Fréttablaðið - 27.08.2008, Blaðsíða 19
H A U S
MARKAÐURINN 3MIÐVIKUDAGUR 27. ÁGÚST 2008
F R É T T I R
„Við erum að gæta varfærni,
taka niður eignasafnið vegna
markaðsaðstæðna og búa í hag-
inn fyrir erfiðan vetur,“ segir
Ragnar Z. Guðjónsson, spari-
sjóðsstjóri Byrs.
Sparisjóðurinn hagnaðist um
215,6 milljónir króna á fyrri
hluta ársins. Þetta er 95 prósenta
samdráttur á milli ára. Virðisrýr-
un útlána nam tæpum 1,8 millj-
örðum króna samanborið við 155
milljónir ári fyrr. Ragnar segir
varúðarframlagið ekki töpuð
útlán heldur sé það lögð til hliðar
fyrir erfitt árferði. Nú þegar séu
merki um að vanskilahlutfallið sé
að aukast.
Byr hefur þráfaldlega verið
orðaður við samruna við önnur
fjármálafyrirtæki undanfarnar
vikur og mánuði. Vitað er af áhuga
margra í eigendahópi sparisjóðs-
ins á samruna við Glitni, en einn-
ig herma heimildir Markaðarins
að Straumur renni hýru auga til
sparisjóðsins. Þessu vísar Ragn-
ar á bug. „Við höfum ekki átt
í neinum samrunaviðræðum við
einn eða neinn, hvorki óformleg-
um né formlegum.“ - jab/bih
Siðanefnd norska blaðamannafé-
lagsins hefur komist að þeirri
niðurstöðu að norska viðskipta-
blaðið Dagens Næringsliv hafi
brotið gegn siðareglum með frétt
sinni um Kaupþing 10. maí síðast-
liðinn undir fyrirsögninni „Kúnn-
arnir flýja“.
Siðanefndin segir að fyrirsögn
fréttarinnar hafi ekkert átt skylt
við efni fréttar sem hún vísaði til
inni í blaðinu. Kaupþing taldi um-
fjöllun blaðsins skaðlega bankan-
um, auk þess sem hún hefði verið
byggð á ósönnum blaðafréttum
og tölum sem Dagens Næringsliv
hefði verið ljóst að væru úreltar.
Nefndin tók undir sjónarmið
bankans í málinu og gagnrýndi
Dagens Næringsliv fyrir vinnu-
brögð sín við undirbúning og að
fyrirsögn á forsíðu hefði verið
röng. Nefndin ákvað einnig að
Dagens Næringsliv skyldi birta
niðurstöðuna í heild í blaðinu.
„Við erum að sjálfsögðu ánægð
með niðurstöðu nefndarinnar.
Hún sýnir að siðanefndin sé til-
búin að veita áminningu þeim
fjölmiðlum sem beinlínis fara
með rangt mál og vonandi mun
Dag ens Næringsliv vanda sig
betur í fréttaskrifum um okkur
í framtíðinni,“ segir Jónas Sig-
urgeirsson, framkvæmdastjóri
samskiptasviðs Kaupþings. - bih
Höfðu betur í Noregi
Engar samrunaviðræður
„Það var ákveðið fyrir nokkru
að óska ekki eftir framlengingu
á þeim hluta lánsins sem er á
gjalddaga og nýta frekar sterka
lausafjárstöðu félagsins til að
greiða hann upp,“ segir Sigurður
Nordal, framkvæmdastjóri sam-
skiptasviðs Existu. Skuldir Ex-
istu lækkuðu um einn milljarð
evra á fyrri hluta árs.
Exista tók á síðasta ári sam-
bankalán upp á 500 milljónir
evra, jafnvirði 43 milljarða ís-
lenskra króna að þávirði. Miðað
við gengi evru gagnvart krón-
unni nú er heildarupphæðin
sautján milljörðum hærri.
Lánsfjárhæðinni var varið til
fjármögnunar á eldri lánum.
Lánið var í tveimur hlutum.
Stærri hlutinn, upp á 407,5 millj-
ónir evra og með 130 punkta álag
á Euribor vexti, er til þriggja
ára en afgangurinn, 92,5 millj-
ónir evra með 62,5 punkta álag,
var til eins árs og á gjalddaga
nú um mánaðamótin. Framleng-
ingarheimild var á þeim hluta
til allt að þriggja ára með sam-
þykki lánveitenda.
