Fréttablaðið - 03.06.2004, Blaðsíða 6
6 3. júní 2004 FIMMTUDAGURVEISTU SVARIÐ?
1Forstöðumaður HagfræðistofnunarHáskóla Íslands mælti með skatta-
lækkunum ef dregið væri úr ríkisafgjöld-
um. Hvað heitir hann?
2Storkurinn Styrmir dvaldi veturlangt íFjölskyldu- og húsdýragarðinum.
Hann á nú fimm afkvæmi og maka. Hvar
býr hann nú?
3Hver fer fyrir hópi fjárfesta sem keypiSkífuna af Norðurljósum og hvaða
fyrirtæki er hann annar tveggja stofnenda
að?
Svörin eru á bls. 42
Samfylkingin vill þjóðaratkvæðagreiðslu samhliða
forsetakosningum:
Valdið er hjá þjóðinni
MÁLSKOTSRÉTTUR „Ákvörðun þjóð-
höfðingjans styrkir lýðræðis-
þróun í landinu og felur í sér yf-
irlýsingu um traust á raunveru-
legu lýðræði. Nú er það þjóðin
sem á leik en hinir pólistísku
flokkar stíga til hliðar,“ segir
Össur Skarphéðinsson, formað-
ur Samfylkingarinnar.
„Þetta er besta leiðin til þess
að setja niður sár átök um djúp-
stæð ágreiningsmál. Eftir at-
kvæðagreiðslu allra atkvæðis-
bærra manna þá eiga menn að
geta staðið lítt eða ósárir upp úr
þessum átökum. Nú skiptir
miklu máli að farið sé eftir þeim
skýru fyrirmælum stjórnar-
skrárinnar að þjóðaratkvæða-
greiðslu sem þessa skuli halda
eins fljótt og auðið er. Þess
vegna er það krafa okkar í Sam-
fylkingunni að þing verði hvatt
saman hið fyrsta til að sam-
þykkja lög um framkvæmd at-
kvæðagreiðslunnar.
Ég tel ekkert því að vanbún-
aði að þjóðaratkvæðagreiðsla
um þetta mál fari samhliða for-
setakosningum. Málið er þekkt
út í hörgul eftir umræðu síðustu
mánaða.“ ■
Steingrímur J. Sigfússon:
Nýr kafli í stjórn-
málasögunni
MÁLSKOT „Það má segja að nýr
kafli sé að hefjast í stjórnmála- og
stjórnskipunarsögunni með því að
þessari heimild er beitt í fyrsta
sinn, að skjóta máli til þjóðarinn-
ar,“ sagði Steingrímur J. Sigfús-
son formaður Vinstri grænna.
„Þetta er ákvörðun sem forset-
inn hefur tekið, útskýrt og rök-
stutt og ég tel að þá niðurstöðu
hans hljóti menn að virða. Hann
einn getur tekið þessa ákvörðun
og talað fyrir henni og það hefur
hann gert.
Þessi ákvörðun kemur alls ekki
á óvart því það var orðið ljóst að
sá möguleiki væri til staðar að til
tíðinda drægi. Það er einboðið að
forsætisráðherra eigi að kalla
saman þing og þar á að taka þær
ákvarðanir sem þarf fyrir þjóðar-
atkvæðagreiðslu. Það ætti ekki að
þurfa nema einföld ákvæði til
fyllingar kosningalögum, en auð-
vitað gilda hin almennu kosninga-
lög og það kerfi sem til staðar er.
Þing ætti að geta lokið því á örfá-
um dögum.“ ■
Guðjón A. Kristinsson:
Þjóðin segi sína skoðun
MÁLSKOTSRÉTTUR „Ég tel eðlilegt að
þjóðin fái að segja sína skoðun,“
sagði Guðjón A. Kristinsson for-
maður Frjálslynda flokksins, sem
kvaðst ekki vera ósáttur við
ákvörðun forseta Íslands.
„Málið er mjög umdeilt og var
það alla tíð í umræðunni. Það var
umdeilt þegar því var lokað og
mörg atriði sem snúa að því hvort
við erum að fara rétta leið varð-
andi lýðræðið og stjórnarskrána.
Við erum að fjalla um jafnmikil-
vægt atriði og prentfrelsi meðal
annars.
Mér virðist næsta skref vera
það að nú þurfi að kalla Alþingi
saman og setja löggjöf um fram-
kvæmd þjóðaratkvæðagreiðsl-
unnar.“ ■
Ögmundur Jónasson:
Ótvíræður rétt-
ur þjóðarinnar
ÞJÓÐARATKVÆÐI „Þetta er niðurstaða
sem liggur fyrir. Það ber að fram-
kvæma samkvæmt henni og engin
undanbrögð verða þoluð í því efni,“
sagði Ögmundur Jónasson, formaður
þingflokks Vinstri grænna.
