Morgunblaðið - 08.07.2003, Blaðsíða 16

AKUREYRI
16 ÞRIÐJUDAGUR 8. JÚLÍ 2003 MORGUNBLAÐIÐ
HÖFUÐBORGARSVÆÐIÐ
LOKAÐ Í DAG
ÚTSALAN
HEFST Á
MORGUN
Krónunni, 2. hæð, sími 462 3505,
Hafnarstræti 97, 600 Akureyri.
KEFLVÍSKU krakkarnir, Brynjar
Sigurðsson, Kara Tryggvadóttir og
Ágústa Sigurðardóttir skemmtu
sér hið besta í miðbæ Akureyrar í
gær. Þau höfðu leigt sér þriggja
manna hjól sem þau notuðu til að
skoða bæinn frá öðrum sjónarhóli
en vanalega. Brynjar tók þátt í
Esso-móti í knattspyrnu um
helgina, „ en við vorum bara að
horfa á,“ sagði Ágústa. Þau voru
ánægð með hjólatúrinn og fannst
gaman að geta farið öll saman út á
einu hjóli. „Við vildum prófa eitt-
hvað skemmtilegt og þetta er mjög
skemmtilegt,“ sögðu þau. Annars
kváðust þau vera að tygja sig úr
bænum og leiðin lægi inn að Hóla-
vatni þar sem þau væntu þess að
eiga góðar stundir fram á sunnu-
dag.
Auk þess sem áðurnefnt þriggja
manna hjól stendur gestum og
gangandi til boða er einnig á staðn-
um til hjól sem rúmar 6 manns.
Bæði eru að sögn Arnars Lúðvíks-
sonar sem annast útleigu á hjól-
unum mjög vinsæl, en fólki gefst
kostur á að hjóla um í klukkustund
og geta því er sá gállinn er á því
brugðið sér niður á Oddeyri eða inn
í Innbæ.
Morgunblaðið/Margrét Þóra
Skemmtilegur hjólatúr
TVEIR piltar á nítjánda ári hafa í
Héraðsdómi Norðurlands eystra
verið dæmdir til að greiða 250 þús-
und króna sekt hvor um sig til rík-
issjóðs vegna fíkniefnabrots.
Piltarnir voru ákærðir fyrir að
hafa í lok febrúar síðastliðins verið
með 30 e-töflur og 13,56 grömm af
hassi í vörslu sinni en lögregla fann
efnin við húsleit á gistiheimili á Ak-
ureyri en þar dvöldu piltarnir um-
rætt sinn.
Við ákvörðun refsingar var litið til
þess að þeir voru með nokkurt magn
af afar hættulegu efni sem er til þess
fallið að valda umtalsverðu og var-
anlegu heilsutjóni einstaklinga, m.a.
minnistapi. Einnig er litið til þess að
piltarnir voru einungis 18 ára er þeir
frömdu brot sín og hafa ekki áður
verið sakfelldir fyrir fíkinefnabrot,
sem og þess að þeir játuðu háttsemi
sína undanbragðalaust. Þá var einn-
ig horft til þess að þeir eru nú hættir
fíkniefnaneyslu.
Tveir piltar greiði hálfa
milljón í sekt
Voru með e-
töflur og hass
á gistiheimili
FULLTRÚAR minnihlutans í bæj-
arstjórn Akureyrar lögðu á síðasta
fundi fram tillögu að ályktun þar
sem mótmælt er harðlega frestun
Héðinsfjarðarganga. Á fundinum
var rætt um frestun á framkvæmd-
um og kom fram að formaður ráðsins
mun ræða við bæjarstjóra í sveitar-
félögum við utanverðan Eyjafjörð.
Meirihluti bæjarráðs samþykkti á
fundinum að fresta umfjöllun um
Héðinsfjarðargöng, en taka málið
fyrir á næsta fundi bæjarráðs. Í til-
lögu minnihlutaflokkanna, Samfylk-
ingar og Vinstri grænna, kemur
fram að göngin hafi lengi verið í und-
irbúningi og ákvörðun um gerð
þeirra tekin á grundvelli arðsemi og
mikilvægis fyrir allt Eyjafjarðar-
svæðið. Einnig að þau séu meginfor-
senda fyrir auknu samstarfi og sam-
einingar sveitarfélaga við Eyjafjörð.
Bæjarráð um Héðinsfjarðargöng
Fresta umfjöllun
Fimmtudagskvöldið 10. júlí býður
Ferðafélag Akureyrar upp á kvöld-
göngu um Vaðlaheiði, brottför kl.
19.30.
Laugardaginn 12. júlí stendur
Ferðafélag Akureyrar svo fyrir ferð
í Héðinsfjörð, brottför kl. 8 og sama
dag verður einnig farið að Skeiðs-
vatni, brottför kl. 9.
Lagt verður að stað í allar þessar
ferðir frá húsi Ferðafélagsins,
Strandgötu 23. Veittar eru nánari
upplýsingar á skrifstofu sem er opin
virka daga frá 16–19, einnig í síma
462-2720.
Á NÆSTUNNI
FJÖLDI nemenda í Menntaskólan-
um á Akureyri næsta verður um 670,
meiri en nokkru sinni áður. Í 4. bekk
verða um 150 nemendur og er það
langstærsti hópur stúdentsefna í
sögu skólans. Það verða fleiri nem-
endur í öllum bekkjum skólans en
áður og það má einkum rekja til ár-
angurs skólans að draga úr brottfalli
nemenda og bæta árangur þeirra, en
að því hefur verið sérstaklega stefnt
nokkur undanfarin ár.
