Fréttablaðið - 23.07.2008, Side 30
22 23. júlí 2008 MIÐVIKUDAGUR
folk@frettabladid.is
> VINNUR MEÐ SLASH
Fergie hefur unnið með ólíklegasta fólki í
gegnum tíðina, en nú síðast fékk hún gít-
argoðsögnina Slash með sér á svið á tón-
leikum. Fergie þurfti þó að kynna rokk-
arann aðeins fyrir aðdáendum sínum
enda margir í yngri kantinum. Hún
benti þeim á að þeir könnuðust
eflaust við hann úr tölvuleiknum
Guitar Hero.
Dagur Kári Pétursson
hefur lokið tökum á nýjustu
kvikmynd sinni, The Good
Heart, og er kominn heim
á klakann á ný. Vinnunni
er þó langt því frá lokið því
nú tekur við öll eftirvinna
myndarinnar. Sara McMa-
hon hitti Dag Kára og fékk
að heyra allt um myndina,
sem frumsýnd verður í
byrjun næsta árs.
„Ég er eiginlega nýkominn inn úr
dyrunum, var að klára að ryksuga
og er rétt byrjaður að skoða glugga-
póstinn sem beið mín,“ segir Dagur
Kári Pétursson, vonarstjarna
íslenskrar kvikmyndagerðar. Dagur
hefur nýlokið tökum á kvikmynd-
inni The Good Heart en þær fóru
fram hér á landi, í New York og í
Dóminíska lýðveldinu.
Handritið að The Good Heart er
eftir Dag sjálfan og var það heil
átta ár í vinnslu. „Ég byrjaði að
skrifa handritið áður en ég fór í
tökur á Nóa albínóa og og hef verið
að vinna í því síðan. Þetta hefur því
verið frekar hægt ferli og hug-
myndin hefur verið að gerjast og
marinerast í langan tíma,“ segir
leikstjórinn.
Kvikmyndin fjallar um hjartveik-
an bareiganda sem tekur heimilis-
lausan mann upp á arma sína með
það í huga að arfleiða hann að barn-
um. Þegar Dagur Kári er spurður út
í hugmyndina að handritinu vill
hann lítið segja. „Sjálf kveikjan að
handritinu er í raun það sem mun
koma einna mest á óvart í myndinni
og því vil ég helst ekki uppljóstra
því. En það var sem sagt út frá
þeirri hugmynd sem allt annað
spannst. Myndin er þó rökrétt fram-
hald af fyrri verkum mínum. Ég
vinn alltaf út frá húmor og reyni
svo að sulla honum saman við ein-
hvers konar harmleik. En þegar allt
kemur til alls er ég bara að reyna að
búa til þá bíómynd sem ég myndi
sjálfur vilja horfa á í bíó.“
Erfið leit að leikurum
Kvikmyndin skartar skoska leikar-
anum Brian Cox og hinum unga
Paul Dano í aðalhlutverkum og vill
svo skemmtilega til að þetta er í
annað sinn sem þeir leika móti
hvor öðrum, en þeir léku saman í
kvikmyndinni L.I.E. árið 2001.
Ýmsir leikarar voru orðaðir við
hlutverk í kvikmyndinni til að
byrja með og má þar helst nefna
tónlistarmanninn Tom Waits og
leikarann Ryan Gosling. Á endan-
um voru það þó þeir Cox og Dano
sem lönduðu hlutverkunum.
