Fréttablaðið - 06.09.2008, Blaðsíða 2
2 6. september 2008 LAUGARDAGUR
VIÐSKIPTI Mikið verðfall varð á
hlutabréfamörkuðum á föstudag.
Úrvalsvísitala Kauphallarinnar
féll um 1,5 prósent, og hefur ekki
verið lægri síðan í júní 2005.
„Verðfallið skýrist að mestu af
mikilli svartsýni á mörkuðum
erlendis,“ segir Jón Bjarki Bents-
son á greiningardeild Glitnis. Jón
bætir þó við að lækkunin hér hafi
verið tiltölulega lítil í samanburði
við verðfall erlendis. Til dæmis
hafi verð hlutabréfa í Skandinavíu
fallið um 3 til 4 prósent.
Hlutabréfamarkaðir í Evrópu
og Bandaríkjunum féllu allir á
föstudag, en bandaríska S&P
hlutabréfavísitalan féll um 0,4
prósent í kjölfar 2,99 prósenta
lækkunar á fimmtudag.
Lækkanirnar á fimmtudag
orsökuðust meðal annars af svartri
spá frá greiningardeild Société
Générale um að hlutabréfahrun á
borð við það sem varð 2000 sé í
vændum.
Verðlækkunin í gær kom hins
vegar í kjölfar þess að tilkynnt
var að atvinnuleysi í Bandaríkjun-
um í ágústmánuði hafi verið 6,1
prósent sem var umfram vænting-
ar. Þessar tölur gefa til kynna að
niðursveiflan í Bandaríkjunum sé
verri en óttast var. Í viðtali við
Bloomberg sagði William Poole,
fyrrum yfirmaður seðlabanka St.
Louis, að þær „ykju tvímælalaust
líkurnar á að kreppa sé hafin í
Bandaríkjunum“. - msh
KAUPHÖLL NEW YORK Neikvæðar
hagtölur og svartar spár skýra mikla
svartsýni á mörkuðum beggja vegna
Atlantshafsins. NORDICPHOTOS/AFP
Úrvalsvísitala Kauphallar Íslands hefur ekki verið lægri síðan í júní 2005:
Markaðir falla beggja vegna hafs
VIÐSKIPTI „Það er mjög óheppilegt
ef misvísandi eða slaklega unnar
upplýsingar af hálfu opinberra
aðila rýra traust á íslensku
efnahagslífi. Það eru óhemju
miklir hags-
munir undir
eins og sést á
falli krónunnar
í gær,“ segir
Ólafur Ísleifs-
son, hagfræð-
ingur og lektor
við Háskólann í
Reykjavík.
Ólafur segir
tölur Seðla-
bankans um
viðskiptahallann ekki boðlegar og
verði bankinn að leita leiða til að
bæta söfnun, úrvinnslu og
framsetningu gagna um stöðuna.
„Þetta eru vinnubrögð sem ekki
eru Seðlabankanum samboðin.“
Hann hvetur Seðlabankann til
að leita eftir sérfræðiráðgjöf
erlendra aðila á borð við Alþjóða-
gjaldeyrissjóðinn til að bæta úr
skák í þessu efni. - jab / sjá síðu 12
Seðlabankinn gagnrýndur:
Óboðleg
vinnubrögð
ÓLAFUR
ÍSLEIFSSON
LÖGREGLUMÁL Tveir karlmenn
sem sitja í gæsluvarðhaldi
vegna rannsóknar lögreglu á
mannsláti í íbúð á Skúlagötu
neita báðir að hafa átt aðild að
dauða mannsins, samkvæmt
upplýsingum Fréttablaðsins.
Ljóst er að mennirnir tveir eru
þeir síðustu sem sáu manninn á
lífi. Þeir sátu að sumbli með
honum tveimur dögum áður en
hann fannst látinn.
Maðurinn var með skurð á
enni þegar hann fannst. Mikið
hafði blætt úr honum. Bráða-
birgðaniðurstöður krufningar
leiddu í ljós að áverkinn hefði
getað leitt til dauða mannsins.
- jss
Skúlagötumennirnir:
Neita báðir sök
Heilsukoddar
Faxafeni 5, Reykjavik og Skeiði 1, Ísafirði
Opi› virka daga frá kl. 10-18
Laugardaga frá kl. 11-16
Yfir 30.000 sjúkraþjálfarar,
kírópraktorar og læknar um heim
allan mæla með Tempur Pedic.
