Fréttablaðið - 18.01.2004, Blaðsíða 9

9SUNNUDAGUR 18. janúar 2004
ÁSTRALÍA, AP Friðrik, krónprins
Danmerkur, og unnusta hans,
Mary Donaldson, eru komin til
áströlsku eyjarinnar Tasmaníu til
að vera viðstödd brúðkaup
Patriciu, systur Mary.
Parið fór í útsýnisflug yfir
Hobart, höfuðstað eyjarinnar, og
sagðist Friðrik njóta þess til hins
ýtrasta að vera staddur í heimabæ
unnustu sinnar. „Ég er ekki með
neina heimþrá því við erum hér
bæði,“ sagði Friðrik í viðtali við
sjónvarpsstöðina Nine Network.
Friðrik og Mary flugu til
Hobart með áætlunarflugi degi
fyrr en búist var við til að forðast
ágang fjölmiðla. Þau óku frá flug-
vellinum í sportbíl og sat prinsinn
við stýrið. ■
SPRON Kosið verður um hluta-
félagavæðingu Sparisjóðs
Reykjavíkur og nágrennis þann
10. febrúar. Á miðvikudaginn var
stofnfjáreigendum SPRON kynnt
áform um breyta SPRON í hluta-
félag og fyrirhugaðan samruna
við KB-banka. Um 300 manns
mættu á fundinn sem haldinn var
á Nordica Hótel.
„Menn skiptust á skoðunum á
fundinum og það komu bæði fram
sjónarmið með og á móti fyrir-
huguðum breytingum,“ segir Jón
G. Tómasson, stjórnarformaður
SPRON. „Í heildina var þetta já-
kvæður fundur fyrir stjórn
SPRON.“
Ástæðan fyrir því að ekki verð-
ur kosið um hlutafélagavæðingu
SPRON fyrr en 10. febrúar er að
fyrst þarf Sparisjóðurinn að gera
samrunaáætlun fyrir SPRON og
SPRON hf. Sú áætlun mun birtast
í Lögbirtingablaðinu laugardag-
inn 7. febrúar og þremur dögum
eftir það, eða þriðjudaginn 10.
febrúar, munu stofnfjáreigend-
urnir kjósa um málið. Stofnfjár-
eigendur eru um 1.100 talsins og
aukinn meirihluta þarf til að sam-
þykkja hlutafélagavæðinguna,
þ.e. tveir af hverjum þremur
þurfa að samþykkja hana. ■
BARNASPÍTALI Það er óhætt að segja
að bylting hafi orðið á læknisþjón-
ustu barna í landinu með tilkomu
nýja barnaspítalans við Hring-
braut í Reykjavík. Þann 26. janúar
næstkomandi verður kvenfélagið
Hringurinn 100 ára, en ljóst er að
án hundruð
milljóna króna
styrkja félags-
ins og annarra
samtaka hefði
draumurinn um
Barnaspítalann
ekki orðið að
veruleika.
Barnasvið Land-
spítalans var
áður starfrækt í
þröngum húsa-
kynnum, en hið
nýja glæsilega
sjúkrahús er
sérhannað fyrir
börn og þar fer
fram fjölbreytt
starfsemi á
mörgum deild-
um. Tækjabún-
aður er eins og
hann gerist bestur í heiminum og
öll aðstaða fyrir ungu skjólstæð-
ingana er til mikillar fyrirmynd-
ar.
Ólýsanlegur munur en skuggi
niðurskurðar hvílir yfir
„Munurinn á starfseminni og
aðstöðunni er ólýsanlegur. Það ár
sem liðið er frá opnuninni hefur
gengið vel og lítilsháttar vankant-
ar hafa komið upp sem hefur
þurft að ráða bót á. En þetta hefur
allt gengið samkvæmt áætlunum.
Það sem skyggir hins vegar á
núna er niðurskurðurinn á Land-
spítalanum sem nær yfir öll svið
og það hefur heldur dempað þann
jákvæða anda sem hefur ríkt hér
á Barnaspítalanum,“ segir Sigurð-
ur Kristjánsson, yfirlæknir á
bráðamóttöku Barnaspítala
Hringsins, og bætir því við að út-
lit sé fyrir að skorið verði niður
um nokkur stöðugildi á hjúkrun-
ar- og lækningasviði Barnaspítal-
ans.
Áhersla er lögð á það á Barna-
spítalanum að vel fari um börnin
og aðstandendur þeirra. Strax í
móttökunni blasir við litríkt og
spennandi risafiskabúr og þegar
gengið er um ganga spítalans
sjást myndir og listaverk sem
margir krakkar eiga heiðurinn af.
