Fréttablaðið - 23.07.2008, Blaðsíða 19
[ ]
Í Nauthólsvík er starfræktur
Siglingaklúbburinn Siglunes en
þar er hægt að fara á siglinga-
námskeið og leigja báta.
„Við erum með siglinganámskeið í
allt sumar og byrjuðum 9. júní og
klárum núna 15. ágúst. Um er að
ræða fimm tveggja vikna námskeið
fyrir krakka á aldrinum 9-12 ára.
Síðan erum við með siglingaklúbb
fyrir krakka á aldrinum 12-15 ára
en í honum eru krakkar sem eru
búnir með námskeið hjá okkur og
eru þá meira á eigin forsendum,“
útskýrir Árni Jónsson, deildarstjóri
í útivistarmiðstöð Nauthólsvíkur.
Auk þess að bjóða upp á siglinga-
námskeið er boðið upp á bátaleigu
alla miðvikudaga og fimmtudaga
milli fjögur og sjö. Báturinn kostar
600 krónur fyrir klukkutímann en
víkingaskipin eru á 1.500 krónur
fyrir klukkutímann þar sem þau
eru stærri og meira mál að koma
þeim af stað. „Ef um er að ræða 12
ára og eldri krakka frá okkur með
reynslu þá er hægt að koma og
leigja bát en ef það eru óreyndir þá
er miðað við svona 14-15 ára. Það
eru alltaf að minnsta kosti tveir
gæslubátar úti öllum stundum
þannig að fyllsta öryggis er gætt,“
segir Árni. Einnig er tekið á móti
hópum til dæmis af leikjanámskeið-
um. „Þá er farið fyrir hádegi í sigl-
ingu á gömlum trébát sem heitir
Jónas feiti og er tekin skemmtisigl-
ing þar sem sagðar eru sögur og þá
ekki allar alveg sannar eins og til
dæmis að það sé tappi hérna í vík-
inni og svo framvegis,“ segir Árni
glettinn. „Eftir hádegi er oft tekið á
móti hópum sem fara á kajaka eða
kanóa. Það geta verið 10-12 ára
gamlir krakkar sem eru á nám-
skeiðum víða um borgina, unglinga-
vinnan og fleiri.“
Auk venjulegra kajaka og kanóa
er boðið upp á opna kajaka sem
einnig kallast Malibu, seglbáta, litla
árabáta, svokölluð víkingaskip og
stærri skútu sem krakkarnir fá að
fara á með starfsmanni. „Sú skúta
kallast Gulla granna en þetta eru
allt svolítið sérstök nöfn hérna.
Víkingaskipin eru stórir kappróðr-
arbátar. Þar eru sex að róa og einn
að stýra,“ segir Árni.
Ekki þarf að panta báta fyrir-
fram en þó er það hægt ef vilji er
fyrir hendi. Siglingaklúbburinn
Siglunes er í Nauthólsvíkinni og er
merki ofurmennisins, eða „súper-
mann“, merki klúbbsins. „Sagan
segir að merkið hafi verið til hér
löngu áður en Súpermann sá það en
svo flaug hann hér yfir og sá það,
en við erum með risastórt merki
hér á jörðinni hjá okkur í Naut-
hóls víkinni,“ segir Árni glettinn.
Hægt er að skrá sig á námskeið á
www.itr.is en einnig er hægt að
skrá sig hjá Siglingaklúbbn um
Siglunesi. hrefna@frettabladid.is
Á bátana í öllum veðrum
Árni Jónsson, deildarstjóri í útivistarmið-
stöð Nauthólsvíkur, dyttar hér að Jónasi
feita.
Á sumrin er mikið fjör í Nauthólsvíkinni og stöðug aðsókn í bátana hjá Siglinga-
klúbbnum Siglunesi. Boðið er upp á siglinganámskeið og bátaleigu.
MYND/HAFDÍS HRUND GÍSLADÓTTIR
Hellishólar í Fljótshlíð er
glæsileg ferðaþjónusta sem
býður upp á fjölbreytta afþrey-
ingu fyrir gesti.
Hellishólar eru áhugaverður stað-
ur fyrir fjölskylduna að heim-
sækja á sumrin. Einnig fyrir ætt-
armót, starfsmannaferðir, afmæli
og fleira. Gestir geta ýmist gist í
sumarhúsi eða á fullkomnu tjald-
svæði.
Á Hellishólum er líka starfrækt-
ur golfskóli, en í honum er boðið
upp á sérstök kvenna-, hjóna- og
almenningsnámskeið. Skólinn er
bæði fyrir byrjendur og lengra
komna.
Hellishólar voru byggðir árið
1952 og var þar hefðbundinn
búskapur fram til ársins 2000 en
þá ákváðu bóndahjónin að hverfa
frá búskapnum og snúa sér að
rekstri ferðaþjónustu. Nýir eig-
endur eru nú komnir sem hafa það
að markmiði að öllum líði vel
meðan á dvölinni stendur.
Allar nánari upplýsingar er
hægt að nálgast á www.hellishól-
ar.is. - stp
Ánægjuleg dvöl
Hellishólar eru með golfskóla sem býður upp á margs konar námskeið.
MYND/PÁLL GUÐJÓNSSON
Hægt er að gista í sumarhúsi eða á
tjaldsvæðinu. MYND/PÁLL GUÐJÓNSSON
Rómantískar kvöldgöngur eru eitthvað sem öll pör ættu að fara í á falleg-
um sumarkvöldum. Hægt að ganga saman til dæmis um hverfið eða Ægisíðuna.