Tíminn - 10.03.1989, Blaðsíða 3

Tíminn 3
I ' " C/ J “
Föstudagur 10. mars 1989
Gert út um húsnæöismál á ríkisstjórnarfundi í dag, Jóhanna Sigurðardóttir hafnar málamiölun framsóknar:
„Tillagan er
óaðgengileg"
Tillögur Jóhönnu Sigurðardóttur félagsmálaráðherra, um
breytingar á húsnæðismálakerfinu, verða teknar fyrir á
ríkisstjórnarfundi í dag. Ljóst er að djúpstæður ágreiningur
ríkir á milli framsóknarmanna og Jóhönnu um húsbréfakerfi
það sem ráðherrann hefur lagt til að tekið verði upp í stað
núverandi kerfis. Þingflokkur framsóknarmanna lagði fram
málamiðlunartillögu í gær, sem Jóhanna hefur þegar hafnað.'
Ráðherrann hefur sagt að hún
muni segja af sér, hafi hún ekki sitt
fram, stendur hún við það? „Ég hef
alltaf staðið við það sem ég hef
sagt,“ var svar félagsmálaráðherra
við þeirri spurningu.
Málamiðlunartillaga framsókn-
armanna var á þá leið að húsbréfa-
kerfið yrði reynt til hliðar við núver-
andi húsnæðislánakerfi. Fjármögn-
un frá lífeyrissjóðunum yrði óbreytt,
en veitt yrði 500 milljónum í nýtt
húsbréfakerfi, sem yrði einungis
bundið við kaup á notuðu húsnæði.
Vextir af skuldabréfum yrðu fastir
og færu ekki upp fyrir þá vexti sem
eru á skuldabréfum ríkissjóðs. Tekið
skyldi til skoðunar hvort veita ætti
þeim sem öðlast hafa rétt á núver-
andi biðlista forgang til skuldabréfa-
skipta ef þeir óska. Annars verði
farið eftir tímaröð umsókna.
„Þetta er engin málamiðlun í mín-
um augum og ég skil ekki hvað
framsóknarmenn eru að fara með
þessu. Þessi skilyrði sem þarna eru
sett eru algerlega óaðgengileg,"
sagði Jóhanna Sigurðardóttir félags-
málaráðherra í samtali við Tímann í
gær. Ráðherrann bætti við að tillag-
an sem þarna væri fram sett þýddi
óbreytt húsnæðislánakerfi með
óbreyttri fjárþörf. Það gæti hún ekki
sætt sig yið og með þessum tillögum
væri húsbréfakerfið gert óvirkt.
Hvort ríkisstjórnin væri í hættu
vegna þessara ágreiningsefna, sagð-
ist Jóhanna ekki geta sagt til um.
Það hefur ítrekað komið fram í
fjölmiðlum að Jóhanna muni falla
og standa með frumvarpinu um
húsbréfakerfi. Hún vildi ekki svara
því beint hvort hún hefði í hyggju að
hóta afsögn á ríkisstjórnarfundinum
í dag, en sagðist ekki treysta sér
til að bera ábyrgð á þeirri vitleysu er
við nú byggjum við í húsnæðismál-
um. Núverandi fyrirkomulag hefði
haft skaðleg áhrif á bæði húsnæðis-
markaðinn og peningamarkaðinn.
„Mín afstaða í þessu máli hefur
komið fram,“ sagði Jóhanna, „og ég
hef alltaf staðið við það sem ég hef
sagt,“ ítrekaði Jóhanna. - ág

" 'xHHyShh
Mun Jóhanna Sigurðardóttir hóta afsögn sinni í dag? Hún segist ekki muni
bera ábyrgð á núverandi húsnæöiskerfi og hafi alltaf staðið við það sem hún
haH sagt.
Sigurvegari Ford-keppninnar
Lillí Karen Wdowiak sautján ára Reykvíkingur sem vann Ford- keppnina 1989 á miövikudaginn var. Hún varð
hlutskörpust í hópi tíu stúlkna sem kepptu til úrslita og hlýtur að launum starfssamning við Ford Models í New
York. Auk þess mun hún taka þátt í keppninni Supermodel of the World sem fram fer í Bandaríkjunum í Ágúst.
Norðurlands
Frá fréttaritara 1 ímans í Fljótuin, Krni Þórarins-
syni:
Skákþing Norðurlands, hið 54. í
röðinni var haldið á Skagaströnd í
síðustu viku.
Úrslit urðu þau að Þór Valtýsson
frá Akureyri sigraði í opna
flokknum, hlaut sex vinninga af sjö
mögulegum og hlaut því titilinn
skákmeistari Norðlendinga. f öðru
sæti varð Rúnar Sigurpálsson, Akur-
eyri, með fimm og hálfan vinning og
í þriðja sæti Ólafur Kristjánsson
einnig frá Akureyri með fimm vinn-
inga.
í unglingaflokki sigraði Þórleifur
Karlsson, Akureyri, með fimm og
hálfan vinning af sjö mögulegum.
