Fréttablaðið - 27.02.2007, Qupperneq 18

Sérstök matarhefð hefur
skapast á leikskólanum Mýri í
Skerjafirði. Þar er Auður Árdís
Eiðsdóttir ráðskona.
Auður eldar fyrir rúmlega fimm-
tíu manns og hefur stórt og gott
eldhús að vinna í. Hún er með rétt
úr speltpasta í pottunum daginn
sem kíkt er í heimsókn. Það ber
hún fram með fersku grænmeti og
heimabökuðu brauði. Hún segir
allar kornvörur keyptar í Ygg-
drasil, sem tryggi að þær séu líf-
rænt ræktaðar. „Við notum alltaf
speltpasta eða heilhveitipasta, líka
hýðishrísgrjón og gróft haframjöl,
allt lífrænt,“ segir hún. Aðspurð
segir hún þessar vörur eitthvað
dýrari en þær sem ræktaðar eru
með hefðbundnum hætti en þó
kosti maturinn á Mýri það sama
og í öðrum leikskólum Reykjavík-
ur. Lögð sé mikil áhersla á græn-
meti og ávexti í mataræðinu en
það ráði hún ekki við að kaupa líf-
rænt því hún verði að halda sig
innan kostnaðarmarka.
Auður segir unnar matvörur úr
fiski eða kjöti ekki keyptar í eld-
húsið á Mýri. „Ef ég hef fisk- eða
kjötbollur blanda ég í þær sjálf og
sömuleiðis geri ég lasagne, súpur
og sósur frá grunni. Einnig baka
ég brauðin sem ég ber með mat en
kaupi gróf brauð í Björnsbakaríi
til að hafa í kaffitímanum,“ lýsir
hún.
Sjálf kveðst Auður ekki hafa
innleitt þessa stefnu í matarmál-
um leikskólans. „Það hefur alltaf
verið skemmtileg stemning í
kringum matinn á Mýri,“ segir
hún brosandi og heldur áfram. „Ég
byrjaði hér fyrir þremur árum og
hef lagt mig fram um að viðhalda
þeim hefðum sem hér höfðu skap-
ast. Þessi leikskóli hefur haft mat-
armenningu í öndvegi að minnsta
kosti frá því um 1994 og mikil
áhersla hefur verið lögð á gott,
hollt og fjölbreytt fæði. Mér finnst
gaman að halda því við. Börnin
taka því vel, en misvel eins og eðli-
legt getur talist. Við prófum gjarn-
an eitthvað nýtt og kynnum fyrir
þeim nýja rétti en höldum líka í
þetta íslenska eins og hangikjöt,
saltkjöt og slátur og svo auðvitað
soðinn fisk.“
Í framhaldi af síðustu setningu
er Auður spurð í gríni hvort hún
rói kannski til fiskjar sjálf til að
afla heimilinu viðurværis. „Nei,“
svarar hún hlæjandi. „Ég geri það
nú ekki þó stutt sé á sjóinn hér í
Skerjafirðinum.“
Lífrænt ræktað
speltpasta í pottunum
Ný leið til að kenna föngum
ábyrgðartilfinningu.
Nokkrir fangar í fangelsi í Nash-
ville í Bandaríkjunum taka nú þátt
í nýstárlegu námskeiði innan fang-
elsismúranna. Á námskeiðinu fá
fangarnir í hendurnar tölvuvædd
smábörn sem þeir verða að sjá um.
Dúkkurnar gráta, ropa og pissa og
verða fangarnir að bregðast rétt
við til að fá frið.
Námskeiðið á að kenna föngun-
um að axla ábyrgð og sýna þolin-
mæði.
Fangar læra
barnagæslu
Vísindamenn telja að sérstök
lyf geti aukið námshæfni
einstaklinga með Downs-heil-
kenni.
Downs-heilkenni er ein algeng-
asta orsök námserfiðleika og til
mikils að vinna að finna lausn á
vandanum. Vísindamenn við
Stanford-háskólann í Bandaríkj-
unum skoðuðu lyf sem notað var
við flogaveiki á sjötta áratugn-
um. Músum með svipuð einkenni
og einstaklingar með Downs-
heilkenni var gefið lyfið einu
sinni á dag í hálfan mánuð. Að
þeim tíma liðnum gátu mýsnar
lært hluti sem þær gátu ekki
áður og hegðuðu sér meira eins
og venjulegar mýs. Virknin hélt
áfram í tvo mánuði eftir að lyfja-
gjöf var hætt.
Með rannsókninni vildu vís-
indamennirnir kanna þann mögu-
leika hvort heili einstaklinga
með Downs-heilkenni verði fyrir
áhrifum af efninu GABA sem
hægir á virkni tauga í heilanum.
Þrátt fyrir jákvæðar niður-
stöður er langt í land enda þarf
að ákvarða hvaða áhrif lyfið
hefur á manneskjur.
Tekið af vef BBC.
Lyf auka afkastagetu
F
í
t
o
n
/
S
Í
A