Vikublaðið - 25.11.1994, Blaðsíða 6

6
Mlnnin
VIKUBLAÐIÐ 25. NOVEMBER 1994
Lúðvík Jósepsson
f. 16. júní 1914 - d. 18. nóvember 1994.
Alþýðubandalagið kveður Lúðvíkjósepsson með
djúpri virðingu og þökk. I öllum býggðum lifir
minningin um mikilhæfan leiðtoga, heilsteyptan
félaga og einlægan vin. Líf hans var samfelld iðja í
þágu alþýðu og landsins hagsældar. Framfarir
þjóðarinnar og réttlát skipting gæðanna voru leið-
arljós í allri hans baráttu, hvort heldur var í bæjar-
stjóm, á Alþingi, í ríkisstjóm eða á málþingum til
sjávar og sveita.
Fáir stjómmálamenn marka svo djúp spor að þau
vari eins lengi og saga íslenskrar þjóðar verður sögð
og metin. Orfáic vinna verk sem þjóðin geymir í
vitund sinni um hundruðir ára. Lúðvík Jósepsson
var slíkur leiðtogi á þeirri öld sem nú er senn á
enda. Þáttur hans í landvinningum íslands á hafinu,
útfærslu landhelginnar í tveimur ríkisstjómum og
endurreisn atvinnulífsins á nokkram tímaskeiðum,
setur hann í fremstu röð þjóðarleiðtoga íslenska
lýðveldisins.
Við sem nutum reynslu Lúðvíks og hæfileika í
samstarfi um langa hríð sátum við fótskör meistara
sem var í senn ffæðari, stjómandi, og hugsuður.
Þúsundir Alþýðubandalagsfólks hafa á liðnum ára-
mgum gengið í þann skóla sem ávallt hófst urn leið
og Lúðvík tók til máls, hvort heldur áheyrandinn
var einn eða fjöldinn talinn í hundraðtmi, hvort
heldur vettvangurinn var þingflokkurinn, mið-
stjómin, samráðsfundur um brýn mál eða almenn-
ur stjórnmálafúndur í bæ, borg eða dreifbýli. A sér-
hverri stundu lagði hann sig allan í verkið. Lífið var
honum barátta. Heill og þróttmikill gekk hann að
sérhverju dagsverki.
Alþýðubandalagið þakkar Lúðvíki Jósepssyni þá
gjöf sem fólst í æfistarfi hans öllu. Orð rnunu aldrei
ná að mæla þann hlýhug sem fylgir honum að leið-
arlokum frá fólkinu sem flokkinn myndar.
Lítið tákn virðingar og þakklætis verður núnnis-
varði sem Alþýðubandalagið hefur ákveðið að reisa
honum í heimabæ hans, Neskaupstað.
Við færum fjölskyldu Lúðvíks samúðarkveðjur
og þakkir fyrir hlutdeild hennar í þjónustu hans við
íslenska þjóð, alþýðu tíl sjávar og sveita, hugsjón og
flokk ffelsis, jafhréttis og bræðralags.
Ólafúr Ragnar Grímsson
formaður Alþýðubandalagsins.
Ríkisstjórn Hermanns Jónassonar 1956-1958, fr. v. Hannibal Valdimarsson, Eysteinn Jónsson, Hermann Jónasson, Ásgeir Ásgeirsson forseti, Guðmundur f. Guðmundsson, Gylfi Þ.
Gíslason og Lúðvík Jósepsson.
Sjávarútvegsráðherra 1971
innar í 50 mílur.
1974 ásamt Ingvari Hallgrímssyni fiskifræðingi á fundi með erlendum fréttamönnum vegna stækkunar landhelg-
Lúðvík í ræðustól á fyrsta landsfundi Alþýðubandalagsins,