LÖGREGLUMÁL Þjóðverjinn sem
handtekinn var á Seyðisfirði 2.
september hefur strokið ítrekað
úr fangelsi erlendis. Þar hefur
hann setið inni fyrir ofbeldisverk
og önnur brot, samkvæmt upp-
lýsingum Fréttablaðsins.
Vitað er að fanginn hefur heim-
sótt Ísland áður og kom hann
hingað í fyrra.
Friðrik Smári
Björgvinsson
yfirlögreglu-
þjónn staðfestir
að fanginn hafi
strokið oftar en
einu sinni í
heimalandinu,
en gefur ekki
upp hversu oft,
né greinir hann
frá glæpaferli
mannsins.
Þjóðverjinn,
sem er á sjö-
tugsaldri, situr í
gæsluvarðhaldi
og einangrun á
Litla-Hrauni,
eftir að leitar-
hundar urðu
varir við farm
vímuefna í Nor-
rænu. Efnin voru í bíl mannsins.
Samkvæmt heimildum blaðs-
ins er mannsins gætt sérlega vel
á Hrauninu. Til að mynda fylgi
tveir fangaverðir honum í dag-
lega klukkustundar útivist, en
yfirleitt er einn vörður látinn
duga.
Margrét Frímannsdóttir for-
stöðumaður vill ekkert segja um
þennan fanga frekar en aðra og
Páll Winkel fangelsismálastjóri
staðfestir hvorki né neitar því að
tvo menn þurfi til að gæta hans.
„En við höfum allan varann á,“
segir hann.
„Við höfum áður verið með
menn sem hafa strokið úr fang-
elsum og munum grípa til viðeig-
andi öryggisráðstafana vegna
þessa manns,“ segir hann. Páll
vill annars lítið úttala sig um ráð-
stafanirnar, en segir að ákveðin
viðbragðsáætlun sé til reiðu,
þegar hætta þykir á flótta.
Síðustu ár hafa nokkrir fangar
strokið af Litla-Hrauni. Margrét
var því spurð hvort hún teldi
fangelsið vera í stakk búið til að
taka á móti erlendum stroku-
manni með mikla reynslu af vel
heppnuðum flóttatilraunum.
„Við tökum á móti öllum,“
segir Margrét Frímannsdóttir.
Þess má geta að í júní fannst
einnig farmur vímuefna í húsbíl
aldraðs Hollendings, sem kom til
landsins með Norrænu. Ekki er
ljóst hvort málin tengjast beint.
klemens@frettabladid.is
jss@frettabladid.is
Hættulegur Houdini
fastur á Litla-Hrauni
Þjóðverjinn roskni, sem tekinn var í Norrænu í byrjun mánaðarins, er ofbeldis-
maður sem hefur ítrekað strokið úr erlendum fangelsum. „Við grípum til við-
eigandi öryggisráðstafana vegna þessa manns,“ segir fangelsismálastjóri.
EFTIRLIT Á LITLA-HRAUNI Héðan hafa nokkrir strokið síðustu árin. Nú situr á Hraun-
inu Þjóðverji sem getur státað af því að hafa sloppið ítrekað úr erlendum fangelsum.
FRÉTTABLAÐIÐ/GVA
MARGRÉT
FRÍMANNSDÓTTIR
PÁLL WINKEL
Við höfum áður verið
með menn sem hafa
strokið úr fangelsum og munum
grípa til viðeigandi öryggisráð-
stafana vegna þessa manns.
PÁLL WINKEL
FANGELISMÁLASTJÓRI
Sturlaugur, er þetta blátt
áfram hneyksli?
„Það fer að minnsta kosti óþarfa
orka í svona vitleysu.“
Bæjaryfirvöld á Akranesi voru komin á
fremsta hlunn með að samþykkja tillögu
arkitekts um bláan lit á íþróttamannvirkj-
um bæjarins. Sturlaugur Sturlaugsson,
formaður ÍA, segir að guli liturinn sé
samfélagsleg auðlind.
LÖGREGLUMÁL „Ég veit hreinlega ekki hvað gerðist.
Kannski hef ég sofnað, en altént man ég ekkert fyrr
en ég vaknaði á heilsugæslunni,“ segir Sveinn
Finnsson, bóndi í Eskiholti skammt norðan við
Borgarnes. Betur fór en á horfðist þegar vöruflutn-
ingabíll rakst utan í dráttarvél sem Sveinn ók um
kvöldmatarleytið í fyrrakvöld. Bæði ökutækin
enduðu utan vegar og kastaðist Sveinn af dráttar-
vélinni. Hann slapp án alvarlega meiðsla.
