Tíminn - 03.12.1982, Blaðsíða 5

FÓSTUDAGUR 3. DESEMBER 1982.
fréttir
Bókaútgefendur með sölukönnun á bókum fyrir jólin:
ÆVIMINNINGAR KRIST-
JÁNS í FYRSTA SÆTI
■ Félag íslenskra bókaútgefenda
gengst fyrir könnun á sölu bóka nú fyrir
jólin, en eins og lesendur Tímans vita,
þá gekkst Tíminn fyrir slíkri könnun
fyrir jólin í fyrra, og hyggst gera slíkt
hið sama fyrir þessi jól. Verður fyrsta
könnun Tímans birt í blaðinu á morgun.
Það getur því orðið fróðlegt að bera
saman að hvaða niðurstöðu Félag ís-
lenskra bókaútgefenda kemst um hverj-
ar verða söluhæstu bækurnar - og að
hvaða niðurstöðu Tíminn kemst.
Fyrirkomulagið á könnun bókaútgef-
enda verður með þeim hætti að bóksalar
15 til 20, fá frá félaginu eyðublöð sem
þeir eiga að útfylla og þar kemur fram
hversu mörg eintök af hverri bók þeir
hafa selt. Síðan safnar félagið saman
þessum upplýsingum, leggur saman
sölutölurnar og fær þannig út söluyfirlit.
Fyrsta könnun þókaútgefenda var
gerð 30. nóv. sl. og nær hún frá 1. til 30.
nóvember. í þessari könnun tóku 16
bóksalar þátt. Félag íslenskra bókaút-
gefenda bendir á, þegar það gerir fyrsta
lista sinn opinberan, að margar bækur
voru að koma út, um það bil sem fyrsta
könnunin var gerð, þannig að búast má
við að listinn yfir söluhæstu bækurnar
eigi eftir að breytast. Fyrsti listinn lítur
þá svona út:
1. Æviminningar Kristjáns Sveinssonar,
Gylfi Gröndal skráði. (Setberg).
2. Jólalögin í léttum útsetningum
fyrir píanó eftir Jón Þórarinsson
(AB)
3. Riddarar hringstigans eftir Einar
Má Guðmundsson (AB)
4. Ó, það er dýrlegt að drottna eftir
Guðmund Sæmundsson (Útgefandi
er höfundur).
5. Dauðafljótið eftir Alistair Mac-
lean (Iðunn)
6. Persónur og leikendur eftir Pétur
Gunnarsson (Punktar)
7. Hverju svarar læknirinn? eftir
Claire Rayner, Bertil Mártensson og
Guðsteinn Þengilsson (Iðunn).
&. Landið þitt, ísland, eftir Þorstein
Jósepsson, Steindór Steindórsson og
PálLíndal,3.bindi (örn og Örlygur)
9. Frásögn um margboðað morð
eftir Gabríel Garcia Marques (Iðunn)
10. Geirfuglarnir eftir Árna Berg-
mann (Mál og menning).
Bókaútgefendur létu barna- og ung-
lingabækurnar fá sérlista, en Tíminn
hefur bamabækurnar inni í sínum lista.
Hér fer á eftir listinn yfir fimm söluhæstu
barna- og unglingabækurnar, samkvæmt
lista útgefenda:
1. Svalur og félagar: Móri eftir Fournier
(Iðunn)
2. Lukku Láki: Sara beinharða eftir
Morris, Fauche og Leturgie (Fjölvi)
3. 555 gátur. Sigurveig Jónsdóttir
þýddi og staðfærði (Vaka).
4. Hin fjögur fræknu og pylsan
fljúgandi eftir Craenhals og Chaulet
(Iðunn).
5. Gilitrutt. Myndskreyting eftir Bri-
an Pilkington (Iðunn).
Eftirtaldar verslanir tóku þátt í
þessari fyrstu könnun útgefenda: Bóka-
verslun Sigfúsar Eymundssonar, Rvík.,
Bókabúð Máls og menningar, Rvík.,
Bókaverslun ísafoldar, Rvík., Embla,
Rvík., Veda, Kópavogi, Bókabúð Óli-
vers Steins, Hafnarfirði, Kaupfélag
Borgfirðinga, Borgarnesi, Bókaverslun
Jónasar Tómassonar, ísafirði, Bókabúð
Brynjars, Sauðárkróki, Bókaverslun
Jónasar Jóhannssonar, Akureyri, Bóka-
verslun Þórarins Stefánssonar, Húsavík,
Bókaverslun Höskuldar Stefánssonar,
Neskaupstað, Kaupfélag Austur-Skaft-
fellinga, Höfn, Kaupfélag Árnesinga,
Selfossi, Bókabúðin Heiðarvegi, Vest-
mannaeyjum og Bókabúð Keflavíkur,
Keflavík.
- AB.
