Morgunblaðið - 11.02.2005, Blaðsíða 18

18 FÖSTUDAGUR 11. FEBRÚAR 2005 MORGUNBLAÐIÐ
ERLENT
KARL Bretaprins tilkynnti í gær að
hann hygðist kvænast ástkonu sinni,
Camillu Parker Bowles, eftir 35 ára
samband sem Díana prinsessa sagði
hafa stuðlað að því að upp úr hjóna-
bandi hennar og Karls slitnaði.
Prinsinn og Camilla verða gefin
saman við borgaralega athöfn föstu-
daginn 8. apríl í Windsor-kastala,
vestan við London. Að athöfninni lok-
inni fer fram bænar- og vígsluathöfn í
Kapellu heilags Georgs í kastalanum
undir stjórn erkibiskupsins af Kant-
araborg, trúarlegs leiðtoga bisk-
upakirkjunnar.
Talsmenn prinsins sögðu að ætt-
ingjar og vinir Karls og Camillu yrðu
viðstaddir brúðkaupið sem yrði ekki
viðhafnarmikið eins og brúðkaup
Karls og Díana í júlí 1981.
Elísabet Bretadrottning lagði
blessun sína yfir ráðahaginn og í yf-
irlýsingu frá henni sagði að hún væri
„mjög ánægð“ með hann.
Synir Karls og Díönu, sem lést í
bílslysi í París 1997, eru einnig mjög
ánægðir með ákvörðun föður síns, að
sögn embættismanna drottningar.
Tony Blair forsætisráðherra lét í
ljósi ánægju með tíðindin og sagði að
stjórn sín hefði sent prinsinum og
heitkonu hans hamingjuóskir. Leið-
togar Íhaldsflokksins og Frjáls-
lyndra demókrata óskuðu þeim einn-
ig til hamingju.
Tilkynningin um brúðkaupið batt
enda á áralangar vangaveltur um
hvort krónprinsinn gæti kvænst
Parker Bowles, sem nýtur miklu
minni vinsælda en Díana.
Í tilkynningunni frá skrifstofu
prinsins sagði að Camilla Parker
Bowles fengi ekki titilinn drottning
þegar Karl yrði konungur en yrði
titluð prinsessa og eiginkona kon-
ungs. Eftir hjónavígsluna fær hún
einnig titilinn hennar konunglega há-
tign hertogaynjan af Cornwall.
Umdeilt innan kirkjunnar
Líklegt þykir að deilt verði um
hjónabandið innan ensku bisk-
upakirkjunnar vegna þess að Karl og
Camilla eru bæði fráskilin og fyrr-
verandi eiginmaður hennar er enn á
lífi. Sumir biskupar og prestar kirkj-
unnar eru enn andvígir því að frá-
skilið fólk fái að giftast aftur. Sem
konungur yrði Karl yfirmaður kirkj-
unnar.
Rowan Williams, erkibiskupinn af
Kantaraborg, kvaðst styðja ákvörð-
unina heilshugar og vera ánægður
með að Karl og Camilla skyldu hafa
tekið þetta „mikilvæga skref“.
Fréttavefur BBC hafði eftir sér-
fræðingi sínum í málefnum bresku
konungsfjölskyldunnar að hún hefði
tekið verulega áhættu með þessari
ákvörðun. „Hún mun fylgjast mjög
grannt með því hvernig viðbrögð al-
mennings verða.“
Í skoðanakönnun, sem gerð var í
fyrra, sögðust 32% aðspurðra vera
hlynnt því að Karl kvæntist Camillu
en 29% voru á móti því. Um 38% var
alveg sama og 2% sögðust ekki hafa
gert upp hug sinn.
Margir Lundúnabúar sögðust í
gær vera sáttir við ákvörðun krón-
prinsins en ekki er hægt að segja að
gleðin hafi verið mikil. „Það er kom-
inn tími til að þau gangi í hjónaband
þar sem það er augljóst að hann
myndi aldrei gefast upp og slíta sam-
bandinu við hana,“ sagði 69 ára líf-
eyrisþegi í London og kona hans
samsinnti þessu. „En Camilla stenst
engan samanburð við Díönu.“
Náin í tæp 35 ár
Breskir stjórnlagasérfræðingar
sögðu að ekkert væri því til fyr-
irstöðu að krónprinsinn kvæntist
Camillu þar sem drottningin hefði
lagt blessun sína yfir ráðahaginn og
Camilla væri ekki kaþólsk.
