Fréttablaðið - 14.11.2008, Qupperneq 26

FÍNMALAÐ KAFFI er ágætt að geyma í frystihólfinu. Ef
kaffið er geymt of lengi við stofuhita getur nefnilega komið
leiðinlegur keimur af því, sérstaklega ef kaffipokinn er opinn.
„Mig langaði að opna fallegan stað
fyrir þá sem kjósa notalegt and-
rúmsloft, rólegheit, góðan viður-
gjörning og úrvals þjónustu, á
þessu sjarmerandi torgi við
Austurvöll sem býður útsýn yfir á
tignarlega Dómkirkjuna og
Alþingishús okkar Íslendinga,“
segir Jón G. Bjarnason veitinga-
maður á Kaffi Central, sem opnaði
í Pósthússtræti 13 í byrjun nóvem-
ber. Jón rak áður hinn rómaða
veitingastað Café Bleu í Kringlunni
um árabil, en seldi hann í vor.
„Þá hafði ég fengið þessa fínu
sumarvinnu sem ég vonaði að yrði
framhald á, en þegar kreppan
skall á varð ekkert meira úr því. Á
sama tíma leit út fyrir að margir í
fjölskyldunni myndu missa vinn-
unna svo ég ákvað, þar sem ég átti
enn nokkurt fé eftir söluna á Café
Bleu, að taka sénsinn og skapa
sjálfum mér og fjölskyldunni
atvinnu,“ segir Jón og bætir við að
mörgum þyki hann djarfur að
opna veitinga- og kaffihús á tímum
sem þessum, en segist bjartsýnn
að eðlisfari og búa yfir ríkulegri
sjálfsbjargarviðleitni.
„Það var annaðhvort að hrökkva
eða stökkva, því ég hef fyrir fjöl-
skyldu að sjá og það þýðir ekki að
leggjast í kör. Öll él styttir upp um
síðir, og ef allt um þrýtur hætti ég
í það minnsta sem stoltur maður.
Ég er ungur og hraustur; á lífið
fram undan og undir sjálfum mér
komið hvernig til tekst,“ segir Jón
brosmildur og víst að gestir hans
eiga von á góðu í mat, drykk, and-
rúmslofti og þjónustu, sé miðað
við alkunnar veitingar og atlæti á
Café Bleu undir hans stjórn.
„Café Bleu gekk ljómandi vel,
en þá var konan í eldhúsinu, börn-
in í uppvaskinu og ég í slagnum
frammi,“ segir Jón, sem einnig
var veitingastjóri á Café París í
áratug. „Við höfum alltaf lagt
áherslu á að vanda okkur og þá
láta góðar viðtökur ekki á sér
standa. Við leggjum mikið upp úr
fegurð og notalegheitum innan-
stokks, bjóðum blandaða, létta og
ódýra rétti og stöndum ávallt vakt-
ina með vandvirkni að vopni.“
Kaffi Central er opið daglega
frá 10 til 24, og til 1 um helgar.
thordis@frettabladid.is
Alúðlegt atlæti og krásir
Við Austurvöll ræður rómantíkin ríkjum, í skjóli sögulegra bygginga og ekta reykvísks andrúmslofts. Þar
hefur nú verið opnað kaffihús sem býður ilmandi krásir, friðsælt athvarf og stimamjúka þjónustu.
Jón G. Bjarnason, veitingamaður á Kaffi Central, við barborðið á nýopnuðu kaffihúsi
sínu við Austurvöll. FRÉTTABLAÐIÐ/ARNÞÓR