Vikublaðið - 25.11.1994, Blaðsíða 2

2
VIKUBLAÐIÐ 25. NÓVEMBER 1994
Útgefandi: Alþýðubandalagið
Ritstjóri og ábm.: Hildur Jónsdóttir
Blaðamenn: Páll Vilhjálmsson, Friðrik Pór Guðmundsson
og Ólafur Þórðarson
Auglýsingasími: (91)-813200 - Fax: (91)-678461
Ritstjórn og afgreiðsla:
Laugavegur 3 (4. hæð) 101 Reykjavík
Sími á ritstjórn: (91)-17500 - Fax: 17599
' Útlit og umbrot: Leturval
Prentvinnsla: ísafoldarprentsmiðja hf.
Afneitunin er stefna
ríkisstjórnarinnar
Það er hlutverk stjómmálanna að leita skynsamlegra lausna
á þeim vanda sem almenningur stendur frammi fyrir á hverj-
um tíma og taka ákvarðanir um hvernig þjóðfélag það er sem
við ætlum að lifa í. Stjórnmálaleiðtogar, flokkar og hreyfingar
verða að leikslokum að sæta því að tillögur þeirra og liðveisla
við mótun góðra lausna verði metnar af almenningi jafnt og
andstaða þeirra og íhaldssemi gagnvart því verkefni sem aldrei
linnir; að gera íslenska þjóðfélagið að góðu samfélagi fyrir alla
þegna þessa lands.
Þess vegna er fátt eins lýsandi fyrir raunveralegan dug og
raunveralega stefnu stjórnmálamanna og það hvort þeir yfir-
höfuð viðurkenni að vandi sé til staðar og að hann beri að
leysa.
A alþingi í vikunni fylltu sjúkraliðar þingpallana. Með nær-
vera sinni reyndu þeir að gera þingheimi ljóst að málefni
þeirra ættu að vera á verkefhaskrá alþingis. Með því kröfðu
þeir ríkisstjórnina svara um hver stefha hennar væri gagnvart
sjúkraliðum, gagnvart láglaunastefhurmi sem hefur hrundið
þúsundum heimila ffarn á brún örvæntingar, gagnvart konum
sem áratugum saman hafa mátt hlusta á innantóm orð um
launajafnrétti á sama tíma og ríkisvaldið, stærsti atvinnurek-
andi kvenna, hefur sýnt þeim fulla hörku í samningum. En
hvaða viðbrögð fengu sjúkraliðar frá ríkisstjórninni?
Ríkisstjómin hefur enga stefhu gagnvart sjúkraliðum aðra
en þá að gefa eins lítið eftir og hún mögulega kemst upp með.
Sjálfstæðisflokkurinn meinar ekkert með nýlegri samþykkt
flokksráðsins um að nú sé lag að hækka lægstu laun. Yflrlýs-
ingar Davíðs Oddssonar um að kreppunni sé lokið og svigrúm
til launahækkana era ekkert annað en glamur sem á að sveipa
hann ljóma á kosningavetri. Ríkisstjórnin meinar heldur ekki
neitt með eigin ffamkvæmdaáætlun í jafnréttismálum þar sem
lögð er áhersla á að jafha hlut karla- og kvennastétta og end-
urmeta hefðbundnar kvennastéttir í launum. Það er himin-
hrópandi staðreynd að í augum ríkisstjórnarinnar er enginn
vandi til staðar, hvorki sá vandi sem þúsundir kvenna standa
ffammi fyrir að reyna að draga ffam lífið á lúsarlaunum né
annars láglaunafólks sem ofan á smánarlaun glímir við gífur-
lega greiðslubyrði í húsnæðismálum og auknar skattaálögur.
Hörmulegur vandi hinna atvinnulausu er heldur ekki til
staðar í hugmyndakerfi rrkisstjórnarinnar. Vandi þeirra sem
ríkisstjómin hefur rakkað þá fimm milljarða hjá sem hún létti
af atvinnurekendum í gegnum skattakerfið er ekki tdl. Ríkis-
stjómin viðurkennir ekki gjaldþrot húsbréfakerfisins þar sem
greiðslumat fólks var miðað við að allir héldu fullri atvinnu og
homlausri yfirvinnu að auki. Ríkisstjórnin sér ekki fátæktina,
örvæntinguna, gjaldþrot heimilarma og þann sára félagslega
vanda sem af þessu leiðir. Hinsvegar er hún örlát við þá sem
tilheyra hennar eigin veislugestum, hátekjufólk, atvinnurek-
endur, forréttindahópa eins og dómara, kerfiskalla sem þarf að
veita mjúkar lendingar út úr fyrri störfum. Ríkisstjórnin er
ríkisstjóm hinna fáu og hún afneitar þeim mikla vanda sem al-
menningur glímir við á hverjum degi svo tugþúsundum skipt-
ir.
Alþýðubandalagið hefur kynnt stefnu sína sem það leggur í
dóm almennings í kosningunum í vor. Þar er fléttað saman til-
lögum í skattamálum, launamálum og húsnæðismálum, og
þær tengdar þeirri ítarlegu áætlun um nýja sókn í atvinnumál-
um sem Græna bókin útskýrir. Alþýðubandalagið er þeirrar
sannfæringar að sá vandi sem tugþúsundir íslendinga standa
ffammi fyrir sé svo margþættur að það verði að ráðast á hann
ffá mörgum hliðum í senn um leið og sköpuð era ný störf og
þjóðinni lyff á nýtt stig menntunar, tækni- og verkþekkingar.
Alþýðubandalagið bindur vonir sínar við það að félagshyggju-
fólk geti tekið hödnum saman um að leysa þann hrikalega
vanda almennings sem ríkisstjórnin virðist vera ein um að sjá
ekki.
