Tíminn - 25.04.1992, Blaðsíða 13
Laugardagur 25. apríl 1992
Tíminn 13
Það var pakki eins og þessi, sem Rob Coulthard varð uppvís að að
hafa undir höndum. Eiturmagnið í pakkanum er nægilegt til að drepa
2.500 manns.
Rannsóknin sýndi að Sandy hafði
verið gefið arsenik í smáskömmtum
frá því í desember 1987 og þar til
hún lést í júlí 1988.
Sjá mátti að þau tímabil, sem ar-
senikmagnið í hári hennar var mest,
voru í samræmi við veikindi hennar.
Það studdi þá kenningu að Rob hefði
gefið Sandy arsenik í lengri tíma.
Lögreglumennimir töldu að
ástæðan fyrir því að hann dró
dauðastríð hennar svo lengi væri sú
að hann hefði viljað láta líta út fyrir
að um eðlileg veikindi væri að ræða.
Tæknimenn FBI tóku einnig sýni
úr hári Robs til að útiloka að ein-
hver hefði verið að gera tilraun til að
fyrirkoma þeim hjónum báðum.
Ekki fannst vottur af arseniki í hári
hans.
Tryggingafélagið, sem tryggt
hafði Sandy, hafði nú haft nasaþef af
því, sem á seyði var, og hóf sína eig-
in rannsókn. Það stöðvaði þegar
greiðslur til Robs og gerði ráðstaf-
anir til að kæra hann fyrir trygg-
ingasvik.
Gæfa og gjörvileiki
Rob var sonur háskólakennara og
bókasafnsfræðings. Hann hafði
staðið sig mjög vel í skóla og stefndi
að því að verða læknir með tíman-
um. Hann lauk prófi í virtum fram-
haldsskóla þar sem hann stóð sig
einnig með ágætum og þar kynntist
hann Sandy.
Hann hóf nám í læknisfræði, en
hætti eftir fyrstu önnina og gaf þá
skýringu að þetta væri greinilega
ekki starf fyrir sig.
Rob og Sandy giftu sig og hann
hóf starfsframa sinn í húsgagnavið-
skiptum.
RÁÐNING A
KROSSGÁTU
En fljótlega fór að bera á því að
Rob vildi lifa hátt. Hann fór að halda
framhjá konu sinni og spilaði fjár-
hættuspil af krafti.
Hann veðjaði á allt sem hugsast
gat, og raupaði gjarnan af því hversu
mikið hann ynni. En lögreglan
komst að því að um það leyti, sem
kona hans lést, hafði hann tapað yfir
tíu þúsund dölum við þessa iðju
sína.
En þrátt fyrir allar þessar upplýs-
ingar vildi saksóknari ekki gefa
grænt ljós á handtöku og morð-
ákæru. En upplýsingamar söfnuð-
ust smám saman upp og urðu ná-
kvæmari.
Netið þrengist
Með því að rannsaka símareikn-
inga Robs aftur í tímann kom í ljós
að hann hafði hringt í upplýsinga-
miðstöð um eiturefni. Starfsmaður
þar mundi eftir símtalinu og skýrði
frá því að karlmaður hefði hringt og
spurst fyrir um áhrif arseniks og
hefði sérstaklega viljað vita hvort
það gæti eitrað í gegnum húðina,
sem það getur ekki. Greinilegt var
að hann vildi tryggja það að hann
væri sjálfur ekki í neinni hættu við
að myrða konu sína.
Rannsóknir leiddu einnig í Ijós að
síðasti og banvæni skammturinn
hafði verið gefinn Sandy á sjúkra-
húsinu. Lögreglan komst þó aldrei
að því á hvern hátt það hefði verið
framkvæmt.
Þann 19. september 1988 fóm
lögreglumennirnir með öll sín skjöl
og lögðu fyrir saksóknara og dóm-
ara. Þá loks fékkst úrskurður til að
handtaka og ákæra Rob Coulthard.
Réttarhöldin yfir honum voru
stutt. Hann átti yfir höfði sér að
verða dæmdur til dauða, en játaði
sig sekan um morð að yfirlögðu ráði
og slapp með lífstíðardóm.
Breyttar aðstæður
Maðurinn, sem áður þénaði stórfé
sem aðstoðarframkvæmdastjóri
stórfyrirtækis, sópar nú gólf í ríkis-
fangelsinu í Carolina. Lífsstíll hans
hefur breyst mikið frá því sem áður
var, er hann lifði hátt við kvennafar
og fjárhættuspil.
Hann hefur þó ekki gefið alla
gamla bresti upp á bátinn, því eitt
sinn komst upp um hann að hann
hafði hass undir höndum og spilaði
enn fjárhættuspil úr fangelsinu.
Refsingin var þrjátíu daga einangrun.
Rob Coulthard á kost á reynslu-
náðun árið 2005, það er að segja ef
hegðun hans verður góð og hann
getur stillt sig um að veðja.
Skokkaðu út í búð og kauptu ost.
Nægilegt kalk alla daga
og holl hreyfing hamlar gegn
beinþynningu.
Byggðu upp - borðaðu ost.