Camilla er 57 ára og ári eldri en
Karl. Þau hittust fyrst á póló-leik,
eða knapaknattleik, árið 1970. Þau
urðu mjög náin en eftir að prinsinn
ákvað að einbeita sér að störfum sín-
um í sjóhernum ákvað Camilla að
giftast hermanninum Andrew Parker
Bowles árið 1973. Þau skildu árið
1995.
Karl hélt þó sambandi við Camillu
eftir að hún giftist og þau urðu aftur
mjög náin undir lok áttunda áratug-
arins. Hún var til að mynda í fylgd-
arliði hans þegar hann var viðstaddur
hátíðahöld í Zimbabve árið 1980 þeg-
ar tíu ár voru liðin frá því að landið
fékk sjálfstæði.
Karl kvæntist Díönu árið 1981 og
sagt er að Camilla hafi hvatt hann til
þess. Hann mun hafa beðið Díönu í
grænmetisgarði Camillu.
Þótt þau væru bæði gift á þessum
tíma var samband Karls og Camillu
alltaf náið og hermt er að tekist hafi
ástir með þeim aftur tveimur árum
eftir að Harry prins, yngri sonur
Karls og Díönu, fæddist árið 1984.
Díana varð afbrýðisöm út í Camillu
og er sögð hafa kallaði hana „Rott-
weilerinn“. „Við vorum þrjú í þessu
hjónabandi,“ sagði Díana síðar og
prinsinn viðurkenndi að hann hefði
haldið framhjá henni. Karl og Díana
skildu að borði og sæng 1992 og
fengu lögskilnað fjórum árum síðar.
Eftir að Díana lést árið 1997 lét
Camilla lítið á sér bera og um tíma
var andúð almennings á henni svo
mikil að hún varð stundum fyrir að-
kasti á götunum. Á síðustu árum hafa
Karl og Camilla þó komið fram sam-
an opinberlega og þau búa nú saman
í Clarence House, heimili krónprins-
ins í miðborg Lundúna.
Verður ekki drottning þótt hún giftist Karli
Camilla Parker Bowles verður titluð prins-
essa verði Karl krónprins krýndur konungur
eftir að þau ganga í hjónaband í apríl.
Reuters
Karl ríkisarfi í Bretlandi (t.v.) með heitkonu sinni, Camillu Parker Bowles,
á hálandaleikum í Skotlandi. Myndin var tekin í ágúst síðastliðnum.
London. AFP, AP.
KARLAR í Sádi-Arabíu gengu að
kjörborðinu í gær en þá fóru fram
fyrstu kosningarnar á landsvísu
þar í landi. Stjórnvöld sögðu kosn-
ingarnar til marks um þann anda
umbóta sem ríkjandi væri en ekki
var vísað á neinn veg til þess að
konur hefðu ekki atkvæðisrétt.
Helmingur fulltrúa í 38 bæjar-
stjórnum verður kjörinn að þessu
sinni. Ræðir þar um bæjarstjórnir
í höfuðborginni, Riyadh, og ná-
grenni. Á tveggja mánaða tímabili
verða síðan haldnar sams konar
kosningar um land allt. Fara þær
fram í þremur áföngum og taka til
178 bæjarstjórna.
Andrúmsloft þótti afslappað í
Riyadh í gær og öryggisgæsla
virtist ekki sérlega ströng þrátt
fyrir að nokkur hryðjuverk hefðu
verið unnin í landinu á undanliðn-
um mánuðum.
„Við munum leggja til að konur
fái að kjósa næst,“ sagði Abdul
Aziz bin Ayyaf al-Muqrin, prins og
borgarstjóri Riyadh.
Um 600.000 karlmenn höfðu at-
kvæðisrétt í þessum hluta kosn-
inganna. Karlarnir þurftu hins
vegar að skrá sig til þátttöku og
gerðu það 149.000 þeirra. Sýnt var
því að þátttaka yrði ekki mikil.
