Tíminn - 12.11.1983, Blaðsíða 3
LAUGARDAGUR 12. NÓVEMBER 1983
fréttir
Kvartanir vegna adfinnsluverdrar verkunar á síld:
GETUM EKKI MEBHÖNDLAÐ
77
77
VERKENDUR QNSOG BORN
— segir Jónas Bjarnason, forstjóri Framleiðslueftirlits sjávarafurða
■ „Okkur hafa borist til eyrna kvartan-
ir vegna að minnsta kosti tveggja aðila
sem ekki hafa verkað sína sfld sem
skyldi. Þeir hafa færst of mikið í fang og
þess vegna ekki getað sinnt öllum þáttum
vinnslunnar eins og á að gera,“ sagði
Jónas Bjamason, forstjóri Framleiðslu-
eftirlits sjávarafurða, þegar hann var
spurður hvort stofnuninni hefði borist
vitneskja um aðfinnsluverða verkun sfld-
ar á vertíðinni sem nú stendur yfir.
Jónas sagði, að í þessu sambandi
kæmi margt til og nefndi sem dæmi
lélegar geymslur, misjafnlega mikið salt-
magn í tunnum og ófullnægjandi
pæklun. „Ég get að svo stöddu ekki
greint frá um hvaða verkendur er að
ræða - enda bera þeir sjálfir ábyrgð á
sinni framleiðslu og fá að gjalda hirðu-
leysisins síðar. Við getum ekki með-
höndlað þá eins og pelabörn sem þarf að
vaka yfir öllum stundum. Þá kröfu
verður að gera að þeir séu starfi sínu
vaxnir,“ sagði Jónas.
Aðspurður um hversu mikið af síld
væri að ræða í þessu sambandi sagði
Jónas að ómögulegt væri að gera sér
grein fyrir því. -Sjó.
Umferðarslys-
um hef ur fækk-
að verulega á
i «
þessu ári frá
fyrri árum:
Latum þess-
ar upplýs-
ingar virka til
varúdar en
ekki gáleysis
— segir Val-
garð Briem, .
formaður
umferðarráðs
■ Það kom fram í ræðu Katrínar
Fjeldsted borgarfulltrúa á borgar-
stjómarfundi að veruleg fækkun hefur
orðið á umferðarslysum í landinu frá
áramótum til 1. nóvember, miðað við
árin á undan. Á þessu ári höfðu 13
látist af völdum umferðarslysa, 1. nóv-
cmber, fyrir sama tímabil í fyrra var
talan 22 og árið 1981 13. Um síðustu
mánaðamót höfðu 156 manns slasast í
umferðinni, þar af 62 alvarlega, en frá
áramótum til 1. nóvember í fyrra
slösuðust 234 þar af 103 alvarlega. 13
börn hafa slasas á þessu ári þar af 6
alvarlega, en frá áramótum til 1.
nóvember í fyrra slösuðust 24 börn,
þar af 17 alvarlega. Þessar upplýsingar
komu fram við umræður um tillögu
borgarfulltrúa Alþýðubandalagsins
um áætlun upi hraðatakmarkanir og
hindranir í íbúðahverfum, sem vísað
var til umferðarnefndar. Borgarfull-
trúar fögnuðu þessum tíðindum og
töldu einsýnt að hér hefði áróður og
fræðsla vegna norræna umferðarörygg-
isársins borið sýnilegan árangur.
„Ef við snerum nú þessum tölum við
og hugsuðum okkur að tölurnar frá í
fyrra ættu við árið í ár, þá kynni það
að verka til varúðar, menn hugsuðu
hver með sér, „við þetta má ekki
tlangur standa.“ Á sama hátt kann sú
hætta að vera fyrir hendi að þessar
tölur verði til þess að menn slaki á
árvekni sinni, en það má ekki verða.
Árið er ekki liðið, skammdegið er eftir
og þessar tölur verða að hvetja til
aðgæslu en ekki öfugt,“ sagði Valgarð
Briem, formaður umferðarnefndar
Reykjavíkurborgar og formaður um-.
ferðarráðs í samtali við blaðið í gær.
Hann bætti þvfvið að vátryggingafélög
hefðu vegna umferðaröryggisársins
lagt í mikinn kostnað við gerð sjón-
varpsauglýsinga þar sem hvatt er til
varúðar í umferðinni og ríkið hefði
lagt JJmferðarráði til 800 þúsund krón-
: ur til fræðslu og áróðurs. Allsendis
óvíst væri nú hvort þessir aðilar treyst-
ust til áframhaldandi framlaga af þessu
tagi.
