Pressan - 02.09.1988, Blaðsíða 2

2Vv\\\V*\\\\YY\\\\?y\\\\\
350? 'i'i'Sc;t <' ?
'FöSfUdaQCir 2: 's'e'ptéfribér 19ð8
KASSETTUR í stað lyfja? Já,
það er ekki svo vitlaust — a.m.k. ef
marka má tilraun, sem læknir í
Bandaríkjunum gerði á hópi mígr-
en-sjúklinga. Hann lét þá leggjast
út af tvisvar í viku og hlusta á þægi-
lega tónlist að eigin vali í hálftíma.
Og viti menn! Mígren-köst þessara
sjúklinga urðu mun færri en hjá
viðmiðunarhóp, sem settur hafði
verið á „venjulegt“ slökunarnám-
skeið.
BRENNIVÍN getur valdið
bakverkjum, hvort sem þið trúið
því nú eða ekki. Læknar á Park-
sjúkrahúsinu í London greindu
a.m.k. vöðvarýrnun í tveimur
þriðjuhlutum áfengissjúklinga,
sem þeir rannsökuðu. Og rýrnun á
vöðvum getur orsakað bakverki.
TANNKREM hentar ekki á
brunasár, þó sumir virðist halda
það. Á sjúkrahúsi í Birmingham var
gerð könnun á því hvað fólk, sem
kom þangað með brunasár, hefði
gert strax eftir slysið. í Ijós kom, að
flestir settu alls kyns krem á sárin,
en einnig var algengt að fólk hellti
yfir þau mjólkurafurðum, salti eða
tannkremi! lnnan við helmingi
sjúklinganna hafði dottið í hug að
nota kalt vatn, sem auðvitað er það
eina rétta, þegar maður brennir sig.
TILFINNIN G ALÍF skiln-
aðarbarna þarf alls ekki að vera í
meira ójafnvægi en gerist og gengur
hjá börnum, sem alast upp hjá báð-
um foreldrum, svo framarlega sem
andlegum og efnislegum þörfum
þeirra er fullnægt. Sú var a.m.k.
niðurstaða könnunar á 234
menntaskólakrökkum í Bandaríkj-
unum. Börnin virtust sem sagt ekki
hljóta neinn skaða af skilnaði for-
eldranna, ef þeim var sýnd ást og
umhyggja og ef uppalandi þeirra
var ekki í mjög miklum peninga-
vandræðum. Allir foreldrar ættu að
sjálfsögðu að sýna börnum sínum
ástúð, en þetta með peningana er
líklega öllu erfiðara viðureignar.
SUMIR eru með misstóra fætur
og eiga því, eins og gefur að skilja,
í miklum erfiðleikum með að
kaupa sér skó. Kona nokkur í
Arizona, sem á við þetta vandamál
að stríða, hefur nú stofnað eins
konar skómiðlun fyrir þessa ein-
staklinga. Hún fær skóna gefins frá
framleiðendum og búðum og „út-
býr“ síðan par eftir óskum hvers og
eins. Fer þetta allt fram heima hjá
blessaðri konunni og gengur þar
víst á ýmsu.
Blóm fyrir bestu barnasöguna
Svo virðist sem herferð landlæknisembættisins gegn eyðni beri árang-
ur, a.m.k. þegar til lengri tíma er litið.
Óli átti kött að vini norður í landi og hét sá Sæmundur. Fyrir skömmu
var ÓIi þar í heimsókn og spurði strax hvar Sæmundur köttur væri?
Það varð fátt um svör, þar sem Sæmundur hafði verið svæfður
nokkru áður. Húsmóðirin segir loks Óla að Sæmundur sé dáinn.
„Hvernig dó hann?“ spurði Óli.
„Hann var orðinn veikur og dó úr veikindunumþ svaraði húsmóðirin.
Óli veltir þessu fyrir sér í smástund og spyr síðan ákveðinn:
„Dó hann úr Aids?“
Pressan mun í samvinnu við BLÓMAVAL veita í viku hverri blóm-
vönd fyrir bestu innsendu söguna af barni í fjölskyldunni. T.d.
fyndnum tilsvörum eða uppákomum.
Lesendur sendi söguna ásamt nafni og heimUisfangi ogsásem á bestu
söguna að mati pressunnar fœr send blóm um hcel
PRESSAN-Barnasagan,
Árinúla 38,
108 Reykjavík.
ATTIIEINSTAKAN
VIN EDA YFIRMANN?
Mörg okkar eru svo heppin að eiga alveg sérlega
góðan vin eða vinkonu. Aðrir eru þvílíkir lukkunnar
pamfílar að vinna hjá einstaklega góðum yfirmönnum.
