Morgunblaðið - 05.06.2003, Blaðsíða 17

Bankastræti 3, sími 551 3635, póstkröfusendum
BIODROGA snyrtivörur eru unnar úr lífrænt
ræktuðum jurtum.
BIODROGA
Snyrtivörur
Repair krem línan
• Dagkrem
• Dagkrem fyrir þurra húð
• Næturkrem
• Augnkrem
• Handkrem
Útsölustaðir:
Snyrtist. Lilju Högna, Stillholti 14, Akranesi
Hjá Laufeyju, Hjarðarlundi 1, Akureyri
www.stella.is
Repair
krem línan
Styrkir
næringar-
jafnvægi
húðarinnar
og veitir
jafnframt
vernd gegn
ytra áreiti.
ÞEKKINGARHÚSIÐ ehf. hefur
óskað eftir viðræðum við Garðabæ
um að kannaðir verði möguleikar á
að stækka núverandi skipulagssvæði
á Urriðaholti næst Reykjanesbraut
þar sem m.a. yrði gert ráð fyrir allt
að 20 þúsund fermetra IKEA-versl-
un. Jafnframt yrði gert ráð fyrir
svipuðu byggingamagni undir aðra
verslun og þjónustu. Erindið var
tekið fyrir á fundi bæjarráðs Garða-
bæjar í fyrradag og samþykkt að
vísa því til umfjöllunar í skipulags-
nefnd.
Í bréfi Þekkingarhússins til bæj-
arráðs segir að Þekkingarhúsið og
Oddfellow-reglan hafi náð sam-
komulagi um að kanna möguleika á
að stækka skipulagssvæðið. Í des-
ember 2001 var undirritaður leigu-
samningur á milli þessara aðila um
leigu á um 80 ha lands í Urriðaholti í
Garðabæ. Oddfellow-reglan er land-
eigandi og Þekkingarhúsið ehf.
leigutaki, en fyrirhugað er að reisa
hátæknigarð á landinu. „Af hálfu
Þekkingarhússins yrði þetta mikill
styrkur fyrir tækingarðinn, bæði
fjárhagslega og markaðslega. Fjár-
hagslegur sparnaður yrði vegna ým-
issa stofnfjárfestinga og markaðs-
lega yrði þetta til að efla tiltrú á
uppbyggingu tæknigarðsins,“ segir í
bréfi forsvarsmanna Þekkingar-
hússins. Þá segir að allt kapp verði
lagt á að skipulagið samræmist sem
mest tæknigarðinum og umhverfinu.
Öllum aðilum sé það ljóst að svæðið
sé hluti af bæjarvernd stærra svæð-
is og vegna þess og áherslna Þekk-
ingarhúss og IKEA á umhverfismál
hafi ráðgjafarfyrirtækið Alta verið
fengið til að meta verndargildi svæð-
isins.
Húsnæðisþörf skoðuð
fyrir komandi ár
Jóhannes Rúnar Jóhannesson,
framkvæmdastjóri IKEA, segir fyr-
irtækið sífellt horfa fram í tímann
með alla rekstrarþætti þess, þar
með talda húsnæðisþörf fyrir kom-
andi ár. „Við erum að skoða nokkra
valkosti hvað það varðar sem okkur
kann að standa til boða í framtíðinni,
þar með talið í Garðabæ,“ segir
hann.
Hann undirstrikar að engin
ákvörðun hafi verið tekin um fram-
haldið að svo komnu máli. „Við hjá
IKEA erum alltaf að leita leiða til að
koma til móts við þarfir viðskipta-
vina hvað varðar þjónustu og vöru-
úrval. Eitt af því sem þarf að skoða
með reglulegu millibili er húsnæð-
isþörfin.“
Í verslun IKEA í Holtagörðum
kemur um milljón manns á ári og
hefur aukningin verið stöðug frá því
IKEA hóf starfsemi á Íslandi fyrir
22 árum. Jóhannes Rúnar segir að
þættir eins og staðsetning, fjöldi
bílastæða og þægileg aðkoma, þurfi
sífellt að vera í endurskoðun.
Þess má geta að húsnæði IKEA í
Holtagörðum er 9.700 fermetrar.
Samkvæmt heimildum Morgun-
blaðsins myndi verslunin flytja alla
starfsemi sína í Urriðaholt ef af yrði.
Ekki hafa verið efnahagslegar
forsendur til að ráðast í nýfram-
kvæmdir í Urriðaholtinu síðustu tvö
ár. Þó er áfram gert ráð fyrir að
fyrstu byggingarnar rísi þar 2008,
samkvæmt heimildum Morgun-
blaðsins.
