Tíminn - 24.10.1986, Blaðsíða 2

2 Tíminn
Föstudagur 24. október 1986
Meðalfallþungi lægri en 1985 hjá Kaupfélagi Skagfirðinga:
Um 12% lambakjöts
ins í fituflokkinn
Bílaborg hf. og Mazda
verksmiðjurnar:
Gáfu Iðnskólanum
fjórar bílvélar
Frá frcttarilara Tímans á Sauðárkróki, G.Ó.:
Nær 13. hver dilkur sem slátrað
var hjá Kaupfélagi Skagfirðinga í
haust fór í hinn sérstaka fituflokk,
og af þeim komu um 11,6% af öllu
dilkakjöti sem lagðist til í húsinu í
haust. Þetta er rúmlega sexföldun
frá síðasta hausti þrátt fyrir heldur
lægri meðalfallþunga dilka nú. En
kjötmat ríkisins tók í ár upp strang-
ari flokkun hvað varðar fitu á dilka-
kjöti. Aftur á móti fækkaði nú mjög
þeim skrokkum sem fóru í svokall-
aðan stjörnuflokk, úr 647 í fyrra
niður í aðeins 22 skrokka í haust.
Aðalslátrun sauðfjár hjá Kaupfé-
lagi Skagfirðinga lauk þann 21.
október og hafði þá staðið frá 17.
september. Alls var slátrað 50.430
dilkum, sem var 560 dilka fækkun
frá síðasta ári, og 5.541 fullorðinni
kind, sem var aftur á móti 1.880
kinda fjölgun frá haustinu 1985.
Fjölgunin stafar að lang mestu leyti
af því að nú var skorið niður fé af
allnokkrum bæjum að tilhlutan
Framleiðnisjóðs landbúnaðarins.
Meðalþungi dilka var nú 14,24
kg , sem er 0,33 kílóum lægra en í
Frá afhendingu gjafarinnar.
fyrra. Samtals lögðust nú til um 587
tonn af dilkakjöti og 122 tonn af
kjöti af fullorðnu fé.
í fituflokkinn fóru nú alls 3.752
skrokkar, samtals rúm 68 tonn af |
kjöti, sem gerir rúmlega 18 kg
meðalfallþunga. í fyrra voru það
aðeins 557 skrokkar sem vógu rúm
11 tonn.
Strax að sauðfja'rslátrun lokinni
hófst slátrun svína og stórgripa sem
mun standa eitthvað fram í næsta
mánuð.
- ásamt sérverkfærum viö búnaðinn
Bílaborg hf. og Mazda verk-
smiðjurnar hafa gefið Iðnskólanum
tæki og búnað til kennslu í bifvéla-
virkjadeild. Þetta eru 4 vélar, ein
lítil vél og 3 bensínvélar með
rafstýrðri inngjöf og forþjöppu.
Þessu fylgja margskonar aðrir
hlutir úr aflrás og stjórnbúnaði
bifreiða.
Einnig öll sérverkfæri sem þörf
er á við viðgerðir og kennslu á
þennan búnað.
Fylgja ítarlegar viðgerðarbækur
og veggspjöld. Allur þessi búnaður
er af nýjustu og fullkomnustu gerð.
Með tilkomu þessara tækja verð-
ur kennsla í bifvélavirkjun mun
markvissari.
Þetta er þriðja stórgjöfin sem
skólanum hefur borist frá atvinnu-
fyrirtækjum á þessu ári.
Norræn menningarkynning í Þýskalandi:
Viðamikil sér
íslensk kynning
Undirbúningur hefur staöið í tæp 3 ár
sýning kemur þangað eftir að hafa
verið sýnd bæði í Bandaríkjunum og
Bretlandi, og frá Diisseldorf fer
sýningin til Parísar.
Þeir íslendingar sem taka þátt í
menningarhátíðinni eru Helgi Gísla-
son sem sýnir bronsmyndir og teikn-
ingar, Vilhjálmur Bergsson sem sýn-
ir málverk, Eiður Gunnarsson held-
ur ljóðatónleika, Atli Heimir Sveins-
son heldur tónlistarnámskeið og
Steinunn Sigurðardóttir rithöfundur
les úr verkum sínum. Hörður
Áskelsson hefur þegar haldið orgel-
tónleika.
Auk þessa verða haldnir nokkrir
fyrirlestrar um ísland og íslenska
menningu, og íslandshefti bók-
menntatímaritsins Die Hören verð-
ur kynnt.
Gefin hefur verið út ítarleg
dagskrá í tilefni menningarkynning-
arinnar auk veglegs veggspjalds.
