Morgunblaðið - 12.08.2004, Blaðsíða 40

MENNING
40 FIMMTUDAGUR 12. ÁGÚST 2004 MORGUNBLAÐIÐ
Sumarkvöld við orgelið
í Hallgrímskirkju
12. ágúst kl. 12.00:
Guðný Einarsdóttir orgel
14. ágúst kl. 12.00:
Matti Hannula orgel
15. ágúst kl. 20.00:
Finnski organistinn Matti Hannula
leikur verk m.a. eftir Tag,
Rheinberger,
Linnavuori og Bach.
MIÐASALA: 552 3000
Miðasalan er opin frá kl. 10-18
SELJAVEGI 2 • 101 REYKJAVÍK
BEINT FRÁ SVÖRTU NEW YORK
SÖNGSKEMMTUNIN
HARLEM SOPHISTICATE
Föstud. 13. ágúst kl. 20.00 Frumsýning
Laugard. 14. ágúst kl. 20.00
Föstud. 20. ágúst kl. 20.00
Laugard. 21. ágúst kl. 19.00
AÐEINS
ÞESSAR
FJÓRAR
SÝNINGAR!
MIÐASALAN er opin á fame.is,
á þjónustuborði Smáralindar
og í síma 528 8008
JÓNSI
SVEPPI Yfir 14.000 miðar seldir
ÓSÓTTAR PANTANIR SELDAR DAGLEGA
Fim. 12. ágúst kl. 19.30 Fös. 13. ágúst kl. 19.30
Lau. 14. ágúst kl. 18.00 Fim. 19. ágúst kl. 19.30
Fös. 20. ágúst kl. 19.30 Sun. 22 ágúst kl. 19.30
Fös . 13 .08 20 .00 UPPSELT
Lau . 14 .08 20 .00 ÖRFÁ SÆTI
Fös . 20 .08 20 .00 NOKKUR SÆTI
Lau . 21.08 24.00
Fös . 27 .08 20 .00 NOKKUR SÆTI
Lau . 28.08 20 .00 LAUS SÆTI
ATH ! ATRIÐ I Í SÝNINGUNNI
ERU EKKI FYRIR V IÐKVÆMA
ÓSÓTTAR PANTANIR SELDAR DAGLEGA
M iðnætursýning á menningarnótt
Úthlíð 7 - Neðri hæð
Opið hús í dag milli kl. 18 og 20
Glæsileg neðri sérhæð í góðu þríbýli á eftirsóttum stað. Mikið endur-
nýjuð íbúð, skúr og lóð einnig endurnýjuð. Ræktuð lóð með palli,
skjólveggjum og skemmtilegri lýsingu. Innkeyrsla hellulögð með hita
og lýsingu. 2 stórar stofur og 2 stór herbergi. Góður bílskúr allur ný-
lega endurnýjaður með hita, rafmagni og sjálfvirkum hurðaopnara.
Verð 22,9 millj.
Athyglisverðir tónleikar fórufram á Gauki á Stöng í gærog verða endurteknir í
kvöld. Um er að ræða The Doors
Tribute Band, sem leidd er af
Björgvini Frans Gíslasyni sem mun
bregða sér í hlutverk eðlukóngsins
eina og sanna, Jim Morrison. Efnis-
skráin samanstendur svo að sjálf-
sögðu af lögum The Doors.
Uppákomur af þessu tagi eru við-
tekinn partur af dægurtónlist-
armenning-
unni og um
margt nokkuð
athyglisverð
fyrirbæri. Það
að reyna sig
við lagaskrá einhverrar frægrar
hljómsveitar eins og hún leggur sig
er vandaverk og pressan lýtur öðr-
um lögmálum en þegar menn eru að
ota eigin lagatota.
  
Hér heima hefur sveitin Dúnd-urfréttir t.a.m. verið dugleg
við að flytja tónlist Pink Floyd og
haldin hafa verið heiðrunarkvöld til
handa U2, R.E.M., Tom Waits og
svo má telja.
Hljómsveitir og listamenn hafa
frá upphafi poppsins/rokksins
stundað það að renna sér í gegnum
lög áhrifavaldanna. Dúndurfréttir
og The Doors Tribute Band falla þó
utan við þann flokk því að tilgang-
urinn er að reyna að komast eins
nálægt hljóðheimi fyrirmyndanna
og hægt er.