Verður tvöfalt
stærri en nú-
verandi verslun
Garðabær
Áform um að reisa nýja IKEA verslun
HÖFUÐBORGARSVÆÐIÐ
MORGUNBLAÐIÐ FIMMTUDAGUR 5. JÚNÍ 2003 17
ÁSDÍS Halla Bragadóttir, bæjar-
stjóri Garðabæjar, segir fund sem
haldinn var með íbúum í fyrradag í
tengslum við gerð hljóðmanar milli
Silfurtúns og Hafnarfjarðarvegar
fyrst og fremst hafa verið mjög góð-
an og gagnlegan og það sé fyrir
mestu. „Fyrir okkur starfsmenn
Garðabæjar var hann mjög gagnleg-
ur. Hugmyndir og skoðanir íbúanna
voru allar teknar niður og frá þess-
um fundi verður rituð ítarleg grein-
argerð sem verður lögð fyrir bæj-
arráð og bæjarstjórn til frekari
ákvörðunar,“ segir hún. Hún segir
að meginniðurstaða fundarins hafi
verið sú að augljóslega séu mjög
skiptar skoðanir í hverfinu um hljóð-
vistarmálin en það í sjálfu sér séu
ekki ný tíðindi. Skiptar skoðanir hafi
einnig verið um málið á kynningar-
fundi með íbúum í lok árs 2001.
Hún undirstrikar að samráð hafi
verið haft við íbúa og það hafi legið
fyrir í nokkuð langan tíma að nauð-
synlegt yrði að ráðast í gerð hljóð-
varna. Það sem miður hafi farið var
að íbúum hafi hins vegar ekki verið
greint frá því þegar framkvæmdir
hófust.
„Með því að setja upp þessa mön
var Garðabær að koma til móts við
harðar kröfur íbúa sem búa næst
Hafnarfjarðarvegi sem hafa búið við
ástand sem er nánast heilsuspillandi.
[…] Bæjarstjórnin var einhuga í
þeirri ákvörðun að þarna kæmi
hljóðmön vegna þess að það sáu það
allir að það var ekki hægt að bjóða
íbúum upp á að hávaði færi upp fyrir
það sem lög og reglugerðir kveða á
um.“
Mönin mun lækka
Ásdís Halla segir að tilgangur
fundarins hafi verið að kynna íbúum
af hverju var farið í þessar aðgerðir.
Hitt markmiðið hafi verið að reyna
að leita leiða til að mönin yrði sem
ásættanlegust. Fyrir liggi að hún
muni lækka frá því sem nú er þegar
hún hefur sigið og búið verður að
þjappa hana. Hún er nú u.þ.b. þrír
metrar en verður 1,5 metrar á hæð
og 2,5 metrar þar sem hún er hæst.
Ásdís Halla segir að næstu daga
verði kallað eftir hönnun frá lands-
lagsarkitekt á möninni þannig að
hún verði ásjálegri en hún er í dag.
Bæjarstjóri segir að þegar það liggi
loks fyrir eigi ekki að vera tímafrekt
að ganga frá möninni sjálfri og
planta þar gróðri og að ásýnd hennar
muni breytast á einhverjum vikum.
Morgunblaðið/Arnaldur
Ásdís Halla Bragadóttir, bæjarstjóri Garðabæjar, segir að mönin muni lækka umtalsvert frá því sem nú er.
Heilsuspillandi
aðstæður ástæða
hljóðmanar
Fullkominn einhugur var
um málið í bæjarstjórn
Garðabær
ÁGÚST Þorsteinsson, íbúi í Tún-
unum og fyrrum bæjarfulltrúi
fyrir Sjálfstæðisflokk í Garðabæ,
segir yfirgnæfandi meirihluta
fundarmanna hafa mótmælt gerð
hljóðmanar milli Silfurtúns og
Hafnarfjarðarvegar á borgara-
fundi í fyrradag og íbúar vilji
frekar að útsýnið verði óskert.
Hann giskar á að 90% fundar-
manna hafi mótmælt fram-
kvæmdinni með handaupprétt-
ingu á fundinum.
Ágúst, sem áður hefur mælt
hávaðann á þessum slóðum,
kveðst hafa útskýrt fyrir fund-
argestum að hávaði frá bílaum-
ferð minnki tiltölulega lítið með
tilkomu hljóðmanar.
„Við erum að setja þarna sjón-
mengun og hún er ekkert betri
heldur en hávaðamengun og
meiriparturinn af fólkinu sem
þarna var er á móti þessu,“ segir
hann. Hann minnir á að á sínum
tíma hafi verið útbúnar teikn-
ingar sem sýni lága hóla með
lágum trjágróðri á sama stað.
Segir flesta vilja
halda í útsýnið ÉG HEF besta útsýnið af öllum íhverfinu en ég hef líka mesta há-
vaðann. Og ég vel að minnka há-
vaðann og fórna útsýninu. Ég get
ekki haft allt,“ segir Björn Ant-
onsson, íbúi við Aratún 42 í Garða-
bæ, sem er ánægður með að bærinn
skuli ráðast í framkvæmdir við
gerð hljóðmanar á milli Silfurtúns
og Hafnarfjarðarvegar.
Björn segist ekki skilja hvað íbú-
ar í nágrenninu tali um að þeir
missi útsýni „því þeir sjá ekkert út
hvort eð er úr húsunum fyrir trjá-
gróðri, hvorki hjá mér né öðrum“.
Björn segir að leggja eigi áherslu
á að sætta sjónarmið íbúa og ganga
frá hljóðmöninni.
Vill minnka
hávaðann