Morgunblaðið - 29.09.2003, Blaðsíða 11
MINNSTAÐUR | VESTURLAND
MORGUNBLAÐIÐ MÁNUDAGUR 29. SEPTEMBER 2003 11
Stjórntækniskóli Íslands
Bíldshöfða 18
Sími 567 1466
MARKAÐSFRÆÐI
Hnitmiðað 250 stunda nám í sölu og markaðsfræðum. Náminu er
ætlað að koma til móts við sívaxandi kröfur atvinnulífsins um
hæfari starfskrafta. Námið er ætlað fólki sem vill bæta við
þekkingu sína og fá innsýn í heim markaðsfræðinnar, og að
nemendur tileinki sér markaðshugsun í íslensku viðskipta og
athafnalífi, og nái þannig betri árangri. Kennslan fer fram í formi
fyrirlestra og verkefnavinnu.
Helsu námsgreinar:
Markaðsfræði Sölustjórnun og sölutækni
Vöruþróun Vörustjórnun
Auglýsingar Áætlanagerðir
Viðskiptasiðferði Lokaverkefni
Starfsmenntun. Fjárfesting til framtíðar.
WWW.menntun.is Sími 567 1466. Opið til kl. 22.00.
„Ég mæli með náminu
fyrir alla þá, er starfa við
markaðs- og sölustörf.
Ég hef verið í sölu-
mennsku í 6 ár og nám-
skeiðið hefur nýst mér vel
í starfi. Fjölbreytt og
áhugavert námskeið.“
Elísabet Ólafsdóttir
Eggert Kristjánsson hf.
„Ég mæli tvímælalaust
með þessu námi fyrir
alla þá sem eitthvað eru
tengdir markaðs-, sölu-,
upplýsinga-, skipulags-
og/eða framleiðslumál-
um sinna fyrirtækja.“
Hendricus Bjarnason
Tæknilegur ráðgjafi og umsjónarmaður
markaðstengdra verðbréfa kerfa
ING-bankans í Amsterdam
„Sölu- og markaðsfræði-
nám Stjórntækniskóla Ís-
lands er afar hagnýtt og
ott nám fyrir alla þá er
starfa við sölu- og mark-
aðsmál. Námið er mjög
markvisst og hefur nýst
mér vel í starfi frá upp-
hafi og kemur til með að
gera það í framtíðinni.“
Gróa Ásgeir dóttir,
Flugfélag Íslands.
Akranesi | Forseti Íslands, Ólaf-
ur Ragnar Grímsson, opnaði sýn-
inguna og sagði meðal annars í
ræðu sinni að undravert væri hve
atvinnulífið hefði skotið mörgum
rótum á Akranesi og nágrenni og
greinilegt að krafturinn til nýrra
afla sækti að úr mörgum áttum.
Forsetinn minntist á að ein-
kunnarorð sýningarinnar, þeir
fiska sem róa, vísaði bæði til
þeirrar einhæfni sem einkenndi
atvinnulífið á stöðum eins og
Akranesi hér áður fyrr, en jafn-
framt væru þau hvatning og her-
hvöt á nýjum tímum. Á Akranesi
og á Grundartanga hefðu byggst
upp öflug iðnfyrirtæki og sjávar-
útvegsfyrirtæki. Mikið munaði
um slík fyrirtæk, ásamt smærri
fyrirtækjum, ekki bara fyrir
Akranes heldur þjóðarbúið í
heild. Þá vakti hann athygli á því
hversu mikilvægt hefði reynst að
skólar hafi eflst í byggðarlögum
víða um land. Byggðarþróun
nýrrar aldar mundi í vaxandi
mæli verða tengd góðri menntun.
Kyrrstaða ekki valkostur
Gísli Gíslason bæjarstjóri sagði
í ávarpi sínu að kyrrstaða í at-
vinnulífi væri ekki valkostur því
kyrrstaða leiðir til hnignunar og
hnignun leiðir af sér fátækt á öll-
um sviðum. Ennfremur sagði
hann: „Vissulega er það svo að
ekki höldum við um alla þræði í
flóknu efnahagslífi og um sumt
erum við ekki eigin gæfu smiðir.
Þróun efnahags í heiminum, af-
koma þjóðarbúsins, sjávarafli,
verð á sjávarafurðum og hrær-
ingar á markaði hlutabréfa hafa
svo sannarlega haft víðtæk áhrif
á atvinnulíf á Akranesi í gegnum
tíðina.“
Fjöldi manns sótti sýninguna
strax á opnunardeginum og að
sögn Magnúsar Magnússonar,
atvinnu- og markaðsfulltrúa
Akraness, voru sendir út 4.500
boðsmiðar. Sagði hann að svo
virtist sem flestir boðsgestir
hefðu skilað sér á sýninguna
fyrsta daginn. Um 70 fyrirtæki
hafi komið að sýningunni, og
hefðu fleiri viljað vera með.
