Tíminn - 20.12.1983, Blaðsíða 10

■ Davíð Oddsson borgarstjóri afhendir Rúnari Bjamasyni lyklana að nýja
slökkvibflnum. Fulltrúi Krafts hf. sem flutti bílinn inn, og fulltrúi H.F. Maskinfabrik
í Danmörku, sem byggði yfir bílinn, afhentu borgarstjóra bílinn við formlega athöfn.
Slökkviliðsmenn sýna meðferð slökkvibúnaðar nýju slökkvibifreiðarinnar.

Slökkvilið Reykjavíkur:
NÝ OG FUUKOMIN SUÖKKVIBIF-
REH) AFHENT A UUGMUMGINN
■ Slökkviliðið í Reykjavík fékk af-
henta nýja og fullkomna slökkvibifreið
á laugardag. Bifreiðin er þýsk en yfir-
bygging og innrétting bílsins var smíðuð
í Danmörku.
Að sögn Hrólfs Jónssonar vara-
slökkviliðsstjóra er bíllinn með drif á
öllum hjólum og sjálfskiptingu, þannig
að hægt er að nota hann sem stjórnstöð
ef þörf er á.
Búnaður bílsins er fullkominn, m.a.
fylgir honum björgunartæki til að opna
bíla sem klemmst hafa saman við
árekstur. Stórt Ijósamastur er á bílnum
sem hægt er að tjakka upp í 9 metra hæð
til að lýsa upp vettvang. Þá fylgja honum
reykblásarar, fullkomin froðudæla og
ýmislegt fleira.
Bíllinn kom til landsins í síðustu viku
og sérfræðingar frá dönsku verksmiðjun-
um sem byggðu yfir bílinn hafa haldið
námskeið í meðferð hans. Einnig kom
hollenskur sérfræðingur sem kenndi
meðferð björgunartækjanna. Bíllinn
verður tekinn í notkun á aðfangadag.
GSH
■ Slökkvibíllinn sem Slökkvilið
Reykjavíkur fékk formlega afhentan á
laugardag.
Tímamynd Sverrir
SAUTJÁN ÁRA
PILTUR BEIÐ BANA
í UMFERÐARSLYSI
■ Sautján ára gamall piltur beið bana
■ umferðarslysi á Eyrarbakkavegi, um
tvo kílómetra fyrir neðan bæinn
Stekka, laust eftir kl. 22 á föstudags-
kvöld. Þar rann bíll til á vcginum og
annar bíll, sem kom á móti, lenti inn í
hlið hans. Pilturinn sem lést var farþegi
í aftursæti bílsins sem rann til og stúlka
í sama bíl slasaðist einig talsvert og
liggur hún á sjúkrahúsi í Reykavík.
Að sögn lögreglunnar á Selfossi
voru alls 9 manns í bílunum tveim, þar
á meðal 5 ára gamalt barn sem slapp
nær ómeitt. Öll voru þau flutt á
sjúkrahúsið á Selfossi og þaðan voru
fjögur þeirra flutt áfram til Reykjavík-
ur og lést pilturinn á leiðinni þangað.
Meiðsl annarra en stúlkunnar munu
hafa verið smávægileg.
Mikil hálka var á veginum þegar
slysið varð og svcll yfir veginum og er
það talin vera orsök slyssins.
Pilturinn sem lést hét Guðjón Eggert
Einarsson, fæddur 1. mars 1966, til
heimilis að Sæbergi á Stokkseyri.
GSH
Hljómplötu
sala eykst
■ „Ég held að menn séu nokkuð
sammála um það að hljómplötusala hafí
verið viðunandi núna fyrir jólin. Það
kom mikill fjörkippur þegar vörugjaldið
var fellt niður fyrir rúmum tveimur
mánuðum - en þar á undan hafði verið
stöðugur samdráttur í nokkur ár,“ sagði
Olafur Haraldsson, framkvæmdastjóri
hljómplötudeildar Fálkans, þegar hann
var spurður hvernig hljómplötusala
gengi um þessar mundir.
„Allur fyrri hluti þessa árs var mjög
slæmur, raunar botninn á þessum margra
ára samdrætti. Égget nefnt sem dæmi að
innlend útgáfa lagðist næstum því niður.
Nú síðustu vikurnar hefur hins vegar
verið nokkuð um plötuútgáfu og ég veit
ekki betur en innlendar plötur seljist
sæmilega."
-Hver er hlutdeild innlendrar útgáfu í
heildarsölunni?
„Hún hefur mörg undanfarin ár verið
rétt um þriðjungur. Hvort hún verður
svo mikil í ár treysti ég mér ekki til að
segja. Mér þykir ekki ólíklegt að hún
verði nokkuð minna hlutfall," sagði
Ólafur.
Algengasta verð á hljómplötum er nú
rétt innan við 400 krónur.