- JGK
■ Þórður Ingvi Guðmundsson, starfsmaður nefndarinnar, og nefndarmennirnir Sigurgeir Sigurðsson, Magnús Pétursson,
formaður, Björn Friðfinnsson og Geir H. Haarde. Auk þeirra eru í nefndinni Sigurður H. Helgason, forstjóri og Steinar
Berg Björnsson, forstjóri, en þeir eru tilnefndir af Stjómunarfélagi íslands. - Tímamynd GE.
Ríki og sveitarfélög taka saman höndum um
hagræðingu í opinberum rekstri:
HÚSVEREHRNIR SPÖRUÐU 230
ÞÚS. tonn af heitu vatni
— án þess að nokkur yröi fyrir barðinu á því
■ „í kjölfar námskeiðs um nýtingu á
heitu vatni fyrir húsverði tókst í skólum
borgarinnar að spara 230 þúsund tonn af
hitaveitu vatni á ári. Hér er um að ræða
lítið dæmi um það að hægt er að fá fram
spamað aðeins með örlítilli fræðslu án
þess að nokkur verði fyrir barðinu á
honum“, sagði Bjöm Friðfinnsson, yfir-
maður stjómsýsludeildar Reykjavíkur,
á blaðamannafundi þar sem nýskipuð -
framkvæmdanefnd um hagræðingu í
opinberum rekstri kynnti áform sín í
gær.
Á fundinum kom fram, að ríkið og
Samband íslenskra sveitarfélaga hafa
tekið höndum saman um sérstakt hag-
ræðingarátak í opinberum rekstri á
næsta ári. Með átakinu er stefnt að
aukinni vitund stjórnenda og starfs-
manna hins opinbera um mikilvægi
stjórnunar og hagræðingar og nauðsyn
þess að nýta fjármuni eins og best verður
við komið. Og að fá tillögur frá starfs-
mönnum og almenningi um aukna hag-
kvæmni í rekstri og bætta þjónustu hins
opinbera.
Eru einstakir starfsmenn hvattir til að
móta tillögur sjálfstætt. Einnig er óskað
eftir því að vinnuhópar, einstakir starfs-
menn og almenningur sendi tillögur
sínar og ábendingar beint til fram-
kvæmdanefndarinnar, sem hefur aðsetur
í Fjárlaga- og hagsýslustofnun. Hyggst
nefndin verðlauna áhugaverðustu til-
lögurnar sem berast frá starfsmönnum
og almenningi. - stn
Friðrik
teflir
fjjöltefli
■ Friðrik Ólafsson teflir fjöltefli við
unglinga í Taflfélagshúsinu á Grens-
ásvegi kl. 14.00 í dag. Þarna hafa um 40
unglingar upp að 14 ára aldri stundað
skákæfingar á laugardögum undanfarið
og mun Friðrik etja kappi við þann hóp.
-GSH
Skipulag nýja
miöbæjarins
til staðfest-
ingar í
borgarstjórn:
Frestað
til næsta
fundar
■ Skipulag nýja miðbæjarias í
Reykjavík kom fyrir borgarstjórn í
fyrrakvöld til staðfestingar, en var
frcstað að tillögu Davíðs Oddssonar,
borgarstjóra og vísaö til umhverfisráðs
til umfjöllunar og kemur það aftur til
kasta borgarstjómar næsta fimmtu-
dag.
Harðar umræður urðu um málið og
deildu fulltrúar minnihlutans hart á
það skipulag sem fyrir liggur til stað-
festingar, en með mísmunandi áhersl-
um. Fulltrúar kvennaframboðs og Al-
þýðubandalags töldu illa að skipulag-
inu staðið, ekki hefði vcriö gerð grein
fyrir því hvernig leysa ætti umferðar-
vandamál sem hið mikla verslunarrými
sem gert er ráð fyrir í skipulaginu
skapaði og sjálft hverfið væri flausturs-
lega skipulagt, auk þess sem verslunar-
rýmið væri alltof mikið. Kristján Bene-
diktsson, borgarfulltrúi Framsóknar-
flokksins og Sigurður E. Guðmunds-
son, Framsóknarflokki, gagnrýndu
einkum að ef skipulagið yrði að veru-
leika þýddi það offjárfestingu í versl-
unarhúsnæði, sem myndi valda röskun
í vcrslun í allri borginni.
