Fréttablaðið - 02.04.2005, Blaðsíða 6

6 2. apríl 2005 LAUGARDAGUR
Blaðamannafélag Íslands:
Stendur heilshugar að baki starfsmönnum
RÍKISÚTVARPIÐ Formaður Blaða-
mannafélags Íslands, Róbert
Marshall, telur að Markús Örn
Antonsson, útvarpsstjóri Ríkisút-
varpsins, hljóti að hugsa sinn
gang nú þegar Auðun Georg
Ólafsson hafi ákveðið að taka ekki
við starfi fréttastjóra útvarps-
frétta. Markús hafi í þrígang
fengið vantraustsyfirlýsingu frá
starfsmönnum sínum. Nær allir
hafi þeir skrifað undir þá síðustu.
Róbert telur fréttamann frétta-
stofu útvarps ekki hafa farið
offari í viðtali sínu við Auðun
Georg í hádegisfréttum í gær:
„Auðvitað er ég hryggur yfir því
hve langt þetta mál var látið
ganga af yfirstjórnendum fyrir-
tækisins. Þeir virðast ekki bera
hag þess fyrir brjósti.“
Róbert segir þá fréttamenn
sem hafi sótt um starfið og síðar
tjáð sig um ráðningu Auðuns
Georgs ekki vanhæfa í starfið nú:
„Það er lýðræðislegur réttur
hvers manns að tjá sig um svona
lagað. Þetta er opinber staða sem
við eigum öll og það er enginn
undanskilinn í þeirri umræðu.“
Blaðamannafélagið lýsti full-
um stuðningi við baráttu og að-
gerðir fréttamanna á fréttastofu
útvarps í ályktun sem samþykkt
var á stjórnarfundi í gær.
- aöe/gag
Viðtal Ríkisútvarpsins við Auðun Georg Ólafsson:
Mundi ekki eftir fundi frá deginum áður
Þegar Auðun Georg Ólafsson,
nýráðinn fréttastjóri Ríkisút-
varpsins, kom til starfa í gær tók
Ingimar Karl Helgason, frétta-
maður Útvarpsins, viðtal við hann
í hádegisfréttum. Hluti viðtalsins
birtist hér:
Ingimar Karl Helgason: Hefurðu
átt fundi með formanni útvarps-
ráðs nýlega?
Auðun Georg Ólafsson: Ekki ný-
lega nei.
Ingimar: Ég hef öruggar heimild-
ir fyrir því að þú hafir hitt hann
að máli eftir hádegi í gær?
Auðun Georg: Man nú ekki til
þess. Man ekki alveg nákvæmlega
hvenær það var.
Ingimar: Hvað hefði verið rætt á
slíkum fundi?
Auðun Georg: Það er bara trúnað-
armál.
Ingimar: Þannig að þú viðurkenn-
ir að slíkur fundur hafi verið hald-
inn þrátt fyrir að þú neitir því?
Auðun Georg: Ég neitaði því ekk-
ert að hann hafi farið fram en gef
ekkert upp annað um það.
Ingimar: Varstu ekki að neita því
að fundurinn hefði verið haldinn?
Auðun Georg: Fundurinn hefur
verið haldinn en hann var bara
trúnaðarmál.
Ingimar: Hver boðaði fundinn?
Auðun Georg: Það var bara trún-
aðarmál.
Ingimar: Baðst
þú um fund eða
formaður út-
varpsráðs?
Auðun Georg : Ég
bara, nú man ég
ekki, ég held að
ég hafi óskað
eftir þeim
fundi bara
til þess að
meta að-
s t æ ð u r
og fara
y f i r
h v e r
s t a ð a n
væri hér
i n n a n -
húss.
Ingimar: Hver var niðurstaðan á
fundinum?
Auðun Georg: Niðurstaðan á fund-
inum var bara að halda sínu striki
og ég veit ekki til þess að ég hafi
gert neitt rangt og bara mæti hér
til starfa og haldi mínu striki.
Ingimar: Mætti ég þá kannski
spyrja, það er nú lítið eftir af
þessu, af hverju neitaðirðu því í
upphafi að fundurinn hefði verið
haldinn?
Auðun Georg: Bíddu hvað áttu
við?
Ingimar: Ég spurði þig hvort
þú hefðir átt fund í gær og þú
sagðir nei.
Auðun Georg: Mig minnti
ekki hvenær nákvæm-
lega fundurinn fór
fram.
Ingimar: Þetta var í
gær.
Auðun Georg: Já, þá
var hann í gær. ■
Fréttastjóri í einn dag
Auðun Georg Ólafsson sagðist í gærmorgun enn ala von í brjósti um að leysa mætti vandann á
fréttastofu Útvarps. Síðar um daginn dó sú von og hann sagði væntingar sínar til fréttastofunnar
vera á misskilningi byggðar.
RÍKISÚTVARPIÐ „Ég eflist við hverja
raun,“ sagði Auðun Georg Ólafsson
eftir að hafa hitt starfsmenn Ríkis-
útvarpsins í gærmorgun, tæpum
hálfum sólarhring áður en hann til-
kynnti að hann sæi sér ekki fært að
taka við starfi fréttastjóra frétta-
stofu útvarps.
Móttökur fréttamanna Útvarps-
ins í gærmorgun voru í takt við það
sem á undan er gengið síðan út-
varpsstjóri ákvað að ráða Auðun
Georg í starf fréttastjóra. Á kynn-
ingarfundi sem hann mætti á,
ásamt Markúsi Erni Antonssyni út-
varpsstjóra og Boga Ágústssyni,
forstöðumanni fréttasviðs, afhentu
fréttamenn honum ályktanir þar
sem sagði að þeir hygðust ekki
vinna með honum. Auðun Georg
kvaðst hafa fullan skilning á því að
þeir fréttamenn sem ekki treystu
honum myndu hætta störfum.