„Sögulegar kosningar“
Kosningar eru Sádi-Aröbum öld-
ungis framandi fyrirbrigði. Fram
til þessa hafa stjórnvöld einfald-
lega skipað alla þá embættismenn
sem í landinu starfa.
Eftirlit með kosningunum er
einkum í höndum heimamanna en
þó er nú stödd í Riyadh sjö manna
nefnd frá Evrópuþinginu. Í henni
eru tvær konur og hafa einhverjir
þingmannanna fylgst með gangi
mála. „Þetta eru sögulegar kosn-
ingar,“ sagði John Purvis, Evr-
ópuþingmaður frá Skotlandi.
Kvaðst hann líta á þetta sem
fyrsta skrefið í lýðræðisþróun í
konungdæminu sem þekkt er fyrir
erki-íhaldsstefnu og hreintrú.
Efnt er til kosninganna viku eft-
ir að George W. Bush Bandaríkja-
forseti veittist að stjórnvöldum í
Sádi-Arabíu og hvatti þau til að
auka hlut almennings í ákvarðana-
töku er varðaði framtíð þjóðarinn-
ar.
Vakti þessi gagnrýni athygli þar
eð Sádi-Arabar hafa jafnan verið
mikilvægir bandamenn stjórnvalda
í Washington í þessum heimshluta.
Bandaríkjastjórn hefur fagnað
kosningunum og lýst þeirri von að
konur, sem eru meira en helm-
ingur þjóðarinnar, fái að taka þátt
í kosningum í Sádi-Arabíu í fram-
tíðinni.
Karlar ganga að kjör-
borðinu í Sádi-Arabíu
Riyadh. AFP.
Reuters
Sádi-Arabarnir Mohamad al-Gharib (til hægri) og Sulaiman al-Enezi brostu sínu breiðasta er þeir gengu á kjör-
fund í Riyadh, höfuðborg Sádi-Arabíu, í gær. Þarlend stjórnvöld segja að kosningarnar séu til marks um umbætur
og framfarahug en margir gagnrýna að konum, meira en helmingi íbúanna, sé neitað um atkvæðisrétt.
Atlantshafsbandalagið (NATO)
hefur ákveðið að auka friðargæslu
sína í Afganistan.
Greint var frá þessu í gær eftir
fund varnarmálaráðherra NATO í
Nice í Frakklandi. Lengi hefur
þess verið beðið að friðargæslan í
Afganistan verði aukin og hafa
Bandaríkjamenn þrýst á um það,
ekki síst í ljósi þeirrar þarfar sem
þeir hafa fyrir herlið sitt í öðrum
löndum.
Fram til þessa hefur friðargæsl-
an verið bundin við höfuðborgina,
Kabúl, og svæði í norðurhluta
landsins. Nú munu 500 hermenn
bætast við liðsaflann í landinu og
verður því unnt að hefja gæslu og
uppbyggingu í vesturhlutanum.
Verða höfuðstöðvar liðsins í borg-
inni Herat en hermenn frá Lithá-
en, Spáni og Ítalíu munu sinna
þessu starfi.
Nú eru í landinu 8.300 hermenn
frá meira en 30 löndum.
NATO eyk-
ur friðar-
gæslu í
Afganistan
Nice í Frakklandi. AFP.
JÓHANNES Páll II páfi fór af Gem-
elli-sjúkrahúsinu í Róm síðdegis í
gær eftir að hafa legið þar í níu daga
vegna öndunarerfiðleika.
Páfi virtist þreytulegur þegar
hann rétti upp hægri höndina til að
kveðja tugi starfsmanna sjúkrahúss-
ins áður en hann fór í páfabílinn í
fylgd tveggja pólskra aðstoðar-
manna sinna. Bílnum var ekið um
Péturstorgið þar sem hópur píla-
gríma hafði safnast saman til að
fagna heimkomu páfa.
Talsmaður Páfagarðs sagði að
heilsa páfa hefði batnað og hann
væri laus við hálskrampann sem olli
öndunarerfiðleikunum.
Páfi fer af
sjúkrahúsi
Róm. AFP.
♦♦♦