Tíminn - 17.05.1991, Blaðsíða 5
Föstudagur 17. maí 1991
Tíminn 5
Utandagskrárumræða í borgarstjórn um vandræðaganginn í sjálfstæðismönnum:
Valdabarátta og óeining
Á fundi borgarstjómar í gær fór fram utandagskrárumræða að beiðni
Sigrúnar Magnúsdóttur, borgarfulitrúa Framsóknarflokksins, um
ráðningu nýs borgarstjóra og vandræðaganginn í borgarstjómarflokki
sjálfstæðismanna vegna þess. Sigrún sagði í samtaU við Tímann í gær
að þetta mál væri ekkert einkamál Sjálfstæðisflokksins, það væri borg-
arstjóm sem réði borgarstjóra og því sjálfsagt að fram fari umræða
um það í borgarstjóm.
Sigurjón Pétursson lagði fram á
fundinum tillögu fyrir hönd
minnihlutans í borgarstjórn, sem
er svohljóðandi: „Nú, þegar kjör-
inn borgarstjóri í Reykjavík hefur
hætt störfum sem borgarstjóri og
tekið við embætti forsætisráðherra
landsins, er það skylda borgar-
stjóra að taka ákvörðun um það
hvernig verði ráðið í embætti borg-
arstjóra.
Eðlilegt hefði verið að fyrir þess-
um fundi lægi tillaga þess efnis.
Engin slík tillaga er á dagskrá.
Valdabaráttan og óeiningin innan
borgarstjórnarflokks sjálfstæðis-
manna er svo mikil að þeir geta
ekki komið sér saman um val á nýj-
um borgarstjóra. Það blasir við að
um margra vikna skeið mun for-
sætisráðherra landsins jafnframt
vera borgarstjóri í Reykjavík.
Borgarstjórn telur að þetta ástand
sé með öllu óeðlilegt og skorar á
borgarstjóra að biðjast þegar
lausnar frá embætti og samþykkir
að auglýsa starf borgarstjóra laust
til umsóknar."
í bókun, sem Sigrún Magnúsdótt-
ir lagði fram, segir að borgarmála-
ráð Framsóknarflokksins veki at-
hygli á þeirri algjöru sundrung og
óeiningu sem ríki í meirihluta
borgarstjórnar Reykjavíkur.
„Meirihlutinn, sem er svo marg-
klofinn að hann getur ekki komið
sér saman um oddvita fyrir hópinn
(borgarstjóra), er ekki traustvekj-
andi til að stýra borginni á farsæl-
an hátt.
Borgarbúar voru greinilega
blekktir í kosningunum í fyrravor,
þegar borgarstjóri lofaði að hann
yrði borgarstjóri út kjörtímabilið.
Hins vegar vöruðum við borgarbúa
við þessu þá, og óskuðum eftir að fá
nafn eftirmannsins. Það tókst auð-
vitað ekki, eins og nú kemur í ljós.
Sjálfstæðismönnum gengur afar
illa undanfarið að efna loforð sín
við fylgismenn og kjósendur.
Framsóknarflokkurinn býður
borgarritara velkominn í stól borg-
arstjóra og heitir honum góðri
samvinnu í erfiðri stöðu hans,“ seg-
ir að Iokum í bókun Sigrúnar
Magnúsdóttur —SE
f DAG og á morgun munu fé-
lagar í SAÁ um allt land selja
svokallaðan Álf í fjáröflunar-
skyni fyrir SÁÁ Tilgangurinn
með söfnuninni er að safna í
byggingarsjóð nýrrar meðferðar-
stöðvar SÁÁ, Víkur á Kjalamesi.
Áætlað er að hún taki til starfa í
nóvember nk. og leysi þá af
hólmi eftirmeðferðarstöðina að
Sogni í ölfusi.
Kaupfélag Fáskrúðsfirð-
inga á síðasta ári:
Saman-
lagður
hagnaður
70 milljónir
Hagnaður af rekstri Kaupfélags Fá-
skrúðsfirðinga varð 1,9 milljón á síð-
asta ári. Hagnaður Hraðfrystihúss
Fáskrúðsfjarðar, sem er dótturfyrir-
tæki kaupfélagsins, var 67,5 millj.
Samanlagður hagnaður er því tæpar
70 millj. Fjármunamyndun var
145,4 millj. Þetta kom fram á aðal-
fundi félagsins sem haldinn var síð-
astliðinn laugardag.
Samanlögð velta á síðasta ári var 1,2
milljarður og jókst hún um 30% milli
ára. Bókfært eigið fé fyrirtækjanna í
árslok var 521 millj. 271 millj. voru
greiddar í vinnulaun til þeirra 353
starfsmanna sem komust á launa-
skrá. Aðalfundurinn samþykkti til-
lögu stjómar að greiða 3 milljónir í
stofnsjóð félagsmanna.
