Fréttablaðið - 19.10.2007, Blaðsíða 46
19. OKTÓBER 2007 FÖSTUDAGUR8 fréttablaðið miðborgin
SVIPMYNDIR FRÁ ÚKRAÍNU Á KAFFI MOKKA.
Sýningin, Undir rauðum geisla - Svipmyndir úr úkraínskum veruleika, var
sett upp nýlega á kaffihúsinu Mokka á Skólavörðustíg. Þar sýnir Pétur
Geir Óskarsson svart/hvítar ljósmyndir teknar á ferðum hans um Úkraínu
sumarið 2007.
Myndirnar eru teknar í Krasnyi Luch, kolanámubæ í Luhansk-héraði og
nágrannabyggðum
þess í austurhluta
Úkraínu.
Pétur vill með
myndum sínum veita
innsýn í raunveru-
leika og menningu
sem kann að koma
Íslendingum fyrir
sjónir sem ókunn,
framandi og jafnvel
fátækleg. Virðing
og aðdáun fyrir
viðfangsefninu eru
einkunnarorð Péturs
í þessari nálgun.
Þetta er fyrsta einkasýning Péturs sem hefur lagt stund á ljósmyndun
í um fjögur ár.
Nánar á www.zeranico.com
Miðborg Reykjavíkur býr yfir fágætum sjarma og óm-
ótstæðilegt að eyða þar degi í rólegt tölt milli forvitni-
legra sérverslana, notalegra kaffihúsa og fagurra lista-
safna. Yfir 250 verslanir, söfn og kaffihús bjóða gesti og
gangandi hjartanlega velkomna, en í miðborginni er enn
enginn staður tileinkaður börnum í ævintýraleit meðan
mamma og pabbi sinna erindum sínum, líkt og fyrirfinnst
hjá keppinautum miðbæjarins; Kringlu og Smáralind.
„Það er alveg rétt. Slíka aðstöðu vantar alveg í mið-
borgina enda erfitt að bera saman verslunarmiðstöðv-
ar við miðborg. Við erum með Tjörnina þar sem börn
geta gefið öndunum brauð en þar eru þau vitaskuld ekki
eftirlitslaus,“ segir Sigrún Lilja Guðbjartsdóttir, fram-
kvæmdastjóri Miðborgar Reykjavíkur.
„Það hafa komið fram hugmyndir um barnasafn, auk
þess að nýta minni svæði í eigu borgarinnar og græn
svæði undir leiksvæði fyrir börn, en slíkt sér maður
gjarnan í stórborgum austan hafs og vestan. Þá væri
hægt að fara á góðum sumardegi með börn í bæinn og
leyfa þeim að leika sér á litlum leikvöllum milli versl-
ana, en ekki hefur verið talað um gæslu barna á slíkum
svæðum. Lítil börn verða pirruð til lengdar að hanga á
kaffihúsum eða í verslunum, en finnst auðvitað hrein
skemmtun að heimsækja þessi ævintýralönd í klösun-
um, sem er kærkomin tilbreyting fyrir bæði börn og for-
eldra,“ segir Sigrún Lilja, en flestir kannast við óþreyju-
full börn sem þvælast fyrir fótum þjónustufólks á kaffi-
húsum borgarinnar.
„Það má einnig varpa fram þeirri hugmynd að nýta
listastofnanir borgarinnar með þeim hætti að tíma-
bundna gæslu ásamt fræðslu væri þar að finna fyrir
yngri meðlimi fjölskyldunnar. Þetta er ekki á prjónun-
um, en vissulega ein leið til að efla verslun og þjónustu í
miðborg Reykjavíkur.“ thordis@frettabladid.is
Ævintýri óskast í miðborgina
Í miðborginni er enginn staður tileinkaður börnum í ævin-
týraleit meðan mamma og pabbi sinna erindum sínum.
Gömul húsgögn, búnaður og föt
ásamt fleiru smálegu hefur notið
æ meiri vinsælda. Bæði vegna
tískustrauma og í umhverfis-
skyni. Tískan fer í sífellda hringi
og húsgögn og -búnaður fyrri
ára ratar nú æ oftar inn á glæný
heimili. Þau eru oft vandaðri og
bera með sér sál svo ekki sé talað
um gildi sígildrar hönnunar.
Yngri kynslóðin hefur einnig
verið iðin við að nota gömul föt
á síðustu árum. Bæði úr geymsl-
um foreldranna og af flóamörk-
uðum. Svo ekki sé talað um
barnaföt sem varla sér á.
Miðborgin hefur upp á marga
kosti að bjóða fyrir þá sem vilja
finna eitthvað sérstakt og fal-
legt. Eitthvað gamalt og gott.
HERTEX:
Fatabúð Hjálpræðishersins
Garðastræti 6.
Opið alla virka daga: 13.00-18.00
KOLAPORTIÐ:
Fjölbreytt markaðstorg með not-
aðar og nýjar vörur. Til dæmis
fatnað, skartgripi, skó, antik-
vöru, húsgögn, bækur, innflutt-
ar vörur frá öllum heimshornum
ásamt matvöru og kaffistofu.
Opið laugardaga og sunnudaga:
11.00-17.00
VERSLUNIN FRÍÐA FRÆNKA:
Vesturgata 3.
Opið alla virka daga: 10.00-18.00
Laugardaga: 10.00-14.00
GLAMÚR:
Notaður tískufatnaður
Laugavegi 41.
Opið mánudaga-fimmtudaga:
11.00-18.00, föstudaga: 11.00-
18.30, laugardaga: 11.00-16.00
RAUÐI KROSSINN:
Verslun með notuð föt
Laugavegur 12b.
Opið alla virka daga: 10.00-17.30,
laugardaga: 11.00-17.00
NYTJAMARKAÐUR
HJÁLPRÆÐISHERSINS:
Húsgögn, búsáhöld, bækur, föt
og fleira. (Þar er einnig móttaka
fyrir dót)
Eyjaslóð 7 á Granda.
Opið alla virka daga: 13.00-18.00
ROKK OG RÓSIR:
Notaður tískufatnaður
Laugavegi 28.
Opið mánudaga-fimmtudaga:
11.00-18.00, föstudaga: 11.00-
18.30, laugardaga: 11.00-16.00
Eitthvað gamalt
og gott
Rauði krossinn á Laugavegi 12b selur notaðan fatnað sem jafnvel er aftur kom-
inn í tísku.
Notuð föt, húsbúnaður og húsgögn
njóta æ meiri vinsælda. Bæði meðal
yngra fólks sem vill vera í tísku og
annarra sem huga að umhverfisvernd
og endurvinnslu.