Tíminn - 13.08.1987, Blaðsíða 3

Fimmtudagur 13. ágúst 1987
'Tíminn ‘ 3
Hei mil ish jálpin þýtur
um á Bæjarleiðabílum
Það hefur vakið nokkra athygli
að í Kópavogi eru starfsstúlkur
heimilishjálparinnar nú farnar að
bera sig á milli á gljáfægðum leigu-
bifreiðum. Við fyrstu sýn virðist
sem hér sé óbreytt eitthvert óhóf
og flottræfilsháttur að ná tökum á
bæjarstarfsmönnum.
Þegar Tíminn kannaði mál þetta
kom þó í ljós að hér ber fyrir augun
afrakstur af stórkostlegu átaki
bæjarstjórnarinnar til að lækka
kostnað við ferðir starfsmanna í
vinnutíma. Þann 1. júlí s.l. var
tekin sú ákvörðun að leggja niður
allt sem heitið hefur grpiðsla fyrir
afnot af einkabifreiðum. Orðið
akstursstyrkur er nt.ö.o. ekki leng-
ur til í bókum og tali bæjarstarfs-
manna.
Ástæðunnar er fyrst að leita í því
að á fyrri hluta þessa árs leit út fyrir
að greiðslur bæjarins fyrir bíla-
afnot yrðu töluvert á sjöundu millj-
ón króna í ár. Þetta kom fram er
Tíminn ræddi við Kristján Guð-
mundsson bæjarstjóra um málið.
Sagði hann jafnframt að alls hefðu
verið 113 starfsmenn sem lögðu
fram eigin bifreiðar í starfi.
Sagði Kristján að nú væri búið
að semja við Bæjarleiðir um akstur
á starfsmönnum eftir pöntunum og
einnig væri búið að kaupa inn nýjar
bifreiðar til bæjarins. Alls væru
núna sjö bifreiðar til sem einstakl-
ingar nota í starfi. Fimm nýjar
hefðu verið keyptar fyrir 1. júlí s.l.
og tvær þeirra eru nú til nota fyrir
heimilishjálpina, svo dæmi sé
tekið. Þá væri það í hendi deildar-
stjóranna að ákveða hversu mikið
væri greitt með kílómetragjaldi en
það væri síðasta reglan. Það væri
matsatriði og færi einnig eftir því
hvernig stendur á með bifreiðar
bæjarins og hagræðingu af leigu-
bílanotkun.
Þessar breytingar hafa verið í
undirbúningi síðan í vetur og hafa
starfsmenn og deildir haft góðan
tíma til að laga sig að þessu nýja
kerfi.
Sparnaðurinn sem af þessu á að
verða er áætlaður um ein milljón
frá því sem kostnaðurinn virtist
ætla að stefna í. Með þessum
aðgerðum taldi Kristján að koma
mætti í veg fyrir að útgjöldin vegna
aksturs starfsmanna í starfi færu
fram úr fjárhagsáætlun bæjarins.
Vildi hann einnig koma því á
framfæri að aldrei hefði verið litið
á greiðslur fyrir afnot af bifreiðum
starfsmanna eða einkasímum
þeirra sem hluta af launagreiðslum
eða hlunnindum. í Kópavogi hafi
það viöhorf alltaf verið ofan á að
líta á þetta sem greiðslur fyrir
útlagðan og óumflýjanlegan kostn-
að starfsmanna. Þess vegna hefur
þessi útgjaldaliður ekki undið eins
mikið upp á sig og ætlað var.
Kvaðst hann hræddur um að víða
hafi bæjarfélög fallið í þá gryfju og
stæðu því frammi fyrir óheyrileg-
um gjöldum vegna þessa. „Þessar
greiðslur eiga eftir að taka veruleg-
um stakkaskiptum þegar líða tekur
á árið vegna nýrra ákvæða í skatta-
lögum," sagði Kristján Guðmunds-
son að lokum.
