,IH ) D ,I GCE
> 1> > > > 1>1 
> >
>
 >1
02   0 &;  "+&+ *"  
 " ' ?" + + 1(*
2($
((
2'(
2))
1(*
2(*

DK L ED ,I H E M
((
1($
((

+) D ,I  JEI
SAMEINAÐ félag Íslandssíma og
Tals hefur tekið upp samstarf við
Vodafone, stærsta farsímafyrirtæki í
heimi. Jafnframt hefur félagið tekið
upp nýtt nafn og framvegis mun það
nota vörumerkið Og Vodafone í öll-
um viðskiptum sínum á Íslandi.
Þetta var tilkynnt á blaðamanna-
fundi sem félagið hélt í verslun sinni
í Smáralind í gær. Formlegt nafn fé-
lagsins mun verða Og fjarskipti hf.
en í daglegu tali verður notað nafnið
Og Vodafone.
Í máli Óskars Magnússonar, for-
stjóra Og Vodafone, kom fram að
nafngiftinni sé ætlað að undirstrika
breitt samstarf, m.a. í markaðsmál-
um, sem fulltrúar Íslandssíma hf. og
Vodafone hafa skrifað undir. Sagði
Óskar einnig að samningurinn skapi
félaginu sérstöðu á íslenska fjar-
skiptamarkaðnum og verði til mikilla
hagsbóta fyrir þá 130 þúsund við-
skiptavini sem Og Vodafone þjónar.
Nafnaskiptin djörf ákvörðun
Óskar sagði í samtali við Morgun-
blaðið að það hafi verið heilmikil og
erfið ákvörðun að leggja bæði nöfn-
in, Íslandssími og Tal, til hliðar, en
vörumerkin eru bæði mjög þekkt á
markaðnum. „Ákvörðunin var tekin
að vel yfirlögðu ráði, en sannleikur-
inn er sá að merkin voru að vinna á
svo ólíkum stöðum á markaðnum.
Þau höfðu hvort sína kosti, en ég við-
urkenni að þetta var nokkuð djörf
ákvörðun. Nýja merkið hefur hins-
vegar burði og breidd til að ná yfir
sviðið í heild sinni.“
Markaðshlutdeild Og Vodafone er
22% á markaðnum. Aðspurður segir
Óskar að félagið hafi ekki gefið út
neina opinbera áætlun um hvernig
frekari sókn á markaðnum verði
háttað en fyrir liggi að fyrirtækið
ætli að sækja á. „Það liggur líka fyrir
að keppinautur okkar gerir ráð fyrir
að missa eitthvað af sinni hlutdeild.
Spurningin er hvort að við erum
sammála um hvaða hlutfall það eigi
að vera,“ sagði Óskar.
Unnu hratt og örugglega
Hann sagði að þrátt fyrir stærð hins
nýja samstarfsfyrirtækis, Vodafone,
hafi vinnan að þessum samstarfs-
samningi gengið mjög hratt fyrir sig.
„Ég hef sjaldan séð jafnstórt fyrir-
tæki vinna jafnhratt og örugglega og
gert var í þessu tilviki. Það hafa ein-
ungis liðið um átta vikur frá því að
niðustaða náðist um þessa nýju
stefnu þar til nú og ég held að það
séu aðeins örfáir mánuðir síðan við
byrjuðum að ræða hugsanlegt sam-
starf.“
Óskar segir að engin áform séu
um að Vodafone leggi fjármagn í fyr-
irtækið. „Þeir bæði eiga fyrirtæki og
eiga í fyrirtækjum víða um heim. Þar
fyrir utan eru þeir með þetta kerfi
sem við erum hluti af sem þeir kalla
„Partnership“. Í því fyrirkomulagi
er ekki gert ráð fyrir eignarhlut,“
sagði Óskar en Og Vodafone mun að
hans sögn greiða árlega þóknun fyrir
að tengjast Vodafone.