„Sagan gerist í stórborg og því
þurftum við að leita að enskum eða
bandarískum leikurum. Í Banda-
ríkjunum ganga hlutirnir allt öðru-
vísi fyrir sig en hér heima og þó að
leikarar segi já á einhverjum tíma-
punkti þá er merking þess orðs þar
oft mjög loðin. Það tók því langan
tíma fyrir okkur að finna endan-
lega leikara í hlutverkin.“
Franska leikkonan Isild Le Besco
fer með aðalkvenhlutverk myndar-
innar en hana hafði Dagur Kári séð
leika áður. „Mér fannst hún vera
með mjög sterka nærveru og mikla
útgeislun og ákvað að laga kven-
hlutverkið að henni.“ Dagur Kári
segist vera mjög ánægður með leik-
ara myndarinnar og segir þá vinna
vel saman þrátt fyrir ólíkan bak-
grunn. „Þau pössuðu mjög vel í hlut-
verkin og stóðu sig öll gríðarlega
vel.“
Dagur er ávísun á gæði
The Good Heart er dýrasta mynd
Dags Kára til þessa og jafnframt sú
umfangsmesta. Meðal þess sem má
sjá í myndinni er raunveruleg
hjartaaðgerð sem framkvæmd var
af Tómasi Guðbjartssyni hjarta-
skurðlækni á Landspítalanum. „Það
var mjög flókið mál og krafðist mik-
ils undirbúnings en þetta var ótrú-
leg upplifun og allir sem stóðu að
þessu unnu þetta mjög vel og starfs-
fólk Landspítalans reyndist okkur í
alla staði frábærlega,“ segir Dagur
Kári, en þetta er í fyrsta sinn sem
raunveruleg aðgerð er sýnd í
íslenskri kvikmynd. Tökur á mynd-
inni fóru að mestu leyti fram hér á
landi en einnig í New York og í
Dóminíska lýðveldinu, en Dagur
Kári segist hafa gert það að venju
að enda kvikmyndir sínar á suðlæg-
um slóðum. „Í Nóa albínóa enduð-
um við á Kúbu, í Voksne mennesker
enduðum við á Spáni og The Good
Heart endar sem sagt í Dóminíska
lýðveldinu. Einhverra hluta vegna
hafa allar mínar myndir haft ein-
hvers konar tengingu við suðræn
lönd en svo hefur þetta snúist upp í
hálfgerðan brandara hjá mér að
enda alltaf tökurnar á pálma-
strönd.“
Þó að kvikmyndin sjálf sé ekki
fullunnin virðist sem Dagur Kári
hafi enn og aftur hitt naglann á höf-
uðið því myndin hefur nú þegar
unnið til verðlauna. Dagur hlaut
NHK-verðlaunin á hinni virtu Sund-
ance-kvikmyndahátíð fyrir handrit
sitt að The Good Heart. Verkefnið
hlaut einnig styrk frá Eurimages og
Nordisk Film og TV fund og sagði
framleiðandinn Þórir Snær Sigur-
jónsson hjá Zik Zak við það tæki-
færi að sterkt handrit og nafn Dags
Kára sem leikstjóra sé ástæðan
fyrir að svo hár styrkur fékkst, en
nafn Dags þykir nú orðið ávísun á
gæði.
Erfitt að skrifa á íslensku
Dagur Kári segir að áhuginn á kvik-
myndagerð hafi fyrst kviknað í
menntaskóla. „Á þeim tíma komst
ég að því að kvikmyndagerð sam-
einaði mörg áhugamál mín líkt og
tónlist, ljósmyndun og skriftir, þetta
kemur allt saman í þessu fagi.“
Spurður hvort ekki hafi verið erfitt
að skrifa handritið á ensku segir
hann að svo sé ekki. „Mér finnst
mun auðveldara að skrifa á dönsku
eða ensku heldur en á íslensku.
Íslenskt ritmál tekur sig mjög hátíð-
lega og maður ber óttablandna virð-
ingu í garð þess. Það er mikill
munur á íslensku ritmáli og íslensku
götumáli og erfitt að brúa bilið þar
á milli. Þess vegna virðast samtöl
oft mjög stirð í íslenskum kvik-
myndum.“ Dagur segist þó gjarnan
vilja gera næstu kvikmynd á Íslandi
og því sé líklegt að hann skrifi
næsta handrit á íslensku. „Það er
ekki eitthvað óyfirstíganlegt fyrir
mig að skrifa á íslensku þó að mér
þyki hitt að mörgu leyti auðveld-
ara.“
Stíg ekki fæti í Hollywood
Stefnt er á að kvikmyndin verði til-
búin í byrjun næsta árs þegar búið
er að vinna alla hljóð- og klippi-
vinnu. Líkt og með fyrri kvikmynd-
ir Dags Kára mun hann semja tón-
listina við myndina sjálfur ásamt
Orra Jónssyni, en saman skipa þeir
hljómsveitina Slowblow. Dagur
Kári stefnir á að koma The Good
Heart í kvikmyndahús hér heima
jafnt sem erlendis. „Við erum með
mjög stórt og þekkt fyrirtæki sem
mun sjá um að selja myndina og það
lofar allt saman mjög góðu, þótt það
sé aldrei á vísann að róa í þeim
efnum.“
Er þá stefnan tekin á bíóborgina
Hollywood í nánustu framtíð? „Nei,
það er alveg klárt að þangað inn
mun ég ekki stíga fæti. Ég ætla bara
að einbeita mér að því að klára
myndina og svo er líklegt að maður
taki sér smá frí og safni nýjum hug-
myndum í sarpinn,“ segir þessi hlé-
drægi leikstjóri að lokum.