KB
Hetja
komin
heim
Hetjan komin heim! Jóhann Hjart-
arson og aðstoðarmaður hans, Elvar
Guðmundsson fengu höfðinglegar
móttökur í Flugstöðinni hans Leifs í
gær, þegar þeir komu frá Ungverja-
landi, þar sem Jóhann vann fræki-
legan sigur á millisvæðamótinu í
Szirák. Blómvendir frá Skáksam-
bandi íslands og Taflfélagi Reykja-
víkur, ásamt ótölulegum aragrúa
kossa. Lengst t.v. er Þráinn Guð-
mundsson, formaður Skáksam-
bandsins, þá Bjarnveig Eiríksdóttir,
sambýliskona Elvars, þá sambýlis-
kona Jóhanns, Jónína Yngvadóttir
og loks sigurvegarinn, Jóhann Hjart-
arSOll. Tímamynd: Pjetur
Borgara-
flokkur
heldur
landsfund
Borgaraflokkurinn mun halda
Iandsfund í Reykjavík dagana
24.-26. september. Borgara-
flokkurinn hefur að undanförnu
verið að stofna kjördæmafélög í
hinum ýmsu kjördæmum og
þannig að festa sig í sessi sem
stjórnmálaflokkur með skipulag.
Þegar hafa verið stofnuð kjör-
dæmafélög í Reykjavík og
Reykjanesi, Norðurlandskjör-
dæmum og nú síðast í Vestur-
landskjördæmi.
Á landsfundinum í lok sept-
ember verður m.a. kosinn for-
maður flokksins.
Orðrómur um að Geir Gunnarsson víki úr þingsæti fyrir Ólafi Ragnari Grímssyni:
„Ég kem af fjöllum"
- segir Geir Gunnarsson
„Ég kem af fjöllum. Ég veit ekkert
um þetta. Þú skalt tala við aðra um
þetta sem vita betur en ég,“ sagði
Geir Gunnarsson alþingismaður
þegar hann var spurður út í orðróm
um að hann hætti þingmennsku og
Ólafur Ragnar Grímsson taki sæti
hans ef sá síðarnefndi næði kjöri sem
formaður Alþýðubandalagsins í
haust. „Ég var spurður um það ein-
hverntímann af blaði í Grindavík
fyrir kosningarnar hvort það væri
samið um það að ég hætti á þingi. Ég
lýsti því yfir að um það væri ekkert
talað og ekkert um það samið. Það
hefur ekkert breyst með það.“
Þrálátur orðrómur er nú á kreiki
um að Ólafur Ragnar Grímsson
stefni á formannssæti Alþýðubanda-
lagsins og hafi til þess nokkuð sterk-
an stuðning. Hins vegar er það talið
veikleikamerki að formaðurinn sé
utan Alþingis. Samkvæmt þessu er
ætlunin að Geir Gunnarsson víki úr
þingstól sínum og hverfi til annarra
starfa, en Ólafur Ragnar Grímsson
taki við þingmennskunni og styrkist
þannig sem formannsefni fyrir for-
mannsslaginn í haust.
Nú hefur Geir Gunnarsson þver-
tekið fyrir að hann muni ganga úr
þingsæti fyrir Ólaf Ragnar. í viðtali
við Tímann sagðist Svavar Gestsson
formaður Alþýðubandalagsins ekki
kannast við að þetta mál hefði form-
lega verið rætt í stofnunum
flokksins. Ekki náðist í Ólaf Ragnar
Grímsson til að bera undir hann
þennan orðróm.
Umtalsverðar hræringar eru nú
innan Alþýðubandalagsins fyrir upp-
gjörið sem boðað hefur verið í haust.
Þráinn Bertelsson ritstjóri Þióðvilj-
ans hefur sagt upp störfum. I viðtali
við DV í gær segir hann það m.a. að
uppsögn sín komi í framhaldi af
skýrslu Svavars Gestssonar fyrr f
sumar um ástandið í Alþýðubanda-
laginu. Þar talaði formaðurinn um
að þeir sem markaðir væru í innan-
flokksátökum ættu að víkja úr þeim
trúnaðarstörfum sem þeir nú gegna.
Ekkert hefur verið gefið upp um
hugsanlega eftirmann Þráins ef ein-
hver verður.
-HM/BG