Hann sagðist hins vegar mundu
gera vel við þá sem kysu að starfa
með honum. Hann kysi að menn
sneru bökum saman og horfðu til
framtíðar.
Auðun Georg kvaðst hvorki
hafa gert neitt rangt né neitt á hlut
starfsmanna RÚV. Það eina sem
hann hefði gert hefði verið að
sækja um og fá fréttastjórastarfið.
Eftir fundinn í gærmorgun kvaðst
hann enn ala þá von í brjósti að sá
vandi sem uppi væri á Ríkisútvarp-
inu leystist á farsælan hátt. Þegar
leið á daginn virðist hann hins veg-
ar hafa komist að þeirri niðurstöðu
að sú von hans yrði ekki að veru-
leika.
Auðun Georg tilkynnti skömmu
fyrir klukkan sex síðdegis að hann
tæki starfinu ekki. Hann lýsti
ástæðunum fyrir því að hann hugð-
ist í fyrstu taka starfinu svo: „Þrátt
fyrir að vegið hafi verið að persónu
minni með afar ósanngjörnum
hætti, mannorð mitt svert með
röngum ásökunum, hreinum lygum
haldið á lofti og mér allt að því hót-
að, ákvað ég engu að síður að mæta
til starfa með opnum huga og gefa
fréttamönnum á fréttastofu Ríkis-
útvarpsins tækifæri til að sýna að
sanngirni, hlutleysi, réttlæti og
fagleg vinnubrögð væru höfð að
leiðarljósi.“
Þetta þótti honum ekki ganga
eftir. „Ég hlakkaði til að takast á
við skemmtilegt og ögrandi starf á
fréttastofu sem naut trausts og
þekkt var fyrir málefnaleg og fag-
leg vinnubrögð.
Það er með miklum trega sem
ég lýsi yfir að væntingar mínar
voru á misskilningi byggðar,“ sagði
Auðun Georg.
jss@frettabladid.is
Forstöðumaður:
Bogi á
sjúkrahús
RÍKISÚTVARPIÐ Bogi
Ágústsson, for-
stöðumaður frétta-
sviðs Ríkisútvarps-
ins, fór á sjúkrahús
um hádegisbilið í
gær vegna hjarta-
verkjar. Elín Hirst
er staðgengill hans
og fer með rit-
s t j ó r n a r l e g a
ábyrgð á RÚV þeg-
ar hann er fjarverandi. - jss
Hvar eru
peningarnir þínir?
Gleypa reikningar og
afborganir nánast öll
launin þín um hver
mánaðamót? Veltirðu
því stundum fyrir þér í
hvað peningarnir hafa
eiginlega farið?
Ótrúlegur árangur á stuttum tíma og
gjörbreyttur fjárhagur þegar litið er
til lengri tíma.
2. prentun
væntanleg
1. prentun
á þrotum
1.
Allar bækur
Penninn Eymundsson
og Bókabú›ir MM
23. – 29. mars
• Borgar sig að kaupa eða leigja?
• Hvernig greiðum við niður
skuldir á stuttum tíma?
• Hvenær er best að byrja sparnað?
• Hvernig sköpum við fjárhagslegt
öryggi á efri árum?
Ókeypis
hjálpargögn á
SPARA.IS!
Ert þú með yfirdrátt í bankan-
um?
SPURNING DAGSINS Í DAG:
Hljópstu 1. apríl?
Niðurstöður gærdagsins á visir.is
42,3%
57,7%
Nei
Já
Farðu inn á fréttahluta visir.is
og segðu þína skoðun
KJÖRKASSINN
BOGI
ÁGÚSTSSON
Á sjúkrahús
vegna hjarta-
verkjar.
FYRSTI FUNDUR NÝS FRÉTTASTJÓRA MEÐ FRÉTTAMÖNNUM VAR SÁ SÍÐASTI
Auðun Georg Ólafsson mætti ásamt Markúsi Erni Antonssyni útvarpsstjóra á fréttastofu Útvarps í gærmorgun og ræddi við fréttamenn. Á myndinni má auk þeirra meðal annars sjá
fréttamennina Pálma Jónasson, Björgu Evu Erlendsdóttur og Hjálmar Sveinsson.
RÓBERT MARSHALL Segir Markús
Örn Antonsson hljóta að hafa sett ein-
hvers slags heimsmet í óvinsældum
innan eigin fyrirtækis og í lélegum
samskiptum við sitt undirfólk.
Formaður útvarpsráðs:
Var lagður
í einelti
RÍKISÚTVARPIÐ Gunnlaugur Sævar
Gunnlaugsson, formaður útvarps-
ráðs, segir að ákvörðun Auðuns
Georgs sé að sjálfsögðu vonbrigði.
„Ákvörðunin er þó skiljanleg hjá
þessum unga manni eftir þann
hamagang og einelti sem hann hef-
ur þurft að líða. Það er ekki í mann-
legu valdi að berjast gegn ofurvaldi
heillar fréttastofu sem leggur heilu
fréttatímana undir sín viðbrögð,“
segir Gunnlaugur.
Spurður hvernig útvarpsráð
muni bregðast við ákvörðun Auðuns
segir Gunnlaugur málið ekki í hönd-
um útvarpsráðs heldur útvarps-
stjóra sem fari með valdið. - sda