„Þetta er ótvíræður og óskoraður
réttur þjóðarinnar samkvæmt stjórn-
arskrá landsins og þeim rétti ber að
framfylgja. Þá skiptir engu máli
hvaða afstöðu menn hafa til þessa til-
tekna frumvarps. Mér er óskiljanlegt
ef það er orðið hættulegt og vara-
samt að þjóðin sé spurð álits. Nú er
verið að nýta rétt sem á, samkvæmt
minni skoðun, að nýta miklu oftar
heldur en gert hefur verið.“ ■
Guðmundur Árni Stefánsson:
Kalla þarf
saman Alþingi
MÁLSKOT „Þarna er um stórtíðindi
að ræða og brotið blað á íslensk-
um lýðveldistíma,“ sagði Guð-
mundur Árni Stefánsson, þing-
maður Samfylkingar og einn for-
seta Alþingis. „Á þessu stigi vil
ég ekki taka efnislega afstöðu til
ákvörðunar forseta. Samkvæmt
stjórnarskrá hefur forseti haft
þessa heimild, þó að fyrri forset-
ar hafi farið sér afskaplega var-
lega og raunar hefur ekki komið
til þess að hún væri notuð fyrr en
nú. Ég er í eðli þingræðissinni og
hef talið að mjög alvarleg tíðindi
þurfi að vera á ferðinni til að for-
seti grípi til aðgerða af þessu
tagi. Hann mat það hins vegar
þannig í yfirlýsingu sinni að gjá
hafi orðið milli þings og þjóðar
og að þá gjá þyrfti að brúa. Hann
taldi heppilegustu leiðina að efnt
yrði til þessarar þjóðaratkvæða-
greiðslu,“ sagði Guðmundur
Árni og vænti þess að óhjá-
kvæmilegt væri annað en að Al-
þingi yrði kallað saman og þing-
menn settust yfir það verkefni
að festa í lög framkvæmd þjóð-
aratkvæðagreiðslu. „Það liggur
ekki fyrir neinn lagabókstafur
um hvernig slík þjóðaratkvæða-
greiðsla skuli fara fram. En það
ætti svo sem ekki að vera þing-
mönnum ofverkið. Við erum lýð-
ræðisþjóð og kunnug til verka
þegar kjósa skal.“ Guðmundur
Árni gerði ráð fyrir að forsvars-
menn ríkisstjórnarinnar tækju
ákvörðun um hvernig slík þjóð-
aratkvæðagreiðsla yrði römmuð
af í tíma, en taldi ekkert standa í
vegi fyrir að farið yrði í hana á
næstu mánuðum. ■
■ HÁSTAFIR HÉR
- mest lesna blað landsins
Á LAUGARDÖGUM
Hin hliðin á bílum
Stærsti bílamarkaður landsins
Auglýsingasíminn er 550 5000
auglysingar@frettabladid.is
Ingibjörg Sólrún Gísladóttir:
Áhugaverð
leið forseta
MÁLSKOTSRÉTTUR „Þetta eru mikil
tímamót í þróun lýðræðisins. Nú er
valdið komið til þjóðarinnar og það
er hennar að segja af eða á. Mér
finnst að þetta skipti verulega
miklu máli og geti orðið okkur æf-
ing í beinu lýðræði,“ segir Ingi-
björg Sólrún Gísladóttir, varafor-
maður Samfylkingarinnar.
„Ég neita því ekki að mér finnst
að þetta sé mjög áhugaverð leið til
að reyna á þetta ákvæði um vald
forseta. Ég sé ekki annað en að
núna eigi að kalla saman þing og
setja lög, sem geta verið mjög ein-
föld, um það hvernig atkvæða-
greiðslan getur farið fram. Í sjálfu
sér ætti hún að geta verið samsíða
forsetakosningum. Ég sé ekki að
okkur sé neitt að vanbúnaði.“ ■
ÖSSUR SKARPHÉÐINSSON
Segir að kjörskrár liggi fyrir og því sparist
miklar fjárhæðir verði þjóðaratkvæða-
greiðsla samsíða forsetakosningum. „Ég
tel líka að þetta styrki óskir fjölmargra að í
framtíðinni verði tryggður farvegur fyrir til-
tekinn hluta þjóðarinnar til að fara fram á
þjóðaratkvæðagreiðslu eins og Samfylk-
ingin hefur lagt fram tillögur um átta sinn-
um á síðustu árum.“
BRONS Í STAÐ JÁRNS Keðjur og
tálmar úr járni sem sett voru
upp við Kraftaverkatorgið í Pisa
verða nú að víkja fyrir hliðum úr
bronsi. Tálmarnir eru hluti af
vörnum gegn hugsanlegum
hryðjuverkaárásum við Skakka
turninn.
ÁR ÁN MORÐA Spánverjar fögn-
uðu því á sunnudag að ár væri
liðið án þess að nokkur maður
léti lífið í árásum hryðjuverka-
hreyfingar Baska sem berst fyrir
sjálfstæði héraðsins frá Spáni.
Þetta er lengsti tími sem hefur
liðið án slíks morðs frá fjórtán
mánaða vopnahléi seint á síðasta
áratug.
GUÐJÓN A. KRISTINSSON
Næsta skref að kalla Alþingi saman.
STEINGRÍMUR J. SIGFÚSSON
Einboðið að forsætisráðherra kalli þing
saman.
GUÐMUNDUR ÁRNI STEFÁNSSON
Guðmundur Árni telur óhjákvæmilegt að Alþingi verði kallað saman til að ganga frá lög-
um um framkvæmd þjóðaratkvæðagreiðslu.