„Spurði hvort hann
ætti að stinga mig”
inn og handsamaði hann klukkustund
síðar. Þá hafði hann haft fataskipti í
millitfðinni. Hann er 15 ára gamall og
var einn þeirra sem gerði líkamsárás á
lögregluþjón í Breiðholti fyrr í vetur.
- Þetta var óskemmtileg reynsla og
maður veit ekki hvað hefði getað gerst
ef ég hefði brugðist öðru vísi við. En ég
verð að segja að mér finnst sárt að hugsa
til þessa pilts og ég ber ekki nokkurn
kala til hans. Barni eins og honum hlýtur
að hafa verið mikið misboðið í lífinu, og
það er uggvænlegt að vita til þess að
þjóðfélagið getur ekki rétt honum
hjálparhönd og leitt hann út af þessari
ógæfubraut.
■ - Það komu hérna inn þrjú
ungmenni, tveir piltar og ein
stúika og byrjuðu að tuskast. Ég
sagði þeim að þetta væri ekki
staður til að leika sér í og bað þá
að fara útfyrir. Þá dregur annar
drengurinn eldsnöggt fram hníf
úr ermi félaga síns og bregður
honum að mér og spyr hvort
hann eigi að stinga mig. Ég sagði
höstuglega að hann skyldi gera
það sjálfur upp við sig en gerði
enga tilraun til að ná af honum
hnífnum. Þá stakk hann sér
undir fatahengi að peningaskúff-
unni, en ég kallaði til annarrar
stúlku sem var frammi í búðinni
að hringja á lögregluna. Þá
hurfu ungmennin út úr búðinni
eins og kólfi væri skotið. Þetta
allt saman tók ekki nema svona
á að giska tvær mínútur.
Gunnþórunn Einarsdóttir, eigandi
verslunarinnar Kvenfatabúðin á Lauga-
vegi 2 lýsti svo atvikum, þegar henni var
ógnað með hnífi í verslun sinni í
fyrradag. Lögreglan þekkti árásarmann-
■ Gunnþórunn Einarsdóttir í verslun sinni að Laugavegi 2. - Tímamynd: Róbert.
Ungmenni ógnar afgreidslukonu f verslun med hnff

íslenskt rokklag í Skonrokk í kvöld: ^
SAMNINGAR MILLI FIH OG
SJÓNVARPSINS AÐ TAKAST
— um greiðslur til fslenskra hljómlistarmanna
■ í kvöld verður flutt í sjónvarpinu
íslenskt rokklag í þættinum Skonrokk.
Er það hljómsveitin Sonus Futurae sem
ríður á vaðið, en það hefur lengi verið
eitt af baráttumálum íslenskra hljóð-
færaleikara að fá inni með lög sín í
þessum þætti. Samningaviðræður hafa
staðið yfir á milli Sjónvarpsins og Félags
íslenskra hljóðfæraleikara um greiðslur
fyrir birtingu á íslensku efni, en ávallt
hefur strandað á því að Sjónvarpinu
hefur fundist FÍH fara fram á of háar
upphæðir.
- Ég tel góðar líkur á því að
samkomulag varðandi greiðslur til hljóð-
færaleikara náist á næstunni, sagði Tage
Ammendrup, sem staðið hefur í samn-
ingaviðræðunum fyrir hönd Sjónvarps-
ins. Tage sagði að hann teldi að
samningaviðræðurnar væru nú á loka-
stigi og góður vilji væri hjá mönnum til
að leysa þessi mál. Sjónvarpið hefði
vissulega áhuga á þessu efni, en þeim
hefði fundist kröfur FÍH of háar hingað
til. FÍH krefðist hálfs 30 mínútna taxta,
sem væri fullur taxti, fyrir hvert lag sem
leikið væri í þættinum.
- Ég tel það hreinan fyrirslátt að segja
að taxti FÍH standi í veginum fyrir því
að hægt sé að flytja íslenskt tónlistarefni
í Sjónvarpinu, sagði Finnur Torfi Ste-
fánsson hjá FÍH í samtali við Tímann.
Finnur Torfi' sagði það sína skoðun að
þar réðu einhver önnur sjónarmið
ferðinni. Taxtar FÍH væru lágir og síst
hærri en annarra sambærilegra hópa sem
fram kæmu í Sjónvarpi. Krafa FÍH
varðandi Skonrokksþættina og aðra
þætti væri einfaldlega sú að hljóðfæra-
leikararnir fengju eðlilegt tímakaup
fyrir vinnu sína.
Þess má geta að ekkert er ákveðið um
hvað Sonus Futurae fá fyrir leik sinn í
kvöld. Það kemur í Ijós þegar gengið
verður frá endanlegu samkomulagi í
málinu.
- ESE.
Frískandi
í MORGUNSÁRIÐ,
AÐ LOKNU DAGSVERKI
OG EFTIR
ÍÞRÓTTAKEPPNI