Pólitízkan
Stutt á milli Fram-
sóknarflokks og
íhaldsins
Ólafur Örn Haraldsson, sem
skipar annað sætið á lista Fram-
sóknarflokksins í Reykjavfk, leitaði
hófanna hjá Þorsteini Pálssyni
sjávarútvegsráðherra um sæti á
lista Sjálfstæðisflokksins á Suður-
landi fyrir kosningarnar í vor. Eftir að
hafa farið bónleiður til búðar fyrsta
þingmanns Sjálfstæðisflokksins á
Suðurlandi batt Ólafur trúss sitt við
Framsóknarflokkinn í Reykjavík.
Landbúnabargirb-
ing á flakki
Halldór Blöndal landbúnaðar-
ráðherra kynnti fyrir ári breytingar á
jarðalögum sem gerðu ráð fyrir því
að áður en af jarðakaupum gæti
orðið þyrftu kaupendur að hafa haft
jörðina í ábúð í fimm ár. Þetta á-
kvæði var hugsað sem „girðing" til
þess að torvelda útlendingum
jarðakaup í kjölfar EES-samnings-
ins. Núna ber hinsvegar svo við að
nýjar breytingar eru kynntar á jarða-
lögum og þá er búið að snúa við
girðingunni. Sú kvöð verður sett í
þinglýsingu að kaupendur búi á
jörðinni eða í nálægð hennar í að
minnsta kosti fjögur ár eftir að
semst um kaup. Einhvern veginn er
það ekki til að auka tiltrú manna á
því að girðingarnar gegni sínu hlut-
verki ef það skiptir engu máli hvar
þær standa.
Lyfjalög í ólestri
Ríkis§tjórnin hygg'st knýja fram
breytingar á lyfjalögum sem heimilar
dýralæknum að selja lyf en ábatinn
af lyfsölu hefur skipt nokkru máli fyr-
ir kjör dýralækna. Fyrir ári var réttur
dýralækna til að selja lyf tekinn af
þeim þegar það meginsjónarmið
var lögfest að þeir sem gefa út lyf-
seðla skuli ekki hafa hagnað af lyf-
sölu. Dýralæknar hafa barist fyrir því
að fá undanþágu frá þessu ákvæði
og haft til þess stuðning bænda
sem horfa á aukinn kostnað sam-
fara lyfsölubanninu á dýralækna.
Gunnlaugur Stefánsson þing-
maður Alþýðuflokksins á Austur-
landi og formaður heilbrigðisnefnd-
ar leggur kapp á að lagabreytingin
nái fram að ganga. Menn sjá fyrir
sér að ef dýralæknum verði veitt
undanþága munu aðrir læknar
koma í kjölfarið og biðja um það
sama enda lyfsala drjúg tekjulind.
Fái þeir ekki undanþágu er alveg
rakið að kæra málið til Samkeppn-
isstofnunar.
Kjördæmamáliö
Davíð Oddsson forsætisráðherra
er kominn í klemmu með það loforð
sitt að jafna kosningarétt lands-
manna. Málið nýtur takmarkaðs
stuðnings í þingiiði sjálfstæðis-
manna og sennilega mun Davíð
reyna að koma málinu í þann farveg
að stjórnarandstaðan hafni samn-
ingum um lagabreytingar.
Opinber nefnd
gerb áb einkamáli
í sunnudagsútgáfu Morgunblaðsins
var auglýst starf hjá ónafngreindri
norrænni nefnd sem kostuð er af
almannafé. Engar vísbendingar eru
um hlutverk nefndarinnar né á
hvaða sviði hún starfar. Ráðagarður
hf. hefur mílligöngu um þessa sér-
kennilegu atvinnumiðlun. Þeir sem
hafa spurst fyrir um starfið fá ekki
að vita hvaða norræn nefnd óskar
eftir fulltrúa og óljós svör um hvaða
launakjör séu í boði. Þó fékkst það
gefið upp að fulltrúinn yrði stað-
gengill yfirmanns nefndarinnar.
Hugmyndir um opið stjórnkerfi eru
mönnum bersýnilega framandi hér
heima á Fróni og við vonum að farið
verði með þessa auglýsingu sem
hernaðarleyndarmál á Norðurlönd-
um - annars verður íslenska stjórn-
sýslann að athlægi.
Jjóhanna út
Á Alþingi vakti það ahygli á miðviku-
dag'að þegar utandagskrárum-
ræða um verkfall sjúkraliða hófst að
frumkvæði Svavars Gestssonar
gekk Jóhanna Sigurðardóttir
úr þingsalnum og inná skrifstofu
sína í þinginu. Þingpallar voru þétt-
setnir sjúkraliðum sem standa í
harðvítugu verkfalli við óvinveitt rík-
isvald.
Norræn nefnd
Vz starf
MoTnT £eínd °skar eftir fulltrúa til starfa.
Nefndin hefur aðsetur á Islandi næstu þrjú ár.
Starfið felst i ritvinnslu, bókhaldi og almenn-
um skrifstofustörfum.
Þess er krafist að starfsmaðurinn hafi:
mím9ni^ va,d.a ®lnu Norðurfandamáli,
munnlegt og akriffegt.
• Enskukunnáttu.
• Ritvinnslukunnáttu.
• Reynslu af skrifstofustörfum.
Nanari upp|ýsingar veitir Auður Bjarnadóttir
hja Ráðgarði hf. milli kl. 9-12. Vinsamlegast
skilið umsóknum til Ráðgarðs hf. fyrir 26
nóvember.
RÁÐGARÐUR hf.