Tildrög slyssins voru þau að Finnur var á leiðinni
heim í Eskiholt á dráttarvélinni, með heyvinnuvél í
eftirdragi, eftir að hafa sótt dekk í viðgerð í
Borgarnesi. Þegar flutningabifreiðin ók fram úr
dráttarvélinni á Vesturlandsvegi, skammt frá
Gufuá, beygði dráttarvélin skyndilega til vinstri, og
rakst afturendi bílsins í framhjól dráttarvélarinnar.
Bæði ökutækin enduðu utan vegar, og þurfti að kalla
út tæki til að koma bílnum upp á veg og dráttarvél-
inni frá veginum. Dráttarvélin er mikið skemmd.
Sauma þurfti fjögur spor í höfuð Sveins, auk þess
sem hann tognaði á vinstri öxl. Hann fékk að fara
heim eftir nótt á heilsugæslunni í Borgarnesi.
Sveinn segist muna eftir að hafa orðið var við
flutningabílinn í baksýnisspegli sínum. „Þá var
bíllinn langt í burtu. Svo man ég ekki meir. Ég var
ekki þreyttur, en hef greinilega alveg rotast. Ég
þakka mínum sæla fyrir að hafa ekki meiðst
alvarlega, því flutningabíllinn var á mikilli ferð,“
segir Sveinn. - kg
Mildi þykir að ekki fór verr þegar bóndi kastaðist af dráttarvél í fyrrakvöld:
Hef greinilega alveg rotast
ÞAKKLÁTUR Sveinn Finnsson bóndi slapp vel þegar keyrt var á
dráttarvél hans. Hann kastaðist út úr ökutækinu. SKESSUHORN/MM
NÁTTÚRA Ungur fálki fluttur á
Náttúrustofu Norðlands vestra í
fyrradag. Samkvæmt fréttavef
stofunnar var það heimilisfólkið á
Flugu mýrarhvammi sem hafði
samband við og lét vita af
fuglinum, sem þótti heldur
ræfilslegur og sinnulaus um
mannfólkið í kringum sig.
Fyrst eftir komuna á náttúru-
stofuna var fuglinn frekar
máttlaus en þegar leið á daginn
var hann aðeins farin að hressast
og var farin að geta staðið í
lappirnar. Var þó ákveðið að koma
honum í hendur starfsmanna
Húsdýragarðsins, sem hafa
reynslu af því að taka á móti
villtum dýrum í hremmingum. - kdk
Norðurland vestra:
Ungur fálki í
hremmingum
UNGUR FÁLKI Fálkinn var sinnulaus um
mannfólkið í kringum sig.
MYND/NÁTTÚRUSTOFA NORÐURLANDS VESTRA
AP, GEORGÍA Herskipið Mount
Whitney, sem er flaggskip
Miðjarðarhafsflota Bandaríkj-
anna, er nú í höfninni í Poti í
Georgíu. Rússar ráða höfninni að
nokkru leyti. Þetta er í fyrsta sinn
síðan stríðinu, sem braust út í
kjölfar innrásar Georgíumanna í
Suður-Ossetíu, lauk, að bandarísk
skip koma inn á svæði undir
stjórn Rússa.
Vesturlönd saka Rússa um að
virða ekki vopnahléssamkomulag
sem kveður á um brotthvarf
rússneskra herja. Rússar hafa
lýst undrun sinni á notkun á
stórum herskipum í hjálparstarfi
Bandaríkjamanna. - kóp
Spenna í heimsmálum:
Bandarískt her-
skip í Georgíu
LÖGREGLUMÁL Fleiri tugir kanna-
bisplantna voru gerðir upptækir í
fjölbýlishúsi við Skeljagranda í
Reykjavík í gærkvöld. Karlmaður
á þrítugsaldri var handtekinn og
færður á lögreglustöð. Við
yfirheyrslur gekkst hann við
ræktuninni. Íbúðin var undirlögð
af kannabisplöntum
Þetta er eitt af mörgum málum
á þar sem lögregla kemur upp um
stórfellda kannabisræktun í
heimahúsum að undanförnu. - jss
Handtekinn á Skeljagranda:
Umfangsmikil
kannabisrækt
SPURNING DAGSINS