Eins og með öll mannanna verk
er hægt að gera þetta vel – eða illa.
Ég man þegar ég sótti tónleika í
Háskólabíói árið 1997 þar sem besta
plata rokksögunnar, meist-
araverkið Sgt. Pepper’s Lonely
Hearts Club band, var flutt. Ég var
fullur fordóma og gerði það að-
allega fyrir móður mína að fara.
Tónleikarnir voru hins vegar í einu
orði sagt frábærir og ég gekk út
með fiðrildi í maganum sem flögr-
uðu þar lengi vel. Það að sjá þessi
stórkostlegu lög flutt af fagmennsku
og það sem mest var um vert, af
greinilegri ástríðu, var það sem
landaði þeim stóra. Þetta er mik-
ilvægt atriði því að menn eru ekki að
standa í þessu til að ná einhverjum
listrænum sigri. Það er tvennt sem
skiptir hins vegar máli, að viðkom-
andi tónleikar skemmti fólki og að
djúpstæð virðing fyrir efninu sé til
staðar. Ef þetta vantar firrtast
áhorfendur fljótt við og miklum
mun meira en ef þeir væru að hlýða
á frumsamda tónlist. Því að hér er í
veði tónlist sem er í huga margra
svo gott sem heilög og því forboðið
að hún sé ötuð auri með slælegum
flutningi eða að það sé ráðist í verk-
efnið á vafasömum forsendum.
Ein tilgangslausasta plötuútgáfa
hérlendis sem ég man eftir er t.d.
sextán laga plata Gildrumezz frá
1999, þar sem lögin voru öll eftir
Creedence Clearwater Revival. Hér
er farið með heiðrunarhugmyndina
allt of langt, því eitt er að upplifa á
tónleikum og annað á plasti.
  
Af viðtölum við The Doors Trib-ute Band að dæma virðist sem
hugarfarið á þeim bænum sé rétt og
vonandi að rétt reynist, bæði fyrir
þá og okkur.
Tónleikarnir hefjast klukkan
22.00 í kvöld á Gauknum og er að-
gangseyrir 1000 krónur. Húsið opn-
að 21.00.
Franz Morrison?
’Því að hér er í veði tónlist sem er í huga
margra svo gott sem
heilög og því forboðið
að hún sé ötuð auri með
slælegum flutningi eða að
það sé ráðist í verkefnið á
vafasömum forsendum. ‘
AF LISTUM
Arnar Eggert
Thoroddsen
arnart@mbl.is
HLJÓMSVEIT skipuð 45 ung-
mennum, New England Youth En-
semble, kom hingað til lands í gær
og heldur tvenna tónleika meðan á
dvölinni stendur. Þeir fyrri fara
fram í Hallgrímskirkju í kvöld, en
þeir síðari í Loftsalnum í Hafn-
arfirði á laugardag kl. 11.
New England Youth Ensemble
er ein virtasta ungmennahljómsveit
heims. „Ég stofnaði hljómsveitina,
fyrir 33 árum í stofunni heima hjá
mér,“ segir stjórnandi hennar, dr.
Virginia Gene Rittenhouse, í sam-
tali við Morgunblaðið. „Ég var með
fjóra barnunga nemendur og hafði
engar hugmyndir uppi um að
stofna hljómsveit – mér fannst ein-
faldlega að það væri æfingahvetj-
andi fyrir þau að spila saman.
Fljótlega fórum við að leika í
kirkjum, og fólk virtist afar hrifið
af því að ung börn gætu leikið
klassíska tónlist.“ Síðan hefur um-
fang sveitarinnar stækkað jafnt og
þétt, og nú hefur sveitin ferðast til
yfir 40 landa í heiminum, Kína,
Ástralíu, S-Afríku, Rússlands, um
alla Evrópu svo dæmi séu tekin og
fengið framúrskarandi dóma.
Sveitin er skipuð ungmennum á
aldrinum 12–20 ára, sem eru bæði
frá Bandaríkjunum og Kanada auk
marga annarra landa. „Ég tek þau
inn enn yngri, ef þau eru góð. Sá
yngsti sem ég hef haft var 5 ára,“
segir Rittenhouse, sem segist velja
börn í hljómsveitina eftir ábend-
ingum frá foreldrum. Nokkrir Ís-
lendingar hafa tekið þátt í starfi
hennar gegn um árin og ein fjöl-
skylda af íslenskum uppruna hefur
alltaf átt fjölskyldumeðlim í hljóm-
sveitinni.
