Fréttablaðið - 26.09.2007, Blaðsíða 10
„Hermann Jónasson ...
telst vera faðir Lúðvíks Gizurar-
sonar.“
Svo segir í dómsorði Héraðs-
dóms Reykjavíkur frá því fyrr í
þessum mánuði. Þar með er
bundinn endi á
áralanga baráttu
Lúðvíks Gizurar-
sonar hæsta-
réttarlögmanns
fyrir því að fá
faðerni sitt
staðfest.
Sannað hafði
verið með
rannsóknum á
lífsýnum að
Gizur Bergsteinsson gat ekki verið
blóðfaðir Lúðvíks, sem höfðaði mál
til staðfestingar því að Hermann
Jónasson, fyrrverandi forsætisráð-
herra, væri faðir sinn. Niðurstaða
úr DNA-rannsókn sýndi að 99,9
prósenta líkur væru á að svo
væri.
Lúðvík er sonur
Hermanns
Ekki er búið að taka ákvörðun
um það ennþá hvort Íslendingurinn sem er í
haldi lögreglunnar í Færeyjum verði fram-
seldur hingað til lands, í tengslum við
rannsókn lögreglu á Pólstjörnumálinu
svokallaða. „Það fara menn frá okkur til
Færeyja til þess að vinna við skýrslutökur og
eftir það verður tekin ákvörðun um hvað sé
best að gera. Meira get ég ekki sagt um þetta
að svo stöddu,“ sagði Friðrik Smári Björgvins-
son, yfirmaður rannsóknardeildar lögreglu
höfuðborgarsvæðisins í gær.
Málið hófst á fimmtudaginn þegar rúmlega
60 kíló af eiturlyfjum; 1.800 e-töflur, fjórtán
kíló af e-töfludufti og 45 kíló af amfetamín-
dufti, voru gerð upptæk í skútu í Fáskrúðs-
fjarðarhöfn. Rannsókn lögreglu hér á landi og
erlendis hafði þá staðið yfir síðan í fyrra.
Guðbjarni Traustason og Alvar Óskarsson,
sem báðir eru 25 ára, voru handteknir um
borð í skútunni en Bjarni Hrafnkelsson, 35
ára, og Einar Jökull Einarsson, 27 ára, voru
handteknir á heimilum sínum á höfuðborgar-
svæðinu. Þessir fjórir menn hafa verið
úrskurðaðir í gæsluvarðhald til 18. október
líkt og Íslendingurinn í Færeyjum, sem
handtekinn var með tvö kíló af amfetamíni í
fórum sínum í nágrenni Þórshafnar,
höfuðstaðar Færeyja.
Samkvæmt heimildum Fréttablaðsins
neitaði Guðbjarni með öllu að tjá sig þegar
lögreglan ætlaði að taka skýrslu af honum á
laugardag þar sem Brynjar Níelsson,
lögmaður hans, var ekki á landinu.
Lögreglan hefur undanfarna daga yfirheyrt
Bjarna Hrafnkelsson, sem grunaður er um að
hafa skipulagt og fjármagnað fíkniefnakaup-
in, auk þess að hafa pakkað efnunum erlendis
fyrir flutninginn hingað. Þá hafa yfirheyrslur
yfir öðrum sem eru í haldi, meðal annars
Einari Jökli Einarssyni, staðið yfir undan-
farna daga en lögreglan verst allra frekari
frétta af rannsókn málsins. Eins og áður hefur
verið greint frá neita bæði Bjarni og Einar
Jökull sök.
Lögreglan hefur til þessa varist allra frétta
af því hvaða þætti málsins þýsk og hollensk
lögregluyfirvöld hafa verið að rannsaka með
íslenskum lögreglumönnum. Samkvæmt
heimildum Fréttablaðsins er efnið sem flutt
var hingað til lands talið vera upprunnið, það
er keypt, í þessum tveimur löndum.
Skýrslutökur yfir einum
sakborninga ekki hafnar
Lögreglan er ekki farin að yfirheyra Guðbjarna Traustason, annan þeirra sem handteknir voru um borð í
skútu í Fáskrúðsfjarðarhöfn. Hann neitaði með öllu að tjá sig að lögmanni sínum fjarstöddum.
Forseti Íslands, Ólafur
Ragnar Grímsson, tók á sunnudag
við verðlaunum fyrir forystu á
alþjóðavettvangi í baráttunni
gegn loftslagsbreytingum og
fyrir að stuðla að nýrri sýn á
nýtingu hreinnar orku.
Verðlaunin voru veitt í New
York af Louise T. Blouin-stofnun-
inni, sem helguð er þörfinni á
nýrri forystu í alþjóðamálum. Það
voru Louise T. Blouin og Elie
Wiesel, handhafi friðarverðlauna
Nóbels, sem afhentu verðlaunin.
Verðlaunin hafa áður fallið Bill
Clinton og Abdullah öðrum
Jórdaníukonungi í skaut. Þá tók
forsetinn þátt í hringborðsum-
ræðum um loftslagsmál.
