Fréttablaðið - 19.02.2004, Qupperneq 8

8 19. febrúar 2004 FIMMTUDAGUR
Páll um Pál
„Páll er meira að segja svo
heillum horfinn að hann getur
ekki einu sinni sagt satt um
starf sitt. Hann kallar sig blaða-
mann en er það ekki.“
Páll Magnússon, framkvæmdastjóri dagskrársviðs
Íslenska útvarpsfélagsins, í Morgunblaðinu 18. febrúar
um nafna sinn, Pál Vilhjálmsson, deildarstjóra upplýs-
ingasviðs Rannsóknamiðstöðvar Íslands.
Fyrirsætur hlunnfarnar
„Það eru engin sæti laus til
Baltimore þessa daga og hvorki
Jennifer né Focus Talent hafa
greitt eða bókað sæti.“
Hafdís Lára Bombardier, tilvonandi fyrirsæta, í DV 18.
febrúar. Hún er úr hópi ungra stúlkna sem reiddi af
hendi nokkrar milljónir króna fyrir fögur fyrirheit um
fyrirsætustörf.
Hógvær krafa
„Ég hef aldrei beðið um annað
en að fá húsið endurbyggt og
ætla hvorki að græða né tapa á
því.“
Bergur Karlsson, atvinnurekandi í Bolungarvík, í
Fréttablaðinu 18. febrúar. Atvinnuhúsnæði hans brann
en tryggingafélagið neitar að greiða þá upphæð sem
tryggt var fyrir.
Orðrétt
Hafnarbætur á Bíldudal:
Betri höfn fyrir kalkþörunga
SVEITARSTJÓRNIR Það er mikils virði
að fá þessa framkvæmd inn á
áætlun,“ segir Brynjólfur Gísla-
son, bæjarstjóri í Vesturbyggð,
um þá ákvörðun samgönguráð-
herra að leggja fé í hafnarfram-
kvæmdir í Bíldudal. Nýi hafnar-
hlutinn er nauðsynlegur vegna
fyrirhugaðrar kalkþörungaverk-
smiðju sem rísa mun á staðnum.
Að sögn Brynjólfs er um að ræða
17 þúsund fermetra landsvæði.
Byggður verður grjótgarður og
rekið niður 80 metra langt stálþil.
Brynjólfur segir að alls sé áætl-
að að framkvæmdirnar kosti um
219 milljónir króna. Þar af sé hlut-
ur sveitarfélagsins 100 milljónir.
„Við erum að vinna að fjár-
mögnun á okkar hluta á fram-
kvæmdinni. Það mun skýrast á
næstu vikum,“ segir Brynjólfur.
Viðsnúningur hefur orðið í
atvinnumálum Bílddælinga eftir
svartnætti á seinasta ári þegar tvö
stærstu atvinnufyrirtækin á
staðnum lögðu niður atvinnu og
frestað hafði verið framkvæmd-
um við kalkþörungaverksmiðju
um óákveðinn tíma. Nú er ákveðið
að verksmiðjan rísi og fyrirtæki í
bolfiskvinnslu er tekið til starfa. ■
Öryggismúr Ísraels
mannréttindabrot
Alþjóða Rauði krossinn hvetur Ísraela til að hverfa frá áformum sínum um að reisa öryggismúr á
Vesturbakkanum. Samtökin segja að múrinn brjóti í bága við alþjóðleg lög um mannréttindi þar
sem hann hafi alvarlegar afleiðingar í för með sér fyrir íbúa hernumdu svæða Palestínu.
MANNRÉTTINDI Alþjóða Rauði
krossinn segir að öryggismúr
Ísraela á Vesturbakkanum brjóti í
bága við alþjóðleg lög um mann-
réttindi. Samtökin hafa þungar
áhyggjur af áhrifum múrsins á
Palestínumenn og hvetja ísraelsk
stjórnvöld yfirvöld til að hverfa
frá áformum sínum. Mjög óvenju-
legt er að Alþjóða Rauða krossinn
blandi sér í stefnumál einstakra
ríkja með þessum hætti.
„Á þeim svæðum þar sem múr-
inn liggur frá grænu línunni yfir á
herteknu svæðin kemur hann í veg
fyrir að þúsundir Palestínumanna
hafi aðgang að grunnþjónustu, svo
sem vatni, heilsugæslu og menntun,
sem og að tekjum af landbúnaði og
annarri atvinnu. Palestínumenn
sem eru búsettir milli grænu lín-
unnar og múrsins eru í raun að-
skildir frá því samfélagi sem þeir
tilheyra,“ segir í yfirlýsingu frá Al-
þjóða Rauða krossinum.
Ísraelsk stjórnvöld halda því
fram að hinn 750 kílómetra langi
múr sé nauðsynlegur til að koma í
veg fyrir sjálfsmorðsárásir Palest-
ínumanna á yfirráðasvæði Ísraela.
