Fréttablaðið - 12.10.2002, Blaðsíða 22
22 12. október 2002 LAUGARDAGUR
ÓKEYPIS
Kurteisi kostar ekki neitt:Bjóða góðan dag í verslun-
um, brosa að gamansemi náung-
ans, þakka fyrir matinn, henda
ekki tyggigúmmíi á gangstéttar,
hafa ekki hátt eftir miðnætti,
opna dyr fyrir öðrum, loka dyr-
um á eftir sjálfum sér, heilsa
með handabandi, þeyta ekki
bílflautur að óþörfu, standa upp
fyrir öldruðum, vera stillt í bið-
röðum, ekki leggja í bílastæði
fatlaðra, hrósa öðrum fyrir
klæðaburð, hneigja sig fyrir
konum, hrjóta ekki í svefni og
vakna með bros á vör.
Undan sinni samtíð
Andrés Gunnarsson, er sérstakur velgjörðarmaður skógræktar á
Íslandi. Hann afhenti nýlega Skógræktarfélaginu þrjár milljónir
króna að gjöf.
Andrés Gunnarsson, 98 áragamall járnsmiður og vél-
stjóri, hefur látið sig málefni
skógræktar á Íslandi varða og
styrkt Skógræktarfélag Íslands
með góðum gjöfum. Andrés
heilsar glaðhlakkalega þegar
blaðamaður bankar upp á á heim-
ili hans á Sólvangsveginum í
Hafnarfirði. Þar býr Andrés einn
í þjónustuíbúð fyrir aldraða en
nýtir sér ekkert þar sem þar er í
boði. „Ég malla ofan í mig, þvæ
af mér og sé um mig sjálfur. Ég
var í nokkur ár í fæði hérna en
verð að segja fyrir minn smekk
að það var ekkert betra.“ Að-
spurður hvort skógræktin eigi
hug Andrésar allan telur hann
það af og frá. „En ég hef áhuga á
þessum málum og vildi gjarnan
að það land sem var ræktað verði
það aftur.“
Andrés er járnsmiður að
mennt og vann til margra ára í
Áburðarverksmiðjunni í Gufu-
nesi. Áður var hann tíu ár í sigl-
ingum sem vélstjóri og þótti um
margt á undan sinni samtíð. „Ja,
ég smíðaði módel að fyrsta skut-
togaranum árið 1945, 28 árum en
skuttogarar voru teknir í gagnið
hér. En það varð ekkert úr smíði
togarans, einhver pólitísk öfl
sem tóku í taumana,“ segir
Andrés og vill að öðru leyti ekki
tjá sig um það. Honum finnst
pólitíkin hafa róast með árunum
og vanta gamla neistann. „Hún
heyrir orðið sögunni til þessi
pólitíska orrahríð sem tíðkaðist á
árum áður,“ segir hann, og sakn-
ar gömlu flokksblaðanna. „Ekki
það að ég lesi neitt núorðið, hlus-
ta helst á útvarp því sjónin er
farin að gefa sig.“ Andrés segist
fara seint að sofa og seint á fæt-
ur. „Ég fer í göngutúr á hverjum
degi ef veður og færð leyfa, en
tek ekki þátt í félagsstarfi aldr-
aðra hér. Ég hafði gaman af að
taka í spil en sé ekki lengur til
þess.“ En hann segir að sér leið-
ist ekki og sé ekkert einmana.
„Ég missti konuna mína árið 1994
og það voru vissulega viðbrigði,
en ég hef ekki yfir neinu að kvar-
ta,“ segir Andrés að lokum.
edda@frettabladid.is
SAGA DAGSINS
12. OKTÓBER
FÓLK Í FRÉTTUM
FÓLK Í FRÉTTUM
PERSÓNAN
Rauðskjöldótta nautið Guttormur,sem búsett er í Húsdýragarðin-
um, fagnar tíu ára afmæli sínu í
dag. Guttormur fæddist að Eystri-
Sólheimum í Skaftafellssýslu en
fluttist í Húsdýragarðinn í byrjun
árs 1994.
„Hann er rosalega ljúfur, skap-
góður og skemmtilegur gripur,“
segir Margrét Dögg Halldórsdóttir,
yfirdýrahirðir í Húsdýragarðinum,
sem hóf störf í garðinum stuttu eft-
ir að afmælisbarnið fluttist þangað.
