Fréttablaðið - 06.09.2008, Blaðsíða 33

LAUGARDAGUR 6. september 2008 3
Bilbao í Baskalandi á Norður-Spáni
er borg sem hefur tekið miklum
stakkaskiptum síðastliðinn áratug
eða frá því gimsteinn borgarinnar,
Guggenheim-nýlistasafnið, var
opnað. Úrval-Útsýn býður haust-
ferðir til borgarinnar í október og
nóvember og mun Kristinn R.
Ólafsson annast fararstjórn.
„Ásýnd borgarinnar hefur
breyst mikið hin síðari ár en þetta
er og var mikil hafnar- og iðnaðar-
borg og bar hún þess merki. Hún
hefur verið tekin mikið í gegn og
svæðið í kringum ána Nervión,
sem um borgina rennur, sérstak-
lega fegrað. Þetta er líka þægilega
borg að ferðast um enda einungis
400.000 íbúar. Það má því heita að
hægt sé að fara fótgangandi um
hana þvera og endilanga,“ segir
Kristinn.
Hann segir borgina eiga sér
langa sögu og að hún hafi verið
mikilvæg hafnarborg allt frá mið-
öldum. „Þarna óx upp auðug borg-
arastétt og miklir bankajöfrar og
gætir þess í byggingum sem marg-
ar eru stórbrotnar.“ Gamli borgar-
hlutinn skartar síðan þröngum
göngugötum þar sem veitingastað-
ir og barir eru á hverju strái.
Baskar eru að sögn Kristins
miklir matmenn og margir af
frægustu kokkum landsins koma
frá héraðinu. Þeir kunna að mat-
reiða allt frá stórsteikum yfir í
mikla fiskrétti og segir hann hægt
að fá afskaplega góðan mat víða
um borgina. „Eitt af því sem maður
gerir í Bilbao er til dæmis að
smætlast eins og ég kalla það en
smætlur, sem Íslendingar kalla
tapas, eru oftast smáréttir eða við-
bit á brauði.“
Kristinn segir Bilbao hafa vaxið
sem ferðamannaborg undanfarin
ár og að stutt sé síðan Íslendingum
fór að gefast kostur á beinu flugi
þangað. „Segja má að þeir sem
ferðast til Baskalands eða Norður-
Spánar yfir höfuð sjái hina hliðina
á Spáni. Þeir kynnast hinum græna
Spáni en þar er afskaplega grænt
og fallegt milli fjalls og fjöru enda
rignir meira en á skraufþurrum
sólarströndum. Þetta er búsældar-
legt hérað og maður sér smjör
drjúpa af hverju strái.“
vera@frettabladid.is
Hin hliðin á Spáni
Bilbao er fámenn borg sem skartar stórbrotnum byggingum og býður upp á það besta í spænskri matar-
gerð. Hún hefur tekið miklum stakkaskiptum og gefur fólki færi á að kynnast hinni hliðinni á Spáni.
Guggenheim-nýlistasafnið er
stór og silfurslegin bygging sem
rís í framtíðarstíl á bökkum
Nervión-árinnar.
Fararstjórinn Kristinn R. Ólafsson leiðir
ferðamenn í gegnum borgina.
Tólf metra hár
terríer hundur
þakinn blómum
stendur vörð um
safnið.
Þriðjudaga og laugardaga