Morgunblaðið - 08.07.2003, Blaðsíða 8
FRÉTTIR
8 ÞRIÐJUDAGUR 8. JÚLÍ 2003 MORGUNBLAÐIÐ
Á seyði á Seyðisfirði
Hátíð á
hátíð ofan
Á SEYÐI, árleglistahátíð Seyð-firðinga var sett í
níunda sinn hinn 24. júní
síðastliðinn.
Upphaf hátíðarinnar
má rekja til ársins 1995
þegar Seyðfirðingar
héldu upp á hundrað ára
afmæli kaupstaðarins.
Var þá boðið til myndlist-
arveislu með yfirskriftina
„Á seyði“. Voru mynd-
listarsýningar víða um
bæinn bæði innandyra og
utan. Í tímans rás hefur
dagskráin orðið fjöl-
breyttari og má nú í raun
segja að Á seyði sé yf-
irskrift marga lítilla há-
tíða sem haldnar eru yfir
sumarið. Ein þeirra er
hátíðin LungA. Aðalheið-
ur L. Borgþórsdóttir er fram-
kvæmdastjóri hátíðarinnar Á
seyði.
Hvað er LungA?
LungA er listahátíð ungs
fólks á Austurlandi og er ætluð
aldurshópnum 16–25 ára. Haldin
verða námskeið í sex listgrein-
um og koma leiðbeinendur
þeirra víða að. Þrír leiðbeinend-
ur koma frá hinum virta og
þekkta, sænska sirkusskóla
Cirkus Cirkör. Þeir verða með
námskeið í sirkustækni sem
mætti þó segja að væri frekar í
ætt við götuleikhús heldur en
sirkus. Myndlistarnámskeið
verður í höndum Sólveigar Ein-
arsdóttur sem útskrifaðist úr
Listaháskólanum í vor. Hún
verður með stenslagraff sem á
skylt við veggjakrot og er mikið
í tísku í dag. Stenslar, eða
skapalón, eru búin til og síðan
úðað eftir þeim. Helga Braga,
sem hingað til hefur séð um
leiklist á LungA, mun í ár kenna
magadans ásamt Josy Zaaren.
Einnig verða námskeið í stutt-
myndagerð í umsjón Ólafs
Röngvaldssonar, grafískri hönn-
un undir leiðsögn Guðmundar
Odds, prófessors frá LHÍ, og
fönk stompi undir leiðsögn Jóns
Geirs og félaga. Fönk stomp er
blanda af slagverki og fönki.
Leikið verður á hefðbundin
hljóðfæri í bland við brotajárn
úr Stálsmiðjunni, síldartunnur,
bala ofl. Hátíðin verður haldin
sextánda til tuttugasta júlí en
einnig verða á dagskránni t.d
fatahönnunarkeppni og söng-
lagakeppni sem opin er almenn-
ingi.
Á lokadegi LungA verður
heilmikil uppskeruhátíð þar sem
leiðbeinendur og þátttakendur
sýna afrakstur námskeiðanna.
Þátttökugjald fyrir námskeiðin
sem innifalið er í svefnpokapláss
og hálft fæði auk afsláttar á alla
viðburði er sjö þúsund og fimm
hundruð krónur.
Segðu mér frá norsku menn-
ingardögunum.
Þeir eru fyrst og fremst hugs-
aðir til þess að minna okkur
Seyðfirðinga á okkar sögu.
Landnámsmaðurinn
Bjólfur kom frá Nor-
egi svo og Ottó
Wathne sem oft er
kallaður faðir Seyðis-
fjarðar og átti mikinn
þátt í að byggja bæinn upp á
sínum tíma en norskir dagar
hefjast einmitt á fæðingardegi
hans, 13. ágúst. Á þessum dög-
um leitumst við við að draga
fram norska menningu, norskir
réttir verða á matseðlum veit-
ingahúsanna og við fáum til
okkar norskan harmonikkuleik-
ara auk þess sem hér verður
ratleikur um slóðir Norðmanna.
Hér verður margt um að vera
og líf og fjör. Norskir dagar
verða haldnir þrettánda til
sautjánda ágúst.
Hvaðan kemur hugmyndin að
miðvikudagstónleikunum?