Undirbúningur kynningarinnar, sem
staðið hefur á þriðja ár, hefur verið
í höndum ræðismanns Islands í
Dtisseldorf, Ernst O. Hesse, og
Hauks Ólafssonar sendiráðsritara í
Bonn.
íslendingar taka nú þátt í menn-
ingarkynningu í Dússeldorf í Þýska-
landi sem norrænu sendiráðin í Bonn
og borgaryfirvöldin í Dússeldorf
standa fyrir.
Auk nokkurra samnorrænna sýn-
inga mun hvert Norðurlandanna fyr-
ir sig standa að ýmsum sérsýningum
og öðrum menningarlegum viðburð-
um. Stærsta samsýningin verður
myndlistarsýningin „Im Lichte des
Nordens" sem verður opnuð við
hátíðlega athöfn 26. október í
Kunstmuseum í Dússeldorf. Þessi
Útför Benedikts Sigurjónssonar
fyrrverandi hæstaréttardómara fór
frani í gær frá Dóinkirkjunni í
Reykjavík kl. 13.30. Benedikt
starfaði lengst af við lögfræðistörf
og ritaði nokkuð uin lögfræðilcg
efni auk þess sem hann sinnti
ýmsum trúnaðarstörfum, svo sem
samningu lagafrumvarpa og um
skeið var hann formaður Tölvu-
nefndar. Tímaraynd: Sverrir
Offramleiösla á mjólk liðin tíð?
Gosmjólk á
markaðinn
I Bandaríkjunum gera menn sér
vonir um að auka megi sölu á mjólk
til muna, með því að klæða náttúru-
afurðina dularklæðum og setja hana
í gervi gosdrykks.
Hefur fyrirtækið United Dairy
Industries Assosiation lagt í miklar
rannsóknir á því hvernig megi kols-
ýra mjólk og gera þeir sér vonir um
að gosmjólkin, eða freyðimjólkin
eftir því hvaða nafni menn vilja
nefna vöruna, verði komin í búðir út
um allan heim seinni hluta næsta árs.
Hafa framleiðendur og söluaðilar
mjólkur í Japan, Bandaríkjunum,
Kanada og fjórum löndum Evrópu
sýnt málinu áhuga.
íhuga menn jafnvel tilbrigði gos-
mjólkurinnar sem verði áfeng.
Sjá framleiðendur ekki nema gott
eitt við þessa nýjung. Næringargildi
mjólkurinnar á að haldast óbreytt,
auk þess sem loftbólurnar í gos-
mjólkinni munu firra neytendur
mjólkurskeggi á efri vör og slím-
kenndri himnu í munni. Þá er því
haldið fram að mörgum ,bæði ung-
um sem öldnum þyki óbragð af
mjólk , svona eins og hún kemur
fyrir úr skepnunni, en aftur kemur
kolsýran til hjálpar og eyðir mjólkur-
bragðinu að mestu. Síðan verður
bragðefnum af öllum gerðum bland-
að út til þess að gera blessaða
mjólkina enn meira aðlaðandi.
Þar sem neytendur kaupa gos-
drykki eftir öðru munstri en þeir
kaupa mjólkurvörur, er talið nauð-
synlegt að lengja endingartíma
gosmjólkurinnar í búðum og því
mun gosmjólkin verða G-mjólk.
Vandi bænda á íslandi mun því
hugsanlega leysast ef Mjólkursam-
salan fer að selja kolsýrða G-mjólk
með kókosbragði og ekki mun spilla
fyrir ef hún verður svona 5-6% að
áfengismagni. Því varla fer landinn
að fúlsa við slíkum trakteringum!
Þýtt úr Newsweek -phh
Framsóknarkonur:
Afneita
Lífsstíl
„Að gefnu tilefni vill stjórn
Landssambands framsóknar-
kvenna taka fram að annað tölu-
blað fyrsti árgangur af blaðinu
Nýr Lífsstíll er ekki gefið út af
Landssambandi framsóknar-
kvenna, þó samtakanna sé getið
í blaðhaus, sem vafalítið á sér
einhverjar eðlilegar skýringar.
Stjórnin óskar öllum kvenfram-
bjóðendum á Suðurlandi góðs
gengis í skoðanakönnuninni á
morgun.“
Undir þessa ályktun rita þær:
Guðrún Jóhannsdóttir, Inga Þyrí
Kjartansdóttir, Drífa Sigfúsdótt-
ir, Ragnheiður Sveinbjörnsdottir
og Þrúður Helgadóttir.