Morgunblaðið - 02.05.2003, Blaðsíða 10
FRÉTTIR
10 FÖSTUDAGUR 2. MAÍ 2003 MORGUNBLAÐIÐ
Jakkar, bolir,
skyrtur
Ný sending
LYFJAFRÆÐINGAFÉLAG Ís-
lands hefur í bréfi til embættis rík-
issaksóknara óskað eftir rannsókn á
því hvort Landspítali – háskóla-
sjúkrahús, LSH, hafi brotið gegn 34.
grein lyfjalaga með því að velja við-
skiptafræðing sem sviðsstjóra lyfja-
sviðs spítalans. Í umræddri laga-
grein segir m.a. að
yfirlyfjafræðingur skuli vera for-
stöðumaður sjúkrahússapóteks.
Hafa lyfjafræðingar verið boðaðir til
fundar með heilbrigðisráðherra í
dag.
Í bréfinu til ríkissaksóknara er
bent á að um nokkurra ára skeið hafi
einkahlutafélagið Sjúkrahúsapótek-
ið ehf. séð um lyfjamál LSH, en deild
lyfjamála undir stjórn lyfjafræðings
hafi haft umsjón með lyfjamálum af
hálfu spítalans. Breyting hafi orðið á
þessu 1. apríl sl. er lyfjasvið LSH tók
við verkefnum deildar lyfjamála og
Sjúkrahúsapóteksins ehf. Fram-
kvæmdastjóri apóteksins, Valgerður
Bjarnadóttir viðskiptafræðingur,
var valinn sviðsstjóri og bendir
Lyfjafræðingafélag Íslands á að hún
sé ekki menntaður lyfjafræðingur og
uppfylli því ekki skilyrði 2. máls-
greinar 34. greinar lyfjalaga.
Félagið hafði áður sent heilbrigð-
isráðuneytinu og Lyfjastofnun bréf
varðandi breytingar á rekstrarformi
Sjúkrahúsapóteksins, stöðu sviðs-
stjóra lyfjasviðs og hlutverk hans.
Þá hefur athygli landlæknis verið
vakin á málinu.
Í svarbréfi til félagsins segir ráðu-
neytið m.a. að það og stjórnendur
LSH hafi komist að þeirri sameig-
inlegu niðurstöðu að ýmsir ann-
markar væru á rekstrarfyrirkomu-
lagi apóteks spítalans, sem annars
vegar væru tilkomnir vegna rekstr-
ar útsöluapóteka sem tækju þátt í
samkeppni á markaði utan sjúkra-
hússins og hins vegar vegna sjálfs
hlutafélagaformsins á rekstrinum. Í
svarbréfi ráðuneytisins segir enn-
fremur að nýtt skipulag lyfjamála
hafi ekki verið sent ráðuneytinu til
umsagnar eða samþykktar. Stjórn-
endur LSH beri ábyrgð á skipulagi
innan spítalans. Lyfjastofnun hafi
eftirlit með starfsemi sjúkrahúsapó-
teka en engar athugasemdir hafi
borist þaðan.
Í svarbréfi Lyfjastofnunar til fé-
lagsins er bent á að stofnunin gegni
ekki eftirlitshlutverki er varðar
rekstrarform lyfjabúða. Segist
stofnunin ætla að leggja á það
áherslu að fagleg ábyrgð yfirlyfja-
fræðings verði skýr og ótvíræð í
framkvæmd um þá þætti sem falli
undir venjubundna umsýslu sjúkra-
hússapóteks. Telur Lyfjastofnun í
svarbréfinu eðlilegt að gera til yf-
irlyfjafræðings kröfur um a.m.k.
þriggja ára starfsreynslu til að mega
veita sjúkrahússapóteki forstöðu.
Tekur stofnunin undir þá skoðun
Lyfjafræðingafélags Íslands að
vagga klínískrar lyfjafræði hér á
landi sé í sjúkrahússapóteki Land-
spítalans í samstarfi við Háskóla Ís-
lands og því sé brýnt fyrir lyfjafræði
í landinu að vel takist til við hina
nýju skipan.