Thomas Nowak, framkvæmda-
stjóri samstarfssviðs Vodafone, seg-
ist aðspurður kunna vel við nafnið
Og Vodafone. „Það er einfalt, stutt
og sendir rétt skilaboð til viðskipta-
vina um félagið.“
Aðspurður hvort áhugi væri fyrir
því að fjárfesta í Og Vodafone segir
hann að það skemmtilega við þetta
samstarfsmódel fyrirtækjanna væri
einmitt að fjárfesting væri ekki inni í
myndinni. „Okkar samstarfsaðilar
halda fullu sjálfstæði sínu,“ sagði
Nowak.
Hann sagði að kostirnir sem Voda-
fone sæi við samninginn væri að þeir
gætu nú boðið sínum viðskiptavinum
þjónustu á Íslandi, t.d. geti þýskir
viðskiptavinir sem eru á ferðalagi
hér á landi áfram notað þjónustu
Vodafone eins og heima hjá sér.
Hann sagði að samningsferlið við
Íslandssíma hafa tekið óvenju stutt-
an tíma. „Þetta tók mjög stuttan
tíma og er ekki dæmigert. Þetta end-
urspeglar að það voru augljósir
hagsmunir í húfi fyrir báða aðila.“
Spurður hvort fyrirtækið muni
ráða fólk til starfa hér á landi sagði
Nowak að það væri ekki hluti af
samningnum. „En ef einhvern tíma í
framtíðinni kemur ósk frá Og voda-
fone um að við sendum starfsmenn
hingað, eða þeir til okkar, þá munum
við skoða það,“ sagði Thomas Nowak
en að hans sögn er það markmið
Vodafone að gera Og Vodafone að
sterkasta vörumerkinu á símamark-
aðnum á Íslandi, með auknum fjölda
viðskiptavina og auknum tekjum.
112,5 milljón viðskiptavinir
Samstarf Vodafone og Og Vodafone
tryggir að allar þjónustuleiðir og
vörur hins nýja sameinaða félags
verða boðnar undir nafninu Og
Vodafone. Á blaðamannafundinum
kom fram að samstarfið feli í sér að
fyrirtækin muni eiga samstarf um
þróun og markaðssetningu á nýrri
þjónustu fyrir viðskiptavini og sam-
starf um fjölgun reikisamninga sem
m.a. þýðir að viðskiptavinir Voda-
fone nota farsímanet Og Vodafone á
ferðalögum hérlendis. Þá mun sam-
starfið hafa í för með sér að við-
skiptavinir Og Vodafone munu innan
skamms njóta margvíslegrar þjón-
ustu Vodafone þegar þeir nota far-
símanet þeirra eða samstarfsfyrir-
tækja þeirra erlendis. Má þar nefna
möguleika á einu verði á öllum sím-
tölum úr farsímum viðskiptavina í
útlöndum og beinan aðgang að tal-
hólfum og þjónustuveri frá útlöndum
á innankerfisverði. Fyrirtækin
munu starfa saman að markaðs- og
sölumálum.
Vodafone er stærsta farsímafyrir-
tæki í heimi og þjónar á eigin fjar-
skiptaneti og netum samstarfsfyrir-
tækja sinna yfir 112,5 milljónum
viðskiptavina. Félagið á hlut í síma-
fyrirtækjum í 28 löndum í 5 heims-
álfum. Jafnframt á félagið í sam-
starfi við símafyrirtæki í 8 löndum til
viðbótar, að Íslandi meðtöldu.
Farsímarisi í náið sam-
starf við Íslandssíma
Og Vodafone í stað Tals og Íslandssíma. Til hagsbóta fyrir viðskiptavini
Morgunblaðið/Árni Torfason
Thomas Nowak og Óskar Magnússon kynntu samstarfssamning Og Vodafone og
Vodafone á blaðamannafundi í verslun Og Vodafone í Smáralind.
„Og, fyrri hluti nafnsins, á líka einkar vel við ef horft
er til starfsemi félagsins. Það er stutt og er notað, sam-
kvæmt skilgreiningu Orðabókar Menningarsjóðs, „til
að tengja tvö orð eða orðasambönd: …komdu og talaðu
við mig“. Þá tryggir samstarfið við Vodafone aðgang
að einu öflugasta vörumerki í heimi sem er mjög sýni-
legt hérlendis og erlendis,“ segir í tilkynningu Og
Vodafone til fjölmiðla.