Forsetinn fékk
forystuverðlaun
Ungmenni af erlendum uppruna héldu
málþing um framtíð sína í nýju landi og
vörpuðu fram þeirri spurningu hvort þau væru
Íslendingar.
Þau vörpuðu ýmist spaugilegri sýn á
íslenskar venjur eða gagnrýndu það sem betur
mætti fara. Andrúmsloftið var jákvætt og var
ætlunin að benda á jákvæðar hliðar þess að
útlendingar búi á Íslandi. Ungmennin vilja svo
sannarlega læra, en líka kenna og leggja til
samfélagsins.
Julie Sif Sigurðardóttir er hálf frönsk og
hálf íslensk. Hún flutti til Íslands þegar hún
var fjórtán ára gömul og hefur því verið hér í
átta ár.
„Málþingið átti að endurspegla sjónarmið
ólíks fólks. Ég fjallaði meðal annars um trúna,
þar sem ég tók upp íslamstrú fyrir ári,“ segir
Julie. „Spurningin sem við spyrjum okkur er
hvort við viljum vera Íslendingar og hvað
þurfi til þess að vera Íslendingur. Er ég til
dæmis minni Íslendingum nú en áður en ég
gerðist múslimi?“ segir Julie.
„Ég vil vera Mexíkói en heimilið mitt er
hér. Ég tek því það besta úr báðum menning-
arheimum og útkoman verður mjög góð,“
segir Raúl Saenz, en hann kom til Íslands
fyrir einu og hálfu ári eftir að hafa kynnst
Íslendingi þegar hann var skiptinemi í
Taílandi. Hann vinnur nú sem túlkur hjá
Alþjóðahúsi.
Þótt jákvæðni hafi ráðið ríkjum var
gagnrýnin sem fram kom á fundinum oft
hörð. Frummælendur og þátttakendur höfðu
sögur að segja af launamisrétti, fordómum,
baráttu við að komast inn í skólakerfið og
skorti á upplýsingum.
Heilræði ungmennanna til annarra útlend-
inga var að ætlast ekki til þess að Íslendingar
aðlöguðust þeim, heldur væri það þeirra
ábyrgð að aðlagast Íslandi. Íslendingar fengu
skilaboðin; Landið ykkar er frábært, brosið og
bjóðið góðan dag á móti. -
Vilja læra af samfélaginu og leggja því lið
Tæplega fertugur
karlmaður hefur verið ákærður
fyrir Héraðsdómi Reykjavíkur
fyrir grófa líkamsárás á fyrrver-
andi sambýliskonu sína. Hann
slasaði hana meðal annars með því
að ýta strauborði í andlit hennar.
Árásin átti sér stað í ágúst á
síðasta ári. Maðurinn veittist að
konunni, sem er rúmlega tvítug,
sló hana margsinnis í höfuð og
andlit og tók utan um háls hennar
þannig að hún mssti andann. Í
kjölfarið sló hann hana með
krepptum hnefa í andlitið og greip
svo skömmu síðar til strauborðs-
ins. Konan hlaut skurð og fleiri
áverka í andliti.
Slasaði konu
með strauborði
Þýðingastofan Skjal
hefur kvartað til Samkeppnis-
eftirlitsins vegna þátttöku Alþjóða-
húss í útboði Ríkiskaupa vegna
túlka- og þýðingarþjónustu fyrir
opinber fyrirtæki og stofnanir.
Telja forsvarsmenn Skjals að
ástæða sé til að ætla að Alþjóðahús
niðurgreiði þessa þjónustu með
styrkjum sem það fái frá ríki og
sveitarfélögum. Það bitni á þýð-
endum á markaði.
Einar Skúlason, framkvæmda-
stjóri Alþjóðahúss, vísar ásökun-
unum á bug. „Það hefur dregið úr
styrkjum til okkar þó að ásóknin
í þjónustu Alþjóðahúss hafi
aukist. Við höfum því verið að
leita allra leiða til að verða okkur
úti um tekjur og meðal annars
fengið þær í gegnum þýðingar og
því hefur þjónustan ekki verið
niðurgreidd,“ segir hann. Auk
þess bendir Einar á að þjónustu-
samningar við sveitarfélög kveði
á um að Alþjóðahúsið veiti túlka-
og þýðingaþjónustu.
Hann segir 25 prósent tekna
Alþjóðahússins fengnar með
opinberum styrkjum, afgangur-
inn sé af þjónustu sem þar sé
veitt. Í bókhaldi sé aðskilið þar á
milli. Sex aðilar sendu inn tilboð í
útboð Ríkiskaupa og eru þau nú
til skoðunar.
Þá bendir Einar á að Alþjóðahús
sé ekki einkahlutafélag í eigu
Reykjavíkurdeildar Rauða kross-
ins eins og komi fram í kvörtun
Skjals heldur félag í eigu sjálfseig
narstofnunarinnar Kosmos.