Háskóli Íslands vill að
ráðningin verði endurskoðuð
Í bréfi deildarforseta lyfjafræði-
deildar Háskóla Íslands til Magnús-
ar Péturssonar, forstjóra LSH, er
bent á ákvæði samstarfssamnings
Háskólans og Landspítalans þar
sem segi að sviðsstjórar spítalans
skuli uppfylla akademískar kröfur til
þess að gegna starfi kennara við Há-
skólann og hafa hlotið til þess form-
legt hæfnismat. Er þess farið á leit
við spítalann að ráðning sviðsstjóra
lyfjasviðs verði endurskoðuð.
Ólafur Adolfsson lyfjafræðingur,
sem á sæti í bæði laga- og kjara-
nefnd Lyfjafræðingafélagsins, er
meðal þeirra sem hafa beitt sér í
málinu fyrir hönd félagsins. Hann
segir við Morgunblaðið að hér sé um
stórt mál að ræða sem skipti miklu
fyrir stétt lyfjafræðinga og stöðu
klínískra fræða hér á landi. Minnir
hann á að sviðsstjórar á læknasviði
spítalans séu læknar og hjúkrunar-
fræðingar séu sviðsstjórar á hjúkr-
unarsviði. Hið sama eigi að gilda um
lyfjasvið spítalans. Ólafur segir að
lyfjasviðinu sé ætlað stórt og veiga-
mikið hlutverk í klínískri lyfjafræði
og mikilvægt að því sé gert hátt und-
ir höfði.
Ákvörðun ráðuneytisins
Magnús Pétursson, forstjóri LSH,
vissi ekki um erindi Lyfjafræðinga-
félagsins til ríkissaksóknara er
Morgunblaðið hafði samband við
hann. Vitnaði Magnús til svarbréfs
hans til deildarforseta lyfjafræði-
deildar Háskóla Íslands frá 28. apríl
sl. Þar er bent á að 1. apríl sl. hafi
tekið gildi sú ákvörðun heilbrigðis-
ráðuneytisins að leggja Sjúkra-
húsapótekið ehf. niður og starfsemi
þess hafi verið færð undir stjórn
spítalans. Það hafi verið sameiginleg
ákvörðun stjórnar apóteksins og
stjórnenda spítalans að við þessa
skipulagsbreytingu skyldi farið að
ákvæðum laga um aðilaskipti. Öllum
starfsmönnum hafi þannig verið boð-
ið áþekkt starf og þeir gegndu, jafnt
yfirmenn sem undirmenn.
Í bréfinu bendir Magnús á að
lyfjafræðingar gegni tveimur af fjór-
um yfirmannsstöðum lyfjasviðsins.
Þannig hafi yfirlyfjafræðingi apó-
teksins verið boðin yfirmannsstaða á
lyfjasviði. Ekki sé ástæða til að
draga í efa að sviðsstjóri jafnt sem
yfirmenn þjónustudeildar lyfja og
apóteksins séu allir hæfir til að
gegna kennarastöðum við mismun-
andi deildir Háskólans.
Magnús bendir í bréfinu á að apó-
tekið sé aðeins hluti af viðfangsefn-
um lyfjasviðs. Auk þjónustu- og inn-
kaupadeildar fari fram gerð
klínískra leiðbeininga fyrir lækna,
eftirlit með lyfjafyrirmælum og
fleira tengt lyfjanotkun. Að endingu
er vonast eftir áframhaldandi góðu
samstarfi við lyfjafræðideild skólans
vegna hagsmuna beggja aðila.
Lyfjafræðingafélag Íslands sendir ríkissaksóknara bréf
Telja ráðningu
sviðsstjóra lyfjasviðs
LSH vera lagabrot
KJARTAN Friðbjarn-
arson kaupsýslumaður
lést á St. Jósefsspítala í
Hafnarfirði 29. apríl
síðastliðinn, 83ja ára að
aldri.
Kjartan fæddist hinn
23. nóvember árið
1919. Foreldrar hans
voru Friðbjörn Níels-
son bæjargjaldkeri í
Siglufirði og Sigríður
Stefánsdóttir húsmóð-
ir.
Fyrri eiginkona
Kjartans var Anna
Jónsdóttir og eignuð-
ust þau þrjú börn. Anna lést árið
1978.
Síðari eiginkona Kjartans er Alida
Olsen Jónsdóttir og eignuðust þau
fjögur börn.
Kjartan var næstelstur sex systk-
ina. Eftir lifa Níels, Stefán og Anna
Margrét Friðbjarnar-
börn.