Annar varð Örvar Arngrímsson,
Akureyri, með fimm vinninga og
þriðji Smári Teitsson, Akureyri,ein-
nig með fimm vinninga.
f kvennaflokki sigraði Arnfríður
Friðriksdóttir, Dalvík, með fimm og
hálfan vinning af sex mögulegum. í
öðru sæti varð Ásrún Árnadóttir,
Öxnadal, einnig með fimm og hálfan
vinning og í þriðja sæti varð Þór-
björg Þórsdóttir, Akureyri, með
fjóra vinninga. í barnaflokki sigraði
Guðmundur Guðmundsson,
Hvammstanga, með sex og hálfan
vinning af sjö mögulegum. Annar
varð Páll Þórsson, Akureyri, incð
sex vinninga og þriöji Magnús Eð-
valdsson, Hvammstanga, sem hlaut
fimm vinninga.
Hraðskákmeistari Norðurlands
varð Ólafur Kistjánsson frá Akur-
eyri. Hann hlaut sextán vinninga af
átján mögulegum.
Mótið var liður í hátíðahöldum
vegna fimmtíu ára afmælis Höfða-
hrepps á þessu ári. Keppendur voru
83, teflt var í félagsheimilinu Fells-
borg og Grunnskólanum á Skaga-
strönd. Skákstjórar voru Albert Sig-
urðsson, Baldur Daníelsson og
Steingrímur Steinþórsson.
Þess má að lokum geta að útgerð-
arfyrirtækið Hólanes styrkti móts-
haldara með myndarlegu fjárfram-
lagi.
Kynning á starf i Iðntæknistofnunar
Forsvarsmenn Iðntæknistofnunar
kynntu ráðherrum, þingmönnum og
fleirum starfsemi hennar í gær. Þetta
var fyrsti kynningarfundurinn af
fimm sem haldnir verða á næstunni.
„Kynningunni er ætlað að gera
fleiri meðvitaða um þá starfsemi
sem hér fer fram. Okkur hefur virst
nokkuð skorta á að til dæmis
þingmenn, ráðherrar og aðrir hafi
verið nógu meðvitaðir um það hvað
hér er gert,“ sagði Hallgrímur Jónas-
son framkvæmdastjóri í samtali við
Tímann.
í fyrra var Norrænt tækniár sem
fulltrúar frá Háskólanum, Alþýðu-
sambandinu, Félagi íslenskra iðn-
rekenda. Iðnaðarráðuneytinu. Iðn-
tæknistofnun, Rannsóknarráði,
Tæknifræðingafélaginu og Verk-
fræðingafélaginu stóðu að. Þá var
leitast við að efla þekkingu almenn-
ings á tækni og skilning á mikilvægi
hennar. Til dæmis höfðu 42 fyrirtæki
eða stofnanir „opið hús“ þar sem
starfsemin var kynnt og fór aðsókn
fram úr björtustu vonum manna.
Tækniárið var einnig kynnt í skólum,
fjöldi ráðstefna haldinn og margt
fleira.
En þarna er ekki ætlunin að láta
staðar numið. Kynningarfundurinn
í gær var sá fyrsti af fimm sem
haldnir verða hjá Iðntæknistofnun á
árinu. Á hverjum fundi verður reynt
að ná til ólíkra markhópa og fyrsti
hópurinn samanstóð að megninu til
af ráðherrum og öðrum starfsmönn-
um þingsins.
Markmið Iðntæknistofnunar er að
efla nýsköpun í íslensku atvinnulífi.
Við verkefnaval er lögð áhersla á
hagnýt rannsóknar- og þróunarverk-
efni sem hafa á undanförnum árum
orðið í auknum mæli tiltölulega
alþjóðleg. Starfsemi stofnunarinnar
er fjölþætt. Eitt af meginhlutverkum
hennar er að veita iðnfyrirtækjum
og iðnaðinum í heild faglega ráðgjöf
og þjónustu.
Staðlaráð íslands lýtur stjórn Iðn-
tæknistofnunar og sinnir skyldum
hennar varðandi stöðlun. Þar er
unnið að útgáfu íslenskra staðla,
stöðlunarstarf í landinu samræmt og
unnið að samningu staðla á af-
mörkuðum sviðum. Mikill hluti
vinnunnar við að koma á innri
markað Evrópubandalagsins er unn-
in hjá vestur-evrópsku staðlasam-
böndunum CEN og CENELEC sem
staðlaráð Islands cr aðili að.
Einnig fer fram umtalsvert
fræðslustarf á vegum Iðntæknistofn-
unar. Fræðsludeildinni er ætlað að
mæta þörfum fyrirtækja og starfs-
greina. Hún er aðili að mörgum
samvinnuverkefnum í kennslu á
vinnumarkaðinum auk þess að þróa
eigin námskeiö.
Önnur deild, matvælatæknideild,
leggur höfuðáherslu á rannsókna-
og þróunarstarf, auk alhliða sér-
fræðilegri tækniþjónustu. Eitt helsta
verkefnið núna cr framleiðsla fisk-
nasls með útsprautunarsuöu. Þetta
nasl er mun hollara en það hefð-
bundna og er framleiðslan á loka-
stigi.
Innan stofnunarinnar starfa enn
fleiri deildir og má þar nefna málm-,
trefja-, tré-, líftæknideild og fleiri,
sem allar gegna sérhæfðu hlutverki.
Á fundinum voru allar deildir
skoðaðar og kynntar. Meðal annars
var gestum sýnd rafeindasmásjá sem
stofnunin hefur tiltölulega nýlega
tekið í notkun. Smásjáin getur
stækkað sýni allt að 300 þúsund
sinnum. Sambærileg stækkun á eld-
spýtu myndi þýða að hún næði frá
miðbæ Reykjavíkur, yfir Hafnar-
fjörð og allt að álverinu í Straum-
svík. jkb