Tíminn - 18.12.1987, Blaðsíða 10

10 Tíminn
Föstudagur 18. desember 1987
llllllllllllllilllll ÍÞRÓTTIR
Karpov sigraði í 23. skák heimsmeistaraeinvígisins í gær:
Þeir eiga víst örugglcga mikið eftir að spá og spekúlera yfir taflborðinu í dag þeir Karpov og Kasparov áður en ljóst
vcrður hvor þeirra verður heimsmeistari í skák 1987. Kasparov verður að sigra í síðustu skákinni í dag til að halda
hcimsmeistaratitlinum.
Opið bréf til íþróttasíðu Tímans
Vegna greinar sem birtist á íþrótta-
síðu Tímans þann 3. desember um að
Grótta og FH yrðu rekin úr keppni í 2.
fl. kvenna viljum við í handknattleiks-
ráði ÍBV að eftirfarandi komi fram.
í fyrsta lagi að það komi skýrt fram
að yngri flokkatúrneringu hefur aldrei
verið frestað hér i Eyjum vegna veðurs
eða að Flugleiðir geti ekki flogið. Aftur
á móti er það gert í meistaraflokki
karla og kvenna.
Grótta og FH höfðu alla sömu mögu-
leika að komast hingað eins og hin
Uðin. Víkingur og Stjarnan komu með
Herjólfi sem fór kl. 12.30 á föstudaginn
27.11. frá Þorlákshöfn. Þá var þjálfari
Stjörnunnar búinn að fylgjast með
flugi um morguninn. Það var ófært. Þá
athugaði hann hjá Leiguflugi Sverris
Þórodds sem sagði honum að ekki væri
útlit fyrir flug. Þá var ekkert annað að
gera en að taka Herjólf. Flugleiðir
aflýstu flugi um kl. 17.00 en eftir það
flaug Sverrir Þórodds sjö ferðir til Eyja
og með honum kom Breiðablik.
Mótið hófst kl. 19.00 og hvorki FH né
Grótta höfðu samband við okkur sem
mótshaldara, þau áttu að keppa inn-
byrðis kl. 20.00.
Á laugardagsmorgninum flaug
Sverrir Þórodds kl. 11.00, þrjár ferðir
og Flugleiðir flugu um hádegi. Þetta
vissum við og héldum tímaplani á
mótinu til kl. 13.00 og reiknuðum ailtaf
með að liðin birtust. Þegar ekkert sást
né heyrðist til þeirra um hádegi höfð-
um við samband við Flugleiðir. Þá voru
Uðin búin að afpanta hjá þeim og
ekkert haft samband við mótshaldara.
Teljum við þetta vanvirðu við okkur
og liðin sem mættu ofan af landi og
síðast en ekki síst við handknattleiks-
íþróttina sjálfa.
Víkingur, Stjarnan og Breiðablik
þurfa að greiða heilmikinn ferðakostn-
að og fá svo ekkert út út þessu nema
3 leiki á lið.
ÍBV 2. fl. kvenna þurfti að fara í
forkeppnina til Hafnarfjarðar til að
keppa tvo leiki (við vissum ekki annað).
Það var farið á laugardagsmorgni með
Herjólfi í brjáluðu veðri, bílaleigubíll
beið í Þorlákshöfn til að við næðum á
róttum tíma til Hafnarfjarðar. Þegar
þangað kom var lið Þróttar búið að
draga sig úr keppni og við spiluðum
aðeins einn leik. Við vorum heppnar að
komast heim sama dag með Flugleið-
um. Þetta var kostnaður upp á 30.000
kr. til að spila einn leik.
Ef það verður ekkert gert til að refsa
FH og Gróttu þá getum við hugsað
okkur sem svo að við mætum ekki t.d.
í forkeppni eða í eina túmeringu — þvi
það skiptir ekki máli hvort við verðum
í 1., 2., eða 3. deild - því þetta er svo
mikill kostnaður.
Og okkur finnst líka leiðinlegt að
fara með Herjólfi. Það hlýtur að vera
krafa okkar að það verði tekið hart á
þessu máli.
Virðingarfyllst.
Ólöf A. Eliasdóttir.
Ekki hefur enn verið tekin ákvörðun
um það hvort eða hvemig beri að refsa
FH og Gróttu og reyndar fleiri liðum í
öðmm flokkum sem lent hafa í svipuð-
um málum. Refsingin yrði væntanlega
færsla niður um deild (liðin geta unnið
sig beint upp aftur) eða brottrekstur úr
keppni.
Forráðamenn Gróttu og FH telja
liðin ekki hafa komist til leiks vegna
samgönguörðugleika. -HÁ
Spennan
verður í
hámarki
í síðustu
skákinni
Möguleikar Anatoly Karpovs á að
endurheimta heinismeistaratignina í
skák eru miklir eftir að hann sigraði
í 23. einvígisskákinni ■ Sevilla á
Spáni í gær. Garry Kasparov, núver-
andi heimsmeistari, þarf að sigra í
síðustu skákinni sem hefst í dag til
að halda heimsmeistaratitlinum og
verður því að telja möguleika Karp-
ovs á titlinum mun meiri. Anatoly
Karpov var heimsmeistari í skák
árið 1985 og í heilan áratug þar á
undan.