Kjartan ólst upp í
Siglufirði og útskrifað-
ist frá Samvinnuskól-
anum með verslunar-
próf árið 1938. Hann
rak verslun og heild-
verslun í Siglufirði og
heildverslun í Dan-
mörku og Færeyjum.
Einnig rak hann heild-
verslun og útgerð í
Vestmannaeyjum og
útgerðarfyrirtæki í
Reykjavík. Kjartan var
framkvæmdastjóri Út-
gerðarfélags Siglufjarðar um
þriggja ára skeið og starfaði hjá
Gunnari R. Magnússyni löggiltum
endurskoðanda til 1988. Þá rak hann
umfangsmikla útflutningsverslun
með grásleppuhrogn 1972–1998.
Útförin verður auglýst síðar.
Andlát
KJARTAN
FRIÐBJARNARSON
kastið væri lífríkið við og í vatninu
um mánuði á undan áætlun og til
marks um það hefði hann séð
„kraumandi upptökur“ í vatninu
hinn 20. apríl sem „væri með ólík-
indum,“ eins og hann komst að
orði. „Það er vonandi að þessu
kuldakasti linni sem fyrst, því horf-
ur eru góðar, en ef þessi kuldi
dregst á langinn gæti það komið
niður á gróðrinum,“ bætti Vignir
við.
Erling Ingvarsson, annar
tveggja leigutaka Litluár í Keldu-
hverfi, fór fyrir veiðimönnum við
ána í gærmorgun og sagði hann
menn hafa verið krókloppna að
kasta flugu í 4 stiga frosti og reglu-
legum hríðarklökkum. „Þetta er
ótrúleg óheppni, hér hefur margoft
verið upp í 15 til 20 stiga hiti síð-
ustu vikur og svo þegar áin er opn-
uð kemur versta veðrið sem komið
hefur í tvo mánuði,“ sagði Erling.
Menn voru samt að fá ’ann í
Litluá. Erling sagði félaga sína
hafa landað nokkrum 3 til 5 punda
birtingum á straumflugur. Sjálfur
hefði hann verið að leika sér með
þurrflugur og fengið tökur, en eng-
um landað. „Það er mikill fiskur í
ánni og það verður veisla þegar
veðrið skánar,“ bætti Erling við.
„ÞAÐ hafa komið hérna milli 50 og
60 manns og þeir hörðustu voru
mættir hér á hlaðinu um klukkan
sjö í morgun en það er frekar kalt
hérna, hvasst og hiti um frostmark
og veiði þess vegna verið lítil. Samt
fengu menn nokkrar bleikjur og
urriða, 1-2 punda,“ sagði Vignir
Sigurðsson, eftirlitsmaður við El-
liðavatn, um hádegisbilið í gær, en
þá hófst formlega stangaveiði-
vertíðin í vatninu.
Vignir sagði að þrátt fyrir kulda-
Stangaveiði hófst í Elliðavatni og Litluá í gærmorgun
Morgunblaðið/Einar Falur
Kastað í kulda og trekki
SALA á nýjum bílum hélt áfram
að aukast í aprílmánuði miðað
við fyrstu þrjá mánuði fyrra árs
þótt heldur hafi dregið úr. Í apr-
íl voru skráðir 839 nýir bílar en í
sama mánuði í fyrra voru skráð-
ir 593 bílar. Aukningin er 41,5%.
Mest varð aukningin hjá
Ford en salan jókst úr 18 bílum í
60 eða um 233%. Honda jók söl-
una um 200% og Citroën um
110%. Toyota seldi flesta bíla
eða 223 í apríl og var með 26,6%
markaðshlutdeild.
Samkvæmt upplýsingum frá
Umferðarstofu hefur bílsasala á
tímabilinu janúar til apríl 2003
aukist um 48,9%. Voru skráðir á
tímabilinu 3.026 bílar en til sam-
anburðar 2.032 bílar í fyrra.
Fimm stærstu umboðin eru
með 85,2% af bílamarkaði á
þessu tímabili. P. Samúelsson
var með mesta söluna eða 794
bíla og 26,2% hlutdeild en mest-
ur vöxtur var hjá Brimborg en
fyrirtækið seldi 333 bíla sem er
125% meiri sala en á sama tíma í
fyrra.
Sala á nýj-
um bílum
áfram að
aukast