Fréttablaðið - 02.01.2006, Síða 62
2. janúar 2006 MÁNUDAGUR38
1
6 7 8
10
13
119
12
15
16
18
21
20
17
14
19
2 3 4 5
SÉRFRÆÐINGURINN GUÐJÓN SIGMUNDSSON GEFUR LÍTIÐ FYRIR ÁRAMÓTAHEIT
Góðir hlutir taka tíma
LÁRÉTT
2 listastefna 6 í röð 8 starfsgrein 9
gljúfur 11 ónefndur 12 yfirstéttar 14
vansæmd 16 borðaði 17 stúlka 18
dýrafita 20 þys 21 megin.
LÓÐRÉTT
1 skraut 3 frá 4 ballerína 5 beita
7 stoppistöð 10 draup 13 hjör 15
drykkur 16 tunna 19 guð.
LAUSN
LÁRÉTT: 2 dada, 6 áb, 8 fag, 9 gil,
11 nn, 12 aðals, 14 skömm, 16 át, 17
mey, 18 mör, 20 ys, 21 aðal.
LÓÐRÉTT: 1 fága, 3 af, 4 dansmey,
5 agn, 7 biðstöð, 10 lak, 13 löm, 15
mysa, 16 áma, 19 ra.
Þá er nýtt ár upprunnið og hversdagsleikinn hafinn af
fullum þunga eftir mikil hátíðahöld desembermánaðar.
A ð venju strengdu margir áramóta-
heit, en ætla má að flest þeirra
snúist um betra form og bætta
heilsu.
„Ég hef strengt áramótaheit
síðastliðin 35 ár en hef hætt
því nú. Með aldrinum hefur
komið í ljós að maður hefur
alltaf svikið sjálfan sig
þannig að áramótaheitin
hafa ekki staðist,“ segir
Guðjón Sigmundsson,
sem landsmenn
þekkja betur sem
Gauja litla, sem
fyrir framan alþjóð
létti sig í sjónvarpi á
og hefur síðan hjálpað holdmiklum Íslendingum að ná
tökum á offituvandanum.
„Í stað áramótaheita ættu menn að taka afstöðu til
þess að snúast inn í meðvitund um betri heilsu og vera
meðvitaðir allt árið. Gerð var rannsókn á sykurneyslu
Íslendinga og kom í ljós að hún var nær engin til 28.
mars, að nálgaðist páska. Þá sló út fyrir meðvitundinni
og síðan tók við vor og sumar þar sem menn hella sér
heils hugar í grillmat og bjór,“ segir Guðjón sem einnig
styðst við aðsókn að líkamsræktarstöðvum.
„Eigendur segja að aðsókn detti niður eftir 28. mars,
eða um það leyti sem páskar eru í árinu. Ég legg því til
að menn líti heilt yfir árið og geri þetta ekki með off-
orsi, en breyti litlu en samt dálitlu þannig að markmiðin
séu raunhæf, því góðir hlutir taka tíma,“ segir Guðjón
og mælir með hófsemi þegar kemur að breyttum lífs-
háttum.
„Ef menn hreyfa sig ekkert í viku er gott að byrja á
klukkutíma hreyfingu einu sinni í viku. Þegar mönnum
fer að líða vel með það má auka hreyfinguna um einn
dag í viðbót og svo koll af kolli. Alls ekki þvinga sig í
grænmetisát eingöngu og afneita sér um allt sem gott
er. Hægar framfarir eru ásættanlegar; annars missa
menn meðvitund 28. mars, eins og allir hinir,“ segir
Guðjón og biður fólk að básúna ekki áramótaheit sín,
heldur eiga þau með sjálfum sér.
„Fljótlega fór ég að þegja um mín áramótaheit, því
með því að opinbera sjálfan sig er maður alltaf að brjóta
sig niður því maður veit hálfpartinn að maður ætlar að
svíkja heitið. Því oftar sem maður svíkur sjálfan sig, því
þyngra verður andlegt og líkamlegt niðurbrot,“ segir
Guðjón sem er á því að áramót séu bæði óraunhæf og
heilmikil vitleysa.
„Sennilega strengja 95 prósent þeirra sem eru of
þungir þess heit að grennast á nýju ári, og það er eng-
inn feitur sem stefnir á meiri fitusöfnun á næsta ári. En
menn verða að sætta sig við hvernig komið er fyrir þeim
og ef þeim líður illa með það á að breyta því.“
Í bókinni Leiðarvísir puttaferða-
langs um himingeiminn er jörðin
sprengd í loft upp af bygginga-
verktökum utan úr geimnum.