-Sjó
1,1% af mannafla á atvinnu
leysisskrá í nóvember
■ í nóvember voru skráðir 27.194
atvinnuleysisdagar á landinu öllu. Svarar
þetta til þess að 1255 manns hafi verið á
atvinnuleysisskrá allan mánuðinn, sem
jafngildir 1,1% mannafla á vinnumark-
aði samkvæmt áætlun þjóðhagsstofnun-
ar. í október voru skráðir 14667 atvinnu-
leysisdagar og hefur því skráð atvinnu-
leysi aukist um 12.527 daga í nóvember
eða um 85%. Hlutfallslega fjölgaði mest
á Vesturlandi, þar sem stöðvun fisk-
vinnslu í tveim frystihúsum olli verulegu
atvinnuleysi. Atvinnuleysi í nóvember
var meira en helmingi meira en það var
í nóvember 1982.
Frímerkja
útgáfur á
næsta ári:
Lýðveldis-
frímerki
■ Allmargar frímerkjaútgáfur eru
væntanlegur á næsta ári á vegum Póst
og símamálastofnunarinnar. Koma
fyrstu frímerkin út í marsmánuði tvö
blómafrfmerki, þyrnirós og tágamura,
í verðgildunum 6 kr. og 25 kr. Síðar á
árinu eru væntanleg tvö blómafrímerki
til viðbótar.
Evrópufrímcrki koma út í maí, í
verðgildunum 6,50 og 7,50. Það er Í25
sinn sem Evrópufrímerki koma út og
verður myndefni Evrópufrímerkjanna
sameiginlegt fyrir öll löndin í tílefni
þess að aldarfjórðungur er liðinn frá
Stofnun Evrópuráðs pósts og síma
CEPT.
í maí koma einnig út frímerki að
verðgiidi 10 kr. í tilefni af aldarafmæli
Góðtemplarareglunnar á íslandi og
ennfremur þriðja og síðasta smáörkin
í tilefni af frímerkjasýningarinnar
NORDIA ’84. Söluverð arkarinnar
verður 60 kr. en í henni verður eitt
frímerki að verðgildi 40 kr.
Þá eru í undirbúningi frímerki í
tilefni aldarafmælis Listasafns íslands,
jólafrímerki 1984 og frímerki í tilefni
40 ára afmælis lýðveldisins á íslandi.
Einnig hefur verið rætt um frímerki í
tilefni af 50 ára afmæli Vinnuveitanda-
sambands íslands.
-GSH.
Stjórn Búseta:
Lánakjör til
félagslegra
Ibúða verði
■ „Stjórn Búseta harmar þau gáleys-
islegu orð sem fallið hafa um húsnæðis-
samvinnufélög, og virðast gegna þeim
eina tilgangi að etja saman þeim sem
leita félagslegra lausna á húsnæðis-
vandanum", segir m.a. í frétt frá
Húsnæðissamvinnufélaginu Búseta,
þar sem sú skýiausa krafa er sett fram
f.h. nær 2000 félagsmanna, að heildar-
fjármagn til félagslegra íbúðabygginga
verði stóraukið. Miðað við þær undir-
tektir sem Búseti hefur fengið væri
eðlilegt að miða við að 2/3 af íbúðum
verði reistar á félagslegum grunni, en
lögum samkvæmt ber byggingarsjóði
verkamanna að fjármagna a.m.k. 1/3
af árlegri íbúðarþörf landsmanna. Þá
krefst Búsetri þess, að lánakjör til
félagslegra íbúða verði í engu skert,
frá því sem nú er hjá Verkamannabú-
stöðum. I því sambandi væri eðliiegast
að miða við fyrningartíma íbúða, sem
talinn er nema 60-100 árum hérlendis.
I frumvarpi því til laga um
Húsnæðisstofnun ríkisins, sem félags-
málaráðherra hefur nýverið lagt fyrir
Alþingi er gert ráð fyrir því að hús-
næðissamvinnufélög með búseturétti
njóti lánafyrirgreiðslu. 80% af áætluð-
um byggingarkostnaði til 31 árs. Lána-
fyrirgreiðsla til 31 árs þýðir það að
mánaðargjald í búsetuíbúð yrði 5.675
krónur. Ef lánafyrirgreiðslan yrði til
60 ára mætti búast við því að mánaðar-
gjaldið gæti lækkað um helming.
M.ö.o. Fjölskyldur og einstaklingar
gætu leyst húsnæðisvanda sinn með
3000 krónum á mánuði. Það yrði örugg-
lega langtraustasta sporið sem við
gætum tekið nú um stundir í þá veru
að bæta kjör okkar í bráð og iengd.
- BK.
Halldór en ekki Jón
■ Þau mistök urðu í blaðinu um
helgina að umsögn um bókina „Þeir
settu svip á öidina“ var rangfeðruð:
gagnrýnandinn sem skrifaði greinina
er Halldór Kristjánsson, og er hann
beðinn velvirðingar á þessum mis-
tökum.
-BK