Fréttablaðið - 15.11.2003, Blaðsíða 2

2 15. nóvember 2003 LAUGARDAGUR
„Já, ég átti von á þessu.“
Vilhjálmur Egilsson, fyrrum alþingismaður, var í
gær ráðinn í starf ráðuneytisstjóra í sjávarútvegs-
ráðuneytinu frá og með 1. janúar 2004.
Spurningdagsins
Vilhjálmur, áttirðu von á þessu?
Landlæknisembættið
úrskurðað vanhæft
Landlæknisembættið er vanhæft til að fara með mál sem varðar barn er
lést á Landspítala – Háskólasjúkrahúsi skömmu eftir erfiða fæðingu á
Heilbrigðisstofnun Suðurnesja, samkvæmt áliti lögfræðings embættisins.
HEILBRIGÐISMÁL Allir starfsmenn
Landlæknisembættisins eru van-
hæfir til að fara með mál sem
snýr að andláti barns, skömmu
eftir fæðingu þess. Í fæðingunni
var móðirin deyfð í leghálsi. Síðar
hægði mjög á hjartslætti barns-
ins. Rúmum hálftíma eftir að
hægt hafði á hjartslættinum var
gerður keisaraskurður á móður-
inni. Barnið var flutt með sjúkra-
bíl á LSH, þar sem það lést
skömmu síðar.
Málið var tilkynnt til Land-
læknisembættisins eins og gert
er þegar svipleg dauðsföll verða í
heilbrigðiskerfinu. Beindist at-
hugun embættisins að því hvort
rekja mætti andlát barnsins til
rangrar læknismeðferðar. Matth-
íasi Halldórssyni aðstoðarland-
lækni var upphaflega falið að
fara með rannsóknina. Jafnframt
var leitað álits lögmanns á því
hvort embættið gæti unnið áfram
að málinu. Sigurður Guðmunds-
son kom ekki að því, þar sem eig-
inkona hans er forstöðumaður
Heilbrigðisstofnunar Suður-
nesja.
Matthías sagði, að samkvæmt
nýframkomnu áliti lögfræðings
embættisins teldust allir starfs-
menn þess vanhæfir til að fara
með þetta tiltekna mál, sem og
önnur sem upp kynnu að koma á
Heilbrigðisstofnun Suðurnesja.
„Því þarf nú að setja nýjan
landlækni utan embættisins í
þessu tiltekna máli,“ sagði Matthí-
as og bætti við að því erindi yrði
beint til heilbrigðisráðuneytisins.
„Við munum ekki leita eftir áliti
fleiri lögfræðinga,“ sagði hann
enn fremur. „Við viljum ekki
vinna að því ef einhver minnsti
vafi leikur á að um vanhæfi sé að
ræða.“
Öll málsgögn liggja nú fyrir
hjá Landlæknisembættinu, að
sögn Matthíasar. Hann sagði gang
mála af þessu tagi með þeim hætti
að landlæknir skilaði áliti, sem
byggt væri á gögnum málsins. Að-
standendur hefðu síðan frjálsar
hendur með framhaldið, hvort
þeir myndu una þeim niðurstöð-
um eða leita til dómstóla.
jss@frettabladid.is
Fundur miðstjórnar Framsóknarflokksins:
Lækkun skatta og aukin
framlög til fatlaðra
STJÓRNMÁL „Við framsóknarmenn
sögðumst vilja lækka skatta í
tengslum við gerð kjarasamn-
inga í vetur og í samráði við að-
ila vinnumarkaðarins og við það
verður staðið. Við megum hins
vegar ekki standa upp að loknum
annasömum vetri og sjá fram á
víxlverkun launa og verðlags
með tilheyrandi afleiðingum
sem engum gagnast, hvorki
launafólki né vinnuveitendum,“
sagði Halldór Ásgrímsson, for-
maður Framsóknarflokksins, í
ræðu sinni á fundi miðstjórnar
flokksins sem hófst í Rúgbrauðs-
gerðinni í gær.