Reynt var eftir mætti að koma
sem flestum að, en á milli 5 og 10
fyrirtæki urðu frá að hverfa.
Markaðsráð Akraness stóð fyr-
ir sýningunni, en það er samráðs-
vettvangur og hagsmunasamtök
atvinnulífsins á Akranesi og sam-
eiginlegur málsvari fyrirtækja,
stofnana, félagasamtaka og ein-
yrkja sem stunda atvinnurekstur
á svæðinu. Markmið sýningar-
innar var að gefa gestum glögga
mynd af atvinnulífi staðarins og
styrkja tengsl fyrirtækja og
stofnana við samstarfsaðila vítt
og breitt um landið.
Á sýningunni voru ýmis stór-
fyrirtæki sem eru með útibú á
Akranesi svo sem Landsbanki Ís-
lands, Landssíminn og fleiri,
Önnur af ýmsum stærðum og
gerðum svo sem Norðurál, bygg-
ingarfyrirtæki, listamenn, blóma-
búðir og gamlagróin fyirirtæki á
borð við Hörpuútgáfuna. Einnig
voru matvælafyrirtæki með sýn-
ingarbása á efri hæðinni þar sem
hægt var að smakka alls konar
góðgæti. Akraneskaupstaður var
með stóran bás, Fjölbrautaskóli
Vesturlands og Símenntunarmið-
stöðin og Sjúkrahúsið á Akranesi
og heilsugæslan þar sem meðal
annars var hægt að fara í óm-
skoðun og láta mæla blóðþrýsting
og fleira og skoða sýnishorn af
ýmsum gerviliðum svo sem
hnjám og mjöðmum.
Og þarna voru allt frá smæstu
fyrirtækjum upp í stærstu. Meðal
sýnenda var til dæmis Litla búð-
in, sem er lítil verslun sem El-
ínborg Lárusdóttir rekur í bíl-
skúrnum hjá sér. Þar býður hún
upp á naglasnyrtingu og förðun,
auk þess sem hún sérhæfir sig í
stórum stærðum af undirfötum
fyrir konur. Þá selur hún ýmiss
konar snyrtivörur og segist vera
allsherjar „reddari“. „Ef ég hef
ekki þá vöru sem viðskiptavininn
vantar, þá útvega ég hana,“ sagði
hún.
Hinum megin á sama gangi var
stórfyrirtækið Haraldur Böðv-
arsson með bás. Þar var lögð
áhersla á tæplega 100 ára sögu
fyrirtækisins meðal annars með
því að sýna myndir af bátum sem
hafa verið í eigu þess. Elsta
myndin var frá 1908, en fyrirtæk-
ið var stofnað 17. nóvember 1906
og er elsta starfandi útgerðarfyr-
irtækið á landinu. Hjá því starfa
um 300 manns.
Haraldur Sturlaugsson fram-
kvæmdastjóri var ásamt fleirum
að skoða myndir á skjá í bás HB.
Þar var hægt að sjá þróun síld-
arsöltunar á vegum fyrirtækisins
í gegnum árin. Haraldur sagði að
þessi sýning hafi komið flestum á
óvart. Mikill metnaður einkenndi
hana og stemmningin væri góð.
Spurður um þá óvissu sem nú
ríkti vegna aðildar fyrirtækisins
að Brimi, sjávarútvegsstoð Eim-
skipafélagsins, sem Landsbanki
Íslands á nú ráðandi hlut í, sagði
hann að þrátt fyrir hana væri víst
að hvernig sem færi yrði áfram
rekið öflugt útgerðarfyrirtæki á
Akranesi. Annað kæmi ekki til
greina.
Morgunblaðið/Kristinn
Haraldur Sturlaugsson: Áfram verður rekið öflugt útgerðarfyrir-
tæki á Akranesi, þó að eignarhaldi á Brimi hafi verið breytt.
Fjöldi fólks lagði leið sína á atvinnuvegasýninguna „Þeir fiska sem
róa“ á Akranesi um helgina. Þar voru jafnt ungir sem gamlir.
Atvinnuvegasýningin Akranes Expo 2003, „Þeir fiska sem róa“
Það komust færri
fyrirtæki að en vildu
á atvinnuvegasýning-
unni Þeir fiska sem
róa. Ásdís Haralds-
dóttir skoðaði
sýninguna.
