Morgunblaðið - 05.07.2003, Blaðsíða 21

SUÐURNES
MORGUNBLAÐIÐ LAUGARDAGUR 5. JÚLÍ 2003 21
„Í REYKJANESBÆ eru fjórir skól-
ar og námskeið sem þetta er góður
grunnur fyrir vetrarstarfið. Hér
kynnast þau jafnöldrum sínum, ekki
bara úr sínu hverfi heldur hinum
líka,“ sagði Nilsína L. Einarsdóttir,
tómstundaleiðbeinandi Fjörheima, í
samtali við Morgunblaðið, en á mið-
vikudag hófst síðara sumarnám-
skeiðið í félagsmiðstöðinni en það er
ætlað öllum 13 ára unglingum í bæn-
um.
Undanfarin ár hefur félagsmið-
stöðin Fjörheimar og Vinnnuskóli
Reykjanesbæjar staðið sameig-
inlega að Sumarfjöri, en svo kallast
sumarnámskeiðin. Tilgangurinn er
að efla frístundir unglinga og á þeim
8 dögum sem námskeiðið stendur yf-
ir verður margt til gamans gert með
unglingunum. „Auk þess að vera
mjög mikilvægt sem liður í auknu
forvarnastarfi er markmið nám-
skeiðsins að kynna unglingum þá
fjölbreyttu möguleika sem bjóðast
til útivistar á Suðurnesjum,“ sagði
Nilsína.
Margt skemmtilegt framundan
Námskeiðin byrja á hópefli til að
þjappa hópnum saman og er fyrsti
dagurinn helgaður ýmiskonar leikj-
um og þrautum. Þegar blaðamann
bar að garði á fyrsta degi var ekki
laust við að feimnin hefði enn yfir-
höndina en unglingarnir skemmtu
sér engu að síður vel. Þau sögðu að
námskeiðið legðist vel í þau en þeg-
ar spurt var hvað væri mest spenn-
andi stóð ekki á svari. „Við hlökkum
mest til útilegunnar.“ Námskeiðinu
lýkur á útilegu við Seltjörn og verð-
ur farið í gönguferð um svæðið,
rennt fyrir silung og baðað sig í Bláa
lóninu, sem er þar skammt frá. „Við
ætlum líka að fara í hjólreiðaferð í
Sandgerði og skoða Fræðasetrið,
fara í ratleik um Reykjansbæ, skoða
sæfiskasafnið og fara í skemmtiferð
til Reykjavíkur,“ lögðu unglingarnir
áherslu á í lokin enda stóð skemmti-
ferðin fyrir dyrum daginn eftir.
„Hlökkum mest til útilegunnar“
Reykjanesbær
Morgunblaðið/Svanhildur Eiríksdóttir
Hvor skyldi ná að hlaupa í skarðið á undan? Ekki skorti unglingana leikgleðina í sumarfjörinu.
Á HÓLMSVELLI Leiru, átján holu
golfvelli Golfklúbbs Suðurnesja (GS),
var mikið um að vera síðustu helgi,
enda voru þar haldin tvö golfmót.
Gylfi Kristinsson, framkvæmdastjóri
GS, segir það ekki óeðlilegt að mikið
sé um að vera á Hólmsvelli, enda sé
hann bæði vinsæll og góður golfvöll-
ur. „Það er stanslaus umferð um völl-
inn og hann nýtur mikilla vinsælda.
Fyrirtækjamót GSÍ var haldið á
föstudaginn og síðan kom Bylgjulest-
in á laugardaginn og hélt annað golf-
mót þar sem allir voru velkomnir.
Þetta er nokkuð gamall og gróinn
golfvöllur á íslenskan mælikvarða.
Starfsemin hófst 1964 með níu holu
golfvelli, en árið 1986 var ráðist í að
stækka völlinn og byggja nýtt og
glæsilegt klúbbhús. Við færðum völl-
inn í suður og nú höfum við alveg frá-
bæran átján holu völl og níu holu par
þrjú völl og æfingasvæði eða "driving
range". Níu holu völlurinn, eða Jóel,
eins og við köllum hann, er opinn al-
menningi ókeypis og þarf bara að
hafa samband við starfsfólk í golf-
versluninni áður en farið er að spila.
Þetta er alveg prýðilegur byrjenda-
völlur og allir velkomnir að prófa sig
áfram í golfíþróttinni.“
Gylfi segir alla aðstöðu vera til fyr-
irmyndar á Hólmsvelli. „Hér eru bún-
ingsklefar fyrir bæði kyn, setustofur
og góður matur í boði, þannig að það
væsir ekki um gestina. Golfíþróttin er
í mikilli sókn hér á Suðurnesjum og
hafa um fimmtíu nýir meðlimir bæst
frá því í vor og það er enn pláss fyrir
nýja félaga.“
Morgunblaðið/Svavar
Golfarar á Hólmsvelli njóta hafgolunnar sem blæs af Faxaflóanum.
Níu holu völlur
fyrir almenning
Reykjanesbær
VISTMENN af Hrafnistu í Hafnar-
firði nýttu sér blíðskaparveðrið og
fóru í skemmtiferð um Suðurnesin í
vikunni. Komu þeir víða við, meðal
annars á Garðskaga og Hvalsnes-
kirkju og kíktu þau einnig í kaffi í
Sjávarperluna í Grindavík.
Hópurinn áði einnig við Fræða-
setrið í Sandgerði, þar sem kokkar
frá Hrafnistu grilluðu fyrir hópinn. Í
tilefni af sól og blíðu var ákveðið að
snæða úti í golunni.
Hrafnistufólk í sólinni
Suðurnes
ⓦ
Upplýsingar hjá
umboðsmanni í
símum 421 3463
og 820
3463.
Blaðberi óskast
strax í Vallar-
hverfi II í Keflavíkⓦ Blaðberi óskast í
sumarafleysingar
í Njarðvík
Upplýsingar gefur
umboðsmaður í
síma 421 3475 og
821 3475