„Okkur kemur mjög vel saman. Ég
held að hann sé óvenju geðgóður af
nauti að vera.“
Á afmælisdeginum verður frítt í
garðinn og verður gestum boðið upp
á kaffi og með því. Guðni Ágústs-
son, landbúnaðarráðherra, heldur
tölu en hann og Guttormur þekkjast
frá fyrri tíð. „Guðni var forsvars-
maður að því að gefa honum nýja
stíu fyrir nokkrum árum. Guttorm-
ur var orðinn of stór fyrir gömlu stí-
una og Guðni hljóp undir bagga og
gaf honum stíu,“ segir Margrét.
En hvað verður gert fyrir sjálft
afmælisbarnið? „Það er nú ekkert
sérstakt. Hann er ánægðastur með
sína rútínu. Hann fer samt í bað og
það er búið að snyrta á honum
klaufirnar. Hann fær kannski eitt-
hvað svona extra nudd og koss frá
okkur dýrahirðunum. Hann fær
samt ekkert óvenjulegt að borða því
það fer í magann á honum og verð-
ur leiðinlegt daginn eftir.“
Margrét Dögg segir að Guttorm-
ur eigi stóra og góða fjölskyldu.
„Þetta er svona týpísk íslensk fjöl-
skylda þar sem ekki eru allir skyld-
ir. Hann á 21 afkvæmi sem hafa
fæðst í Húsdýragarðinum en við
vitum ekki hvort hann átti einhver
afkvæmi áður en hann kom hingað.
Það er enginn til frásagnar um það.
Það verður þó eitt í afmælinu, það
er dóttir hans Sulta.“
Nautið Guttormur á 10 ára afmæli í dag. Hann
býður gesti velkomna í Húsdýragarðinn á milli
14 og 17. Hann býður öllum upp á kaffi og
með því. Líka landbúnaðarráðherra.
Afmæli
Fagnar tíu ára afmælinu með ráðherra
JARÐARFARIR
11.00 Sigfús Sigfússon, Gröf, Víðidal,
verður jarðsunginn frá Undirfells-
kirkju.
13.30 Hjörtur Guðmundsson, frá Lýt-
ingsstöðum, Skúlagötu 20, verður
jarðsettur frá Mælifelli, Skagafirði.
14.00 Jóhanna Elíasdóttir frá Melkoti,
Stafholtstungum, verður jarðsung-
in frá Stafholtskirkju.
14.00 Jón Svanberg Karlsson, fyrrver-
andi bóndi á Breiðabólstað,
Bugðutanga 1, Mosfellsbæ, verð-
ur jarðsunginn frá Kvennabrekku-
kirkju.
Guðmundur Gíslason, bóndi, Kársstöð-
um, Helgafellssveit, verður jarð-
sunginn frá Narfeyjarkirkju á
Skógastrströnd í dag.
ANDLÁT
Helga Balamente lést í Phonex, Arizona
í Bandaríkjunum, 8. október. Útförin hef-
ur farið fram.
Arndís Pétursdóttir, Háaleitisbraut 49,
Reykjavík, lést 10. október.
Þórný Elín Ásmundsdóttir, Starrahólum
7, Reykjavík, lést 9. október.
Páll Kjartansson, frá Haukatungu,
Skúlagötu 9, Borgarnesi, lést 7. október.
Vigfús Helgason andaðist 5. október.
Vopnadómur var kveðinn uppá Patreksfirði árið 1581.
Samkvæmt honum áttu allir
menn á Íslandi að eiga vopn.
Dómurinn komst aldrei í fram-
kvæmd nema á Vestfjörðum.
Verslunarskóli Reykjavíkur,nú Verslunarskóli Íslands,
tók til starfa árið 1905. Fyrsta
veturinn voru 47 nemendur í
skólanum.
Katla gaus þennan dag árið1683 og aftur árið 1918. Í
lýsingu Gísla Sveinssonar sýslu-
manns frá gosinu 1918 segir:
„Ægilegur gufustrókur teygði
sig lengra og lengra upp að
fjallabaki og loks hljóp jökullinn
með eldgangi miklum, vatnsflóði
og jöklaburði fram yfir Mýrdals-
sand til sjávar. Gosið stóð í þrjár
vikur.
Guðrún Katrín Þorbergsdóttirforsetafrú lést, 64 ára að
aldri, árið 1998. Karl Sigur-
björnsson biskup sagði í útfarar-
ræðu að hún hefði vakið athygli
fyrir fágun og persónutöfra. All-
ir þjóðhöfðingjar Norðurlanda
voru við útförina.