Á fundinum sem lýkur í dag
er staða flokksins metin í kjöl-
far alþingiskosninganna síðast-
liðið vor. Formaður Framsókn-
arflokksins sagði meðal annars
að í tilefni af ári fatlaðra væri
stefnt að því að auka verulega
framlög til málefna fatlaðra og
leggja fé til nýrra úrræða sem
munu á næstu tveimur árum
eyða biðlistum eftir búsetu og
þjónustu fyrir fatlaða í heima-
byggð. ■
Matfugl kaupir:
Hafa mikla
trú á Móum
VIÐSKIPTI Matfugl ehf., félag í eigu
Matafjölskyldunnar, hefur keypt
rekstur þrotabús kjúklingabúsins
Móa og ætlar jafnframt að nýta
sér forkaupsrétt búsins og kaupa
höfuðstöðvar fyrirtækisins í Mos-
fellsbæ.
Forráðamenn Matfugls ætla
meðal annars að leita samráðs við
Neytendasamtökin til að tryggja
langtímahagsmuni neytenda. Þeir
telja að starfsemi Móa falli vel að
rekstri félagsins, sem sérhæfir sig
í innflutningi á ávöxtum og græn-
meti. Kaupverð fæst ekki gefið
upp en kaupendurnir segjast hafa
mikla trú á starfsemi Móa. ■
RÚNAR GEIRMUNDSSON
Hyggst ganga á fund ráðherra ásamt öðr-
um útfararstjórum.
Útfararstjórar:
Bregðast
hart við
SIÐAREGLUR Útfararstjórar bregð-
ast hart við erindi kirkjugarða-
ráðs til dóms- og kirkjumálaráð-
herra um að sett verði siðanefnd
og siðareglur yfir starfsemi útfar-
arstofa. Þrír þeirra, sem eru með
95 prósent af öllum jarðarförum í
Reykjavík, ætla að ganga á fund
ráðherra og gera grein fyrir sín-
um málum.
„Það kemur okkur verulega á
óvart að menn skuli álíta að það
þurfi að setja yfir okkur nýjar
siðareglur,“ segir Rúnar Geir-
mundsson, útfararstjóri hjá Út-
fararþjónustunni ehf. Rúnar sagði
að útfararstjórar hefðu leyfi til
starfrækslu útfararþjónustu frá
dóms- og kirkjumálaráðuneytinu.
Í reglugerð ráðuneytisins kæmu
fram þau skilyrði sem ráðherra
vildi að útfararstofur uppfylltu.
Það hefðu þær gert og hefði nán-
ast ekki komið fram kvörtun eftir
að lögin voru sett 1993.
„Við höfum aldrei heyrt að
kvartað hafi verið undan verði hjá
okkur,“ sagði Rúnar enn fremur.
„Útför er mjög dýr. Hún kostar
um það bil 300.000 krónur í dag.
Af því fær útfararstofan sjötta
hluta. Við erum bundnir af kostn-
aði við ótal þjónustuliði og vita-
skuld háðir þeim verðbreytingum
sem verða á þeim frá einum tíma
til annars.“ ■
edda.is
Einstakur þjóðarspegill
Þessi nýstárlega bók inni-
heldur tilsvör og kafla úr
ræðum þingmanna frá stofnun
lýðveldisins til okkar daga.
Stórmál hvers tíma fá sinn sess
en jafnframt er smærri málum
á borð við stafsetningu og
áfengismál gefinn gaumur.
Með leyfi forseta er í senn fróð-
legur og skemmtilegur vitnis-
burður um veröld sem var
og lykill að ýmsum
helstu umræðuefnum
samtímans.
Fljúgandi mælska,
heitar hugsjónir
og hárfínt skopskyn
BANKARÁN Sjötta bankaránið frá 1.
apríl var framið í gær, á sama stað
og það fyrsta, í Sparisjóðnum í
Hafnarfirði.
Að sögn Gylfa Sigurðssonar,
varðstjóra lögreglunnar í Hafnar-
firði, kom ræninginn inn í Spari-
sjóðinn, heimtaði peninga í poka
og hvarf svo á braut nokkrum
andartökum síðar.
