Morgunblaðið - 04.09.2003, Blaðsíða 4

FRÉTTIR
4 FIMMTUDAGUR 4. SEPTEMBER 2003 MORGUNBLAÐIÐ
Síðustu sætin til Rimini þann 9. september í eina viku. Þú bókar
2 sæti, en greiðir bara fyrir 1. Kynnstu Feneyjum, Flórens,
Rimini og Róm, því héðan er frábært að ferðast til allra átta um
Ítalíu. Þú bókar núna og tryggir þér síðustu sætin og að auki
getur þú valið um úrval gististaða á Rimini og að sjálfsögðu
nýtur þú traustrar þjónustu
fararstjóra Heimsferða
allan tímann.
2 fyrir 1
Rimini
19. september
frá kr. 19.950
Skógarhlíð 18, sími 595 1000.
www.heimsferdir.is
Munið Mastercard
ferðaávísunina
Verð kr. 19.950
Fargjald kr. 32.200.- / 2 = 16.100.
Skattar kr. 3.850.
Alm. verð kr. 20.950.
Ferðir til og frá flugvelli, kr. 2.800.
Verð gistingar
Nautic 7 nætur
2 í stúdíó, á.mann 17.400.
EIRÍKUR Tómasson lagaprófessor
og Ragnar H. Hall hæstaréttarlög-
maður, sem sóttu um stöðu dómara
við Hæstarétt, eru ósáttir við rök-
stuðning Björns Bjarnasonar dóms-
málaráðherra um ákvörðun hans að
skipa Ólaf Börk Þorvaldsson í stöð-
una. Ragnar hefur sent kvörtun til
umboðsmanns Alþingis þar sem
hann telur að skipunin hafi brotið
gegn reglum um góða stjórnsýslu-
hætti. Íhugar Eiríkur að fara sömu
leið. Þá hafa tveir umsækjendur til
viðbótar óskað nýlega eftir rök-
stuðningi ráðherra; Jakob R. Möller
hæstaréttarlögmaður og Hjördís
Hákonardóttir héraðsdómari.
Í umsögn Hæstaréttar um um-
sækjendur var talið að þeir væru
allir hæfir til að gegna stöðunni en
þeir Eiríkur og Ragnar H. Hall
voru sagðir „heppilegastir“ í starfið.
Eftir að ráðherra hafði mælt með
því að Ólafur Börkur yrði skipaður
var óskað eftir skriflegum rökstuðn-
ingi með vísan til stjórnsýslulaga.
Lofsamleg umsögn lá fyrir
í dómsmálaráðuneytinu
Í rökstuðningi dómsmálaráðherra
til Eiríks Tómassonar segir m.a. að
ákvörðunin hafi verið tekin á grund-
velli þeirra gagna er lágu fyrir í um-
sókn Ólafs Barkar auk þess sem í
ráðuneytinu hafi legið fyrir „lofsam-
leg umsögn dómnefndar“ um störf
Ólafs Barkar sem héraðsdómara. „Í
ljósi mikilla og stöðugt vaxandi
áhrifa Evrópuréttarins á þróun
réttarreglna hér á landi ákvað
dómsmálaráðherra að leggja sér-
staka áherslu á þekkingu á því sviði
réttarins að þessu sinni. Auk þess
var á umsögn Hæstaréttar að skilja
að sérstök ástæða væri til að nýr
dómari við réttinn hefði reynslu af
beitingu réttarfarsreglna,“ segir
m.a. í rökstuðningi ráðherra. Vitnað
er til meistaraprófs Ólafs Barkar í
Evrópurétti þar sem hann hafi lokið
námi með ágætiseinkunn við virta
menntastofnun. Hann er að auki
sagður afar farsæll í störfum hér-
aðsdómara og verið kallaður til
starfa innan Hæstaréttar í mikil-
vægum málum.
Eiríkur sagðist í samtali við
Morgunblaðið telja að rökstuðning-
ur dómsmálaráðherra væri ófull-
nægjandi. Ekki hefðu fengist svör
við þeim atriðum sem óskað var eft-
ir.