Metnaðarfull sýning
Grundartanga | Afmælishátíð var haldin í
Norðuráli um helgina í tilefni þess að rúm-
lega fimm ár eru liðin frá því að áli var
fyrst tappað af keri en það var gert 11.
júní 1998. Gangsetningu kerjanna í fyrsta
áfanga var þó ekki lokið fyrr en 15. janúar
1999. Viðstaddir hátíðina voru starfs-
menn, börn og makar auk fjölmargra ann-
arra innlendra og erlendra gesta sem
komu að uppbyggingu verksmiðjunnar.
Dagskráin hófst með leik Skóla-
hljómsveitar Akraness. Eigandi Norðuráls
Kenneth Peterson flutti því næst ávarp á
sínu móðurmáli. Hann rifjaði upp þá sýn
sem blasti við honum áður en Norðurál
varð að veruleika en á þessu svæði var þá
óræktað beitiland fyrir sauðfé. Yfir því
sem blasir við í dag er hann stoltur og
þakkaði það góðu starfsfólki og stuðningi
íslenskra yfirvalda. Valgerður Sverris-
dóttir iðnaðarráðherra flutti stutt ávarp
og lagði út frá styrkleika þessa svæðis í
gegnum aldirnar sem iðnaðarhérað, einn-
ig óskaði hún starfsfólki og eigendum
allra heilla og lokaorð voru þau að „Norð-
urál kom, sá og sigraði“.
Sturla Böðvarsson samgönguráðherra
ávarpaði gesti og kom þar inn á möguleika
hafnarinnar á Grundartanga í næstu
framtíð og mikilvægi Norðuráls í því sam-
bandi.
Skari skrípó tók því næst við að sprella
fyrir og með gesti. Hann lét giftingar-
hring Claudiu Peterson (eiginkonu Kenn-
eths) hverfa og birtast á ný og „sagaði af“
handlegg Kenneths. Að lokum skemmti
hljómsveitin Írafár og boðið var upp á
grillmat og afmælistertu.
„Norðurál kom, sá og sigraði“
Skari skrípó „sagaði“ handlegg af Peterson, eiganda Norðuráls.
KANNSKI hrukku einhverjir við þegar þeir gengu
um sýningarsvæðið á sýningunni Þeir fiska sem
róa þegar við blöstu líkkistur og öskuker í einum
básnum, en Útfararstofa Vesturlands á Akranesi
var eitt af þátttökufyrirtækjunum á sýningunni.
Þorbergur Þórðarson er útfararstjóri hjá Útfar-
arstofu Vesturlands. Hann, ásamt samstarfsfólk-
inu þeim Baldri Fredriksen og Birnu Þorbergs-
dóttur, var með fallegan bás þar sem voru nokkur
sýnishorn af líkkistum, öskukerjum og fleiru sem
tilheyrir jarðarförum.
Baldur sagði að Íslendingar hefðu nokkra sér-
stöðu meðal nágrannaþjóðanna vegna þess að hér
vildu fáir láta brenna sig. Hann sagði að nokkur
aukning hefði orðið á nokkurra ára tímabili í lok
síðasta áratugar en líkbrennslum hefði aftur farið
fækkandi síðustu ár. Hann sagðist ekki vita skýr-
inguna á þessu, en yfir 90% Dana láta brenna sig.
Líkbrennslum fer fækkandi
Morgunblaðið/Kristinn
Baldur: Íslendingar láta síður brenna sig en aðr-
ar þjóðir, en 90% danskra líka eru brennd.
DÝRFINNA Torfadóttir gull-
smiður sýnir fjölbreytt úrval
af handunnum munum, skart-
gripum, skúlptúrum og lág-
myndum. Dýrfinna er Ísfirð-
ingur og starfaði lengi þar.
Hún hefur nú búið á Akranesi
í tvö ár, en selur gripi sína á
Ísafirði og hjá versluninni
Ófeigi í Reykjavík og í Módel
á Akranesi.
„Ég var svo heppin að
Akranesbær bauð mér að
vera með verkstæði á Safna-
svæðinu,“ sagði hún. „Þar er
ákaflega gott að vera enda
kemur ótrúlegur fjöldi ferða-
manna þangað á hverju ári.
Verkstæðið er opið og getur fólk komið og skoð-
að hvað ég er að gera. Ég sel einnig þó nokkuð á
verkstæðinu.“
Skartgripir Dýrfinnu eru mjög sérstakir. Hún
benti þó á nokkra sem hún sagði að væru í hefð-
bundnum stíl. Handbragð hennar leyndi sér þó
ekki.
Aldrei orðið vör við
jafn mikinn metnað
Dýrfinna: Gott að
selja á Safnasvæðinu.