Á síðasta ári keypti Kaupfélag Fá-
skrúðsfirðinga fyrirtækið Rósu hf. á
Hvammstanga, fyrir 145 millj. Hefur
það nú verið sameinað Hraðfrystihúsi
Fáskrúðsfjarðar hf. Með í kaupunum
fylgdi 68 tonna stálbátur, sem fer
fljótlega til rækjuveiða og frystir afl-
ann um borð.
Gunnar Jónasson, sem hefur verið í
stjóm kaupfélagsins í 21 ár, gaf ekki
kost á sér til áframhaldandi stjómar-
setu. Var Jens P. Jensson kjörinn í
hans stað. Stjómarformaður Kaupfé-
lags Fáskrúðsfirðinga er Bjöm Þor-
steinsson í Þemunesi og kaupfélags-
stjóriGíslj Jónatansson. -sbs.
Vaxandi áhugi á útflutningi íslenskrar heilbrigðisþjónustu:
Tekst landanum að selja
hveravatn, sjó og rok?
„Það er enginn einn aðili á íslandi
sem getur tekið af skarið. En allir
eru að bíða eftir því að einhverjir
aðrir geri eitthvað í málunum,"
sagði Ingjaldur Hannibalsson, fram-
kvæmdastjóri Útflutningsráðs. En
ráðið hefur að undanfömu unnið að
könnun á möguleikum til að nýta
þekkingu íslendinga á sviði heil-
brigðismála og forvamarstarfs til að
afla þjóðinni gjaldeyris með sölu til
útlendinga. Með útflutning að leið-
arljósi vom skoðaðir eftirtaldir
möguleikan Heilsuferðir til lands-
ins. Beinn útflutningur á verkefnum
og þróunarhjálp. Notkun íslenskra
sjúkrahúsa til aðgerða. Bygging
einkasjúkrahúsa.
Miðað við aðstæður hér á landi þyk-
ir fyrsti liðurinn líklegastur til árang-
urs, a.m.k. fyrsta kastið. Tálið er væn-
legast að hefja slíka útflutningsstarfs-
semi með „ferðaþjónustu með
heilsuívafi" fremur en „heilsuþjón-
ustu með ferðamannaívafi". Tölu-
verður áhugi hefur t.d. þegar skapast
á Bláa lóninu í tengslum við meðferð
húðsjúkdóma. Bláa Iónið er t.d. nú
þegar orðið að miðpunkti heilsuferða
hingað til lands. Gert er ráð fyrir að
uppbygging við lónið gæti skilað
góðum árangri.
íslenska
heilsufélagið hf.
Hópur, sem trú hefúr á því að mark-
aður sé fyrir gjaldeyrisskapandi heil-
brigðisþjónustu á íslandi, hefur nú
stofnað íslenska heilsufélagið hf.
Helstu hluthafar eru hlutafélögin
Máttur, Sjóvá/Almennar og Vífilfell
ásamt nokkrum einstaklingum.
Að sögn Gríms Sæmundsen læknis
getur félagið gert framtíðarathugun
á möguleikum gjaldeyrisskapandi
heilbrigðisþjónustu markvissari og
flýtt fyrir því að fá svör við spurning-
um um það hvort arðbær atvinnu-
rekstur á þessu sviði sé mögulegur
hér á landi. Sagði Grímur áhuga á
þessum málum hafa farið mjög vax-
andi hér á landi undanfarið ár.
Laugar og sjór gulls
ígildi þeim er kann
að selja...
í áfangaskýrslu Gunnars R. Birgis-
sonar markaðsstjóra kemur fram að
ísland er talið „gott hráefni" til frek-
ari uppbyggingar á þessu sviði. ís-
lensk heilbrigðisþjónusta er hins
vegar Iítt þekkt meðal erlendra aðila.
Þykir sýnt að þörf er verulegrar
kynningar og markaðsstarfs og síðan
fjárfestinga í mannvirkjum áður en
hægt verður að reikna með umtals-
verðum gjaldeyristekjum á þessu
sviði. Talsmenn Útflutningsráðs vara
þó mjög við því að fara „refa- /laxa-
leiðina", þ.e. að byrja með milljarða
fjárfestingum og fara síðan að kanna
markaðinn.
Af skýrslunni má raunar ráða að það
er kannski sölumennskan sem skipt-
ir einna mestu máli. Rakin eru dæmi
um það hvemig Þjóðverjar hafa
byggt upp heila bæi og milljarða
„heilsuferðamennsku" fyrst og
fremst út á sölu á laugarvatni, leir og
sjó, svo nokkuð sé nefnt.
