Fréttablaðið - 21.05.2007, Blaðsíða 41

Sænska úrvalsdeildin
Sænska 1. deildin
Ítalska úrvalsdeildin
Danska úrvalsdeildin
Danska 1. deildin
Norska bikarkeppnin
Sænska úrvalsdeildin
Skoska úrvalsdeildin
Grétar Rafn Steinsson
var í byrjunarliði AZ Alkmaar
sem vann í gær 2-1 sigur á bikar-
meisturum Ajax í fyrri leik lið-
anna um laust sæti í Meistara-
deild Evrópu. PSV Eindhoven
vann meistaratitilinn og er því
komið í Meistaradeildina.
Tvö mörk voru skoruð snemma
í leiknum en sigurmarkið kom á
89. mínútu og var þar Georgíu-
maðurinn Shota Arveladze að
verki. Grétari var skipt af velli á
53. mínútu.
AZ vann Ajax í
fyrri leiknum
Þjálfari Fredrikstad,
Anders Grönhagen, var ánægð-
ur með frammistöðu Garðars Jó-
hannssonar í bikarleiknum gegn
Lisleby á laugardaginn. Frétta-
blaðið greindi frá því í gær að
Garðar skoraði þrennu í leiknum
á einungis fimmtán mínútum.
Grönhagen var spurður eftir
leik hversu langt frá byrjunar-
liðinu Garðar væri eftir þessa
frammistöðu en hann hefur ekki
enn fengið að spreyta sig í deild-
inni. „Það er erfitt að segja til um
en við sáum í dag að hann er kom-
inn í gang og að hann hafi skorað
þrjú mörk hér í dag er gott fyrir
sjálfstraust hans.“
Garðar hefur harða samkeppni
um sæti í byrjunarliðinu því átta
framherjar eru hjá liðinu. „Við
erum með marga leikmenn í
þessa stöðu og það er jákvætt,“
sagði Grönhagen.
Gott fyrir sjálfs-
traust Garðars
Danska félagið Silke-
borg féll í gær úr efstu deild þar í
landi eftir 1-1 jafntefli gegn Nord-
sjælland. Framtíð Íslendinganna
þriggja hjá Silkeborg, Bjarna
Ólafs Eiríkssonar, Hólmars Arnar
Rúnarssonar og Harðar Sveinsson-
ar, er í mikilli óvissu. Hólmar skor-
aði eina mark liðsins í gær.
Kent Madsen, stjórnarformað-
ur Silkeborgar, sagði í samtali við
Fréttablaðið í gær að enginn Ís-
lendinganna væri með klásúlu í
samningi sínum um að hann breytt-
ist við fallið og að það kæmi ekki til
greina að neinn Íslendinganna færi
frítt frá félaginu.
„Íslendingarnir þrír eru allir enn
á samningi og við viljum gjarnan
hafa þá áfram. Það er eðlilegt að
þegar lið fellur niður um deild er
áhugi til staðar á einhverjum leik-
mönnum og nokkur lið hafa spurst
fyrir um Íslendingana. Það er ekk-
ert öruggt í þessum efnum en það
er ljóst að þeir fá ekki að fara frítt
frá okkur,“ sagði Madsen.
Hólmar Örn sagði við Fréttablaðið
í gær að hann hefði hug á að spila
í efstu deildinni í Danmörku en ef
hann yrði áfram hjá Silkeborg væri
það enginn dauðadómur. „Ég er í
það minnsta ekki að koma heim,
það er alveg öruggt. Ég skoða mín
mál eftir tímabilið og það hafa ein-
hverjar þreifingar verið í gangi en
það er aldrei neitt öruggt í þessu.
Til að vera áfram inni í myndinni í
landsliðinu er kannski æskilegt að
spila í efstu deild en það er alveg
hægt að bæta sig í 1. deildinni hér
líka,“ sagði Hólmar.
Bjarni Ólafur sagði að það heill-
aði ekki að spila í 1. deildinni í Dan-
mörku en staðfesti þó ekki að hann
myndi yfirgefa herbúðir liðsins.
Bjarni hefur áður sagt að hann ætli
að skoða hvort eitthvað bjóðist er-
lendis en ef ekki gæti hann komið
heim og spilað í Landsbankadeild-
inni. Bjarni lék með Val áður en
hann fór til Danmerkur en hann
sagði að það væri ekki sjálfgefið að
hann gengi aftur í raðir Hlíðarenda-
félagsins og í raun kæmi hvaða lið
sem er til greina.
Ekki náðist í Hörð vegna málsins
í gær.
Enginn fer frítt frá Silkeborg