Fréttablaðið - 02.05.2007, Síða 4

www.vg.is
kynntu þér málið á
TÆKIFÆRI TIL
NÝSKÖPUNNAR
Los Angeles er enn
á ný í efsta sæti á lista Banda-
rísku lungnasamtakanna yfir
bandarískar borgir með mengað
andrúmsloft. Hvergi í Bandaríkj-
unum mældist andrúmsloft meng-
aðra á tímabilinu 2003 til 2005.
Auk þess að mæla ósonmengun
mældu samtökin magn mengunar-
agna í andrúmsloftinu sem eru
sögð sérstaklega hættuleg eldri
borgurum, börnum, fólki sem
æfir utandyra og fólki með
öndunarfærasjúkdóma.
Næstum helmingur bandarísks
almennings býr á svæðum þar
sem mengun er talin yfir
heilbrigðismörkum samkvæmt
samtökunum.
Mest mengun í
Los Angeles
Mun fleiri unglings-
stúlkur telja að konur eigi að sjá
um þvott nú heldur en var árið
1992. Þetta kemur fram í nýrri
rannsókn Andreu Hjálmsdóttur
við Háskólann á Akureyri. Hún
segir greinilegt bakslag hafa orðið
í jafnréttisbaráttunni.
Í rannsókninni voru spurningar
um kynin, hlutverk þeirra og stöðu
inni á heimili og úti á vinnumark-
aði lagðar fyrir helming allra nem-
enda í 10. bekk árið 2006, og svör-
uðu alls 2.022 þeirra. Útkoman var
svo borin saman við svör jafn-
aldra þeirra árið 1992 við sömu
spurningum.
„Samanburðurinn á því sem var
og því sem nú gerist er sjokker-
andi,“ segir Andrea.
Sem dæmi um breytt viðhorf
unglinga má nefna að í fyrri könn-
uninni töldu 29 prósent unglings-
stúlkna að eðlilegast væri að konur
sæju um þvott á heimilinu ef um
væri að ræða hjón sem bæði ynnu
utan heimilis en 71 prósent þeirra
fannst að hlutfallið ætti að vera
jafnt. Árið 2006 töldu 45 prósent
unglingsstúlkna hins vegar eðli-
legt að konur sæju um þvottinn en
55 prósentum þeirra þótti rétt að
verkið skiptist jafnt milli kynj-
anna.
„Það hefur verið lengi látið eins
og jafnrétti sé rétt handan við
hornið. Að það þyrfti ekki lengur
að berjast því þetta væri allt rétt
að bresta á. Svo virðist ekki vera,“
segir hún en bendir á að unglingar
séu annars vel upplýstir um launa-
mun og valdahlutverk á vinnu-
markaði.
Ingólfur Ásgeir Jóhannesson,
menntunarfræðingur við Háskól-
ann á Akureyri, segir að umræðan
um að drengjum gangi verr í skól-
um hafi haft skaðleg áhrif á jafn-
réttisumræðuna. Þá sérstaklega
þar sem látið sé eins og stúlkum
gangi vel á kostnað drengjanna.
Andrea kannaði einnig mismun-
andi viðhorf aldurshópa til kyn-
hlutverka. „Í rannsóknum hefur
komið fram að almennt er yngra
fólk neikvæðara gagnvart jafn-
rétti en eldra. Kynslóðaskiptingin
er samt mjög áberandi,“ segir
Andrea og bendir á að þegar spurt
var um hæfni kynjanna til þess að
annast barnauppeldi hafi yfir 80
prósent kvenna á aldrinum 18 til
70 ára talið kynin vera jafnhæf til
þess að annast uppeldi barna sinna
en einungis 58 prósent stúlkna í
10. bekk. „Stjórnvöld hafa verið
frekar andvíg jafnréttisbaráttu en
henni þarf að koma á aftur miðað
við þessar niðurstöður,“ segir
Andrea.
Unglingar segja konur
frekar eiga að þrífa
Hugmyndir unglinga nú um kynhlutverk eru mun íhaldssamari en árið 1992.
Þetta kemur fram í nýrri rannsókn Andreu Hjálmsdóttur við Háskólann á
Akureyri. Hún segir greinilegt bakslag hafa orðið í jafnréttisbaráttunni.
Lokað verður
fyrir allar innlagnir á sjúkrahúsið
á Egilsstöðum frá föstudeginum
11. maí að því er segir á vef
Austurgluggans. Þar kemur fram
að framkvæmdaráð Heilbrigðis-
stofnunar Austurlands hafi
brugðið á þetta ráð þar sem ekki
hafi tekist að finna afleysingar-
fólk fyrir sjúkraliða og hjúkrun-
arfræðinga í sumar.
Í tilkynningu frá heilbrigðis-
stofnuninni segir að ákvörðunin
verði endurskoðuð ef forsendur
breytist.
Lokað á fleiri
innlagnir vegna
manneklu
Óður múgur réðst á
laugardaginn á aldraða konu í
litlu þorpi í Gíana í Suður-
Ameríku og grýtti hana til bana.
Þrír menn hafa verið handteknir
og fleiri yfirheyrðir í þorpinu.
Þorpsbúar töldu konuna vera
eins konar norn eða blóðsugu,
svokallaða „Old Higue“ sem getur
breytt um ham og smogið í
gegnum skráargöt. Samkvæmt
gamalli þjóðtrú sjúga nornir
þessar blóð úr ungbörnum.
Konan vakti grunsemdir með
undarlegri hegðun, en hún mun
hafa þjáðst af geðtruflunum.
Fólkið barði konuna með kúst
þangað til hún lést og stráði síðan
hrísgrjónum í kringum líkið.
Múgur myrti
aldraða konu
Stjórnlagadómstóll
Tyrklands hefur úrskurðað að
fyrsta umferð forsetakjörs á þjóð-
þingi landsins síðastliðinn föstudag
hafi verið ógild þar sem ekki hafi
nægilega margir þingmenn verið
viðstaddir atkvæðagreiðsluna.
Ríkisstjórn Receps Tayyip Erdog-
an forsætisráðherra er með góðan
meirihluta á þingi og hugðist velja
utanríkisráðherra sinn, Abdullah
Gul, í forsetaembættið til að styrkja
stöðu sína. Stærsti stjórnarand-
stöðuflokkurinn tók hins vegar ekki
þátt í atkvæðagreiðslunni.
Hundruð þúsunda Tyrkja hafa
mótmælt því að næsti forseti verði
úr röðum stjórnarflokksins. Her
landsins og fjölmargir ríkisstarfs-
menn óttast að stjórnin vilji auka
áhrif íslam opinberlega.
Samkvæmt stjórnarskrá Tyrk-
lands er það þjóðþingið sem velur
forseta landsins. Forseti skal kos-
inn með tveimur þriðju hlutum
atkvæða, en í þriðju umferð nægir
einfaldur meirihluti þannig að á
endanum myndi stjórnin ná því
fram að Gul verði forseti þótt hún
ráði ekki yfir tveimur þriðju hlut-
um þingsæta. Haldi hins vegar
stjórnarandstaðan áfram að mæta
ekki, þá verður væntanlega ekki
hægt að velja forseta nema nýtt
þing verði fyrst kosið. Gerð verður
önnur tilraun í dag.