Tíminn - 23.11.1986, Blaðsíða 6
6 Tíminn
Sunnudagur 23. nóvember 1986
Stórtónleikar
í dag, sunnudag klukkan 14.00, og á
þriðjudagskvöld klukkan 20.30 munu 15
söngnemendur og 50 manna sinfóníuhljómsveit
nemenda Nýja tónlistarskólans og Tónlistarskólans
í Reykjavík halda tónleika í sal Hvassaleitisskóla við
Stóragerði. Flutt verða atriði úr fjórum óperum,
Cosi fan tutte og Entfúhrung aus dem Serail eftir
meistara Mozart og II Trovatore og Rigoletto eftir
Verdi.
Stjórnandi hljómsveitarinnar, Ragnar Björnsson,
skólastjóri Nýja tónlistarskólans, segir meðal
annars í stuttu viðtali við Helgar-Tímann, að í þessu
sameiginlega verkefni tónlistarskólanna taki án efa
þátt nokkuð af tónlistarfólki framtíðarinnar.
Aðgangseyrir er greiddur við innganginn, krónur
200, en 100 fyrir nemendur.
Söngvararnir eru langt komnir nemendur í tónlistarskólunum og eru þessir tónleikar kærkomið
tækifæri fyrir þá að spreyta sig á óperuverkefnum, en þess konar vettvang vantar nær algjörlega.
nemenda
50 nemenda sinfóníuhljómsveit og 15
söngvarar flytja þekkt verk eftir Mozart og Verdi
Ragnar Björnsson, stjórnandi hljómsveitarinnar.
Hljómsveitin er skipuð 50 nemendum frá Nýja tónlistarskólanum og Tónlistarskólanum í
Reykjavík.
nr
I ALSVERÐ umræöa hef-
B Lir verið undanfarið um
óperuflutning á íslandi og hefur
tvinnast inn í hana skoðanaá-
greiningur um tónlistarhúsið
sem byggja á í Reykjavík. Og
það er satt að aldrei hefur beðið
blómstrað svo sem nú og óperu-
áhugamenn eiga um nokkuð
auðugan garð að gresja eins og
komið er.
En betur má ef duga skal. Og
vonandi vegur þungt sú framtíð-
arstefna sem mörkuð var á nýaf-
stöðnu þingi um málefni óperunn-
ar á ísíandi.
Áhuginn er mikill og ekki nóg
með að rekinn sé sérstakur söng-
skóli, heldur hafa tónlistarskólar
stofnað söngdeildir og ráðið til
sín söngkennara. Slíkar deildir
eru m.a. í Nýja tónlistarskólan-
um og Tónlistarskólanum í
Reykjavík, en skólarnir hafa að
undanförnu undirbúið mikla óp-
erutónleika sem í taka þátt að-
eins nemendur skólanna, utan
stjórnanda hljómsveitarinnar
sem er Ragnar Björnsson, skóla-
stjóri.
„Þegar við hófum æfingar vissi
ég satt að segja ekki á hverju ég
mátti eiga von,“ segir Ragnar
um hvernig honum var innan-
brjósts þegar hann fyrsta sinni
stóð frammi fyrir því verkefni að
æfa upp og stjórna 50 nemenda
sinfóníuhljómsveit úr báðum
skólunum. „Nemendurnir eru
að vísu flestir komnir mjög langt
í sínu námi og það kom fljótt í
ljós að áhyggjur mínar voru
óþarfar. Það hefur verið sérstak-
lega skemmtilegt að vinna með
hljómsveitinni og ég er mjög
ánægður með hana. Eg hef trú á
að hún standist fyllilega þær
kröfur sem hægt er að gera til
hennar. Á köflum spilar hún
ótrúlega fallega! “
Ragnar Björnsson tók einnig
fram að það væri talsvert frá-
brugðið fyrir hljómsveit að leika
undir óperusöng en að fást við
t.d. sinfóníur, en það sætir
undrum hve rétt þau fylgja nót-
um noti maður akademískt
taktslag," bætir stjórnandinn
við.
Söngnemendurnir eru einnig
komnir töluvert langt á leið, þó
að rangt sé að beita einhverri
mælistiku á stigu söngvarans.
Leið hans verður ekki mæld í
metrum. „Söngvararnir eru vit-
anlega ekki fullþroskaðir lista-
menn ennþá og þar sem fáar óp-
erur eru skrifaðar beinlínis fyrir
nemendur spreytum við okkur á
þeim verkefnum sem nemend-
urnir koma jafnvel til með að
höndla seinna á þeirra starfs-
ferli.
Vafalaust munu koma saman
á þessum tónleikum nokkrir
framtíðarsöngvarar okkar ís-
lendinga. Þeir eiga eftir að koma
áheyrendum sínum á óvart!“
Flutt verða þekkt verk eftir
Wolfgang Amadeus Mozart og
Giuseppe Verdi. í sumum hlut-
verkum er tvísett og þess vegna
eru tónleikarnir tvennir.
Ekki hafa áður verið slíkir
tónleikar á þessu landi, þar sem
söngvarar og hljómsveitin öll
eru nemendur og þeir eru því
forvitnileg tilraun.
„Vissulega er þetta gert í til-
raunaskyni! Það þarf að vera til
vettvangur, bæði fyrir hjóð-
færanemendur og söngvara til að
æfa sig og kynnast þeim verkefn-
um á raunhæfan hátt sem þau
eiga eftir að takast á við í fram-
tíðinni.
Þeir sem að þessu standa
binda vonir við að þetta verkefni
verði upphafið að öðru og
meira. Þeir ganga með þann draum
að þessir sameiginlegu óperu-
tónleikar tónlistarskólanna
verði kveikjan að víðtækara
samstarfi, að það nái til fleiri
skóla, og geti orðið fastur vett-
vangur ungra og efnilegra tón-
listarmanna til æfinga og til að
kynnast starfsvettvangnum áður
en sjálf alvaran tekur við.“ þj