Jón Már Héðinsson, verðandi
skólameistari MA, sagði við Morg-
unblaðið að undanfarin ár hefði verið
unnið markvisst að því að draga úr
brottfalli nemenda við skólann. „Það
hefur verið hægfara þróun í því und-
anfarin ár og alltaf færri og færri
sem falla út. Næsta vetur verða um
670 nemendur í skólanum, mun fleiri
en verið hefur,“ sagði Jón Már.
Stefna MA er að bjóða börnum Ís-
lendinga sem búa og starfa erlendis
upp á nám við skólann. Jón Már
sagði að það hefði ekki verið hægt að
fara af stað með þessa stefnu fyrr en
nýja heimavistin var tekin í notkun.
„Ný heimavistarhús er mikilvæg-
ur þáttur í því og við höfum boðið
upp á aðstoð í íslensku fyrir þá sem
hafa verið lengi í burtu og hafa ekki
fengið sambærilega íslenskukennslu
og þeir nemendur sem koma beint úr
grunnskóla. Við erum með mjög öfl-
ugt umsjónarkerfi með nemendum.
Við reynum að fylgjast vel með ný-
nemum og sérstaklega þeim sem
koma erlendis frá. Með því að bjóða
upp á trausta og góða heimavist er
það fyrst og fremst það sem gerir
skólann fýsilegan kost fyrir foreldra
sem eiga börn á þessum aldri og vilja
senda þau heim í skóla. Það er
greinilegt að foreldrar skoða Netið
meira en áður og vita að þetta er
heimavistarskóli og ef þeir senda
börnin sín ekki til ættingja telja þeir
okkur vera góðan kost því fyrst og
fremst vilja þeir senda börnin sín í
öruggt umhverfi,“ sagði Jón Már.
Metfjöldi nemenda
við MA næsta vetur
STARFSEMI í nýjum leikskóla á
Akureyri, Naustatjörn við Hólma-
tún, hefst um miðjan næsta mánuð,
en verktaki á að skila verkinu full-
búnu 15. ágúst og gert er ráð fyrir að
fyrstu börnin mæti í aðlögun þremur
dögum síðar.
Eftirlitsmaður með byggingunni
lýsti fyrir nokkru áhyggjum af fram-
vindu verksins og stjórn Fasteigna
Akureyrarbæjar hefur bókað að
mikilvægt sé að verkinu verði lokið á
umsömdum tíma. „Það er afar mik-
ilvæg að þetta standist því búið er að
boða börnin í nýja leikskólann 18.
ágúst, við höfum áréttað það og
verktakinn hefur brugðist við með
því að bæta við mannskap,“ sagði
Jakob Björnsson, formaður stjórnar
Fasteigna Akureyrarbæjar.
Nýr leikskóli í
Naustahverfi
Áhyggjur af
framvindunni
♦ ♦ ♦
ÁRSSKÝRSLA Seltjarnarnesbæjar
fyrir árið 2002 er komin út. Skýrsl-
unni er dreift inn á hvert heimili á
Seltjarnarnesi en það er liður í þeirri
stefnu bæjaryfirvalda að auka upp-
lýsingastreymi til bæjarbúa.
Í ársskýrslunni kemur meðal ann-
ars fram að álögur opinberra gjalda
á Seltjarnarnesi séu áfram með því
lægsta sem gerist og hafi ekki hækk-
að milli ára. Við afgreiðslu á fjár-
hagsáætlun samþykkti bæjarstjórn
að hafa gjaldstig útsvars 12,46%.
500 fjölskyldur nota einhverja
þætti félagslegrar þjónustu
Til fræðslumála var varið 780,7
milljónum króna eða 63,1% af skatt-
tekjum bæjarins. 3,3% skatttekna
var varið til menningarmála, eða 40,9
milljónum króna og til æskulýðs- og
íþróttamála var varið 253,7 milljón-
um króna til rekstrar eða 20,51% af
skatttekjum Seltjarnarness. Þá var
100,1 milljón króna varið til rekstrar
félagsmála eða 8,2 % af skatttekjum
og loks fóru 29,2% skatttekna eða
377,6 milljónir króna í tækni- og um-
hverfismál.
Í skýrslunni segir að í kringum
500 fjölskyldur noti einhverja þætti
félagslegrar þjónustu Seltjarnarnes-
bæjar ár hvert. Þar af leituðu 282
fjölskyldur eftir félagslegri þjónustu
en í sumum tilvikum höfðu starfs-
menn frumkvæði að því að veita að-
stoð. Er um talsverða aukningu að
ræða.
Einungis 11 íbúðarhúsalóðir
eru óbyggðar
Í skýrslunni kemur fram að skráð-
um barnaverndarmálum hafi fjölgað
um 11 frá árinu áður. 46 fjölskyldur
sóttu um fjárhagsaðstoð, ýmist í
formi lána eða styrkja. 67 fjölskyldur
fengu húsaleigubætur á árinu sem er
fjölgun um 18 fjölskyldur frá árinu
2001. Þá segir jafnframt að þessi
aukning skýrist af fleiri íbúðum í
leigu í bæjarfélaginu en oft áður.
Seltjarnarnesbær er að mestu
fullbyggður og segir í skýrslunni að
einungis 11 íbúðarhúsalóðir séu
óbyggðar. Á árinu 2002 var ekki haf-
in smíði nýs íbúðarhúss á Seltjarn-
arnesi en lokið við smíði fimm íbúða.
Lokið var við stækkun Valhúsaskóla
á árinu og var viðbyggingin tekin í
notkun í upphafi skólaárs.
Morgunblaðið/Júlíus
Seltjarnarnesbær er að mestu fullbyggður og eru einungis 11 íbúðar-
húsalóðir óbyggðar. Ekki var hafin smíði nýs íbúðarhúss á árinu 2002.
Ársskýrsla Seltjarnarnesbæjar 2002
Stærstum hluta
skatttekna varið
til fræðslumála
Seltjarnarnes