Næst síðasta einvígisskákin, sú
23. í röðinni, fór í bið í fyrrakvöld
og voru menn þá ekki á eitt sáttir um
stöðuna en flestir þó á að Karpov
væri nær sigri. Karpov virtist létta
þegar hann sá biðleik Kasparovs í
gær en síðan sökktu meistararnir sér
niður í skákina. Undir lokin lék
Kasparov leik sem gerbreytti skák-
inni og Karpov stóð uppi sem sigur-
vegari.
Kasparov nýtur góðs af því að
stjórna hvítu mönnunum í dag en
óvíst er að það dugi honum til sigurs.
Engum hefur a.m.k. tekist hingað til
að sigrar í 24. skákinni þegar ekkert
annað dugði til sigurs í heimsmeist-
araeinvígi. Skáksérfræðingar telja
möguleika heimsmeistarans líka
heldur rýra; „Nákvæmlega núll“
sagði enski stórmeistarinn Raymond
Keene en sovéski stórmeistarinn
Eduard Gufeld var hógværari og
benti á að Karpov hefði í raun verið
í sömu stöðu fyrir 23. skákina og
Kasparov verður í dag.
- HÁ/Reuter
• SÍMI 96-21400 • AKUREYRI
SMJÖRLÍKISGERÐ

HANDKNATTLEIKSLANDSUD Suð-
ur-Kóreu verður á æfíngu í Laug-
ardalshöllinni í dag kl. 15.00-
17.00. Verður æfingin opin þeim
þjálfurum sem áhuga hafa á að
fylgjast með.
TÍMARIT UM FRJÁLSAR nefnist
blað sem Frjálsíþróttasamband
íslands (FRÍ) hefur nýverið geFið
út. Er þetta fyrsta tölublað tíma-
ritsins sem er 32 síður að stærð
með viðtölum, fréttum af mótum,
þjálfunargreinum og fleiru auk
þess að vera málgagn Frjáls-
íþróttasambandsins. FRÍ hefur
áður gefið út blaðið Tæknimál
þar sem fjallað hefur verið um
atriði er snúa að þjálfun. Nú
hefur þetta rit verið sameinað
Tímariti um frjálsar.
Blaðið verður selt í áskrift og
kemur út 6 sinnum á ári. Tekið er
við áskriftarbeiðnum á skrifstofu
FRÍ.
H0LLENDINGAR hafa tryggt sér
sæti í úrslitum Evrópukeppninn-
ar í knattspyrnu með glæsibrag,
þeir unnu Grikki í fyrrakvöld 3-0
í síðasta leik 5. riðils og hlutu 14
stig af 16 mögulegum í riðlinum.
Hollendingar kepptu sem kunn-
ugt er við Kýpur fyrir skömmu óg
unnu stórsigur. Leikurinn var
dæmdur þeim tapaður í kjölfar
atviks er áhorfandi henti reyk-
sprengju sem hann hafði falið í
appelsínu inn á völlinn og í mar-
kvörð Kýpur. Dómnum var síðar
breytt og liðin látin leika aftur.
Holland sigraði í þeim leik.
ÚTHERJINN TIM BR0WN leikmaður
Notre Dame Háskóla vann
Heisman verðlaunin í ár en þau
verðlaun eru veitt þeim leik-
manni bandarísku háskólalið-
anna í ameríska fótboltanum sem
þykir skara framúr, með öðrum
orðum fótboltamaður ársins inn-
an háskólaliðanna. Brown er
fyrsti útherjinn sem hlýtur þessi
verðlaun frá árinu 1949 en verð-
launin voru fyrst veitt árið 1935.
RENAT DASSAYEV markvörður
sovéska knattspyrnulandsliðsins
og reyndar talinn einn sá besti í
heimi, hefur hug á að leika með
erlendu knattspyrnuliði eftir EM
í V-Þýskalandi á næsta ári. Dass-
ayev sem er þrítugur og leikur
með Spartak Moskvu er með
Ítalíu, Frakkland eða England í
sigtinu en V-Þýskaland kæmi
einnig til greina. Sovéskum leik-
mönnum 28 ára og eldri verður á
næsta ári leyft að spila með
erlendum félagsliðum.
KEYPTI S0N SINN! Keith Peacock
framkvæmdastjóri 3. deildarliðs-
ins Gillingham á Englandi borg-
aði á dögunum sem svarar 2,8
milljónum íslenskra króna fyrir
Gavin Peacock, leikmann QPR.
Gavin hafði verið í láni hjá sínu
fyrra liði, Gillingham fyrr í haust,
en hefur leikið 5 leiki með QPR.
Kaupin vöktu mikla athygli þar
sem Gavin Peacock er sonur
framkvæmdastjórans.
EUR0SP0RTS, sjónvarpsstöð sem
eingöngu sjónvarpar íþróttaefni,
er á döfinni. Hún verður rekin á
vegum Evrópusambands sjón-
varpsstöðva og stóru bresku sjón-
varpsfyrirtæki, „News Internat-
ional“. Efni stöðvarinnar verður
sent gegnum gervihnött sem gæti
þýtt að hún sæist á íslandi. f
bígerð er að sendingar hefjist
einhvertímann á næsta ári.
a1 Ta
▼4^ NBA
Úrslit leikja í bandaríska at-
vinnumannakörfuboltanum á
miðvikudagskvöld (heimalið á
undan);
Boston-Utah ............... 121-111
Philadelphia-San Antonio . . . 114-102
Denver-Houston............. 132-113
New Jersey-Dallas.......... 105-109
(í framlengdum leik).