sara@frettabladid.is
ÉG FER ALDREI TIL HOLLYWOOD
KOMINN Í LANGÞRÁÐ FRÍ Dagur Kári Pétursson lauk nýverið tökum á næstu kvik-
mynd sinni, The Good Heart. Leikstjórinn tekur sér langþráð frí áður en lokavinnsla á
henni hefst. Myndin er væntanleg í kvikmyndahús snemma á næsta ári.
FRÉTTABLAÐIÐ/ARNÞÓR
VIÐ TÖKUR Í NEW YORK Dagur leiðbeinir stjörnunum Paul Dano og Brian Cox á
tökustað í New York.
Fyrir nokkrum vikum bárust þær
fregnir að ofurfyrirsætan Kate
Moss væri hætt með kærasta
sínum, söngvaranum Jamie
Hince. Jamie og Kate eiga að hafa
rifist heiftarlega og endað
sambandið og flutti Jamie í
kjölfar þess út frá Kate. Jamie lét
þó þau orð falla stuttu eftir
sambandsslitin að hann væri
fullviss um að hann og Kate
mundu byrja aftur saman.
Söngvarinn hafði rétt fyrir sér í
þetta sinnið því fyrr í vikunni
sást til hans og Kate þar sem þau
reyktu og drukku saman nokkra
bjóra og fóru síðan í smá
verslunarleiðangur.
Saman á ný
ÁNÆGÐ Kate og Jamie fengu sér nokkra
kalda og virtust vera hin ánægðustu.
Nýjustu fregnir herma að
rapparinn og tónlistarmaðurinn
vinsæli, Pharell Williams, eigi nú
von á barni. Pharell
og tilvonandi
barnsmóðir hans
eru víst ekki
saman en hún ku
vera komin nokkuð
langt á leið.
„Pharell er mjög
lokaður og vill
ekki fara
út í nein
smáat-
riði,“ sagði
vinur
rapparans
um málið.
Verður pabbi
Dóttir Bob Geldof var nær dauða
en lífi þegar hún tók of stóran
skammt af eiturlyfjum um
daginn. Hin nítján ára Peaches
Geldof hætti að anda í nokkrar
mínútur og ef ekki hefði verið
fyrir skjót
viðbrögð vina
hennar hefði
getað farið
fyrir henni líkt
og móður
hennar, Paulu
Yates, sem lést
eftir að hafa
tekið of stóran
skammt af
eiturlyfjum árið
2000.
Vinur stúlkunnar hringdi á
sjúkrabíl eftir að Peaches hné
niður og gerði sjálfur tilraun til
endurlífgunar. Peaches náði
meðvitund stuttu eftir komu
sjúkraliðanna og þvertók fyrir að
láta flytja sig upp á sjúkrahús af
ótta við að faðir hennar kæmist að
því sem hafði gerst. „Það er
ótrúlegt að þetta hafi komið fyrir
Peaches, flestir hefðu haldið að
hún myndi halda sig frá eiturlyfj-
um eftir að hafa misst móður sína
á svo hræðilegan hátt. Vinur
hennar bjargaði lífi hennar, það er
engin spurning,“ sagði heimildar-
maður í viðtali við The Sun.
Peaches tók of
stóran skammt
Páll Óskar Hjálmtýsson
var í essinu sínu við tökur
á auglýsingu Byrs í Hafn-
arfirði á föstudaginn.
Eins og sjá má var
mikið um litadýrð í
skrúðgöngunni sem
Páll leiddi um Aust-
urgötu í gamla
miðbæ Hafnarfjarð-
ar á meðan hann söng
lag sitt, Betra líf.
Eins mátti sjá söngv-
arann taka sporið
eins og honum er
einum lagið.
Páll Óskar tók sporið
INNLIFUN Aðstandendur gáfu allt í dans og söng. FRÉTTABLAÐIÐ/ARNÞÓR
PEACHES GELDOF
GANGA.IS
Ungmennafélag Íslands