Alþjóða Rauði krossinn segist við-
urkenna rétt ísraelskra stjórnvalda
til að grípa til aðgerða til að
tryggja öryggi eigin þjóðar en
ítrekar að þessar aðgerðir verði að
vera innan marka alþjóðlegra laga
um mannréttindi. „Þeir erfiðleikar
sem Palestínumenn verða fyrir í
daglegu lífi gefa greinilega til
kynna að múrinn samræmist ekki
þeim skyldum yfirvalda í Ísrael að
tryggja mannúðlega meðferð og
velferð óbreyttra borgara á her-
teknu svæðunum,“ segja samtökin.
Niðurstöðu sína byggja þau á ára-
löngu eftirliti með lífskjörum
Palestínumanna.
Rauði kross Íslands tekur und-
ir með Alþjóða Rauða krossinum.
Félagið hefur um langt skeið tekið
þátt í hjálparstarfi á herteknu
svæðunum og nú eru tveir sendi-
fulltrúar við störf í Ramallah á
Vesturbakkanum.
Yfirvöld í Ísrael hafa harmað
ákvörðun Alþjóða Rauða krossins
um að lýsa opinberlega skoðun sinni
á múrnum. Þau segja að þetta mál
geti grafið undan samstarfi samtak-
anna við Ísrael. ■
SNJÓFLÓÐAHÚS
Olgeir Hávarðarson mótmælti á snjóflóða-
svæði og var handtekinn.
Snjóflóðarannsókn í
Bolungarvík:
Dúklagning
tefur málið
SNJÓFLÓÐ Yfirheyrslur hafa enn
ekki farið fram yfir Olgeir Há-
varðarsyni heimilisföður sem
neitaði að yfirgefa hús sitt við Dís-
arland þegar snjóflóðahætta vofði
yfir í Bolungarvík. Olgeir var
handtekinn af lögreglu fyrir að
neita að rýma hús sitt þegar hann
var að mótmæla vegna deilu sem
hann á í við bæjaryfirvöld vegna
uppkaupa á húsi hans. Svæðis-
útvarp Vestfjarða sagði frá því að
ástæða þess að Olgeir hefur ekki
verið yfirheyrður sé sú að verið sé
að dúkleggja sýslumannsskrif-
stofurnar. Haft er eftir Jónasi
Guðmundssyni sýslumanni að
málarar séu væntanlegir og hann
vonist til þess að hægt verði að
fara í málið eftir helgi og fá úr því
skorið hvort handtakan stenst
gagnvart lögum. ■
www.undur.is
MÁLVERK?
BETRI TÍÐ
Bílddælingar sjá fram á
aukna atvinnu og hagsæld.
Móðir handtekin:
Rændi barni
fyrir 14 árum
LOS ANGELES, AP Bandaríska lögregl-
an hefur handtekið móður sautján
ára pilts sem sá mynd af sjálfum
sér á heimasíðu fyrir týnd börn og
uppgötvaði að honum hafði verið
rænt frá foreldrum sínum í
Kanada fyrir fjórtán árum.
Giselle-Marie Goudreault var
handtekin á heimili sínu í Los Ang-
eles. Gert er ráð fyrir því að hún
verði ákærð fyrir mannrán og
framseld til Kanada. Piltinum hef-
ur verið komið fyrir á fósturheim-
ili en óvíst er hvort hann verður
sendur aftur til Kanada.
Það var kennari drengsins sem
hafði samband við lögreglu. ■
Giftingar samkynhneigðra:
Bush áhyggjufullur
WASHINGTON, AP George W. Bush
Bandaríkjaforseti segir að
ákvörðun borgarstjóra San
Francisco um að heimila giftingar
samkynhneigðra hafi valdið sér
áhyggjum. Forsetinn vill þó ekki
tjá sig um það hvort hann ætli að
staðfesta stjórnarskrárbreytingu
sem banni slíkar hjónavígslur.
Bush hefur margoft lýst því yfir
að hann telji að hjónaband eigi að
vera eining karlmanns og konu.
Tveir dómarar hafa neitað að
binda endi á giftingar homma og
lesbía í San Francisco og hefur
borgarstjórinn Gavin Newsom
heitið því að halda áfram að gefa
saman fólk af sama kyni. ■
NÝGIFTAR
Hátt í 3000 samkynhneigð pör hafa verið
gefin saman í San Francisco á undanförn-
um sjö dögum.
ÖRYGGISMÚR ÍSRAELA
Palestínsk börn að leik við öryggismúr
Ísraela í útjaðri Jerúsalem.
■ Norðurlönd
STAFKIRKJURNAR ENDURBYGGÐ-
AR Norska ríkisstjórnin hefur
ákveðið að verja sem svarar ein-
um milljarði íslenskra króna til
að bjarga stafkirkjum landsins.
28 stafkirkjur eru í Noregi og er
þær mikilvægur hluti af menn-
ingararfleið landsins. Flestar
kirkjurnar voru reistar á 13. öld.