Oft vita þó ekki nema örfáir af þessum frábæru ein-
staklingum.
En er ekki tími til kominn að
hinn stórkostlegi vinur þinn eða
yfirmaður fái opinbera viðurkenn-
ingu? Það finnst okkur á Pressunni
og þess vegna höfum við ákveðið að
efna til nýstárlegrar samkeppni.
Við ætlum að velja „Vin ársins“ og
„Yfirmann ársins“ — með þinni
hjálp!
Þekkir þú einhvern, sem á skilið
að bera annan hvorn titilinn, skaltu
skrifa okkur bréf og rökstyðja
skoðun þína. Segðu okkur af
hverju þessi ákveðna persóna
myndi sóma sér vel sem Vinur eða
Yfirmaður ársins. Hefur hún gert
þér alveg sérstakan greiða, verið þér
stoð og stytta eða komið þér þægi-
lega á óvart á einhvern hátt? Eða er
þessi manneskja einfaldlega alltaf
boðin og búin að greiða götu
þína og létta þér lífsbaráttuna á
hvaða veg sem er? Gerðu okkur þá
endilega viðvart, svo við getum sagt
fleirum frá þessum einstaklingi.
(Það er alveg gráupplagt fyrir fólk á
sama vinnustað að standa sameig-
inlega að slíkri tillögu, þegar um
Yfirmann ársins er að ræða.)
Pressan hefur fengið fimm
þekkta einstaklinga til liðs við sig í
þessum tilgangi. Þeir skipa nefnd,
sem sker úr um það hverjir munu
bera framangreinda titla. Óg það er
bréfið frá þér, sem lagt verður til
grundvallar!
Nefndarmennirnir eru: Flosi
Ólafsson leikari, Lára V. Júlíus-
dóttir Iögfræðingur, Davíð Sch.1
Thorsteinsson forstjóri, Kristín
Þorkelsdóttir, eigandi auglýsinga-
stofunnar AUK, og Steingrímur J..
Sigfússon þingmaður.
Þau bíða nú eftir að heyra um
alla þá kosti, sem prýða vin þinn
eða yfirmann. Skrifaðu fyrir 23.
september og leiddu þau í allan
sannleikann. Úrslitin og viðtöl við
þá útvöldu birtast síðan um næstu
mánaðamót — að sjálfsögðu hér í
Pressunni!
Heimilisfangið er: PRESSAN —
Vinur/Yfirmaður ársins
Ármúla 38,
108 Reykjavík.
velkontÍNi i heiminn!
Pressan er fyrir alla — unga sem
gamla — m.a.s. yngstu þjóðfélags-
þegnana! Þeir fá nefnilega birta
1. Þeim Eygló Dröfn Þorsteins-
dóttur og Jónasi Birgi Magnússyni
fæddist dóttir þann 28. ágúst. Vó
hún 13 merkur og var 50 sm löng. Á
myndinni er ekki annað að sjá en
dóttirin sé að geispa af leiðindum
yfir öllu þessu umstangi i kringum
hana.
mynd af sér í blaðinu, ef hinir stoltu
foreldrar gera ljósmyndaranum
okkar viðvart. Nýbakaðir foreldrar
2. Ásdisi Óskarsdóttur og Jóni
Daða Ólafssyni fæddist 14 marka
og 51 sm stúlka þann 27. ágúst.
Eins og sjá má er sú stutta með
þykka og kvenlega lokka.
úti á landi geta einnig verið með.
Þeir senda okkur einfaldlega mynd
af litla krúttinu með upplýsingum
3. Kolbrún Gisladóttir og Sigurð-
ur Einarsson eignuðust kröftugan
og stóran dreng þann 27. ágúst.
Hann reyndist vega 16,5 merkur og
var 52 sm langur. Hér sést þessi
kraftakarl draga annað augað íbygg-
inn í pung.
um nöfn móður og föður, kyn
barnsins, þyngd og lengd.
Heimilisfangið er:

4. Dóttir fæddist þeim Elsu
Bjarnadóttur og Magnúsi Loftssyni
þann 29. ágúst. Hún var 14 merkur
og 50 sm. Greinilega hörkustelpa
sem hikar ekki við að láta i sér
heyra.
PRESSAN
Ármúla 38,
108 Reykjavík.
5. í Vestmannaeyjum fæddist
þeim Unni S. Aradóttur og Júlíusi
Sævarssyni drengur þann 24.
ágúst. Hann reyndist vega 14 merk-
ur og vera 52 sm langur. A myndinni
má sjá hann i mestu makindum i
morgunbaðinu sínu.