Forsagan er sú að hingað
kom bandarískur tónlistarkenn-
ari, Muff Worden, sem hér
starfaði þá einnig sem organisti
við kirkjuna. Hún hrinti þessari
hugmynd í framkvæmd og hafa
verið haldnir tónleikar allar göt-
ur síðan á miðvikudögum í júní,
júlí og ágúst. Tónleikarnir eru
ávallt í Seyðisfjarðarkirkju sem
er blá að lit og því kallast tón-
leikaröðin „Bláa kirkjan“. Þetta
er sjötta starfsár tónleikanna en
sem af er sumri hafa verið
haldnir þrennir tónleikar.
Fyrstu tónleikar sumarsins
voru átjánda júní með þeim
Bergþóri Pálssyni, Ólafi Sig-
urðssyni og Jónasi Ingimund-
arsyni. Þeir fluttu Gluntalögin
við mikinn fögnuð tónleikagesta.
„Fjórar klassískar“ verða með
næstu tónleika á morgun og
fjölmargir tónlistarmenn eiga
eftir að ylja okkur með tónlist-
arflutningi sínum næstu mið-
vikudaga eða allt til tuttugasta
ágúst en þá verða lokatónleikar
Bláu kirkjunnar þetta sumarið.
Koma gestir hátíðarinnar
helst frá nánasta nágrenni?
Fólk kemur víða að, hátíðin er
sett daginn áður en Norræna
lætur úr höfn og því mikið af
ferðamönnum í bænum. Ég
myndi áætla að um helmingur
gesta væru ferðamenn og að-
komufólk. Margar koma frá Eg-
ilsstöðum og nágrannabyggðar-
lögunum.
Hvað er í boði á Á seyði í
dag?
Sýning Lothars
Baumgartens, þýsks
listamanns, mun
standa yfir í Skaft-
felli, menningarmið-
stöð til sautjánda
ágúst. Þá tekur við sýning Guð-
rúnar Kristjánsdóttur og Dags
Kára. Í Galleríi Vesturvegg
verða einnig opnaðar sýningar
af og til í sumar. Síðastliðinn
laugardag opnaði þar sýningu
Ólöf Arnalds. Þá mun Aðalheið-
ur Eysteinsdóttir, sem heldur
fjörutíu sýningar víða um heim,
opna sýningu í Skaftfelli þann
nítjánda júlí.
Aðalheiður L. Borgþórsdóttir
Aðalheiður L. Borgþórsdóttir
er fædd í Vestmannaeyjum árið
1958. Hún starfaði sem tónlistar-
kennari á Seyðisfirði áður en
hún tók við stöðu menningar- og
ferðamálafulltrúa fyrir Seyð-
isfjarðarkaupstað, sem hún
gegnir í dag. Aðalheiður er gift
og á þrjú börn.
Miðvikudags-
tónleikar í
Bláu kirkjunni
frá 27.510 kr.
á mánuði í 3 ár
Innifalið: Leiga til 36 mánaða,
akstur allt að 20.000 km á ári,
auka dekkjagangur, umfelgun,
smur- og þjónustueftirlit
samkvæmt þjónustubók.
frá 25.924 kr.
á mánuði í 3 ár
Innifalið: Leiga til 36 mánaða,
akstur allt að 20.000 km á ári,
auka dekkjagangur, umfelgun,
smur- og þjónustueftirlit
samkvæmt þjónustubók.
Sævarhöfða 2a · sími 525 9000 · bilheimar@bilheimar.is · www.bilheimar.is
Komdu í Bílheima og kynntu þér Opel á rekstrarleigu!
F
í
t
o
n
/
S
Í
A
F
I
6
4
1
3
ÞAÐ er misjafnt hvernig fólk nýtir góðvirðisdaga sum-
arsins. Þorvaldur Þorvaldsson notar tímann í að gróð-
ursetja í kringum sumarbústaðinn sinn, Heiðarland.
Þorvaldur byggði bústaðinn sjálfur fyrir rúmum 30 ár-
um en hann á landið í kring sem er um þrír hektarar.
Með árunum hefur hann grætt upp landið og í kringum
bústaðinn eru sprottin hin myndarlegustu tré.
Þegar Morgunblaðið bar að garði var Þorvaldur í
óðaönn að setja niður plöntur en að hans eigin sögn
gerir hann það með gamla laginu.
Þorvaldur er sérlega ánægður með að vera kominn
með hitaveitu í bústaðinn enda er þá hægt að nýta bú-
staðinn allt árið um kring. „Nú vantar ekkert nema
heita pottinn,“ segir hann en hann hefur þó gufubað
sem er eflaust vel nýtt þegar afkomendurnir koma í
heimsókn.
Morgunblaðið/Árni Torfason
Græðir landið með gamla laginu