Upphæðin sem ræninginn náði
var óveruleg. Gylfi segir hjúkrun-
arfræðing af heilsugæslustöðinni
hafa komið til að veita starfs-
mönnum áfallahjálp eftir ránið.
Fimm viðskiptavinir voru í Spari-
sjóðnum.
„Klukkan rúmlega hálftíu var
lögreglan með sporhund sem kom
beint inn í búðina hjá mér, en fékk
ekki að staldra þar við, heldur
rauk hann í áttina að Bónus,“ seg-
ir Þorkell Bergsson í fiskbúðinni
Svalbarða, sem er í næsta ná-
grenni við Sparisjóðinn. Annar
viðmælandi blaðsins sá lögreglu-
menn á hlaupum í kringum Skalla
um klukkan hálftíu.
Allir sem telja sig geta gefið
einhverjar vísbendingar um það
hver þarna var að verki eru vin-
samlegast beðnir um að hafa sam-
band við lögregluna í Hafnarfirði
í síma 525 3300. ■
Bankarán framið öðru sinni í Sparisjóði Hafnarfjarðar:
Heimtaði peninga vopnaður hnífi
Kárahnjúkar:
Lögreglu-
stöð sett upp
AUSTURLAND Landsvirkjun afhenti í
gær embætti sýslumannsins á
Seyðisfirði til afnota nýja lögreglu-
stöð við Kárahnjúka.
Í frétt frá lögreglunni kemur
fram að stöðin muni nýtast lögregl-
unni við eftirlitsstörf, en að hingað
til hafi aðstaða við Kárahnjúka
hamlað reglubundnu eftirliti.
Að sögn lögreglunnar á Egils-
stöðum er aðstaðan ámóta stór og
vinnuskúrar Landsvirkjunar.
Þarna verður tölva, ljósritunarvél,
faxtæki, sími og aðstaða til
skýrslutöku og þess háttar. ■
FRÉTTAB
LAÐ
IÐ
/VILH
ELM
MATTHÍAS HALLDÓRSSON
Úrskurðaður vanhæfur.
SIGURÐUR GUÐMUNDSSON
Kom aldrei að málinu.
FR
ÉT
TA
B
LA
Ð
IÐ
/R
Ó
B
ER
T
HALLDÓR ÁSGRÍMSSON
Formaður Framsóknarflokksins segir að
staðið verði við þau loforð sem gefin voru
í kosningabaráttunni fyrir
alþingiskosningarnar.
FR
ÉT
TA
B
LA
Ð
IÐ
/A
LD
A
LÓ
A
BANKARÆNINGINN BÍÐUR EFTIR PENINGUNUM
Ræninginn er um 180 sentímetrar á hæð og á aldrinum 18 til 23 ára. Þeir sem hafa ein-
hverjar vísbendingar um hver var þarna að verki er beðinn um að hafa samband við lög-
regluna í Hafnarfirði.
FJÖLMENNI BEIÐ
OPNUNAR MIÐASÖLU
Ungmennin styttu sér stundir með
gítarspili og söng.
Tónleikar Muse:
Uppselt á
klukkutíma
MIÐASALA Margt ungmennið beið í
biðröð í marga klukkutíma til að
geta keypt miða á tónleika hljóm-
sveitarinnar Muse sem haldnir
verða í Laugadalshöll þann tíunda
desember næstkomandi. Miðarnir
voru seldir í Skífunni og náði röðin
langt austur eftir Laugaveginum.
Að sögn lögreglunnar bárust
kvartanir frá íbúum úr hverfinu
vegna hávaða, en helst var um að
ræða söng, gítarspil og tal fólks.
Þá mátti sjá nokkuð af rusli eftir
hersinguna sem þarna beið í nótt.
Miðar á tónleikana voru upp-
seldir á flestum útsölustöðum á
innan við klukkutíma en salan
hófst klukkan níu í gærmorgun. ■