Borgarstjóri og Vilhjálmur Þ. Vil-
hjálmsson, formaður skiþulagsnefndar,
vörðu skipulagið, töldu það vel úr
garði gert, bera vott um stórhug og
framfaravilja. Nýr miðbær yrði að
vcruleika innan fárra ára, nokkuð
sem fáir hefðu þorað að vona. Ef
verslunaraðilar vildu byggja á svæðinu
þá ættu þeir að fá það, þeirra væri
áhættan og borgarstjórn ætti ekki að
sitja yfir hlut þeirra. JGK
Bandalag jafnaðarmanna flokks- og miöstjórnarlaus samtök:
„SKILGREINUM LÁRÉTTU HUG-
MYNDINA SEM BEINT LÝÐRÆÐI”
— segir Stefán Benediktsson, alþingismaður
■ Þessa „láréttu hugmynd“ höfum við
skilgreint sem beint lýðræði, það er að
segja þingmenn hafi enga nefnd eða
stjóm sem þeir geti notað til að kom sér
undan því að taka afstöðu til mála
kjósenda sinna“ sagði Stefán Benedikts-
son þingmaður Bandalags jafnaðar-
manna í samtali við Tímann en á
landsfundi bandalagsins í Munaðamesi
um síðustu helgi var kosinn svokallaður
samráðshópur í stað flokks eða mið-
stjómar, sem sér um framkvæmd hag-
nýtra mála í bandalaginu þ.e. að halda
uppi tenglum milli hópa og cinstaklinga
sem styðja bandalagið og boða til og
undirbúa landsþing sem fer með æðsta
vald í málefnum bandalagsins.
Ástæðu þessarar skipunar sagði Stefán
vera þá skoðun að maður sem fær
umboð sitt frá kjósendum verði að
standa ábyrgur gerða sinna gagnvart
þeim. Þegar hann verður að auki að
sækja umboðs sitt til flokksstjórnar eða
miðstjórnar er hann í raun að skila hluta
af umboði sínu til aðila sem í rauninni
hafa ekkert lýðræðislegt umboð í hendi.
Aðspurður um hvort rekstur banda-
lagsins yrði ekki í sjálfu sér erfiður með
þessum hætti sagði Stefán það einmitt
ekki vera... „{ dag er boðleið mála
kjósenda um stjórnkerfi flokkanna
sjálfra en í okkar tilviki hefur kjósandinn
beinan aðgang að okkur sjálfum. Hann
getur komið á opinn þingfokksfund hjá
okkur á fimmtudögum og við reynum
eftir fremsta megni að hafa samband við
kjósendur með því að fara vítt og breitt
um landið".
Hvað helstu stefnumál á landsfundin-
um varðaði sagði Stefán að þeir hefðu
tekið afdráttarlausa afstöðu gegn að-
gerðum ríkisstjórnarinnar og að þeir
væru nokkuð vissir um að þær skiluðu
ekki árangri vegna vöntunar á hliðar-
ráðstöfunum... „Af mörgum málum
öðrum vildi ég helst nefna mjög afdrátt-
arlaus afstöðu sem við tókum til verka-
skiptingar ríkis og sveitarfélaga, sem að
ég held að sé afdráttarlausari en nokkur
stjórnmálasamtök hafa gefið frá sér um
langan aldur. Þar leggjum við til að sú
umræða sem í gangi hefur verið um
verkefnaskiptingu ríkis og sveitarfélaga
og um samruna sveitarfélaga eða ekki,
verði einfaldlega leyst með því að þriðja
stjórnsýslustigið sem verði lýðræðislega
kjörið og fjárveitingavald ríkisins verði
að stærstum hluta þar meðhöndlað eða
geymt" sagði Stefán.
- FRI'
Mikill hráefnisskortur hjá Fiskidjusamlagi Húsavíkur:
AFUNN f NÓVEMBER ADÐNS FJÓRDIINGUR
— þess sem landað var á sama tíma ífyrra
■ Uppsagnir á kauptryggingu um 150
starfsmanna Fiskiðjusamlagsins á Húsavík
komu til framkvæmda fimmtudag. Og um
leið fór stærstur hluti hópsins á atvinnuleysis-
skrá, en einhverjir munu vinna áfram við
síldarverkun.
„Okkur hefur vantað hráefni undanfarið.
Fyrir utan gæftaleysi og lítinn afla hjá
bátunum hefur annar togarinn verið í slipp
og hinn fengið frekar lítið. Við hins vegar
leyfum okkur að vona að ástandið skáni á
allra næstu dögum og við fáum nóg hráefni,"
sagði Hermann Larsen, hjá Fiskiðjusamlag-
inu, í samtali við Tímann. Hann sagði að
þetta ástand væri ekkert einsdæmi á Húsavík,
en hins vegar nokkuð óvenjulegt á þessum
árstfma. Til dæmis hefðu í fyrra borist 357
tonn af fiski úr bátum og togurum fyrstu 10
dagana í nóvember, en nú aðeins rétt um 90
tonn. Þar af væru 65 tonn togarafiskur en
aðeins um 25 úr bátunum, sem í fyrra hefðu
fengið tæp 160 tonn fyrstu 10 dagana í
nóvember.
- Sjó.