Morgunblaðið - 29.05.2004, Blaðsíða 8

FRÉTTIR
8 LAUGARDAGUR 29. MAÍ 2004 MORGUNBLAÐIÐ
Þá er nú komið að því að berja á forseta landsins.
Alþjóðleg ráðstefna um verndun hafsins
Fjölbreytt og
yfirgripsmikið
Alþjóðleg ráðstefnaum verndun hafs-ins verður haldin
á Hótel Nordica dagana
2.–4. júní nk. Ráðstefnan
sem nefnist Ocean Strat-
egies, Integrated man-
agement of the Marine
Environment (málefni
hafsins, samræmd stefnu-
mörkun) er haldin í tilefni
af formennsku Íslendinga
í norrænu ráðherranefnd-
inni í ár og er hún í boði
umhverfis- og sjávarút-
vegsráðuneytisins, en
styrkt af norrænu ráð-
herranefndinni. Þess ber
að geta að vinnumál ráð-
stefnunnar er enska.
Hvert er markmið ráð-
stefnunnar?
„Helsta markmiðið með
ráðstefnunni er að fá þá sem
vinna að stefnumótun um málefni
hafsins til að bera saman bækur
sínar og fá upplýsingar um þær
ógnanir sem steðja að hafinu. En
síðustu ár hafa æ fleiri ríki verið
að móta heildstæðar stefnumót-
anir um málefni hafsins og nú
síðast Ísland, en slík stefnumót-
unarvinna er einnig í gangi fyrir
Evrópu. Málefni hafsins eru fjöl-
breytt og yfirgripsmikil og hafa
marga snertifleti við umhverfi
okkar og fjölbreytta hagsmuni
þjóða. Stefnumótun í málefnum
hafsins þarf því að taka mið af
þessu og aðkomu sífellt fleiri að-
ila að málefnum hafsins. Því má
segja að málefni hafsins kalli á
víðara og heildrænna samhengi
og samvinnu en áður hefur
þekkst og því fylgja bæði áskor-
anir og tækifæri.
Með mótun heildstæðrar
stefnu um málefni hafsins er því
reynt að draga saman á einn stað
fyrirliggjandi stefnur, skuldbind-
ingar og áætlanir jafnframt sem
ný markmið eru sett og tillögur
að raunhæfum aðgerðum til að
ná þeim,“ segir Kristín L. Árna-
dóttir, formaður undirbúnings-
hóps umhverfis- og sjávarútvegs-
ráðuneytisins sem hefur veg og
vanda af ráðstefnunni.
Hverjum er ráðstefnan ætluð?
„Ráðstefnan er ætluð þeim
sem vinna að málefnum tengdum
hafinu og er því um fjölbreyttan
hóp að ræða þar sem gerð sér-
stakrar heildstæðrar stefnumót-
unar um málefni hafsins er árétt-
ing á því að þeir sem vinna að
verndun hafsins þurfi að vinna
saman til að ná settum mark-
miðum. Þess má geta að ráð-
stefnan er opin öllum sem áhuga
hafa á málefnum hafsins. Hægt
er að skrá þátttöku sína á vef-
slóðinni: www.environment.is/
oceanstrategies og þar má einnig
finna allar ítarlegri upplýsingar.“
Eigið þið von á mörgum er-
lendum gestum?
„Þetta er alþjóðleg ráðstefna
og nú þegar hafa aðilar frá ellefu
þjóðlöndum skráð þátttöku sína
auk þess sem von er á nokkrum
fjölda norrænna blaðamanna.“
Hvað fer fram á
ráðstefnunni?
„Ráðstefnan verður
sett miðvikudaginn 2.
júni og hefst með
ávörpum Sivjar Frið-
leifsdóttur umhverfisráðherra og
Árna M. Mathiesen sjávarút-
vegsráðherra. Að því loknu fer
fram móttaka þar sem gestum
gefst tækifæri til að kynna sér
sýningu á nokkrum verkefnum
sem unnin eru hér á landi og
varða hafið. Aðalræðumaður ráð-
stefnunnar er Philip Burges, for-
maður óformlegs vettvangs Sam-
einuðu þjóðanna, og hefst
dagskrá fimmtudagsins með um-
fjöllun hans um málefni hafsins.