Þar segir að endingu að nýtt nafn þýði að allur boð-
skapur verði einfaldari, allt markaðsstarf ódýrara og
allt starfsfólk verði undir einu merki.
NÝTT heiti sameinaðs félags Íslandssíma og Tals,
Og Vodafone, er harla óvenjulegt. En ákvörðunin um
nafnið er ekki tekin í skyndi, síður en svo. Á blaða-
mannafundi Og Vodafone í gær kom fram að ákvörðun
um nafnabreytingu á félögunum sé tekin að undan-
gengnum víðtækum markaðsrannsóknum og mikilli
vinnu starfsfólks og stjórnar Íslandssíma og Tals og
innlendra og erlendra sérfræðinga. Þar sagði jafn-
framt að nýtt vörumerki stuðli að einingu í hugum
starfsfólks og viðskiptavinir muni eiga auðveldar með
að samsama sig nýju nafni.
…komdu og talaðu við mig
BRAGI Hannesson stjórnarformaður
Hampiðjunnar talaði um vöruþróun fyr-
irtækisins og það þegar önnur fyrirtæki
leitast við að gera eftirlíkingar af vörum
þess í ræðu sinni á aðalfundi félagsins
11. apríl sl. Sagði hann að Gloríutroll
sem fyrirtækið framleiðir hafi verið stælt
nákvæmlega. „Það er gömul og ný saga,
að þeir sem skara fram úr í vöruþróun og
tækni verða fyrir því að
aðrir fara að leita fanga í
vörum þeirra og koma
með eftirlíkingar. Af þessu
hefur Hampiðjan reynslu,
enda við því að búast, þar
sem hún hefur verið leið-
andi í þróuninni. Vitað er
og sannreynt, að Gloríu-
troll Hampiðjunnar hefur
verið stælt, ekki bara í
stórum dráttum, heldur
nákvæmlega möskva fyrir
möskva, lit fyrir lit, línu
fyrir línu. Það hefur síðan
verið kynnt og selt sem
nákvæm eftirlíking Gloríu-
trolls.
Fyrirtæki sem ætla að
sleppa við þrotlausa vinnu
og kostnaðinn, sem vöruþróun hefur í för
með sér og stökkva beint í að búa til eft-
irlíkingar af því sem aðrir hafa þróað og
hannað, eru ekki líkleg til að ávinna sér
virðingu viðskiptavina sinna til lengri
tíma litið. Vörur eru í sífelldri endurnýjun
og endurbótum og eftirhermur lenda iðu-
lega í því að bjóða gamlar lausnir.
Flestir samkeppnisaðilar Hampiðj-
unnar stunda þó sína eigin vöruþróun og
bjóða lausnir sem þeir hafa sjálfir þróað
og hannað. Slík samkeppni er af hinu
góða, bæði fyrir fyrirtækin sjálf og við-
skiptavini þeirra,“ sagði Bragi Hann-
esson.
Einn stærsti veiðarfæra-
framleiðandi í heimi
Í ræðu Braga kom einnig fram að Hamp-
iðjan er orðin einn af stærstu veiðar-
færaframleiðendum í
heimi. „Fjárfestingar
Hampiðjunnar í félögum í
skyldum rekstri á árunum
1999–2002 varpa ljósi á
breytingar þær sem orðið
hafa á félaginu og gert
það að einum stærsta
veiðarfæraframleiðanda í
heiminum. Á þessum ár-
um var fjárfest fyrir 918
millj. kr. í fyrirtækjunum.
Þá hefur Hampiðjan fjár-
fest í varanlegum rekstr-
arfjármunum fyrir um
243 millj. kr. og greitt
hluthöfum arð að fjárhæð
176 millj. kr. Fjárfest-
ingar og arðgreiðslur til
hluthafa Hampiðjunnar á
þessum árum hafa því numið um 1.337
millj. kr.“
Starfsemi Hampiðjunnar hefur vaxið
hröðum skrefum sl. þrjú ár að því er
fram kom í máli Braga á fundinum: „Á
þessum tíma hefur velta fyrirtækisins
vaxið úr 1.495 millj kr. árið 1999 í 4.077
millj. kr. eða um 173%. Veltuaukning
þessara ára hefur að stærstum hluta
orðið vegna fjárfestinga fyrirtækisins í
innlendum og erlendum félögum.“
Stæling gagnrýnd
Bragi Hannesson, stjórn-
arformaður Hampiðjunnar.