Íbúum hinnar ólukkulegu plánetu
er sagt að nægur tími hafi verið
gefinn til að mótmæla fyrirhug-
uðum framkvæmdum á skrifstofu
yfirvalda, sem staðsett er í næsta
sólkerfi.
Sumum virðist sem að borg-
aryfirvöld í Reykjavík séu lítið
aðgengilegri. „Þetta er gróft
brot gagnvart íbúum á svæð-
inu,“ segir Anna Saari, einn íbúi
Holtahverfis. „Maður mun ekki
sjá í himininn lengur.“ Skipulags-
nefnd tilkynnti í sumar tillögu að
framkvæmdum á reitnum milli
Einholts og Þverholts. „Þetta er
hluti af stórverkefni sem gengur
undir nafninu Hlemmur plús, en
ætlunin er að rífa öll þessi gömlu
hús og byggja allt upp að átta
hæða blokkir í staðinn til að þétta
byggð. Íbúum verður fjölgað um
helming í hverfinu.“
Athugasemdir íbúanna gagn-
vart hugmyndum eru fyrst og
fremst þrjár. „Við erum ekki að
mótmæla framkvæmdum sem
slíkum, enda þau hús sem á að
rífa ónýt og vannýtt. En við erum
á móti umfangi þeirra, og viljum
fá hús sem eru í samræmi við þau
sem fyrir eru, 3-4 hæðir í stað
átta. Umferðarmál í hverfinu eru
þegar í ólestri og sumt af þessu
eru hálfgerðir hestakerruvegir.
Eitthvað af þessu nýja húsnæði
verða stúdentaíbúðir, og ekki er
gert ráð fyrir nema hálfu bíla-
stæði á íbúð, sem er alls ekki víst
að sé nóg, og ekki er heldur gert
ráð fyrir bílastæðum fyrir gesti
eða ef fólk á meira en einn bíl. Það
er reglulega talað um bílavanda-
mál í miðbænum og samt er verið
að hrúga fólki þangað.
Í þriðja lagi höfum við áhyggj-
ur af skemmdum á húsum og
lögnum meðan á framkvæmdum
stendur, en húsin hér eru byggð
upp úr 1940. Mánuðum saman
fundum við fyrir höggbylgjum
vegna sprengjuframkvæmda
við Borgartún og gamla Stjörnu-
bíóreitinn. Ekki hafa fengist
svör við því hver ber ábyrgðina
ef þau hús sem fyrir eru verða
fyrir skemmdum, eða ef skipta
þarf um lagnir, og hvenær það
er afleiðing af framkvæmdun-
um. Við viljum að húsin verði
ástandstekin áður en fram-
kvæmda er hafist.“
Anna Saari og Már Gunnlaugs-
son hvöttu fólk í hverfinu til að
skrifa borgaryfirvöldum bréf ef
það hefði eitthvað við framkvæmd-
irnar að athuga, og um 70 manns
gerðu svo. Einnig stóðu þau fyrir
söfnun undirskriftalista gegn
byggingu háhýsanna, og um 80% af
íbúum hverfisins skrifuðu undir.
„Borgin hefur viðurkennt að
þetta brjóti blað í byggingasög-
unni, enda eru þetta gífurlegar
framkvæmdir á einum reit. Við
höfum skoðanir á málinu og viljum
berjast fyrir rétti okkar. Við erum
ekki samtök, bara íbúar, og höfum
ekki ráð á að ráða lögfræðing í
fulla vinnu eins og í raun þyrfti.
Þetta er spurning um íbúalýð-
ræði, okkur er tilkynnt um hvað
er að gerast en við fáum ekki að
taka þátt í ákvarðanatökunni.
Ákvörðunin verður tekin á næstu
dögum og ber að svara öllum
athugasemdum. Hafa íbúarn-
ir eitthvað að segja, eða hver á í
raun borgina?“
Málið hefur þó einnig haft
jákvæðar afleiðingar, segir Már.
„Þetta hefur hnýtt íbúana
saman og myndað ný tengsl sem
maður hafði ekki áður. Það gerist
ekkert ef maður gerir ekkert.“
valurg@frettabladid.is
ANNA SAARI OG MÁR GUNNLAUGSSON Andstaðan við fyrirhugaðar framkvæmdir hefur þjappað íbúunum saman.