Hlýleikinn er allsráðandi fyrir
skjólstæðingana sem eru á ýms-
um aldri, en alls eru sjúkrarúmin
80.
„Á Barnaspítalann eru börn
innlögð að 18 ára aldri. Að vöku-
deild frátaldri höfum við reynt að
skipta starfinu upp í ákveðin
teymi, meðal annars eftir aldri
barnanna. Aðstaðan er það góð að
mismunandi aldur þeirra á ekki
að skipta máli,“ segir Gunnar Jón-
asson, yfirlæknir á lyflæknisdeild
Barnaspítalans.
Vökudeildin til mikillar fyrir-
myndar
Á göngudeild er veitt sérhæfð
þjónusta, til dæmis fyrir börn
með sykursýki, krabbamein,
hjartasjúkdóma og brunaáverka.
Vökudeildin er sjúkra- og gjör-
gæsludeild fyrir fyrirbura og ný-
bura og þar er aðstaðan til mikill-
ar fyrirmyndar. Upphafleg áætl-
un Barnaspítalans gerði ráð fyrir
þremur legudeildum, fyrir utan
nýburadeildina, en aukin áhersla
á göngudeildar- og dagdeildar-
þjónustu og notkun bráðaþjónust-
unnar hefur haft það í för með sér
að áætlunum hefur verið breytt.
„Ein meginbreytingin á starf-
seminni er sú að meiri áhersla er
nú lögð á göngudeildar- og dag-
deildarþjónustu. Komum á þessar
deildir hefur fjölgað og innlögn-
um fækkað. Veikustu börnin ligg-
ja inni á spítalanum og aðstaða
þeirra og foreldra þeirra hefur
batnað til muna,“ segir Gunnar.
Bráðamóttakan á Barnaspítal-
anum hefur reynst þýðingarmikil
og aðstaðan í nýju byggingunni er
glæsileg. Hún hefur lengi verið í
þróun, en starfsemin byrjaði á
sínum tíma í kjölfar heilahimnu-
bólgufaraldurs. Bráðamóttakan
tekur við 8000 börnum á ári. Hún
var áður í tveimur herbergjum,
en heill gangur er nú lagður undir
starfsemina. Meðal annars er sér-
stakt herbergi til að taka á móti
mjög alvarlega veikum börnum.
Móttakan er sérhæfð og fyrst og
fremst fyrir börn sem aðrir lækn-
ar hafa vísað áfram vegna veik-
inda. Börn sem koma á móttökuna
fá greiningu og meðferð og geta
verið í sólarhringseftirliti. Með
þessu tekst að spara mikla fjár-
muni, eða koma í veg fyrir inn-
lagnir á spítalann.
bryndis@frettabladid.is
„Það sem
skyggir á
núna er nið-
urskurðurinn
á Landspítal-
anum sem
nær yfir öll
svið og það
hefur heldur
dempað
þann já-
kvæða anda
sem hefur ríkt
hér á Barna-
spítalanum.
Kraftaverk kvenfélagsins
Bygging Barnaspítala Hringsins var gríðarlegt framfaraskref enda hefur betri aðstaða og bætt þjónusta leitt til
færri innlagna. Ár er nú liðið frá því spítalinn var vígður og menn eru sammála um góðan árangur
en skuggi niðurskurðar hvílir þar eins og yfir öðrum sviðum Landspítalans.
HLÝLEGT UMHVERFI
Litríkt risafiskabúr blasir við í móttöku
Barnaspítalans og hefur það vakið óskipta
athygli barnanna. Víða í byggingunni prýða
veggi myndir eftir krakka á ýmsum aldri.
ÁHERSLA Á AÐ BÖRNUNUM LÍÐI VEL
Áhersla er lögð á það á Barnaspítalanum að vel fari um börnin og aðstandendur þeirra.
Á göngum spítalans eru myndir og listaverk sem margir krakkar eiga heiðurinn af.
VÖKUDEILD
Vökudeild Barnaspítalans er sjúkra- og gjörgæsludeild fyrir fyrirbura og nýbura
og þar er aðstaðan til mikillar fyrirmyndar.
Fyrirhuguð hlutafélagavæðing SPRON kynnt stofnfjáreigendum:
Kosið verður 10. febrúar
JÓN G. TÓMASSON
Stjórnarformaður SPRON segir fundinn í
fyrradag hafa verið jákvæðan fyrir stjórn
SPRON.
Friðrik krónprins:
Heimsækir
heimabæ
Mary
MARY OG FRIÐRIK
Friðrik krónprins teygir sig eftir hönd
unnustu sinnar á göngu í almennings-
garði í miðborg Hobart.
FR
ÉT
TA
B
LA
Ð
IÐ
/A
LD
A
LÓ
A