„Það voru aðallega tvö atriði,
annars vegar af hverju hann fór
ekki að tillögu Hæstaréttar og hins
vegar bað ég um samanburð á
hæfni þess sem skipaður var í emb-
ættið og hæfni minni til að gegna
stöðunni. Þessu svarar ráðherra
ekki í sínum rökstuðningi,“ sagði
Eiríkur, sem ekki hefur ákveðið
endanlega hvort hann sendi erindi
til umboðsmanns.
Litlu nær um val ráðherra
Ragnar H. Hall sagði svar dóms-
málaráðherra vera „þunnt“ og þar
væri áleitnum spurningum ekki
svarað. Hann væri litlu nær um
hvað hefði ráðið vali ráðherra á
hæstaréttardómara.
„Úr því að ráðherra telur sér
skylt að veita rökstuðning þá finnst
mér mjög skrýtið að ekki komi fram
í rökstuðningnum hvort hann telji
þann sem hann skipaði vera hæf-
asta umsækjandann. Í svarinu kem-
ur fram að valið byggist á lofsam-
legri umsögn dómnefndar sem hafi
legið fyrir í ráðuneytinu. Ég fæ ekki
séð að þessi gögn hafi verið send
Hæstarétti til umsagnar. Ekkert
kemur fram um frá hverjum þessi
umsögn kemur, hvenær hún var
gefin eða af hvaða tilefni,“ sagði
Ragnar.
Eiríkur Tómasson lagaprófessor og Ragnar H. Hall hrl.
Ósáttir við rökstuðning
dómsmálaráðherra
FULLTRÚAR úr ungliðahreyf-
ingum stjórnmálaflokkanna fengu
innsýn inn í nýjar hliðar á íslensk-
um landbúnaði í fylgd Guðna
Ágústssonar, ráðherra landbún-
aðarmála, í gær. Var tilgangur
hennar að kynna stjórnmálamönn-
um framtíðarinnar nýjungar í ís-
lenskum landbúnaði og auka skiln-
ing þeirra á greininni.
Fyrst var komið við á Spóa-
stöðum þar sem kynntar voru til-
raunir til að rækta upp nytjaskóga
og í Miklaholti var eitt fullkomn-
asta fjós landsins skoðað.
Garðyrkjustöð Sveins A. Sælands
blómabónda að Espiflöt var heim-
sótt og á Akri á Laugarási var gest-
um boðið upp á lífrænt ræktað
hnossgæti. Á Hestheimum tóku
Gísli Sveinsson hrossabóndi og
kona hans, Ásta, á móti hópnum
með rjúkandi lambalæri. Gísli sýndi
viðstöddum væntanlega hljóm-
leikahöll sem búið er að sprengja
fyrir í berginu framan við bæinn.
Fulltrúar ungliðahreyfinganna
voru allir stórhrifnir af uppátæki
ráðherrans. „Þetta kemur manni
mismikið á óvart. Hvort sem eitt-
hvað er nýtt fyrir manni eða ekki
þá er alltaf gaman að komast nær
hlutunum,“ sagði Hafsteinn Þór
Hauksson, varaformaður Sam-
bands ungra sjálfstæðismanna.
„Ég sé íslenskan landbúnað gjör-
samlega í nýju ljósi,“ sagði Andrés
Jónsson, formaður Ungra jafn-
aðarmanna í Reykjavík. „Þetta
frumkvöðlaeðli finnst mér eigin-
lega merkilegast sem er í sveita-
fólki og hversu vel það aðlagast
nýjum og breyttum aðstæðum […]
það er aðdáunarvert.“
Kolbeinn Már Guðjónsson, í for-
svari fyrir Unga frjálslynda, sagði
ferðina mjög fróðlega og nefndi
sérstaklega hvað skógrækt væri
miklum mun umfangsmeiri en hann
átti von á. Gunnar Örn Heimisson,
stjórn Ungra vinstri grænna, sagði
að sér kæmi á óvart viðleitni ráðu-
neytisins til að koma til móts við ný-
sköpunarverkefni í greininni.
Albertína Elíasdóttir, stjórn
Sambands ungra framsóknar-
manna, hafði þetta að segja um
ferðina: „Maður hefur alltaf þessa
mynd af landbúnaði að þetta sé
sauðfjárræktun og kannski nokkr-
ar kýr en það er greinilega alveg
ofboðslega margt nýtt sem er verið
að gera,“ sagði hún.