VIÐSKIPTI með fisk og fiskafurðir
námu alls 55,2 milljörðum dollara á
síðasta ári eða ríflega 4.000 millj-
örðum íslenzkra króna. Þetta er
aukning um 3 milljarða dollara, 234
milljarða króna frá árinu áður. Sam-
kvæmt upplýsingum frá FAO, Mat-
væla- og landbúnaðarstofnun Sam-
einuðu þjóðanna, hefur árlegur
vöxtur í viðskiptum með sjávaraf-
urðir verið um 4%. Þessi aukning á
sér stað þrátt fyrir að fiskaflinn
minnki um 3 milljónir tonna og hafi
aðeins orðið 92 milljónir tonna á síð-
asta ári. Veiðar skila um 71% alls
fiskmetis.
Kína og Perú á toppnum
Ekki liggja fyrir endanlegar tölur
hjá FAO um afla og fiskeldi ein-
stakra ríkja á árinu 2001, en ráð er
fyrir því gert að Kína og Perú haldi
áfram að skila mestu og á eftir þeim
komi Japan, Bandaríkin, Chile,
Indónesía, Rússland og Indland. Ís-
land hefur undanfarið verið á bilinu
12. til 15. mesta fiskveiðiþjóðin. Gert
er ráð fyrir því að Taíland verði
áfram helzti útflytjandi sjávaraf-
urða, en útflutningurinn þaðan
byggist einkum á túnfiski og rækju.
Framboð á rækju úr eldi og veið-
um hefur aukizt að meðaltali um
3,5% á ári frá árinu 1970. Ekkert
bendir til annars en þessi vöxtur
haldi áfram, þrátt fyrir að verð hafi
lækkað og nokkuð sé um slaka
rækju úr eldi. Eins og áður hefur
komið fram gerir FAO ekki ráð fyrir
því að hægt verði að auka veiðar,
þar sem flestir fiskistofnar séu full-
nýttir. Því verði aukið verðmæti að
koma fram í hærra vinnslustigi en
talið er að um 60% alls sjávarfangs
sé unnið að einhverju marki fyrir
sölu.
Það er því mat stofnunarinnar að
vinnsla á sjávarfangi muni aukast á
næstu árum í samræmi við breyttar
neyzluvenjur og aukna eftirspurn
eftir fiskréttum sem eru tilbúnir til
matreiðslu eða neyzlu. Hlutur stór-
markaða í þessari þróun er mikill og
í Kína er ört vaxandi millistétt í
stærri borgum farin að taka stór-
markaði fram yfir hefðbundnar fisk-
búðir. Þá er gert ráð fyrir því að eft-
irspurn eftir dýrari afurðum muni
aukast í Kína. Aukinn kaupmáttur
og mikið fiskeldi er talið að muni
auka fiskneyzlu í Kína verulega.
FAO gerir ráð fyrir að fiskneyzla
á mann í Suður-Asíu muni aukast
um 50% og sömuleiðis í Suður-Am-
eríku og í Karíbahafi. Á hinn bóginn
er gert ráð fyrir því að neyzlan í
Austurlöndum nær muni minnka
um 17%, um 8% í Eyjaálfu, um 4% í
fyrrum ríkjum Sovétríkjanna og um
3% í Afríku. Gert er ráð fyrir því að
neyzla haldi áfram að aukast í
Bandaríkjunum, eða um 25%.
Neyzlan þar hefur verið að færast
mikið yfir í ýmsar eldistegundir eins
og lax, rækju og leirgeddu.
Viðskipti með fisk
fyrir 4.000 milljarða
Minnkandi afli skilar meiri verðmætum vegna hækkandi vinnslustigs
Morgunblaðið/HG
Má bjóða þér búrfisk? Viðskipti með
fisk fara stöðugt vaxandi og fiskneyzlan
eykst víðast hvar, einkum í Kína.