í Þýskalandi er sögð rík hefð fyrir
heilsuferðum. Fara Þjóðverjar reglu-
bundið á heilsustaði sína á svonefnd-
an „kur“. Kostnaðurinn er oft að
stórum hluta, eða jafnvel nær öllu
leyti greiddur af sjúkrasamlagi eða
almannatryggingakerfi. Sem við er
að búast gera Þjóðverjar mjög miklar
kröfur til heilsustaðanna. Hafa heilu
bæjarfélögin verið löguð að kröfum
markaðarins. Að uppfylltum ákveðn-
um skilyrðum getur viðkomandi bær
bætt nafninu BAD við nafn sitt og um
leið fengið þá opinberu viðurkenn-
ingu sem opnar aðganginn að
greiðslu úr almannatryggingunum.
Milljarðamarkaður
kringum 3 borholur
Fyrir landann kann að vera fróðlegt
að kynnast dæmi um það hvemig
Þjóðverjum hefur á tveim áratugum
tekist að byggja upp heilsubæ sem
aflar milljarða marka tekna, í kring-
um nokkrar borholur innan bæjar-
markanna, sem reyndust með heitu
vatni. Þetta er heilsudvalarbærinn
Bad Griesbach, sem notið hefur mik-
illa vinsælda að undanfömu.
Það var 1972 sem athafnamaður á
svæðinu boraði og fann heitt vatn í
þrem borholum á 800 til 1.500 metra
dýpi. Fimm árum síðar reis fyrsta
heilsuhótelið og árið 1985 fékk bær-
inn fúlla viðurkenningu sem BAD.
Bæjaryfirvöld hafa m.a. fjárfest í
heilsumiðstöð (Kurmittelhaus), en
alls er fjárfesting á staðnum kominn í
um 35 milljarða ísl. króna.
Markaðssetning heilsubæjarins
byggir í fyrsta lagi á heitu vatni, sem
bæði er notað til baða og drykkjar, í
öðru lagi á hreinu sveitalofti og
óspjallaðri náttúm og í þriðja lagi
eru golfvellir í nágrenninu sem draga
að sér fjölda gesta. Alls 1.200 manns
vinna nú beint við heilsuferða-
mennskuna í bænum og um 2.000
aðrir óbeint. Um 6.500 gistirými eru í
bænum og fjöldi gistinátta kominn í
eina milljón á ári.
St. Peter Ording er annar heilsubær,
sem skýrsluhöfundar heimsóttu í
Þýskalandi, og stendur sá við Norð-
ursjó. Þar byggjast heilsuviðskiptin
„á fersku sjávarlofti, sjó, fjöru og sjáv-
arleir af botni Norðursjávar sem
blandaður er með brennisteini úr 80
metra djúpri borholu". HEI
Kosið í utanríkismálanefnd:
Eykon for-
maður
Kosið var í utanríkismálanefnd í
gær. í nefndinni eiga sæti: Eyjólfur
Konráð Jónsson, Björn Bjamason
og Geir H. Haarde frá Sjálfstæðis-
fiokki. Steingrímur Hermannsson
frá Framsóknarflokki. Ólafur
Ragnar Grímsson frá Alþýðubanda-
lagi. Karl Steinar Guðnason frá Al-
þýðuflokki og Krístín Einarsdóttir
frá Kvennalista. Varamenn eru:
Einar K. Guðflnnsson, Lára Margr-
ét Ragnarsdóttir, Vilhjálmur Egils-
son, Páll Pétursson, Hjörleifur
Guttormsson, Rannveig Guð-
mundsdóttir og Krístín Ástgeirs-
dóttir.
Formaður nefndarinnar verður
Eyjólfur Konráð Jónsson. Greidd
voru atkvæði milli hans og Björns
Bjarnasonar. Eyjólfur Konráð fékk
15 atkvæði, en Björn 11. Davíð
Oddsson hvatti samflokksmenn sína
eindregið til þess að kjósa Björn, en
það dugði ekki til. -EÓ
Landgræðsla
fyrir bjorfe
Fyrsta Qárframlag bandaríska græðslu í Þórsmöric. Á myndinni
bjórframleiöandans Anheuser- sést Charles E. Cobb, sendiherra
Busch af Qórum til landgræðslu á Bandaríkjanna á ísland), afhenda
fslandi var afhent í gær. Alls mun Sveini Runólfssyni landgræðslu-
framlagið nema um 9 milljónum stjóra fjármagnið. Hjá þeim stend-
króna, en þær tæpu tvær milljónir, ur Magnús Jónasson, umboðs-
sem afhentar voru í gær, munu maður Anheuser-Busch á íslandi.
renna til skógræktar og land- Tínumynd: Ami Bjam»/GS.