Síðan munu fulltrúar frá Noregi,
Íslandi, Kanada, Evrópusam-
bandinu og Norðurheimskauta-
ráðinu kynna stefnumótanir sín-
ar varðandi málefni hafsins, sem
annaðhvort eru tilbúnar eða í
farvatninu. Eftir hádegi verða
síðan fyrirlestrar þar sem farið
er yfir þau svið sem helst brenna
á þeim er vinna að verndun hafs-
ins. Geir Oddsson. forstöðumað-
ur Umhverfisstofnunar, mun
halda erindi um hvaða mismun-
andi stjórntækjum hægt er að
beita til að hrinda stefnu um
málefni hafsins í framkvæmd svo
og hver þessi stjórntæki eru og
hvernig þau nýtast mismunandi
þáttum áætlunarinnar. Veerle
Vanderweerd, framkvæmdastjóri
GPA (alþjóðlegrar áætlunar um
varnir gegn mengun sjávar frá
landi), fjallar um hvernig hægt
er að nýta heildstæða stefnumót-
un til að berjast gegn mengun
hafsins. Harald Loeng frá
norsku hafrannsóknastofnuninni.
gerir að umtalsefni hvaða áhrif
loftslagsbreytingar geta haft á
lífríki sjávar. Og að lokum mun
David Griffith, framkvæmda-
stjóri ICES (Alþjóðlega hafrann-
sóknarráðsins), ræða um hina
svokölluðu vistkerfisnálgun og
hvort og hvernig hún sé notuð í
einstökum stefnumótunum um
málefni hafsins.
Að erindum loknum geta ráð-
stefnugestir valið milli þriggja
málstofa þar sem
mengun hafsins, loft-
lagsbreytingar og vist-
kerfisnálgun verða
rædd innan ramma
stefnumótunar um
málefni hafsins. Á lokadegi ráð-
stefnunnar ætla stjórnendur
málstofanna síðan að kynna
helstu niðurstöður umræðna í
málstofunum og að lokum munu
Magnús Jóhannesson, ráðuneyt-
isstjóri í umhverfisráðuneytinu,
og Vilhjálmur Egilsson, ráðu-
neytisstjóri í sjávarútvegsráðu-
neytinu, draga saman helstu nið-
urstöður ráðstefnunnar.“
Kristín L. Árnadóttir

Kristín L. Árnadóttir er fædd í
Reykjavík árið 1971. Hún lauk
lagaprófi frá Háskóla Íslands
1998 og eftir að hafa unnið í
nokkur ár í umhverfisráðuneyt-
inu fór hún í frekara nám við Há-
skólann í Lundi og lauk þaðan
mastersprófi í umhverfisfræðum
haustið 2003 og L.L.M. í Evrópu-
rétti vorið 2004. Hún starfar sem
lögfræðingur í umhverfisráðu-
neytinu.
Maki Kristínar er Ari Stefánsson
verkefnastjóri hjá Jarðborunum
hf. og eiga þau tvö börn, Nótt 8
ára og Birtu 3 ára.
Heildstæðar
stefnumót-
anir í vinnslu
ENDURHÆFING ehf. hefur tekið
við rekstri endurhæfingardeildar
Landspítala – háskólasjúkrahúss í
Kópavogi. Jón Kristjánsson heil-
brigðisráðherra og Guðný Jónsdótt-
ir, yfirsjúkraþjálfari og fulltrúi End-
urhæfingar, rituðu í fyrradag undir
samkomulag til 5 ára sem byggt er á
þjónustusamningi um reksturinn.
„Samkvæmt samningnum tekur
fyrirtækið að sér endurhæfingu ein-
staklinga með mikið skerta andlega
og líkamlega færni vegna meðfæddr-
ar og áunninnar fötlunar. Þeir sem
þarna fá endurhæfingu eru sömu
einstaklingarnir og fram til þessa
hafa fengið þjónustu hjá sjúkra- og
iðjuþjálfun LSH í Kópavogi, en auk
þess er gert ráð fyrir því í þjónustu-
samningnum að fleiri einstaklingar
með áþekka fötlun fái sambærilega
þjónustu í Kópavogi,“ segir í tilkynn-
ingu frá heilbrigðisráðuneyti.
