Fréttablaðið - 19.10.2007, Qupperneq 28

Dögurður á Thorvaldsen bar er
skemmtileg viðbót við vax-
andi matarmenningu í miðbæ
Reykjavíkur.
„Við leggjum mikið upp úr því að
bjóða upp á góðan og ferskan mat
og skapa heimilislega stemningu.
Síðan matreiðum við allt sjálf.
Ekkert er aðkeypt nema samloku-
og snittubrauðin. Eplakakan bygg-
ist til dæmis á fjölskylduuppskrift
og svo er enginn staður með neitt í
líkingu við pönnukökurnar
okkar.“
Þetta hefur Ingólfur Þorsteins-
son, yfirkokkur Thorvaldsen bar,
um „brunch“- eða dögurðarhlað-
borð staðarins að segja, sem var
nýlega hleypt af stokkunum við
góðar undirtektir og er opið frá
klukkan 11.30 til 15.00 allar helgar.
„Við erum mjög sátt, þar sem
ekki er annað hægt að segja en
aðsóknin hafi verið góð,“ viður-
kennir hann. „Enda erum við eini
staðurinn í miðbænum sem býður
upp á dögurð eftir því sem ég best
veit, þótt nokkrir séu með morgun-
verðarhlaðborð.“
Gott úrval á sjálfsagt sinn þátt í
aðsókninni, þar sem borðin svigna
undan kræsingum á borð við
pönnukökur, beikonrúllur, eggja-
hræru, barbeque-rif, sultu, sýróp,
ávaxtasafa og margt, margt fleira.
Dögurður á Thorvaldsen bar er
því augljóslega himnaríki fyrir
sælkera. Þeir sem vilja passa upp á
kaloríurnar ættu sjálfsagt að leita
annað.
Himnaríki fyrir sælkera
NÝJAR OG BETRI JÚMBÓ
HYRNUR Í NÆSTU VERSLUN