TÍMAMÓT
ANDRÉS GUNNARSSON
Sigldi til Miðjarðarhafsins þegar hann var til sjós og segir heimsókn til Pompei hafa ver-
ið ógleymanlega.
Davíð Oddsson ávarpaði fundVarðar í vikunni þar sem sam-
þykkt var að halda prófkjör í
Reykjavíkurkjördæmunum. Snérist
ræða forsætisráðherra þó minnst
um væntanlegar kosningar heldur
meira um kennaratíð hans í Verzl-
unarskólanum. Davíð mun í löngu
máli hafa gert fundargestum grein
fyrir að hann hafi ekki barið nem-
endur sína í hausinn eins og lesa
mátti í viðtali við hann í DV, sagan
hafi ekki haft bókstaflega merk-
ingu. Fundargestum mun hafa létt
mjög við tíðindin og greinilegt að
sagan um leiftursnöggu höggin
hafði legið þungt á foringjahollum
Sjálfstæðismönnum.
MEÐ SÚRMJÓLKINNI
Að gefnu tilefni skal tekið fram að
einkavæðingarferli ríkisstjórnarinnar
heldur áfram afturábak.
Leiðrétting
Verjandinn: Mannstu klukkanhvað þú rannsakaðir líkið?
Vitnið: Krufningin hófst um kl.
8.30.
Verjandinn: Og Sigurður var
látinn á þeim tíma?
Vitnið: Nei, hann lá á börunum
og undraðist til hvers í ósköpun-
um ég væri að kryfja hann.
GUTTORMUR
Afmælisbarnið vegur nú tæpt tonn en að
sögn Margrétar Daggar léttist það yfirleitt á
sumrin þegar mikil hreyfing er á því.
FR
ÉT
TA
B
LA
Ð
IÐ
/B
IL
LI
Sviplegt brotthvarf nektar-dansmeyja frá Reykjavík
kemur til með að hafa áhrif víða.
Graðnöglum finnst næturlífið
auðvitað vera orðið hálf bragð-
laust en málmiðnaðarmenn
hugsa sér gott til glóðarinnar og
sjá fram á aukin umsvif í upp-
setningu járnsúla í heimahúsum.
Öllu verra er hins vegar að
verslunarrekstur í miðborginni
virðist ætla að líða fyrir nektar-
bannið en heimasíða verslunar-
innar 4 Play hefur legið niðri
undanfarið og má ætla að það sé
í beinu samhengi við fækkun
súlustúlkna. Verslunin sérhæfði
sig nefnilega í leikmunum fyrir
nektardansmeyjar. Aukin umsvif
húsmæðra í stripplinu og nektar-
dans í heimahúsum er því sjálf-
sagt það eina sem getur komið
þessari munúðarfullu verslun til
bjargar.
Heimsendingar og sótt!
O p n u n a r t í m i : 1 1 - 0 1 v i r k a d a g a o g 1 1 - 0 6 u m h e l g a r
Grensásvegur 12
533 2200
Tilboð sótt
1. 12“ m/3 álegg og 1/2 litr. gos
990 kr,-
2. 16“ m/2 áleg. og 2 litr. gos
1.390 kr,-
3. 18“ m/3 áleg. og 2 litr. gos
1.600 kr,-
2 fyrir 1
Pizza að eigin vali
a) ostabrauðstangir eða
b) hvítlauksbrauð 12“ og önnur pizza af sömu
stæð FRÍTT (greitt er fyrir dýrari pizzuna)
Tilboð sent
1. 12“ m/3 álegg og 1litr. gos
1.490 kr,-
2. 16“ m/3 álegg og
ostabrauðstangir eða 2 litr. gos.
1.900 kr,-
3. 18“ m/3 áleg. og
ostabrauðstangir eða 2 litr. gos
2.390 kr,-
Davíð Oddssyni þótti mikið tilhugrekkis fréttaritara út-
varps koma þegar sá settist í
stólinn á hægri
hönd Davíðs þeg-
ar forsætisráð-
herra ræddi
skýrslu Ríkisend-
urskoðunar við
fréttamenn. Þótti
ljóst að þar væri
kominn maður
sem óttaðist ekki að vera sleginn
leiftursnöggt í hnakkann. Eða
gerði sér grein fyrir því að það
bæri ekki að taka öll orð forsæt-
isráðherra bókstaflega. Ólafur
Teitur Guðnason, blaðamaður DV
sem tók viðtalið fræga við for-
sætisráðherra, sat hins vegar í
öruggri fjarlægð. En það er nú
kannski tilviljun.