Fram að þessu hafa 32 fatlaðir ein-
staklingar notið þjónustunnar í
Kópavogi en með þjónustusamn-
ingnum við ráðuneytið er gert ráð
fyrir að þeim geti fjölgað í 48. Að
auki er gert ráð fyrir að ráðuneytið
geri samkomulag við Landspítala –
háskólasjúkrahús um þjónustu við
sjúklinga af nokkrum deildum spít-
alans sem þurfa á þeirri þjónustu að
halda sem veitt er í Kópavogi. Kostn-
aðurinn við báða samninga er 57
milljónir króna á ári.
Samningurinn milli heilbrigðis-
ráðuneytis og Endurhæfingar er
uppsegjanlegur af beggja hálfu með
12 mánaða fyrirvara og miðast upp-
sögn við áramót.
Endurhæfing ehf. tekur
við rekstri í Kópavogi
Fleiri fatlaðir einstaklingar fá þjónustu en áður
Jón Kristjánsson heilbrigðisráðherra, Guðný Jónsdóttir sjúkraþjálfari og
Magnús Pétursson, forstjóri LSH, rituðu undir samning um að Endurhæf-
ing ehf. taki við rekstri endurhæfingardeildar LSH í Kópavogi.
HJÁ einkaumboðsaðila Álfabikars-
ins, sem konur nota þegar þær hafa
tíðir, er tekið fram að konur með lat-
exofnæmi geti ekki notað hann. Á
vefnum femin.is hefur sami bikar
hins vegar verið auglýstur sem lat-
exfrír og Anne Mette Pedersen, for-
maður fagdeildar bráðahjúkrunar-
fræðinga, gagnrýnir það í samtali við
Morgunblaðið 26. maí sl.
Guðrún Jónasdóttir er eigandi
skráðs einkaleyfis á nafninu Álfabik-
arinn og einkaumboðsaðili hans hér
á landi. Hún rekur verslunina Móð-
urást og á vef verslunarinnar er sér-
staklega varað við því að konur með
latexofnæmi noti hann, með þessum
orðum: „Álfabikarinn er úr náttúru-
gúmmíi og inniheldur latex. Konur
sem hafa ofnæmi fyrir latexi geta
ekki notað bikarinn.“
Guðrún gagnrýnir að allir seljend-
ur Álfabikarsins séu settir undir
sama hatt í greininni. „Það vekur
undrun mína að Álfabikarinn sé svo
sérstaklega tekinn fram sem skað-
valdur, þar sem við hjá Móðurást og
áður alfabikarinn.is höfum varað
sérstaklega við þessari hættu. Við
höfum ekki frétt af neinni konu sem
keypt hefur álfabikarinn hjá okkur
sem fengið hefur einkenni latex-
ofnæmis vegna notkunar hans. Eng-
in tilfelli eru heldur skráð opinber-
lega annars staðar frá í heiminum,“
segir Guðrún.
Beðið eftir sílíkonbikar
Móðurást kaupir Álfabikarinn
beint frá framleiðandanum í Banda-
ríkjunum en aðrir seljendur hér á
landi kaupa bikarinn frá verslunum
ytra, að sögn Guðrúnar. Hún segist
leggja áherslu á náttúrulegar vörur í
versluninni, sem selur m.a. hjálpar-
tæki til brjóstagjafar, en Guðrún er
brjóstagjafarráðgjafi.
Guðrún telur það skjóta skökku
við að í greininni var ekki minnst á
snuð eða túttur úr latexi sem eru á
markaði án viðvörunar. „Þar er um
að ræða hluti sem varnarlaus ung-
börn nota og eru í snertingu við slím-
húð allan tímann. Þar er ef til vill
komin skýringin á aukinni tíðni lat-
exofnæmis?“ spyr hún.
Á markaði eru bæði snuð úr latexi
og sílíkoni en þau fyrrnefndu eru gul
en síðarnefndu glær. Börn eiga ekki
á hættu á að fá ofnæmi af sílíkon-
snuðum. Guðrún segist nú bíða eftir
sílíkonútgáfu af Álfabikarnum sem
er ekki hættulegur konum með lat-
exofnæmi, en slíkur sílíkonbikar á
eftir að hljóta samþykki bandaríska
lyfjaeftirlitsins, FDA.
Álfabikarinn ekki skaðvaldur