Atli Örvarsson er kannski ekki nafn
sem allir kannast við, en líklega
þekkja fleiri sjónvarpsþættina Law
and Order og NYPD Blue. Atli hefur
útsett og samið tónlist fyrir þættina,
og hefur nýlega lokið við að semja
tónlist fyrir Stuart Little 3, þar sem
Michael J. Fox, Geena Davis og Hugh
Laurie ljá litlu músafjölskyldunni
raddir sínar. En það er fleira á
döfinni. „Ég sagði skilið við það
fyrirtæki sem ég var að vinna hjá og
byrjaði að starfa sjálfstætt á árinu.
Ég er að semja tónlist fyrir þættina
Just Legal, þar sem Don Johnson fer
með aðalhlutverk. Og svo var ég að
vinna við myndina Strike the Tent,
sem verður frumsýnd á næsta ári
en hefur þegar unnið til verðlauna á
kvikmyndahátíðum í Cork, Tahoe og
víðar.“
Myndin er skrifuð og leikstýrð af
Julian Adams, og er byggð á sannri
sögu langalangafa hans, sem barðist
með Suðurríkjunum í bandaríska
borgarastríðinu en var ástfanginn af
stúlku frá Norðurríkjunum.
„Hann var ánægður með að ég
væri Íslendingur, og héldi því ekki
með öðru hvoru liðinu. Þetta er enn
viðkvæmt mál og að einhverju leyti
skiptir þetta þjóðinni algerlega í
tvennt. Til dæmis fóru úrslitin í
kosningunum í fyrra eftir nokkurn
veginn sömu ríkjalandamærum og
borgarastríðið.
Í hverri viku er einhvers
staðar í Suðurríkjunum verið að
endurgera orrustur úr stríðinu,
þar sem áhugamenn koma saman
í búningum og leika bardagana.
Það er undarleg menning að vera
alltaf að endurupplifa orrustur sem
þeir töpuðu. Ein slík endurgerð
var notuð í myndinni, og þetta
eru því ekki leikarar sem klæðast
herbúningunum heldur áhugamenn
um stríðið.“
Atli hefur búið í Bandaríkjunum
í rúm tíu ár. „Ég fór til Boston í nám
árið 1993, og svo þaðan til Norður-
Karólínu í framhaldsnám. Ég fór
fyrst til Los Angeles árið 1998.
Mike Post, sem er gamalreyndur
sjónvarpstónlistarmaður, á fyrirtæki
sem stofnaði sjóð til að hjálpa ungum
tónlistarmönnum að komast á
framfæri. Á hverju ári er haldin keppni
og vinningshafinn fær að fara til Los
Angeles í sex vikur og kynnast því
að starfa við gerð sjónvarpstónlistar.
Ég vann þá keppni, og tveimur
árum síðar þegar Post vantaði
aðstoðarmann bauð hann mér vinnu.“
Í millitíðinni starfaði Atli meðal
annars sem hljómborðsleikari
Jessicu Simpson og fór með henni í
tónleikaferðalag.
„LA er mikill frumskógur, það
tekur tíma og mikla þrautseigju að
koma sér inn í bransann. Þjóðsagan er
sönn, allir þjónar hérna eru leikarar
alls staðar að úr heiminum sem koma
til borgarinnar til að meika það. En
þetta gefur borginni mikinn kraft, og
gerir það áhugavert að búa hér.“
Var það alltaf ætlunin að gerast
höfundur sjónvarpstónlistar? „Ég fór
í nám til Berkeley að læra djasspíanó,
og þar fékk ég að reyna að semja
tónlist við myndir. Ég elska bæði
tónlist og kvikmyndir og það var
ekki aftur snúið. Ég stefni nú að því
að færa mig meira inn á kvikmyndir,
og verð að semja við tvær myndir á
næsta ári, aðra þeirra eftir Julian
Adams.“
valurg@frettabladid.is
Elskar bæði tónlist og kvikmyndir
ATLI ÖRVARSSON Að störfum í Los Angeles.
HLEMMUR PLÚS: MÆTIR ANDSTÖÐU ÍBÚA
Hafa áhyggjur af gömlu húsunum
[ VEISTU SVARIÐ ]
1. Björn Th. Árnason
2. Baldvin Þorsteinsson
3. Ari Edwald
HRÓSIÐ FÁ...
Strákarnir fyrir að vera óhræddir
við breytingar og fá nýja stráka
til liðs við sig.
Ofurtala
2 17 19 21 22
6 9 26 29 40 41
30 32 36
4 2 9 0 8
6 0 2 1 2
31.12.2005
28.12.2005
Fyrsti vinningur gekk ekki út.
Fyrsti vinningur gekk ekki út.
15
550 5000
AUGLÝSINGASÍMI