Sigurður segir markaðinn
hafa breyst frá í fyrra og að
þessi tegund af lánsfé sé öllu
dýrara nú en þá. Hagkvæmara
sé því að nýta sterka lausafjár-
stöðu og greiða þann hluta láns-
ins sem var á gjalddaga fremur
en að endurfjármagna hann með
sama hætti. - jab
FORSTJÓRI EXISTU Í SÍMANUM Exista
hefur ákveðið að greiða fremur upp hluta
sambankaláns á gjalddaga en að fjár-
magna hann. MARKAÐURINN/GVA
Exista kýs að greiða lánið
„Ríkisútvarpinu var úthýst úr
Fjársýslunni í fyrra,“ segir Magn-
ús Kr. Ingason, framkvæmda-
stjóri fjármálaþjónustufyrirtæk-
isins Fjárvakurs.
Fjárvakur hefur frá síðustu
áramótum séð um launavinnslu
og annað tengt starfsemi RÚV.
Áður sá Fjársýsla ríkisins um
launavinnsluna.
„RÚV varð að sjá um sig sjálft
eftir hlutafélagavæðinguna og
fékk eitt ár til aðlögunar,“ segir
Stefán Kjærnested varafjár-
sýslustjóri. Það sama gildir um
önnur ríkisfyrirtæki sem að öðru
leyti eru skylduð til að vera inn-
andyra hjá Fjársýslunni.
Launavinnsla RÚV, sem varð
opinbert hlutafélag í apríl á síð-
asta ári, var boðin út eftir að
ákvörðunin lá á borðinu og kepptu
tvö fyrirtæki um kökuna áður en
Fjárvakur hafði betur. Fyrirtæk-
ið er eitt dótturfélaga Icelandair
og sinnir vinnslu fyrir tengd
félög en hefur fært út kvíarnar
síðustu mánuði.
Á bilinu 4-500 starfsmenn eru
á launaskrá RÚV ef allt er talið
og er það um tólf prósent af um-
fanginu í bókum Fjárvakurs, að
sögn Magnúsar. - jab
Launavinnslu RÚV úthýst úr ríkishúsum
„Við náðum ekki að klára þetta
áður en menn fóru í sumarfrí,“
segir Kristinn Hallgrímsson, for-
maður skilanefndar Eignarhalds-
félagsins Samvinnutrygginga.
Hann gerir ráð fyrir því að skila-
nefndin komi saman í september.
Um 50 þúsund manns sem
eiga réttindi í félaginu bíða þess
að fá upplýst hversu mikil eign
þeirra verður í fjárfestingarfé-
laginu Gift, sem stofnað var upp
úr eignarhaldsfélaginu í fyrra. Þó
er vitað að Samvinnusjóðurinn á
stærstan hlut, þá SÍS og KEA.
Almennir rétthafar hafa skrifað
til Eignarhaldsfélagsins og óskað
upplýsinga um stöðu mála. Sumir
hafa sent mörg erindi. Enginn
hefur hins vegar fengið svör.
Gift á meðal annars hlut í Ice-
landair, Kaupþingi og fleiri félög-
um, skráðum og óskráðum.
Eigið fé Giftar var um 30 millj-
arðar í fyrrasumar, en innan við
20 um áramót, eftir því sem næst
verður komist. Síðan hefur verð-
mæti eigna Giftar minnkað til
muna, samfara almennu verð-
hruni á hlutabréfamarkaði. - ikh
Engin svör frá Samvinnutryggingum
F U N D A Ð U M
H Á E F F U N B Y R S
■ Stofnfjáreigendur í Byr sparisjóði
funda í dag um tillögu stjórnar um að
rekstrarformi sjóðsins verði breytt í
hlutafélag.
■ Ragnar Z. Guðjónsson, sparisjóðsstjóri
Byrs, kveðst hafa góða tilfinningu fyrir
því að ákvörðunin hljóti brautargengi
enda sé aðgengi hlutafélaga að
fjármagni betra en sparisjóða.
■ Samkvæmt lögum þurfa að minnsta
kosti 2/3 stofnfjáreigenda að
samþykkja þær, að fengnu samþykki
Fjármálaeftirlitsins.
■ Fundurinn fer fram á Hilton hóteli
Nordica og hefst kl. 17.