Fréttablaðið - 02.07.2008, Blaðsíða 8

2. júlí 2008 MIÐVIKUDAGUR
LANDSMÓT „Það sem er óvenjulegt
nú er að mótið byrjaði í raun á
föstudegi. Þá hópaðist fólk inn á
svæðið og tjaldbúðir tóku að
rísa,“ sagði Sigurður Ævarsson,
mótsstjóri á Landsmóti hesta-
manna á Hellu, þegar Fréttablað-
ið hitti hann á mótsstað í gær.
„Á sunnudeginum var miklu,
miklu fleira fólk komið á staðinn
en við höfðum reiknað með, enda
dagskrá ekki komin af stað,“
útskýrði Sigurður. „Það má því
segja að landsmótið hafi byrjað
áður en það hófst! En það er nátt-
úrlega ekkert nema dásamlegt ef
fólk vill vera meira en viku hjá
okkur.“
Sigurður sagði að mótshald
hefði gengið stórvel þessa fyrstu
daga landsmóts. Þó að veðurguð-
irnir væru mótsgestum ekkert
sérlega hliðhollir um miðjan dag í
gær lét fólk það ekkert á sig fá,
en mætti í brekkurnar og skaust
þess á milli að fá sér eitthvað í
svanginn.
Það ber enda margt fyrir augu
á landsmóti, því þar koma við
sögu með einum eða öðrum hætti
á annað þúsund hrossa. „Hvað
varðar gæðingakeppnir hafa
tímasetningar staðist nokkuð
vel,“ sagði Sigurður enn fremur.
„Þegar við erum farin að tala um
það á hestamóti að farið sé þrjár
mínútur fram yfir í átta tíma dag-
skrá, þá er þetta orðið verulega
huggulegt. Þannig var það í
gær.“
Sigurður kvaðst sannfærður
um að fjöldi mótsgesta færi upp í
fimmtán þúsund.
„Það er svo góður andi hérna og
maður heyrir mikið talað um
mótið út á við. Fullt af fólki sem
er lítið eða ekki í hestum ætlar að
koma hingað.
Já, ég hef þetta bara á tilfinn-
ingunni. Svo auðvitað vorkenni
ég öllum sem koma ekki á lands-
mót,“ sagði þessi glaðbeitti móts-
stjóri og svo var hann rokinn til
starfa. jss@frettabladid.is
SIGURÐUR ÆVARSSON MÓTSSTJÓRI
Vorkennir öllum sem koma ekki á lands-
mót. FRÉTTABLAÐIÐ/ANTON
Á MÓTSSTAÐ Þótt veðurguðirnir væru ekki upp á sitt blíðasta í gærdag létu móts-
gestir það ekki aftra sér frá að njóta þess sem var á boðstólum á tveimur völlum.
FRÉTTABLAÐIÐ/ANTON
Landsmótið byrjaði
áður en það hófst
Landsmót hestamanna 2008 er nú komið á fullan skrið á Hellu. Mótsstjóri
er ánægður með byrjunina. Hann sagði óvenjulegt að gestir hefðu byrjað að
streyma inn á svæðið tveimur dögum áður en mótsdagskrá hófst.
„Ég hlakka til helgarinnar. Það spáir fínu veðri og þá
verður þetta stórhátíð,“ sagði Þórður Þorgeirsson, knapi
með meiru.
Þórður er með 24 hross á landsmótinu, einn keppn-
ishest í gæðingaflokki og svo hryssur og stóðhesta í
kynbótasýningum. Trúlega er þar komið eitthvað af
hrossunum sem hann vakti yfir, sem þekkt er orðið,
fyrstu nóttina eftir Suðurlandsskjálftann í maí. Þórður er
með fjögurra manna hóp sem aðstoðar hann áður en
hann fer í brautina.
„Þetta hefst með góðri skipulagningu og góðu
aðstoðarfólki,“ sagði hann. „Að auki hjálpa eigendur
kynbótahrossanna til eftir föngum.“
Þórður segir að kynbótahrossin séu alltaf að batna.
„Auðvitað eru margir einstaklingar með háan dóm, en
eftir forskoðun á sex vetra hryssunum í gær er sú tíunda
í röðinni með 8,30 í aðaleinkunn. Þetta segir okkur hve
breiddin er orðin mikil í þessum góðu hrossum.“ - jss
Þórður Þorgeirsson:
Verður stórhátíð
„Ég hlakka til hvers dags,“ sagði Johannes Hoyos, kom-
inn frá Austurríki og að sjálfsögðu mættur á LM 2008.
Fyrsta Landsmótið sem hann sótti var á Þingvöllum
1962. Síðan kvaðst hann hafa verið á flestum landsmót-
um til ársins 1978. Frá og með því móti hefur hann sótt
öll landsmót sem haldin hafa verið hér á landi.
„Við munum sjá mörg góð hross hér,“ sagði hann.
„Hrossin á Landsmóti hafa breyst mjög mikið frá því
að ég kom hingað á mitt fyrsta landsmót. Þá var mjög
spennandi fyrir mig, tíu ára gamlan, að sjá kappreiðar
á stökki og skeiði. Nú erum við að horfa á frábæra
knapa í eldri og yngri flokkum á hrossum sem eru betur
byggð, skapbetri og sýna fjölþætta hæfileika. Hrossa-
rækt, þjálfun þeirra og færni knapa hefur fleygt fram.
Toppnum verður aldrei náð, því þetta er lífið sjálft. Það
staðnar aldrei en er síbreytilegt.“ - jss
Johannes Hoyos:
Þetta er lífið
MENNTUN Kennaraháskóli Íslands var í gær formlega
sameinaður Háskóla Íslands. Nemendur skólans eru
nú um 13.000, eða rúm fjögur prósent þjóðarinnar. Það
gerir Háskóla Íslands að einum af fjölmennustu
skólum heims miðað við höfðatölu.
Þorgerður Katrín Gunnarsdóttir menntamálaráð-
herra afhjúpaði nýtt skilti við hátíðlega athöfn við hús
Menntavísindasviðs við Háteigsveg, áður Kennarahá-
skólann. Á sama tíma voru fánar Háskólans dregnir
að húni bæði við Háteigsveginn og á Laugarvatni þar
sem nú er útvörður Háskóla Íslands á Suðurlandi.
Ólafur Proppé, fráfarandi rektor KHÍ, sagði í samtali
við Fréttablaðið í fyrradag að með sameiningu
skólanna myndaðist „einstakt tækifæri til að styrkja
kennaramenntun hér á landi með nýjum möguleikum
á þverfaglegri nálgun í kennslu og rannsóknum“.
Sameiningin helst í hendur við skipulagsbreytingar
innan Háskólans. Nú hefur skólanum verið skipt upp í
fimm svið; félagsvísindasvið, heilbrigðisvísindasvið,
hugvísindasvið og verkfræði- og raunvísindasvið auk
menntavísindasviðs sem gamli Kennaraháskólinn
myndar stofninn að. - hþj
Kennaramenntun hérlendis styrkt enn frekar:
KHÍ sameinast Háskóla Íslands
MENNTAVÍSINDASVIÐ HÁSKÓLA ÍSLANDS VIÐ STAKKAHLÍÐ
Ólafur Proppé, fráfarandi rektor Kennaraháskólans, ásamt Þor-
gerði Katrínu Gunnarsdóttur menntamálaráðherrra og Kristínu
Ingólfsdóttur, rektors Háskóla Íslands.