Morgunblaðið/Árni Sæberg
Ungir framsóknarmenn heilsa kú í Miklaholti. Haukur Logi Karlsson formaður og Albertína Elíasdóttir ritari.
Sjá landbúnað í nýju ljósi
Sveinn A. Sæland, blómabóndi á Espiflöt, fræðir ungliðana um blómaræktun.
HELGA Þórunn Harðardóttir, 17
ára Akureyringur, telur sig
heppna að vera á lífi eftir að hún ók
bíl sínum út af veginum í Langadal
seint síðastliðið sunnudagskvöld.
Talið er að slysið hafi átt sér stað
um kl. 22 en Helga Þórunn vaknaði
undir morgun og áttaði sig þá á því
að hún hafði hreiðrað um sig í aft-
ursætinu og sá að vinstri höndin,
sem er brotin, var í fatla; hún hafði
útbúið fatla úr náttbuxunum sín-
um en man reyndar ekki eftir að
hafa gert það. Einnig sagðist hún
hafa velt því fyrir sér hvað í ósköp-
unum hefði komið fyrir bílinn.
Hann er talinn ónýtur.
„Ég man mest lítið,“ sagði hún
þegar blaðamaður heimsótti hana
á Fjórðungssjúkrahúsið á Akur-
eyri í gærkvöldi og spurði hana um
slysið. „Við höfum giskað á að ann-
aðhvort hafi liðið yfir mig – ég man
að ég var með pínu hausverk og
var búin að hugsa mér að stoppa til
að hvíla mig – eða þá að stýrisend-
arnir hafi farið og mér finnst það
líklegri skýring. Pabbi sagði mér
það núna áðan að hjólin á bílnum
hefðu verið læst í beygju,“ sagði
Helga Þórunn í gærkvöldi.
Hún man eftir förum á veginum,
en það eru ekki bremsuför eins og
hún hélt fyrst. „Það getur ekki
verið því þau eru þversum á veg-
inum. Ekki nema ég hafi verið far-
in að rása á bílnum en ég ætti þá að
vera farin að muna það núna.“
Þórunn var komin um það bil 20
km austur fyrir Blönduós þegar
óhappið varð og bíllinn sást ekki
frá veginum, þegar hann stöðvað-
ist eftir margar veltur. Talið er að
hún hafi vaknað einhvern tíma á
milli klukkan sex og sjö um morg-
uninn.
Þrátt fyrir að bíllinn sé mjög illa
farinn komst Helga Þórunn út úr
honum af sjálfsdáðum og gekk upp
á veg þar sem vegfarendur urðu
hennar varir.
Helga Þórunn áttaði sig ekki al-
veg strax á aðstæðum þegar hún
vaknaði. „Ég vaknaði og fannst
bara eins og ég hefði lagt mig, stóð
svo upp og fór út.“
Hún fann að eitthvað amaði
einnig að vinstri fætinum vegna
þess að þegar hún steig í hann gaf
fóturinn eftir. „Ég var því hras-
andi alla leið upp á veginn.“ Það
hafði flísast úr mjaðmagrindinni.
Atvikið hefur enn ekki rifjast
upp fyrir Helgu Þórunni og hún
segir hugsanir um slysið alls ekki
kvelja sig.
Hún svarar játandi þeirri spurn-
ingu hvort hún hafi ekki verið í bíl-
belti og sýnir blaðamanni áberandi
mar á hálsinum eftir beltið. „Og
loftpúðinn kom út úr stýrinu. Það
hefur líklega bjargað andlitinu á
mér.“
Hún segir: „Ég tel mig heppna
að vera á lífi miðað við það hvernig
bíllinn er útlítandi. Mér er sagt að
gólfið í bílnum hafi gengið 40 cm
upp og þakið 2 cm niður. Bíllinn
minnkaði því talsvert og það er
örugglega algengara að fólk sé
klippt út úr svona bílum en að það
gangi sjálft út.“
Helga Þórunn var á gjörgæslu-
deild þar til í gærmorgun og von-
ast jafnvel til þess að fá að fara
heim í dag. „Það fer aðeins eftir því
hvernig ég verð í höfðinu. Ég sá
allt í móðu fyrst og alveg þangað til
í gær [þriðjudag] en nú er allt í
lagi.“
Heppin að
vera á lífi
Akureyri. Morgunblaðið.
Morgunblaðið/Skapti Hallgrímsson