Til styrktar börnum
Hróður hljómsveitarinnar hefur
farið stöðugt vaxandi síðan hún var
stofnuð, og um þessar mundir er
hún betri en hún hefur nokkru
sinni verið, að sögn stjórnandans.
„Ég er með nokkra frábæra sóló-
ista, fiðluleikara, sellóleikara,
trompetleikara og flautuleikara.
Vonandi fáum við tækifæri til að
láta í þeim heyra hér á landi.“
Hljómsveitin hefur tekið sér-
stakt málefni undir verndarvæng
sinn, sem er að safna fé til styrkar
munaðarlausum fórnarlömbum al-
næmis í Simbabwe í Afríku. „Tón-
leikagestir gefa oft á tíðum fé til
styrktar málefninu, auk þess sem
hluti af ágóða allra tónleika okkar
rennur til þess. Mér finnst að þetta
hafi gert börnunum í hljómsveit-
inni sérstaklega gott, að finna að
tónlist þeirra er ekki einungis til
þess fallin að gleðja þau sjálf og þá
sem á hana hlýða, heldur að
styrkja þessi börn sem þjást svona
mikið. Það er mikil samstaða í
hópnum vegna þessa málefnis,“
segir Rittenhouse.
Vinna með John Rutter
Meðal þeirra konsertsala sem
hljómsveitin hefur leikið í eru
Notre Dame kirkjan í París, St.
Martin-in-the-Fields í London,
dómkirkjan í Salzburg og óp-
eruhúsið í Sydney í Ástralíu og
hefur hún leikið fyrir þjóðhöfðingja
á borð við Noor drottningu af
Jórdaníu og Bandaríkjaforseta. Ár-
ið 1988 var hljómsveitinni fyrst
boðið að leika í Carnegie Hall í
New York og hefur síðan leikið þar
að meðaltali 15 sinnum á ári.
Enska tónskáldið og stjórnandinn
John Rutter hefur einnig sterk
tengsl við hljómsveitina og hefur
oftsinnis verið gestastjórnandi
hennar. Síðast stjórnaði hann
sveitinni á International String
Festival í Graz í Austurríki nú í
sumar, þar sem sveitinni var boðið
að leika. Í kjölfarið lék sveitin á
tónleikum í Salzburg, Feneyjum,
Flórens og víðar, og er Ísland
lokaáfangi ferðarinnar.
Það er mikil eftirvænting í
hljómsveitinni yfir því að vera
komin hingað til lands, að sögn
Rittenhouse. „Þegar við fórum í
fyrstu tónleikaferðina okkar til
Evrópu, árið 1973, komum við
hingað til lands. Við komum svo
aftur fyrir sjö árum og síðan hafa
krakkarnir í hljómsveitinni verið
að grátbiðja mig um að koma aftur
hingað. Þau eru svo spennt yfir að
vera hérna, sögurnar af landinu
hafa gengið fjöllunum hærra í
hljómsveitinni, af hreina loftinu,
ferska vatninu og skemmtilega
fólkinu. Svo njótum við auðvitað
þessa góða veðurs sem núna er hér
á landi,“ segir hún að lokum.
Tónlist | New England Youth Ensemble með tónleika hér á landi
Víðförul ungmenni
Morgunblaðið/Þorkell
Virginia Gene Rittenhouse, stjórnandi sveitarinnar, ásamt manni sínum.
New England Youth Ensemble heldur tónleika í Hallgrímskirkju í kvöld og í Loftsalnum í Hafnarfirði á laugardag.
Munið Miðasasöluna á netinu
www.borgarleikhus.is
RÓMEÓ OG JÚLÍA e. Shakespeare í samstarfi við VESTURPORT
Fö 13/8 kl 20, Lau 14/8 kl 20, Su 15/8 kl 20, Fi 19/8 kl 20, Fö 20/8 kl 20
Lau 21/8 kl 20, Su 22/8 kl 20
Miðasala: 568 8000
Miðasalan er opin frá kl 10-18,
og fram að sýningu sýningardaga.
www.borgarleikhus.is midasala@borgarleikhus.is